Historianët kundër inventarizimit të pronave të minoritetit: Pazar me Greqinë

[shoku_tanku]

Historianet e njohur Pellumb Xhufi dhe Sabri Godo jane shprehur kunder inventarizimit te pronave te minoritetet grek gjate bregut shqiptar nga ana e Greqise.
Sipas Xhufit, kjo është një ndërhyrje në punët e brendshme të shtetit shqiptar dhe kjo vjen si rrjedhojë e marrëveshjeve të dyshimta të nënshkruara deri më tani mes shtetit shqiptar dhe atij grek. Nderkohe per Godon kjo eshte shkelje e sovranitetit të shtetit shqiptar e ka konsideruar Sobri Godo deklaratën e dy ditëve më parë të zv/ministrit të Jashtëm grek.


Pëllumb Xhufi: Regjistrimi i pronave të minoritetit, tjetër pazar i qeverisë me Greqinë



Z. Xhufi, dy ditë më parë, ministri i Jashtëm grek ka deklaruar se qeveria ky ai bën pjesë është e interesuar për krijimin e një inventari të pronave të minoritetit grekë në Shqipëri. A është kjo një nismë e cila bie ndesh me legjitimitetin e institucioneve shqiptare?

Është pak e çuditshme, të paktën për mua, ajo deklaratë e dhënë publikisht nga ministri i Jashtëm grek ku bëhet më dije synimi më i fundit i qeverisë grekë. Unë s'e prisja që pas lëshimeve që i ka bërë qeveria shqiptare kërkesave greke me sfond nacionalist, si ai i regjistrimit të popullsisë në bazë të deklarimit etnik dhe fetar, ai i ngritjes së një memoriali për ushtarët e rënë në Luftën e Dytë Botërore, sot vjen një tjetër kërkesë që justifikohet për hir të përmirësimit të marrëdhënieve ndërmjet dy vendeve. Ky lajm i "mirë", që gjithmonë jepet nga Athina, nga sa u tha paska dhe asistimin e OSBE-së. Ndaj për mendimin tim, kjo nismë e qeverisë greke që në emër të të ashtuquajturës përmirësim të marrëdhënieve mes dy popujve, edhe kur është vetëm në kuadrin e një deklarate, ka kaluar çdo masë të respektimit të marrëdhënieve ndërkombëtare. Përsa kohë që gjithçka që ka të bëjë më mirëqenien e qytetarëve shqiptarë, me sigurinë e tyre, me sigurinë e pronave të tyre është përgjegjësi ekskluzive e shtetit shqiptar dhe me regjistrimin e pasurisë ka insitucione të legjitimuara kjo nismë e qeverisë greke mua më duket se është një tentativë për ta trajtuar sërish Shqipërinë si një zgjatim të terrorit grek. Sa do që në thelb kjo deklaratë është qesharake jam i çuditur dhe nga heshtja e qeverisë shqiptare. Qeveria e shtetit shqiptar duhet të bëhet më e ndërgjegjshme, të marrë kurajo dhe të kujtohet më në fund se është aty për të mbrojtur interesat e vendit dhe të qytetarëve shqiptare, natyrisht dhe të dinjitetit të vendit që është nëpërkëmbur, dhe të ndërhyjë në hallkat përkatëse për të sqaruar këtë çështje. Madje strukturat e shtetit shqiptar duhet të ndërhyjnë edhe në OSBE e cila qenka përfshirë në këtë iniciativë të regjistrimit të pasurive të shtetasve shqiptarë. Sqarimi i kësaj çështjeje është shumë e rëndësishme ku në rastin më të mirë një deklaratë e tillë mund të konsiderohet si një helm mes marrëdhënieve shqiptaro-greke .


Z. Xhufi për mendimin tuaj, kjo deklaratë është thjesht poltike apo si hap i parë i konkretizimit të një nisme që është diskutuar gjatë në strukturat e qeverisë greke?

Unë jam krejtësisht i bindur që ky zv/ministër i jashtëm i qeverisë greke e ka bërë publike një çështje të tillë pasi është diskutuar me përfaqësues të qeverisë shqiptare. Për të kuptuar këtë le të kujtojmë atë që ndodhi me marrëveshjen e kufirit apo atë të ngritjes së memorialit të ushtarëve grekë të rënë në luftën e Dytë Botërore dhe më bën të mendoj që edhe ky rast është i ngjashëm me marrëveshjet e realizuara me këtë qeveri të shtetit shqiptar. Pra gjërat bëhen në mungëse të plotë transparence, arrihet në një marrëveshje e cila bëhet e njohur nga pala greke. Të gjitha këto prapaskena bëhen objekte të marrëveshjeve dypalëshe. Ndaj, nëse këtë radhë qeveria shqiptare nuk është e përfshirë në ndonjë aferë duhet të reagojë publikisht ndaj kësaj deklarate.


