PD: Vota per gjyqtaret e presidentitetit te jete e hapur

[Duaje Siveten]

thote ki ndreu diku atje poshte se sali berisha eshte neo-komunist ... çfare gafe groteske ... salis eshte arkeo-komunist i betuar dhe i thekur, me ide te shemtuara dhe vepra te ndyra karrige-enveriste ...


S H Q I P, 04/06/2010

VOTA E FSHEHTË DHE ENVERIZMI BERISHIST

Andrea Stefani

Tentativa e shumicës berishiste për të dhunuar fshehtësinë e votës së deputetëve është një praktikë neokomuniste e tipit enverian, me anë të së cilës, Kryeministri Berisha gjakon të kontrollojë deri edhe vullnetet e përfaqësuesve të popullit. A i mbani mend fotot e deputetëve të Kuvendit Popullor që (me gjestin e nxënësit që kërkon të ngrihet në mësim) votonin me bërryl të ngulur në tryezë dhe dorën lart? Të gjithë, në të njëjtin pozicion, votonin hapur, në mënyrë “transparente”, në unitet të plotë me Partinë dhe Enverin. Nuk votonin fshehtazi. Sepse të fshihje votën nga Partia dhe populli do të thoshte t’ia kishe me hile partisë dhe popullit. Çeliku i unitetit të deputetëve me Enverin ishte pikërisht “transparenca”. Enveri dhe Partia e dinin se po të lejonin fshehtësinë e votës, kushedi se ç’mund t’i ndodhte “unitetit”. Prandaj nuk e lejuan kurrë. Edhe kur ju duhej ta njihnin ligjërisht fshehtësinë e votimit, gjenin mundësi ta shmangin praktikisht.

Dhunimi i fshehtësisë së votës është një nga themelet e dhunimit të lirisë së votës dhe “sekretet” e jetëgjatësisë së llahtarshme të diktaturës komuniste në Shqipëri. Dhe duket se neokomunisti Sali Berisha ka sot një nevojë urgjente për të dhunuar fshehtësinë e votës së deputetëve. Tashmë dihet se votave të popullit “Doktori” ia ka gjetur “ilaçin” t’i kontrollojë me vjedhje dhe ndalim të transparencës. Për votat e deputetëve ndjek terapinë e kundërt, kërkon t’i komandojë me “transparencë”, duke ia hequr votimit fshehtësinë. Ç’mendje e ndritur!

* * *

Përse komshiu fanatik i një lideri a partie nuk duhet ta dijë se për kë votoj unë? Që unë të kem liri të votoj edhe kundër kandidatit që adhuron gjithë afsh komshiu, pa rrezikuar të vuaj ndonjë pasojë të pakëndshme. Ky rregull i demokracisë, vota e fshehtë, vlen edhe për deputetët në raport me liderin. Aq më tepër në raport me liderë autoritaristë si Sali Berisha, që duan të komandojnë çdo vullnet në parti, Parlament dhe shtet.

Vota e fshehtë ka qenë dhe mbetet një nga armët më të forta të lirisë kundër autoritetit shtypës. Që vota të jetë e lirë ka si kusht bazë që të jetë edhe e fshehtë. Jo rastësisht, regjimi komunist, i lejonte votimet, por duke bërë kujdes që të mos lejonte në praktikë votën e fshehtë. Kishte raste kur në qendrat e votimit krijohej edhe një qosh me perde ku votuesi mund të hynte dhe të plotësonte fletën e votimit, fshehtazi, pa e parë askush. Por shumica, 99.9 për qind, nuk denjonin të hynin atje. Ata e plotësonin fletën për kandidatët e Frontit Demokratik m’u përpara syve të komisionit të qendrës së votimit. Përgjithësisht dhoma e fshehtë ishte një zonë e rrezikshme ku shkelte vetëm armiku i klasës. Të hyje atje do të thoshte të deklaroje votën kundër Partisë dhe Enverit! E përse njerëzit duhet t’ia fshihnin vullnetin e tyre Partisë dhe Popullit kur e jepnin për partinë dhe popullin? Situata ishte absolutisht groteske. Votimi i fshehtë njihej me ligj, por ligji nuk zbatohej, sepse populli nuk donte t’ia fshihte votën Partisë.

