Te lumte Dora o trim !

[Brari]

LUSHNJE/ Zbardhet kronologjia, nga vrasja e Sokol Çelës dhe e Gentian Kullës deri te vetëdorëzimi

"Si i vrava dy pengmarrësit"
Muharrem Tulaci tregon skemën e ngjarjes


--------------------------------------------------------------------------------

Aurora Damini

LUSHNJE

Zbardhet gjithë ngjarja e së martës në mbrëmje në periferi të qytetit të Lushnjës, pranë Varrezave të Dëshmorëve. Ka qenë vetë autori i saj, Muharrem Tulaci, 43 vjeç, babai i 3 vajzave, i cili i ka vrarë me pistoletën e tyre dy të rinj që e kanë marrë peng, Gentian Kullën dhe Sokol Çelën (ish-mik i Aldo Bares).

Për këtë ngjarje janë arrestuar edhe: Vasillaq Puka, për heqjen e lirisë së tjetrit dhe Maringlen Shahini, për moskallëzim krimi. Pas vetëdorëzimit të 43-vjeçarit, i cili ka vrarë 2 persona në kushtet e vetëmbrojtjes, rreth orës 14 të ditës së merkurë, ai e ka renditur gjithë krono-logjinë e ngjarjes në prani të prokurorëve dhe të hetuesve, në birucën ku është mbajtur krejt i vetëm.

Si lindi sherri mes jush dhe viktimave?
U ktheva në shtëpi nga dyqani im i këpucëve, ku punoj prej 6 vjetësh së bashku me gruan. Gruaja më dha disa ushqime për t'ia çuar vjehrrës në lagjen "Kadri Qystri", pasi ajo jeton e vetme dhe nuk ka kush t'i gatuajë. Hyra në rrugën njëkalimshe, pranë pallatit të saj dhe dëgjova nga prapa bori të pandërprerë makine. Hodha sytë dhe pashë Sokolin me një vajzë në makinë. Sokolin e njihja vetëm si fytyrë. Ai më shante dhe më thoshte të hapja krahun. I bëra shenjë "vetëm një minutë", pasi hyrja e vjehrrës nga rruga nuk ishte më shumë se 3 metra. Ai u nervozua dhe unë nuk e bëra të gjatë. Hodha tepsinë, me ç'kishte përgatitur gruaja, në makinë, hapa rrugën, por në atë çast ai lëshoi një breshëri të tërë sharjesh dhe ofendimesh. Siç dukej, donte dhe të dukej kapo në sy së të fejuarës. I thashë të mos më ofendonte se nuk isha shok i tij, për më tepër, në lagje njihesha mirë dhe më erdhi zor. U duk se më pas gjithçka mori fund...

Shkuat te vjehrra?
Po, por vetëm te dera qëndrova dhe natyrisht nuk i thashë asgjë, me-gjithëse më pyeti se kush i lëshoi ato britma. Shkova në shtëpi. Gruaja më pa të mërzitur dhe më pyeti se ç'kisha. Nuk doja t'i tregoja asgjë, por nuk durova dhe i thashë se isha shumë i ofenduar, se ata ishin djemtë e mi në moshë. Ajo më tha të mos mërzitesha, pasi djemtë e rinj rrëmbehen dhe më ftoi të pinim kafe. Doja të shkoja diku dhe zgjodha lokalin para komisariatit, ku është pronar djali i tezes sime. Piva kafe dhe po kthehesha në shtëpi. Fare pranë saj më kap Gentiani për xhakete dhe më thotë se më donte Sokoli për të sqaruar atë sherrin e tij. I thashë se nuk vij.

