Arrestohet Albin Kurti

[beni33]

per sherr t albinit jon kon vra valla dy vet. duhet mu pergjegj dikush per ta. edhe kta t vendvendosjes po jan shum agresiv.

shuma gresiv mendon ti

[projekti21_dk]

E VËRTETA NUK DO DËSHMITARË

*Kur anadollakët mllefosen dhe nuk i kanë në dorë frerët e arsyes, zbrazen me dy të shara e tyre karakteristike: e para është “sikanani”dhe e dyta “horospi evladi”.

Nga Fadil Lushi

*... ta filloj me këto dy shprehje joshqipe, më shtyri ngjarja a ndodhia që bëri vaki para do kohësh në Prishtinë, kur me urdhër të ca derdimenëve evropianë, do rripa kaishi dhe do “burokratëve”, në mënyrën më spektakolare, në mënyrën më brutale dhe më primitive u burgos Albin Kurti, tok me ditëlindjen gjegjësisht me pesëvjetorin e Vetëvendosjes!
.................................................. .......................................

Kur anadollakët mllefosen dhe nuk i kanë në dorë frerët e arsyes, zbrazen me dy të shara e tyre karakteristike: e para është “sikanani”dhe e dyta “horospi evladi”. Ndonëse janë shprehje fare të ulëta e denigruese, ngandonjëherë, pasi i përdorin, anadollakëve sikur u bien nervat dhe u kthehen “binarëve të arsyes së tyre”. Për këtë e shkaqe të tjera dhe për respekt ndaj lexuesve të mi të vëmendshëm dhe të paanshëm, sidomos ndaj njerëzve që sadopak llafosin a komunikojnë në gjuhën turke, fillimisht u kërkoj ndjesë për fjalët e pahijshme që hetohen në këtë opinion dhe, për këtë, nuk do t’i përkthejmë nga osmanishtja në shqip.

Se ç’më ngacmoi që këtë shkrim gazete ta filloj me këto dy shprehje joshqipe, më shtyri ngjarja a ndodhia që bëri vaki para do kohësh në Prishtinë, kur me urdhër të ca derdimenëve evropianë, do rripa kaishi dhe do “burokratëve”, në mënyrën më spektakolare, në mënyrën më brutale dhe më primitive u burgos Albin Kurti, tok me ditëlindjen gjegjësisht me pesëvjetorin e Vetëvendosjes! U burgos njeriu që kundërshtoi vendimin idiotik dhe çnjerëzor të Gjykatës Kushtetuese të Kosovës, ndaj denigrimit dhe në instancë të fundit, zhvleftësimit të Stemës së Komunës së Ymer Prizrenit, të Lidhjes së Abdylit, të Kryefjalës sonë kombëtare!? U arrestua fjala e lirë, filozofia e politikëbërjes dhe, së fundi, u arrestua simboli dhe “simbolika e retorikës”. U ndalua Kampioni i politikës opozitare gjegjësisht Albin Kurti, koeficienti i kundërshtisë dhe të inatosurit politik i të cilit është goxha i lartë, u fut në burg Martin Luter Kingu dhe Leh Valensa kosovar. U arrestua Albini, gjegjësisht “skllavi i ndershëm i nderit” të lëvizjes së Vetëvendosjes! U arrestua dekurajuesi i dhunës së demonstratave të 10 shkurtit, ideali dhe fryma e shpresës së tij, pra e mbyllën njeriun i cili dikur nuk e njohu Gjykatën serbe, që edhe sot e kësaj dite mëton të mos e njohë edhe këtë Gjykatën e UNMIK-ut, të EULEX-it, po edhe të Martti Kalevi Ahtisarit, emra këta që Kosovës i “sollën” një pavarësi të kufizuar dhe të gjymtuar. Ai, siç vazhdon të veprojë, njëherë e përgjithmonë do ta njohë Gjykatën e popullit dhe vetëm të popullit. U burgos njeriu që asnjëherë nuk mëtoi dhe nuk bëri përpjekje t’i turret pas pushtetit, t’i turret pasurisë materiale, kolltukut të kryeminderit.