* * *

Këtë situatë kërkojnë të rivendosin Berisha dhe berishistët në Kuvend, duke propozuar të amendojnë rregulloren e tij në mënyrë që dekretet e Presidentit të Republikës (si për shembull për emërimin e anëtarëve të Gjykatës Kushtetuese apo atë të Lartë), të votohen këtej e tutje hapur. E përse deputetët duhet t’ia fshehin “popullit” votën e tyre? – thonë e shkruajnë berishistët duke rimarrë këtë “argument” të vjetër nga bagazhi enverist. Ata flasin për “popull”, por qëllimi i vërtetë është që deputetët të mos votojnë dot fshehtazi Berishës. Praktikisht kërkohet që deputetët të votojnë me dorën lart si dikur dhe “Partia” (d.m.th. Enveri dje, d.m.th. Berisha sot) t’i shohë se si dhe për kë votojnë. E si do mund të kontrollohet gjyqësori nëse nuk kontrollohet vota që miraton gjykatësit? Shikojmë pra se autoritarizmi është një piramidë e tërë kapjesh e kontrollesh apo edhe “transparencash”. Brenda saj është sarkofagu i lirisë. Në majë shndrit skeptri i sundimit.

* * *

Nuk është e para herë që Berisha i rikthehet çështjes së votës së fshehtë të deputetëve. Kjo tregon se e ka merak të madh. Dhe kuptohet sepse. Berisha i trembet çdo mekanizmi procedural që krijon në vendimmarrje hapësira lirie të pakontrolluara prej tij. Kështu u frikësua ai edhe në vitin 2006, kur opozita kërkoi në Kuvend votim të fshehtë me kuti, ndërkohë që votimi elektronik me butona nuk garantonte fshehtësi. Madje në orvatje për të penguar instalimin e një mekanizmi elektronik, votimi të sigurt fshehtësie, Jozefina Topalli bëri ca propozime për mbulimin e duarve të deputetëve që e çuan Gramoz Ruçin deri te shakaja thumbuese me “tanga”. Në atë kohë Berisha kërkonte që me anë të “transparencës” të mbante nën kontroll votën e mbështetësve të Bamir Topit.

Por duket se edhe sot që i ka spastruar radhët e grupit parlamentar nga mbështetësit e Presidentit, duket se nuk e ka gjetur ende unitetin e lakmuar enverist të grupit rreth tij. Prandaj edhe i ka ndërsyer ca nga marionetat e tij në Kuvend kundër votës së fshehtë. Madje duke u tallur disi edhe me ambasadorin amerikan Withers, ka folur këto ditë për nevojën e transparencës në shqyrtimin parlamentar të kandidaturave për Gjykatën Kushtetuese. Tallen edhe me opozitën që ka kërkuar transparencë në administrimin e procesit zgjedhor. Transparencë deshe, merre transparencën! I ngatërrojnë qëllimisht gjërat këta ngatërrestarë që kanë 20 vjet që ngatërrojnë Shqipërinë. Bëjnë kinse se nuk kuptojnë dallimin mes transparencës mbi numërimin e votës së popullit që kërkon opozita, dhe transparencës së votës së një individi. Ndërsa e para është jetike për të mbrojtur votën dhe demokracinë nga vjedhësit e pushtetit, realizimi i “transparencës” së dytë do të ishte vdekje e lirisë së votës, vdekje e demokracisë. Ashtu sikundër për 45 vjet vdiq demokracia edhe në Kuvendin Popullor edhe në Shqipëri, sa kohë nuk votohej fshehtazi. Ja pse themi që iniciativa berishiste për heqjen e votës së fshehtë, është një minë enveriste në themelet e demokracisë dhe parlamentarizmit në Shqipëri.

[juanito02]

Eshte frika e diktatorit per humbjen e pushtetit. Kerkon ti mbaje me zor kamikacet e vet qe ti perdore si perhere mish per top per qellimet e pushtetit qe diktaturat e kane gjithmone te inkriminuar.
Se e ndjen qe numri kamikaceve eshte ulur ndjeshem se kane kuptuar dhe ata katastrofen e afert te Salise dhe po marin masa qe ti bien bien ne koke sa me pak reperkusione per shkak te asaj detyre.