Z. Xhufi mendoni se kjo deklaratë duhet të shkaktojë dhe reagimin e opinionit publik në Shqipëri?

Sigurisht që po dhe unë gjej rastin të përgëzoj gazetën tuaj që sa herë ka patur incidente të tilla me shtetin fqinj nuk kanë kaluar pa vëmendjen e saj duke i trajtuar dhe thelluar publikimin e skandaleve të tilla. Por natyrisht kjo duhet të jetë punë e intelektualëve, profesorëve, akademikëve dhe e shoqërisë civile. Dhe në mungesë të seriozitetit të institucioneve shtetërore reagimi i kësaj klase duhet të jetë shumë i ashpër. Kështu që unë do të inkurajoja njerëzit që merren me këtë çështje, por edhe njerëzit që paguhen për punën që kryejnë, duke filluar që nga administrata civile dhe ato që merren me çështjen e pronave, të shprehen dhe të bëhen pjesë e një debati, i cili me sa duket do të përfundojë me një marrëveshje si ajo e kufijve që doli jashtë kontrollit të qeverisë.



Sabri Godo: Inventarizimi i pronave, shkelje e sovranitetit të Shqipërisë



Z. Godo, dy ditë më parë drejtues të lartë të qeverisë greke kanë deklaruar se do të nisin inventarizimin e pronave të minoritetit në jug të vendit. Si e komentoni ju këtë iniciativë që deri më tani është në kuadrin e një deklarate?

Për mua është krejt e habitshme ajo që kam dëgjuar në lidhje me këtë iniciativë. Si mund të marrë të drejtën pala greke të vijë e të masë pronat në tokat tona. Pronat e minoritarëve në Shqipëri trajtohen njëlloj si të gjithë shtetasve shqiptarë. Unë nuk di deri më tani të jetë bërë publike ndonjë fakt për dallim apo diskrimimin në drejtim të tyre mbi këtë çështje. Kështu që qeveria shqiptare duhet ta kundërshtojë këtë deklaratë. Për mua kjo është një shkelje e sovranitetit të vendit tonë. Në qoftë se grekët e reklamojmë këtë iniciativë si një nxitje të përmirësimit të marrëdhënieve të mira mes dy vendeve unë ju them se le ta fillojnë së pari me matjen e pronave të çamëve që janë shpërngulur me forcë nga trojet e tyre në Greqi. Më duket edhe më e habitshme që në këtë iniciativë të qeverisë greke përmendet edhe OSBE-ja. Nuk e kuptoj ku e gjen të drejtën kjo organizatë që të ndërhyje në punë të tilla se këtu asnjëherë nuk është bërë me dije ndonjë shkelje e të drejtave të njëriut përsa i përket pronave të minoritarëve. Këto janë çëshje që ngrihen artificialisht dhe më shumë i bëjnë dëm marrëdhënieve shqiptaro-greke se sa ndikojnë në përmirësimin e tyre. Në këtë rast qeveria shqiptare duhet të mbajë një qëndrim të qartë dhe të prerë për këtë çështje. Nuk mund të lëmë njeri të vijë në Shqipëri e të bëjë çfarë të dojë, kur të dojë dhe si të dojë.


Z. Godo e shihni këtë si një deklaratë politike apo si një vendim të konsoliduar tashmë të qeverisë greke?

Nga ajo sa u dha më lë të mendoj se është një vendim i qeverisë greke që shoqërohet me një deklaratë politike. Ata janë vendosur të bëjnë këtë dhe unë nuk di se si mund të realizojnë një gjë të tillë pa një leje apo marrëveshje me palën tonë. Më duket një gjë krejt arbitrare. Ndaj një vendimi të tillë qeveria shqiptare duhet të reagojë patjetër. Për mua kjo iniciativë ka ardhur si rezultat i një kombinimi të Bollanos dhe ndonjë individi në qeverinë e Athinës, por nuk mendoj se qeveria shqiptare është e përshirë në këtë skandal. Unë besoj se shteti shqiptar do të flasë në ditët që do vijnë. Madje kjo është e dosmosdoshme në rast se nga pala greke do të ndërmerren hapa konkrete për të vënë në jetë këtë deklaratë. Më duket krejtësisht e papranueshme një ide e tillë dhe nuk ka si të funksionojë. Megjithatë është detyra e shtetit shqiptar të reagojë menjëherë pas kësaj deklarate qoftë kjo edhe sikur të ishte një lajthitje e një zëvendësministri.