Po pra, kësisoj do të arrestohet vullneti i lirë, vullneti i papërkulur, i paepur dhe i patundur, do të burgoset Historia e 175 mijë nënshkrimeve të grumbulluara të shqiptarëve që jetojnë dhe veprojnë në Kosovë, Shqipëri, Maqedoni, Mal të Zi e Luginë të Preshevës. Me këtë arrestim, njëherazi do të anashkalohen, do të shkelen, por edhe do të sikterisen 175 mijë nënshkrimet e shqiptarëve, nënshkrime këto që duhej të kundërshtonin një proces (të planifikuar) të montuar politik albinian. Do të burgoset antikarrieristi dhe antikorrupsionisti Albin Kurti, respektivisht “Kushtetuta e ardhshme e Shqipërisë natyrale”!?..., do të burgoset “fenomeni i politikëbërjes kosovare”. Pikërisht atë ditë u arrestua radikalizmi i një intelektuali të vërtetë, trashëgimtari i ideve të Ukshin Hotit, Aganit dhe të tjerëve si ai. Gojëkëqijtë dhe sherrxhinjtë veçanërisht ata që ia kanë inatin Kurtit, mund të thonë se u prangos “katallani i polikëbërjes ekstreme“.

Në ditën e burgosjes së Albin Kurtit u buros edhe mendimi filozofik i Monteskies, i cili dikur pat thënë se: “LIGJI DUHET TË JETË SI VDEKJA, ASKUSH S’MUND T’I SHMANGET ATIJ! Sipas Albin Kurtit, kjo “logjikë” e Gjykatës së UNMIK-ut apo edhe EULEX-it nuk përputhet me mendimin filozofik të Monteskies, pasi që korrupsioni dhe krimi i organizuar dhe institucional edhe më tej vazhdon ta sfidojë ligjin dhe njëherazi i shpëton ligjit gjegjësisht vdekjes këtu e gjetiu në hapësirat e mbikëqyrura të Republikës së Kosovës!? Ku ta dijë njeriu, unë nuk e di, Albini gjithsesi se e ka të qartë.

Kjo burgosje u bë pas paralajmërimit se Lëvizja Vetëvendosja, ishte përcaktuar përfundimisht që të përfshihet në zgjedhjet e ardhshme parlamentare. Kjo përfshirje, njëherë e përgjithmonë do t’ua prishte komoditetin dhe rehatinë të gjitha partive politike, qofshin ato në pushtet, ose jashtë tij.

Prishtinasit, dëshmitarët okularë do të thonë se me 11 qershor u arrestua dhe u burgos Historia e një njeriu, i cili gjithë ditën e Perëndisë mëton të ndërtojë dhe të krijojë identitete të reja në avllinë e politikës së shtrembëruar kosovare. Burgosja e tij kishte për qëllim, që ta shkëpusin nga e tashmja e të bërit inat. U burgos një e vërtetë, që nuk ka nevojë për dëshmitarë, qofshin ata edhe dëshmitarë jallanë. Populli nuk mund të jetë në cilësi të dëshmitarit jallan.

Dhe, sot të thuash se u arrestua, po edhe u lirua, lideri i lëvizjes Vetëvendosja, nuk është kushedi çfarë lajmi, por ama të thuash se atij iu ngulfat frymëmarrja e politikëbërjes si dhe frymëmarrja e politikës ekzistencialiste sartëriane, vërtet është lajm i dorës së parë. Kështu, si u bë burgosja e tij, vërtet është një punë dreqi, punë lesh arapi, është si puna e hamamxhiut, i cili në vaktin e dovletit, hanëmeve të sulltanit u siguronte ujë për të larë paranicën dhe prapanicën. Kjo burgosje e Albinit u realizua në një përvjetor, “kur të gjithë ne tok nuk jetojmë në kohërat e vlerave, po përkundrazi jetojmë në kohërat e plehrave”, siç do të thoshte Ndoc Gjetja, poeti lirik nga Lezha.