Atëherë, pse shkove?
Më vuri pistoletën në bark. Pak më tutje erdhi dhe Sokoli dhe më shtynë drejt makinës së tyre. Më çuan diku te varrezat. Aty i pyeta se përse më çonin kaq larg për t'u sqaruar. Më kanë goditur me qytë te vetulla dhe Sokoli u tall me mua duke më thënë: "Mbushe vetë karikatorin me fishekë, se të erdhi fundi". Filluan të me shajnë mua, gruan dhe vajzat, duke më thënë se do t'i çonin në Itali si prostituta. Nuk duroja dot, por ç'të bëja. Në një moment, ndërsa Sokoli uli kokën për të marrë silenciatorin që i ra poshtë sediljes, Gentiani që drejtonte makinën, i tha: "Vrite me pistoletën time". Ndërsa makina ecte, përfitova nga momenti dhe ia rrëmbeva pistoletën nga dora Gentianit. Qëllova fillimisht mbi Sokolin, pastaj mbi Gentianin. Dola nga makina dhe, i tmerruar nga gjaku, nga vrasja dhe nata, me frikën se pas tyre do të ishin dhe të tjerë persona, qëllova me pistoletë gjithë rrugës. Në të gdhirë, pasi rrija ullishteve, takova Vasillaqin. E kuptova që ai u kishte thënë Gentianit dhe Sokolit, pasi më ruajti në lokalin e djalit të tezes kur dola dhe e qëllova me qytë në ballë (fishekë nuk kisha më). Rrija kodrave përreth shtëpisë sime, tek ish-shtëpia e vjetër, por kontaktet me njerëzit e mi nuk i pushoja, madje dhe me punonjësit e komisariatit. Derisa nuk kisha ç'të beja. U dorëzova vetë. Le të merret drejtësia me mua, kam apo jo faj.

------------
Prokuroria ngre akuzën, Tulaci sot në Gjykatë


--------------------------------------------------------------------------------

LUSHNJE

Prokuroria e Lushnjës tashmë e ka ngritur akuzën për tregtarin 43-vjeçar të këpucëve, Muharrem Tulaci, i cili i ka vrarë "për t'u vetëmbrojtur", Çelën dhe Kullën. "Vrasje në kapërcim të kushteve të mbrojtjes së nevojshme", është akuza e ngritur dhe e publikuar dje për Gazetën, nga njerëzit e organit të akuzës, në bazë të nenit 83 të Kodit Penal. Sipas të njëjtave burime, kjo akuzë do t'i komunikohet sot ose nesër Muharremit dhe nëse vërtetohet kjo, ai rrezikon deri në 7 vjet burg. Pra, e thënë ndryshe, nëse Tulaci mund të vetëmbrohej në një mënyrë tjetër, pas gjetur rrugën ekstreme, do të dënohet. "Deri tani kemi vetëm dëshminë e tij. Nëse ne, në bazë të hetimit, vërtetojmë, se 43-vjeçari nuk ka pasur asnjë rrugëzgjidhje apo mundësi tjetër për t'u vetëmbrojtur, atëhetë, automatikisht ndryshohet akuza dhe shpallet i pafajshëm", kanë thënë burimet e Prokurorisë së Lushnjës.

-------
Përpjekjet e Donika Tulacit për të mbrojtur bashkëshortin

Flet gruaja: Orët e frikshme të së martës
"Më tha të lajmëroja policinë, i kishte qëlluar"