[Albo]

Këshilli i Rregullores, do të studiohet mënyra e votimit të dekreteve në parlamente të tjera

Këshilli i Rregullores vijoi dje diskutimet rreth propozimit të deputetëve të PD-së për votimin e hapur për dekretet e Presidentit për emërimin e anëtarëve të Gjykatës së Lartë dhe asaj Kushtetuese. Pas një debati të gjatë dhe të detajuar lidhur me procedurën dhe pretendimet e kryetarit të Grupit Parlamentar të PS-së, Ruçi, anëtarët e Këshillit shkëmbyen pikëpamje kryesisht për përmbajtjen, motivet, argumentimet, doktrinat dhe modelet juridike që janë në fuqi në vendet e demokracive parlamentare, për emërimin e funksionarëve të lartë të Gjyqësorit. Nga ana e anëtarëve të maxhorancës, në këtë këshill u shpjegua se votimi i hapur për gjyqtarët e lartë është konkretizim jo vetëm i parimit të transparencës, por edhe i parimit të përgjegjshmërisë dhe llogaridhënies së Parlamentit, i cili është i sanksionuar dhe funksionon me sukses në shumë prej modeleve solide të demokracisë parlamentare. Në përputhje me vendimin e Gjykatës Kushtetuese të Republikës së Shqipërisë, dhënia e pëlqimit nga ana e Kuvendit është kompetencë substanciale dhe jo formale e tij. Kjo kompetencë substanciale që të ushtrohet ka nevojë për instrumente substanciale. Ky është edhe motivi ku mbështeten amendamentet e Rregullores. Nga ana e kolegëve të Partisë Socialiste u kërkua që të merret kohë për diskutimin e përmbajtjes dhe për shkëmbimin e mëtejshëm të argumenteve. Ndërsa deputeti Gjiknuri e cilësoi propozimin e deputetëve të PD-së si një mjet për të urdhëruar votimin politik të dekreteve të Presidentit. “Maxhoranca do të heqë një nga elementet më të rëndësishme që ka demokracia perëndimore. Maxhoranca do të heqë kështjellën e fundit të votës së fshehtë, që pasi ua hoqi qytetarëve, kërkon t’ua heqë dhe ligjvënësve. Ky vendim fsheh një qëllim politik që është emërimi i gjykatësve sipas orekseve të kryeministrit”, - është shprehur Gjiknuri. Kryetarja e Kuvendit kërkoi që materialet lidhur me modelet e ngjashme të parlamenteve të tjera të studiohen nga të gjithë kolegët përpara se diskutimi rreth amendamenteve të vijojë në Këshill. Mbledhja e radhës e Këshillit u vendos që të zhvillohet ditën e hënë.

Albania
4 Qershor 2010

[Albo]

Eshte interesant, se si njerez qe njohin vetem demokracine shqiptare, dhe nuk kane jetuar ne ndonje vend tjeter demokratik, jane "eksperte" se cfare eshte demokratike dhe cfare eshte tiranike.

Vota e fshehte eshte liri kushtetuese qe e gezojne VETEM shtetasit e nje shoqerie demokratike, jo te zgjedhurit e tyre, jo ata deputete qe jane ne ate kuvend per te perfaqesuar interesat e atyre qe i kane zgjedhur, e jo interesat e tyre personale qe duan t'i mbajne sekret. Ne Amerike, te gjitha votat qe mbahen ne te dy dhomat e Kuvendit jane vota te regjistruara e publike. Regjistrohen ne fletoren zyrtare te Kongresit dhe cdo qytetar amerikan mund te mesoje voten qe kane hedhur ata kongresmene e senatore per te gjitha projektligjet qe jane votuar.

Kjo eshte demokracia. Kjo eshte transparenca me publikun. Qytetaret shqiptare qe jane Sovrani, meritojne te mesojne voten e hedhur nga deputeti i tyre per te gjitha projektligjet e votuara ne parlament. Vetem ne kete menyre qytetaret mund te gjykojne nese deputeti i tyre po perfaqeson interesat e tyre apo jo ne Kuvend.

Cdo vote qe deputetet shqiptare hedhin duhet te jete publike. Ky eshte modeli demokratik. Vota e fshehte vetem sa fsheh interesat e pista dhe korrupsionin.

Albo