Shekulli

[shoku_tanku]

Pas përgjigjeve të ministrit Drutsas

Përgjigjet e fundit të Ministrit alternativ grek të Punëve të Jashtme, Drutsas , mbi inventarizimin e pronave të minoritetit grek, me financimin e Qeverisë greke dhe mbështetjen e OSBE-së, ishin tronditëse. Edhe përgjigja tjetër në lidhje me kënaqësinë e madhe greke, për regjistrimin e popullsisë së Shqipërisë me bazë etnike dhe fetare, gjithashtu ngjallte shumë dyshime.
Po e nis me çështjen e parë. Si ka mundësi që OSBE-ja përfshihet në projekte të tilla sekrete, të panjohura për publikun? Një agjenci greke lajmesh njoftonte se Drutsas bënte fjalë për pronat e minoritetit grek në bregdet. Ai i përgjigjej gjoja ankesave për problemet me pronat të minoritetit grek në zonën e bregdetit, pyetje të deputetëve të një partie nacionaliste greke si LAOS, një parti që kohët e fundit ka bërë interpelancë dhe për rolin e partisë sonë për Drejtësi dhe Unitet, PDU-së. Ajo që të bie në sy menjëherë është se për cilin minoritet bëhet fjalë. Unë nuk di, Shqipëria zyrtarisht nuk njeh ndonjë minoritet grek në bregdet. Kështu që më duket e çuditshme sesi zoti Drutsas flet për realitete që nuk pranohen zyrtarisht nga pala shqiptare. Ajo që më trondit gjithashtu është se në këtë projekt nuk bëhej fjalë për ndonjë rol të Qeverisë shqiptare, e cila në instancë të fundit ka adoptuar një kuadër ligjor që i ka trajtuar minoritarët si të gjithë shtetasit shqiptarë pa i diskriminuar, madje duke i shpërndarë atyre prona që nuk i takonin. Qeveria shqiptare duhet të na japë sqarime për rolin e vet në një iniciativë si kjo.
Duke kuptuar se kjo ishte çështje mjaft e ndjeshme për opinionin publik shqiptar, Prezenca e OSBE-së dha disa sqarime në lidhje me këtë projekt që, sipas saj, financohej vetëm 6% nga para greke, krahas financimit amerikan, çek, dhe se ky projekt mbështetej prej Bashkimit Europian. U dhanë dhe disa sqarime të tjera, si përshembull se projekti merrte përsipër inventarizimin e pronave në bregdet dhe dorëzimin e këtij inventari zyrave të kadastrave që pastaj do të detyroheshin të jepnin tituj pronësie. Po ashtu ky projekt do të merrej me tabelat emërtuese në zonat bregdetare, dhe të gjitha këto sqarime ishin të tilla që shtonin më shumë paqartësitë. Duke e bërë më të domosdoshme transparencën në një projekt të tillë. Për më shumë që Shqipëria është anëtare e OSBE-së, me të drejta të plota si gjithë anëtarët e tjerë të mëdhenj të saj. Ja pyetjet tona:
Cili është roli i palës greke? Financim i një pjese të caktuar të projektit, një pjesë që ka objektiva të caktuar, apo çfarë? Ta zemë, ai mbi vendosjen e tabelave emërtuese, një çështje për të cilën në Gjykatën e Vlorës ka një proces në ngarkim të kryetarit të Bashkisë së Himarës, Bollano? Edhe sikur të mos jetë kjo fusha e angazhimit të parave greke, duket shqetësuese sesi Greqia në territorin tonë kërkon realizimin e objektivave siç është inventarizimi i pasurive të patundshme shqiptare dhe ne s’dimë asgjë, dhe për pasojë nuk reagojmë.
Një pyetje tjetër: për të cilën ne duam transparencë: si janë konsideruar zonat bregdetare të Shqipërisë? Zona minoritare, siç është pretendimi grek që i konsideron banorët e të gjithë këtyre qyteteve dhe fshatrave si grekë?
Dhe në fund: si është e mundur që OSBE-ja të marrë përsipër iniciativa të tilla në territorin tonë dhe pse për shembull nuk merr përsipër ta bëjë këtë në territorin grek, për pronat e shqiptarëve në veçanti të komunitetit çam, që u largua si pasojë e genocidit grek nga trojet e veta amtare? OSBE-ja duhet t’i trajtojë në mënyrë të njëjtë anëtarët e vet që janë me të drejta të barabarta.