--------------------------------------------------------------------------------

LUSHNJE

Jo shumë larg komisariatit, fare pranë gjykatës ndodhet shtëpia e Muharrem Tulacit. Një hyrje në katin e parë të një pallati të vjetër dykatësh. Tashmë ajo është e "blinduar" me policët e objekteve të gjykatës dhe prokurorisë. Një oborr i vogël para portës së jashtme me çelës dhe në të ndodhet makina e Muharremit. Një shtëpi e mobiluar bukur që vetëm të qetësonte. Por në të vërtetë atje rrinte e shqetësuar për të nesërmen e saj, të burrit, të tri vajzave dhe tre kunetërve (vëllezërit e Muharremit) gruaja e tij, Donika. Një grua me një pamje fisnike, e gjatë dhe bionde. Ajo rrëfen gjithçka di, por pa ditur të shpjegojë asgjë se ç'do të behet më tej me të dhe me familjen. "Atë ditë Muharremi erdhi i shqetësuar. 'Si janë bërë këta çunat e sotëm, më tha, nuk u flitet me gojë'. Më tregoi sherrin. Unë i thashë të mos mërzitej dhe i thashë për kafe, por ai më tha se do ta pinte në lokal dhe nuk do vonohej. Pas pak dola në oborr për të nderur disa rroba. Shoh tim shoq me Gentianin. Diçka po debatonin, por nuk ua vura veshin. Hyra brenda dhe u mora me punët. Muharremi nuk po vinte. Dola prapë në oborr, por nuk pashë njeri. Mendova mos kishte vajtur te njerëzit e tij. Pas disa orësh u shqetësova, por nga ora 8 Muharremi më mori në telefon dhe me zë të tronditur më tha: 'Doni, mua më rrëmbyen dhe donin të më vrisnin, lajmëro policinë se unë kam qëlluar mbi ta, por nuk e di në i kam vrarë apo jo'. E alarmuar shkova në polici dhe rrëfeva gjithçka dija. Nuk më zuri gjumi gjithë natën, megjithëse Muharremi më mori edhe disa herë të tjera, duke më thënë se ishte diku rrotull shtëpisë tonë. Mora një kushëririn tim në gjykatë dhe i tregova gjithçka. Ai i tha Muharremit të dorëzohej. 'Mirë, i ka thënë, por më parë kapni shumë persona të tjerë që janë këtu rrotull, se Gentiani dhe Sokoli nuk kanë qenë vetëm'. Më pas ai u dorëzua, por familja jonë u shkatërrua. Nuk e dimë se ç'do të bëhet më tej". Kjo ka qenë ajo që ka mundur të thotë bashkëshortja e Muharrem Tulacit, familjes së vjetër lushnjare.

-------------

Te lumte dora Muhamet tullaci !!!!!!!!

Mir ja bere kontigjentit te Rebelizmit.

[Brari]

ARMA VRASESE, PRONE E DRITAN VILES

Ekspertiza balistike ka nxjerre se pistoleta me te cilin eshte vrare Gentin Kulla dhe Sokol Cela eshte perdorur nga super i akuzuari Vila

Gentjan Ruko

LUSHNJE - Policia lokale deklaron se ka prova qe dy te rinjte e vrare, naten e 11 shkurtit, ne Lushnje, ishin anetare te grupit te njohur te Aldo Bares. Ky perfundim u arrit pasi pistoleta e tyre rezulton te jete perdorur nga nje vrases me pagese, Dritan Vila, i cili u arrestua nga policia, vitin e kaluar, dhe qe akuzohet se ka kryer disa vrasje per llogari te grupit te famshem lushnjar. Me 11 shkurt, policia gjeti dhe bllokoi pistoleten qe kishin viktimat, Gentian Kulla dhe Sokol Cela, kur tentuan te ekzekutonin bashkeqytetarin e tyre 43-vjecar Muharrem Tulaci, por qe ky i fundit u rrembeu armen dhe i la te vdekur. Arma u gjet ne afersi te vetures me te cilet viktimat kishin udhetuar bashke me Tulacin, personin e rrembyer, afer disa tuneleve ne periferi te qytetit. Ekzaminimi balistik i pistoletes 9 milimetershe vertetoi se e njejta arme ishte perdorur ne dy tentativa vrasjeje ne Lushnje: me 16 prill 2001, ishte tentuar te likujdohej Bernard Linatopi, ndersa dy muaj pas, me 24 qershor 2001, e njejta arme u shkreh mbi Ermal Veliun, duke e lene te plagosur. Per tentativen e vrasjes se Bernard Linatopit, policia fajeson vrasesin me pagese Dritan Vila, i cili u arrestua ne Lushnje, me 4 maj 2002, pas nje shkembimi zjarri me uniformat blu, ne kodrat e qytetit. Sipas policise, kur Vila u prangos, ai pranoi te gjitha krimet, tregoi mekanizmin e kryerjes se tyre dhe emrat e personave per llogari te te cileve kishte bere vrasjet. Policia vertetoi keshtu se ai ishte paguar per vrasjet nga grupi i Lushnjes. Ai deklaroi se disa vrasje i kishte kryer vetem per 200 mije leke te vjetra.