Njerëzit të cilët nuk pajtohen me opinionet e mia, plotësisht kanë të drejtë të parashtrojnë pyetje, se a mos vallë, për hatër të autoritetit të “paprekshëm” të Albin Kurtit në Republikën e Kosovës nuk duhet të sundojë ligji!? Përkundrazi, ligji vlen për të gjithë, pavarësisht se a bëhet fjalë për kryetarin e shtetit, kryeministrin, ministrat, për ushtarakun me paterica të UÇK-së, apo edhe për qytetarin e rëndomtë. Tekefundit, “PAFAJËSIA E ÇDONJËRIT DËSHMOHET VETËM NJË GJYQ E JO NËPËR NDEJA”. Për këtë Albin Kurti, është i ndërgjegjshëm, por ama ai kundërshtinë e tij politike do ta mbështesë në faktin se”Imuniteti i disave ndaj ligjit, të qenit e disave mbi ligjin, është variant i paligjshmërisë. Ligji ose vlen për të gjithë, ose s’është përnjëmend ligj. Ligji në Kosovë na ndan, sepse nuk jemi bashkë përfundi tij. Njerëzit në Kosovë nuk janë të barabartë para ligjit. Prandaj ligji nuk është referencë përbashkuese e shoqërisë, por thikë që e ndan shoqërinë në ata që janë të pambrojtur dhe në ata që janë të paprekshëm”.

Sipas Kurtit, të pambrojtur janë qytetarët, ndërkaq të paprekshëm janë pedofilët ndërkombëtarë, (të cilët pasi dhunojnë fëmijët kosovarë, marrin udhë drejt vendlindjes së tyre) krerët e partive politike dhe institucioneve me klanet e tyre, strukturat paralele të Serbisë, zyrtarët e EULEX-it me familjet e tyre e të tjera subjekte.

Ky paragraf i lartpërmendur që është ndërtuar nga vetë Albin Kurti, nuk do të thotë se ai kërkon që objektivisht dhe subjektivisht të jetë mbi ligjin, ai kërkon respektimin e parimit të barazisë së ligjit. Ai, kërkon rrugë që të ndërtojë vlera morale. Kundërshtarët e politikës thonë se mirë do të ishte që lëvizja Vetëvendosja të shndërrohet a të konvertohet në parti politike, por me kusht që Albin Kurti të mos merret me politikë. Po të shkonte ai kësaj vije, atëherë nuk do të ishte ai që është sot, sepse politika do t’ia hante kokën. Thjesht, do bënte një punë me zarar!?


(Nga R.P.21 )

[Kosovelli]

Haj medet haj...unë ka kohë që nuk po mund t'i lexoj shkrimet e disa forumistave të cilat janë NËN NIVEL! Thjeshtë po më neverisin(gërdinë po ma qojnë) mendimet e idetë e disa forumistave me nofka të vjetra,për intelektin e të cilëve kam pasë një respekt për një kohë të gjatë(pa marr parasysh pikëpamjet politike) dhe përnjëherësh,brenda një periudhe shumë të shkurtër u doli padituria totale politike,përnjëherësh u doli në pah diletantizmi total politik dhe çka është më e keqja këtë padituri këtë diletantizëm mundohen t'a mbulojnë me DALLAVERE me të PAVËRTETA gjë që edhe më shumë po e humbin respektin që kam pas për ta.
T'a them të drejtën,nuk po më dhimbseni ju ,por po më dhimset vetja,mozomakeq,që po i humbi do jarana,me të cilët i ndrrojsha do llafe nganjiherë!

Nejse,mos me ditë njeri e me i'a fut kot,"hahet diqysh",veç me rrejt e me ba dallavere kjo është NËN NIVELIN njerzor është E G Ë R D I T SH M E...e neveritshme!
Rrena e dallaverja janë tiparet më të ulta në rracën njerzore.

Cilat janë rrenat edhe dallaveret që po i dëgjojmë shpesh?

RRENA NUMËR NJË!

"Albin Kurtin e burgosen menjëherë sapo e bëri të ditur futjen e tij në politikë"
E shihni çfar rrene e poshtër,çfar dallavere!
Po këta tjerët që e lexojnë një rrenë të tillë,për çfar i llogaritë ai rrenci? I llogaritë se janë lopë...janë kafshë që nuk e dinë se për Kurtin është shpallur një urdhërarrest ka kohë...dhe dihet se ka kohë që ai fshihej i ikte daljes në publik...dhe LOGJIKISHT dihej se ai do të arrestohej që në rastin e parë kur do të shfaqej.
Pra hyri n politikë apo nuk hyri në politikë kjo nuk qonte aspak peshë në arrestimin e tij!!!