Kjo iniciativë do të ketë reagim maksimal prej nesh dhe në ditët që pasojnë, opinioni publik do të shikojë se ç’do të bëjmë për të bllokuar iniciativa të tilla. Ne do t’i kërkojmë në fund të fundit dhe Qeverisë shqiptare të reagojë dhe të kërkojë reciprocitet ndaj iniciativave greke në lidhje me pronat. Që prej shumë kohësh çështja çame, çështja e pasurive shqiptare në Greqi, pa dallim, është hequr nga axhenda e bisedimeve diplomatike. Diçka që duhet të ndryshojë patjetër.
Ndërkohë Partia për Drejtësi dhe Unitet po punon së bashku me një studio prestigjioze britanike për zgjidhjen e çështjes çame në institucionet ndërkombëtare. Kjo zgjidhje ka shumë implikime: do të punohet për rikthimin në trojet e të parëve, shfajësimin ligjor të këtij komuniteti, si dhe zgjidhjen përfundimtare të problemit të pasurive shqiptare në Greqi, ku pronat çame zënë një peshë të konsiderueshme. Unë bëj pjesë në delegacionin parlamentar të Shqipërisë në Këshillin e Europës dhe jam anëtar i një grupi të madh parlamentar europian si ALDE, grupi i liberalëve dhe demokratëve. Ne do të krijojmë dhe realizojmë iniciativa që do të kenë efekt të madh sensibilizues dhe do të kontribuojnë në zgjidhjen e problemit çam. Sot Shqipëria nuk mund të nëpërkëmbet si dikur, askush s’duhet të mendojë këtë.
Edhe për çështjen e regjistrimit të popullsisë ne jemi vërtet të habitur sesi ministri i një vendi fqinj bën komente në lidhje me një proces për të cilin duhet të tregojë një lloj sensi mase, apo rezervimi. Ky paternalizëm i tij krijon dyshime mbi procesin, sakohë që regjistrimi më i fundit i vitit 2000, i financuar dhe nga vetë Qeveria greke, ishte plotësisht i rregullt dhe nuk ka arsye pse të bëhen dy regjistrime brenda një kohe kaq të shkurtër. Siç u bë e ditur dhe nga mediat, ministri alternativ i jashtëm grek, Drutsas, nuk pati asnjë problem që ta konsideronte këtë regjistrim si diçka që ata zyrtarisht e mbështesin dhe që është në interes të Greqisë. Ne nuk mund ta pranojmë një iniciativë të tillë, në kushte si këto që po kalon vendi, për më shumë na shqetëson paternalizmi grek në lidhje me këtë çështje. Do ta mirëkuptonim këtë paternalizëm, sikur pala greke t’i krijonte mundësinë të deklaronin përkatësinë e tyre etnike dhe 100 mijë çamët ortodoksë që popullojnë Greqinë, sipas studiuesit të njohur Nikos Stillos.
Ne do të kërkojmë interpelancë me zotin Pollo, për t’u informuar më shumë mbi këtë iniciativë dhe do të luftojmë vazhdimisht që asgjë në këtë vend të mos bëhet si pasojë e presioneve të fqinjëve, dhe nëse do të ketë presione të tilla, ne duhet të reagojmë mbështetur në parimin e reciprocitetit. Si mundet një vend që nuk pranon ekzistencën e minoriteteve fetare dhe etnike në vendin e vet, të kërkojë regjistrim me parametra të tilla në një vend tjetër?
Ja këto ishin një sërë argumentesh pse përgjigjet e fundit të zotit Drutsas ishin shqetësuese. Dhe se ne do të reagojmë ndaj tyre.

Shpetim Idrizi/Panorama

[Duaje Siveten]

ky eshte nje tjeter pushtllek i qeverise "sime" ... kaluan nga deti, tek toka ...

por nuk jane vetem historianet qe e kundershtojne kete pisllek te qeverise "sime" ...

nuk jane vetem Çamet kunder ketij banditizmi anti-shqiptar te qeverise sime ...

ka edhe te tjere ...

[SKRAPARI]

e ka bere nanua paktin afat gjate me greqine: tirana me kosoven, vlora me janinen. vetem keshtu mund te shkaterrohet greqia artificiale.