Vrasjet e Viles

Policia citon Vilen te kete kallezuar ne komisariatin e policise se Lushnjes si disa anetare te grupit kriminal i tregonin, pak para vrasjes se radhes, vendin ku ndodhej pistoleta me te cilen duhej te kryente vrasjen, dhe qe me pas ai kontaktonte serish me "porositesit" se ku duhej ta linte armen e krimit. Policia ka publikuar disa vrasje te kryera me pagese nga Dritan Vila. Keshtu, ai akuzohet se me 23 nentor 1998, ne Lushnje, ka vrare, ne bashkepunim me Artur Dajen, shtetasit Bledar Haxhiu dhe Artur Sula, te cilet policia i njeh si anetare te nje bande rivale me ate te grupit te Aldo Bares. Vrasja tjeter e Viles daton me 19 prill 2001 dhe viktima quhet Nosh Gjolaj. Po ashtu, Vila akuzohet si ekzekutor edhe i shtetasit Alfred Pirra, me 23 pril 2002, ne qytetin e Lushnjes. Rreth 3 vjet me pare, nje numer te dyshuarish si anetare te grupit te Aldo Bares u ndalua, ndersa kreu i tyre u tha se iku jashte vendit per ti shpetuar arrestimit. Mirepo hija e grupit qendroi ne Lushnje. Fakti qe vrasja e fundit, qe iu atribuua grupit, u krye vitin e kaluar nga Vila, tregoi se disa elemente kishin rezistuar dhe se frika prej tyre ende nuk ishte fshire perfundimisht ne qytetin myzeqar.

Tre nga vrasjet per te cilat akuzohet Dritan Vila

1. 23 nentor 1998

Ne Lushnje vret, ne bashkepunim me Artur Dajen, shtetasit Bledar Haxhiu dhe Artur Sula, te cilet policia i njeh si anetare te nje bande rivale me ate te grupit te Aldo Bares.

2. 19 prill 2001. Vret Nosh Gjolajn.

3. 23 prill 2002. Ekzekuton Alfred Pirren ne qytetin e Lushnjes.



----------

[ganoid]

Brari nuk eshte mire qe lexojme gjera te tilla pasi edhe ata djem kishin nena qe ju eshte thyer zemra. Mgja une (jo me shume pasion) e perkrah ate cka ke shkruar. Me te vertet qe eshte nje lajm i "mire". Ndoshta vene mend edhe kokpalaret dhe injorantet e tjere qe po marrin jete baballaresh bashkshortesh e femijesh per arsye banale.
Uroj qe ti mos ti ndodhi gje familjes se tij! I uroj ta harroje sa me shpejt kete moment trondites te jetes dhe ti kthehet jetes normale pasi ka tre goca si yll qe e shohin cdo nate ne drite te syrit! Edhe nje here uroj te mos ti ndodhi gje!

[Brari]

Mare !


Mir nuk eshte te vrase njeriu po he...nga t'ja mbante i ziu Mete Tullaci..

ja c'thon sot Gazetat..

-------

LUSHNJE/ Policia: Pistoleta u gjet në makinën e viktimave, Sokol Çela e Gentian Kulla

Arma e pengmarrësve ishte e killerit me pagesë, Dritan Vila


--------------------------------------------------------------------------------

Aurora Damini

LUSHNJE

Zbulohet origjina e armës që iu gjet në makinë dy të vrarëve në Lushnjë ditën e martë, Sokol Çelës dhe Gentian Kullës. Ajo është përdorur nga kileri me pagesë i qytetit my-zeqar, Dritan Vila, i arrestuar në majin e vitit të kaluar nga policia, pasi ishte i dënuar në mungesë për vrasjen e një gruaje në Kuçovë, si dhe është akuzuar për disa vrasje e plagosje në Lushnjë.

Vila, me origjinë nga Kuçova, ka pohuar vetë në polici, se ka vrarë e plagosur -kundrejt pagesës- në emër të Enver Dondollakut, njërit prej njerëzve më të afërt të Aldo Bares. Arma që u gjet në makinën e viktimave së të martës, ishte e Sokolit dhe ishte përdorur nga Vila. Ndërsa pistoleta tjetër, të cilën Muharrem Tulaci ia rrëmbeu Gentianit nga dora, sipas Drejtorisë së Policisë në Fier, ishte e të njëjtit grup, por ende nuk është zbuluar ndonjë vrasje e kryer me të.