RRENA NUMËR DY!

" E burgosën Albin Kurtin sepse i'u tutën që hyri në politikë"...shihni bre çfar dallavere e poshtër...qe as shkijet s'kanë ditë me ba kshtu...
Edhe njëherë për lexuesit viktima të rrencave, Kurti u arrestua sepse ka qenë i shpallur një urdhër arrest prej prokurorit,kjo e para.
E dyta; Albinit nuk i tutet asnjë parti politike.Këto të mdhajat hiq se hiq po as ato ma t voglat. Pse nuk i tutet kush dhe pse "forca" politike e Albinit nuk e ka peshën as edhe të një mize,e spjegojmë njëherë tjetër.

Po shihet qartë se metodat e mashtrimeve janë të njejta me ato të cilat janë përdorë gjatë gjithë atyre viteve të pushtimit serb,gjithmonë në emër të "republikës së kaqanikut".Edhe atëherë të gjitha këto marifetllëqe janë bërë prej serbofilëve,gjithnjë në emër të Rugovës së ngratë duke i denigruar e "shikanuar" të gjithë patriotët e atdhetarët më të devotshëm që ka pasë atdheu!
Skena është e njejt sot.
Në shënjestër janë po të njejtit atdhetarë,ata që e bënë Republikën.
Të njejt janë edhe "shenjtarët" ata që baras me serbin e sulmuan ELITEN PATRIOTIKE atëherë.


Atëherë këto prapësi i bënin gjoja në mbrojtje të Rugovës e tani pasi që ai nuk jeton më e kanë gjetë një tjetër viktimë;Albinin!!!
E në fakt nuk u ka hanger leshi as për Rugoven atëherë e nuk u ha leshi as tash për Albinin...veç dallavere kan ba e bajnë si gjithmonë.Qëllimi i tyre është sulmi ndaj shqiptarëve patriotë.Edhe pikë.
Këto sulme janë qesharake,janë edhe të budallme në këtë epokë që po e jetojmë.Është kohë e internetit o njerz.Nuk ka më kontroll të publikut si në kohën e Serbisë,përmes BUJKUT në Kosovë e kontroll dhe shpërlarje truri të njerzve në diasporë,përmes Bota sot!!!

Qeverinë e Kosovës po e udhëheqë Ushtria Çlirimtare e Kosovës,ata janë ulë kambkryq midis Prishtine bashk me Hashim Thaçin në krye.Edhe ska turk shka as fark-*** që i largon prej aty!!! Edhe PIKË!

[daja shneq]

bravo te qoft llapi-pr mos shkruj ma se e ke permbush normen per ni vjet,pajtohem 200 % me ty

[guri79]

Kshyrni Kryeministrin e ardhshem te Kosoves ne Rubikon:

http://www.kohavision.net/web/index.php?koha=lexo&category=7&id=743

[Kosovelli]

Pse duhej te vije Albini? PSE DUHET TI BESOJME ALBINIT? PSE ALBINI DO TE VEPROJE NDRYSHE NGA ATA QE JU PATEM BESUA?

[Daja-GONI]

Pse duhej te vije Albini? PSE DUHET TI BESOJME ALBINIT? PSE ALBINI DO TE VEPROJE NDRYSHE NGA ATA QE JU PATEM BESUA?

Sepse me mire eshte ti besohet nje njeriu i cili mund te behet e nuk eshte hajn, se sa atije qe ishte dhe eshte hajn.

Matematike e thjeshte eshte kjo.

[drenicaku]

i vetmi komb ne evrop qe nuk kemi identitet dhe mundohemi te krijojm shtet,shtepia nuk ndertohet nga qatia por nga themeli.
Ne akoma nuk kemi enciklopedi kombetare,ne duhet njeher e mire te dijm kush ishume kush jemi dhe te gjitha tabu temat te behen te hapura per debat.
Psh feja sot nuk guxohet te debatohet,po e lem per koh me te mira,por kam frigen se gjerat po shkojn ne drejtim te pa deshirushem.
Na duhet nje lider me opcione te qarta,se pari ti shpallim luft vetevehtes te sqarohemi me vetevehten sepse nuk ben keshtu dikush thot jam musliman dhe une dua te vendos se qfar rendi duhet te ket ne kosove te tjeret thirren ne krishterizem dhe sot ne vend qe te merremi kombin po merremi me shamia te rrospiave qe deri dje nuk kan len gje pa ber sot dojn shamia ne shkolla.
Albini duhet te i trgoi ketij populli se nga do qe te shkoi do punoi per kombin shqipetar fet ti largoi sa me larg shtetit pra te ket qartesi,kush do fe le ta mbaj mbrenda pragut,ne institucione te perbashketa duhet respektu rregullat qe do te vlenin per te gjith.Rrjetin e al kaides ne kosove duhet asgjasu te terin.
Shteti duhet ti rris tatimin per gjamiat dhe nese nuk pagujn te mbyllen,kesht permes tatimeve do ti detyronin te mbylleshin ato gjamia qe u ndertuan nga para te dyshimta,ka rrug te dilet nga kjo katrahur vetem duhet guxim dhe vendosmeri
Ka pune per te ber por kam besimin ne rinin e kosoves se do dij ta zgjedh rrugen e drejt,kam frigen se miqet tan nderkombetar shume shpejt do na e kethejn shpinen sepse edhe taliban edhe miq me amerikan po me duket si nuk shkojn bashk

[Kosovar2006]

Albin Kurti: Si do ta bashkojmë Kosovën me Shqipërinë
Madhesia e germave: Bisedoi: Ardit Bido 21/06/2010 09:44:00

Drejtuesi i lëvizjes “Vetëvendosje”, tashmë pjesë e skenës politike të Kosovës, flet për “standard” në lidhje me arrestimin e tij



Berisha dhe Rama “po shpenzojnë shumë kohë dhe energji në beteja të imëta të brendshme me njëri-tjetrin”, për drejtuesin e lëvizjes “Vetëvendosje”, z. Albin Kurti, duke lënë mënjanë çështjet jetike të kombit. Duke folur për gazetën, ai shprehet se bashkimi kombëtar është një detyrë dhe është në interesin dhe dëshirën e të gjithë shqiptarëve, e për këtë arsye, të gjithë aktorët politikë shqiptarë duhet të nisin njësimin e kuadrit ligjor dhe të koherencës shoqërore. Hyrja e “Vetëvendosjes” në politikë nuk është për të një njohje e sovranitetit të munguar të Kosovës, siç jemi mësuar ta dëgjojmë shpesh nga goja e z. Kurti, porse thjesht një mjet më shumë për të mundësuar qëllimin final, bashkimin kombëtar.

Duke e nisur intervistën me një pyetje të drejtpërdrejtë: Sa shanse ka që të mund të kandidoni në zgjedhje tashmë që jeni dënuar nga gjykata?

Ende jemi duke e analizuar këtë çështje. Nuk është fare e qartë kjo situatë. Komiteti për Politikë dhe Çështje Juridike i Lëvizjes sonë po e shtjellon këtë punë. Ekspertë të ndryshëm që u prononcuan publikisht këto ditë kanë qëndrime të ndryshme. Në njërën anë, pika (q) e nenit 29 të ligjit për zgjedhjet thotë që një kandidat nuk mund të kandidojë për zgjedhje nëse është “i shpallur fajtor për vepër penale me një vendim përfundimtar të gjykatës në tre vitet e fundit”. Në anën tjetër, Kushtetuta thotë që duhet të ketë ndonjë vendim eksplicit të gjykatës, i cili ndalon votimin apo kandidimin e dikujt. E gjithë kjo bëhet edhe më e ndërlikuar, kur kihet parasysh që Kosova është shtet i ri me praktikë të shkurtër juridike dhe, për pasojë, nuk ka aq shembuj të cilëve njeriu mund t’iu referohet.

A mendoni se dënimi juaj ka lidhje pikërisht me nisjen e aktivitetit në politikën aktive?

Ka mundësi të ketë qenë një motiv shtesë për dënimin tim ky. Por, nuk mendoj që më dënuan ekskluzivisht për këtë arsye. Para së gjithash, EULEX-i dëshironte që ta justifikonte persekutimin e UNMIK-ut. Mbi dhjetë muaj kisha qëndruar në paraburgim e në arrest shtëpiak në vitin 2007 dhe tash dënimi prej nëntë muajve është orvatje për t’i rregulluar librat e brendshëm të UNMIK-ut, për ta justifikuar legalisht atë. Kolonizatorët e ndihmojnë njëri-tjetrin, apo jo?