Pistoleta
Pasi është marrë pistoleta në bencin e viktimave të 11 shkurtit, janë bërë edhe ekzaminimet e nevojshme. Burime zyrtare nga Drejtoria e Policisë fierake kanë bërë të ditur se sektori i specializuar ka bërë ekzaminimin balistik të armës së gjetur në autoveturën e dy viktimave dhe ka rezultuar se ka kjo pistoletë e kalibrit 9 mm është përdorur edhe në krime të tjera për vrasje të mbetura në tentativë ndaj Ermal Veliut, më datë 24.6.2001, si dhe të shtetasit tjetër Bernard Linatopi, më datë 16.4.2002 në qytetin e Lushnjës. Por me këtë armë mendohet të jenë kryer edhe disa vrasje të tjera, të cilat i ka pranuar vetë Vila. Por kjo vërtetohet edhe nga një deklaratë e shefit të Komisariatit të Lushnjës vitin e kaluar, Daut Braçes, i cili i ka drejtuar uniformat blu në një periudhë që në qytetin myzeqar janë bërë disa vrasje e plagosje për tenderin e pastrimit të qytetit. "Vrasja e Ilir Boriçit në muajin shkurt, si dhe plagosja e Judmir Trifkës, Artur Shehut dhe Bernard Linatopit kanë të njëjtin motiv, si dhe janë kryer në të njëjtën mënyrë: nga armë me silenciator", ka thënë pranverën e vitit të kaluar Braçe. Pra, logjikisht, arma e gjetur në automjetin ku ndodheshin dy të vrarët, Çela dhe Kulla, mund të ketë bërë edhe vrasje të tjera dhe nga i njëjti person, Dritan Vila. Nga burimet policore të Fierit nuk është bërë e ditur mënyra e rënies së pistoletës së Vilës në dorë të Gentian Kullës, por, sipas burimeve zyrtare, ai ka qenë ndërmjetësi që i ka lidhur dy të rinjtë me Enver Dondollakun dhe miqtë e tij.

Vrasjet
Prej disa vitesh në qytetin e Lushnjës janë bërë disa vrasje, një pjesë e të cilave kanë mbetur pa motive. Por ka pasur edhe mjaft plagosje. Kështu, më 24 qershor 2001, sipas policisë fierake, Dritan Vila, me pistoletën me silenciator që u gjet në makinën e pengmarrësve-viktima të tregtarit Muharrem Tulaci, është plagosur, Ermal Veliu. Ndërkaq, në muajt e parë të vitin 2002 në Lushnjë janë bërë edhe disa vrasje e plagosje, të cilat, sipas policisë, kanë të njëjtin motiv, autor dhe mënyrë vrasje. Në kohën e këtyre ngjarjeve shefi i Komisaratit të Lushnjës në atë kohë, Daut Braçe, pati konfirmuar se "këto vrasje bëhen për të njëjtin motiv dhe nga e njëjta dorë". Kështu, në bazë të ekzaminimit balistik, ka rezultuar se pistoleta në fjalë është arma me të cilën është plagosur edhe Bernard Linatopi, më 16 prill 2002. Sipas uniformave blu, këto ngjarje janë të lidhura me një tender pastrimi për qytetin, në të cilin kanë marrë pjesë firmat: "Kondor-2", "Hidrotem", "Gledis" "Pegaso" dhe "Akoalba". Ndërsa "kurbanët" e tenderit ka qenë të vrarë: Ilir Boriçi dhe Alfred Pirra, si dhe janë plagosur: Judmir Trifka, Artur Shehu dhe Bernard Linatopi.