Pse u përdor dhunë gjatë arrestimit tuaj, a ka një simbolikë të veçantë?

Nuk intervenoi policia e thjeshtë dhe as, thjesht, njësia speciale e policisë. Duket që i kishin përzgjedhur pjesëtarët e njësisë speciale, për të cilët e kanë ditur që na urrejnë dhe nuk do ta kursejnë dhunën kundër nesh. Meqenëse shumica e policëve nuk kanë pasur vullnet që të më arrestojnë përgjatë këtyre muajve, eprorë të caktuar kanë planifikuar një këso ekspedite mizore policore për t’iu dëshmuar EULEX-it.

Keni deklaruar hyrjen tuaj në politikë. A nuk është një legjitimim i pavarësisë pa sovranitet, siç deklaroni, të Kosovës, fakti që ju bëheni pjesë e këtij sistemi politik?

Nuk po bëhemi ne pjesë e sistemit, por ne po i bëjmë mjetet e sistemit pjesë të strategjisë sonë. Nuk do t’i zëvendësojmë metodat në kuptimin që në vend të tubimeve publike, aksioneve protestuese e demonstratave tash do t’i konsiderojmë vetëm mënyrat brenda-institucionale. Të parave vetëm sa po ua shtojmë të dytën. Ndryshimi i strategjisë konsiston në rritje të përmbajtjes së saj. Pasi që shpallja e pavarësisë së Kosovës nuk u parapri nga e drejta për vetëvendosje e popullit, kjo shpallje nuk u pasua nga sovraniteti. Tashmë jemi në vitin e tretë të pavarësisë formale pa sovranitet. Nëse për një a dy vitet e ardhshme kësaj pavarësie formale nuk ia bashkëngjitim sovranitetin, atëherë asaj do t’i rrjedhë edhe formaliteti. Kosova do të bëhet një Bosnje e vogël. Përgatitjet për bisedimet e reja me Serbinë janë dëshmi për këtë. Pikërisht kjo arsye ndikoi që ne të vendosim që mënyrave të deritanishme t’ua shtojmë edhe ato institucionale, gjithnjë për qëllimin e njëjtë dhe brenda konceptit të njëjtë.

Ndërkohë që lëvizja që drejtoni ka karakter kombëtar, ajo ka veprimtari lokale, pra vetëm në Kosovë. Pse nuk është zgjeruar aktiviteti i saj në mbarë trevat shqiptare?

Nuk jemi vetëm në Kosovë. Kemi aktivistë nëpër të gjitha trojet shqiptare, por nuk i kemi formalizuar si Qendra të “Vetëvendosje!”-s në IRJM, Luginë të Preshevës e Mal të Zi meqë, në atë rast, regjimet shtypëse atje do t’i arrestonin menjëherë këta aktivistë. Në Universitetin e Tiranës po ashtu ekziston Qendra e “Vetëvendosje!”-s. Ne formojmë qendra vetëm nëpër vendet ku duket që nuk ka ndonjë organizatë ekzistuese të frymës emancipuese kombëtare e shoqërore dhe aty ku na vijnë kërkesa nga qytetarët për të formuar qendra. Gjithashtu, i kemi nëntë Qendra të “Vetëvendosje!”-s në diasporë. Nuk i quajmë degë por qendra, edhe për shkak se emërtimi Qendra të “Vetëvendosje!”-s për nga kuptimi ndodhet në opozitë me togfjalëshin e njohur - qendrat e vendosjes (ndërkombëtare).

Keni deklaruar se do të kërkoni bashkimin e Shqipërisë me Kosovën. Si mund të bashkohet Shqipëria me Kosovën; në çfarë modalitetesh me çfarë mjetesh?

Ne duam që Kosova t’i bashkohet Shqipërisë. Për këtë qëllim duhet që pushtetet në Tiranë dhe Prishtinë t’i harmonizojnë ligjet dhe veprimet politike e strategjike. E gjithë kjo në mënyrë që një ditë, sa më parë aq më mirë, të organizojmë paralelisht referendume në Shqipëri e Kosovë për bashkim. Qysh tash nuk kemi dyshim se cili do të ishte rezultati i këtyre dy referendumeve. Vullneti dhe interesi i shqiptarëve janë për bashkim. Njëkohësisht, duhet ndihmuar dhe përkrahur pa rezerva shqiptarët edhe në IRJM, Luginë të Preshevës dhe Mal të Zi. Ata janë popullsi autoktone që diskriminohet dhe është e nënpërfaqësuar.

Sa i rëndësishëm është faktori ndërkombëtar në një proces të tillë?

Në njërën anë, faktorët ndërkombëtarë vazhdojnë të përcaktojë shumëçka në politikën shqiptare. Mirëpo, në anën tjetër, faktorët ndërkombëtarë lëvizin varësisht nga ne, varësisht se si lëvizim ne. Kur kemi qenë këmbëngulës dhe seriozë, ata gjithmonë i kanë ndryshuar qëndrimet.

Sa e mundshme do të ishte pavarësia e Kosovës pa ndihmën e faktorit ndërkombëtar?

Faktorë të ndryshëm ndërkombëtarë e përkrahën pavarësinë e Kosovës atëherë kur e panë vendosmërinë tonë. Dhe, të mos harrojmë, që ata e bënë këtë për interes të vetë atyre. E përkrahën shpalljen e pavarësisë dhe e njohën atë vetëm atëherë kur e panë që nuk ka gjasa për kurrfarë stabiliteti rajonal pa e lejuar e mbështetur këtë gjë.

Ju jeni një kritik i ashpër i elitës politike shqiptare. Pse mendoni se kjo elitë bën koncesione në çështjet kombëtare?

Është pasuruar tepër shumë, tepër shpejt. Për pasojë, ajo në masë të konsiderueshme është e shantazhuar.

Cili është mendimi juaj për politikën në Shqipëri, për rolin e z. Berisha dhe z. Rama?

Po shpenzojnë shumë kohë dhe energji në beteja të imëta të brendshme me njëri-tjetrin. Prej tyre nuk presin vetëm tre milionë e gjysmë shqiptarë në Republikën e Shqipërisë, por edhe po aq shqiptarë e Ballkan e mbase së paku po aq edhe në diasporën tonë.

Cili është mendimi juaj për të ardhmen e Maqedonisë dhe statusit të shqiptarëve aty?

Partitë politike shqiptare në IRJM duhet ta përcaktojnë atë që është e përbashkët dhe e padiskutueshme ndërmjet tyre. Nuk mund të jetë çështja kombëtare temë fushatash elektorale. Ka nevojë për riorganizim dhe rimobilizim të të gjithë shqiptarëve në IRJM. Për këtë është e domosdoshme mbështetja e Shqipërisë dhe Kosovës.

U takuat me kryetarin e PDU-së, z. Shpëtim Idrizi. Sa familjarë jeni me çështjen çame dhe si mendoni zgjidhjen e saj?

Duke iu falënderuar PDU-së dhe shoqatave të ndryshme çame jam njoftuar shumë më në hollësi për Çamërinë dhe çamët në këto vitet e fundit. Jam shumë dakord me PDU-në që çështja çame nuk është vetëm çështje e së drejtës mbi pronat dhe e lirisë së lëvizjes, por edhe e genocidit që forcat greke kanë kryer mbi popullsinë shqiptare autoktone atje.

Ndërkaq duket se ka probleme me regjistrimin e popullsisë në të dyja vendet. Cilat janë nismat që do të ndërmerrni mbi këtë çështje?

Nuk mund të themi tash konkretisht se çfarë do të bëjmë, por sigurisht që nuk do të qëndrojmë duarkryq. Manipulimet me identitetin tonë nuk mund dhe nuk duhet të tolerohen. Në Kosovë, kemi tendencën që në vitin 2011 të bëhet një regjistrim i tillë që, për përkatësi kombëtare, inkurajon deklarimin e shqiptarëve si kosovarë apo edhe si myslimanë. E gjithë kjo me qëllim që të zvogëlohet popullsia shqiptare që në Kosovë, e cila përbën 93% dhe, kësisoj, të duket ca më i justifikueshëm projekti i multi-etnicitetit që dëshiron që Kosovën ta paraqesë si shqiptaro-serbe.