Dritan Vila
Ka qenë viti 1997 kur, si shumë të tjerë, edhe 28-vjeçari u armatos në depot e Kuçovës. Pak ditë më vonë ai vrau një grua për arsye ende të paqarta dhe që nga ajo kohë ai u largua nga qyteti i tij i lindjes. Ndërsa gjykata e ka dënuar në mungesë me 12,5 vjet heqje lirie. Nga Kuçova ka shkuar në Lushnjë, te disa të afërm të tij. Aty ai është njohur me Enver Dondollakun e shokët e tij, me të cilët është bërë bashkëpunëtor, pasi në atë kohë ishte e vetmja rrugë për t'i shpëtuar arrestimit nga policia. Dhe që në atë kohë nisi të "mbijetojë" duke bërë vrasje me pagesë. Ka qenë `98-a kur Dondollaku i ka dhënë "porosinë" e parë Vilës, për një ekzekutim në mes të qytetit. "Ka qenë data 23 nëntor e vitit 1998. Enveri më mori në telefon dhe më tha të shkoja në X lokal. Aty ndodhej një person i vetëm në një tavolinë. Më tha t'i ulesha afër. Sapo shkova unë, erdhi një fuoristradë tip "KIA". Nga ajo zbritën dy persona. Hynë në derë dhe më thanë: 'Qëlloje'. E qëllova me pistoletë me silenciator duke e lënë të vdekur. Më pas mësova se viktima ishte shefi i krimeve të Lushnjës, ndërsa dy personat e "KIA"-s ishin Bledar Haxhia e Artur Sulçe (të ekzekutuar më vonë)…" Kjo ka qenë pak a shumë edhe skema e veprave të tjera të kryera nga Vila, i cili ka vrarë më pas Nosh Gjolajn e Alfred Pirrën dhe ka plagosur Bernard Linatopin. Në bazë të urdhrave të Dondollakut, Vila e linte pistoletën në vende të ndryshme, armë kjo që u gjet të martën pranë trupit pa jetë të Sokol Çelës.
.....................
E njëjta masë edhe për Pukën e Shahinin

Gjykata e Lushnjës e lë Tulacin në burg pa afat


--------------------------------------------------------------

LUSHNJE

Burg pa afat për Muharrem Tulacin. Kështu ka vendosur dje Gjykata e Faktit në Lushnjë për 43-vjeçarin, tregtar këpucësh, i cili ka vrarë ditën e martë në mbrëmje Sokol Çelën dhe Gentian Kullën, me pistoletën e këtij të fundit, pasi ata e kishin marrë peng. Prokuroria e ka çuar çështjen në gjykatë të enjten pasdite, ndërsa dje është zhvilluar seanca e masës së sigurisë. "Vrasje në kapërcim të kushteve të vetëmbrojtjes së nevojshme", e parashikuar nga Neni 83 i Kodit Penal. Kjo ka qenë akuza që prokurori i çështjes, Anton Martini, ka paraqitur para gjykatësve për Tulacin. Burime zyrtare nga organi i akuzës kanë pohuar se këtë masë sigurie kanë kërkuar për Tulacin, pasi nuk kanë akuzë tjetër për momentin. "Nëse vërtetohet që ai i ka vrarë Çelën dhe Kullën, sepse nuk ka pasur zgjidhje tjetër, gjë për të cilën po hetohet, akuza ndryshohet automatikisht dhe ai shpallet i pafajshëm", kanë pohuar burimet. Ndërkaq Tulaci ka ndërtuar para trupit gjykues dhe prokurorit gjithë skemën e ngjarjes.

Po dje togat e zeza të Lushnjës kanë lënë në burg pa afat edhe dy të rinj të tjerë, Vasillaq Puka dhe Amarildo Shahini. Sipas prokurorit, i pari akuzohet për heqje të lirisë së tjetrit (ka bashkëpunuar në pengmarrjen e Tulacit), ndërsa i dyti, për moskallëzim krimi, pasi ka qenë në dijeni të të gjithë ngjarjes. Seanca gjyqësore në ngarkim të tyre është zhvilluar me dyer të mbyllura, por nga burimet zyrtare është bërë e ditur se Puka ka pohuar që e dinte se Çela dhe Kulla do ta rrëmbenin tregtarin e këpucëve.

---------------

Lushnje 2000 apo Teksas 1780 ?


Ja keta ishin ata qe digjnin makinat e policise ne ngjarjet qe filluan ne Lushnje me 1996-97.

Ja vune dhe prasin Tritanit e Tritani nashi i ka bere shoke..keta dhe mesuesit e tyre..


I mjeri Muhamet..detyrohet te vrase pa deshire por i detyruar..

Ah more Sali Berisha si u dolen luspat ne kohen tende ketyre zhapikve te zhukave..e ti nuk i shtype me rul asfalti te RRuga-Ures.