Republika e Kosovës në procesin e liberalizimit të vizave

[Dar_di]

Bruksel: Rexhepi thotë se Kosova është e gatshme për dialog të vizave

Bruksel, 23 nëntor – Lufta kundër krimit të organizuar, trafikimit dhe korrupsionit, sikur edhe reforma e sistemit gjyqësor janë temat kryesore të konferencës dyditore të ministrave të brendshëm dhe të drejtësisë të Bashkimit Evropian dhe të Ballkanit që ka nisur të hënën në selinë e BE-së, në Bruksel. Kësaj radhe përsëri është gjetur një formulë e pranueshme për të siguruar pjesëmarrjen e Kosovës dhe të Serbisë dhe kjo duke përmendur në program vetëm emrat e pjesëmarrësve, por jo edhe shtetet nga vijnë. Bashkimi Evropian vazhdon ta konsideroj Ballkanin Perëndimor si burim apo transit për krimin e organizuar dhe trafikimet e ndryshme ilegale, prandaj edhe dëshiron që të ketë bashkëpunim më të madh mes vetë vendeve të rajonit sikur edhe të këtyre vendeve me BE-në në luftimin e dukurive negative. Kosovën në këtë takim po e përfaqëson ministri i Punëve të Brendshme në Qeverinë në largim, Bajram Rexhepi.

Ai në paraqitjen e tij ka përshëndetur vendimin për liberalizimin e vizave për vendet fqinje të Kosovës, përfshirë së fundmi edhe për Shqipërinë dhe Malin e zi, dhe ka kërkuar që edhe Kosovës t’i jepet rasti duke hapur dialogun për vizat. Rexhepi ka thënë se Republika e Kosovës është e gatshme që të fillojë dialogun me Komisionin Evropian. „Ne kemi marrë disa hapa proaktivë në këtë drejtim; kemi miratuar Ligjin mbi ripranim, strategjinë e planit të veprimit mbi riintegrimin e personave të riatdhesuar, jemi duke digjitalizuar të gjithë librat e regjistrit civil dhe e kemi lansuar tenderin për pasaporta biometrike“, ka numëruar disa nga aktivitetet që po i bën Kosova për të nisur dialogun për liberalizimin e vizave me BE-në. Rexhepi ka folur pozitivisht për ndihmën e EULEX-it dhe të Zyrës së Komisionit Evropian në Prishtinë në këtë drejtim. Ai ka thënë se Kosova po vazhdon me negociatat dhe nënshkrimet e marrëveshjeve për riatdhesim me vendet anëtare të BE-së. Ka folur edhe për bashkëpunim me vendet anëtare për ndihmë në kthimin vullnetar, por ka shtuar se Kosova gjithsesi vazhdon me planin e saj për të zbatuar strategjinë e riintegrimit për të gjithë të kthyerit. Sipas tij, Qeveria e Kosovës këtë vit ka alokuar gjysmë milioni euro për zbatimin e kësaj strategjie, ndërsa për vitin që vjen kjo shumë është planifikuar të rritet në 3.5 milionë euro.

Rexhepi ka folur edhe për bashkëpunim me EULEX-in si dhe me organet e vendeve fqinje në goditjen e grupeve të krimit të organizuar dhe trafikantëve. Këtu ka përmendur edhe hetimet për rastin e humbjes së jetëve të qytetarëve të Kosovës në lumit Tisa. „Paralelisht me luftimin dhe parandalimin e migrimit ilegal, ne duhet hapur rrugë për stimulim të migrimit legal. Imigrantët kontribuojnë drejtpërdrejt në zhvillimin e Kosovës“, ka thënë Rexhepi, duke kërkuar nga BE-ja dhe nga vendet anëtare ta trajtojnë Kosovën sikur të gjitha vendet e tjera të rajonit në procesin e negociimit të marrëveshjeve të ndryshme në fushën e migracionit. Takimi vazhdon edhe të mërkurën kur do të flitet për reformat në gjyqësorë, depolitizim të kësaj fushe e cila për BE-në është ndër kriteret kyç për ecjen e vendeve të rajonit drejt integrimeve evropiane. ("Koha ditore")

[BEHARI]

Evropa anti shqiptare izolon diskriminon shqiptaret,njehkosisht i hap rrugen per integrim ne bashkimin europian kasapve te ballkanit Serbise!!
kjo eshte evropa laviere,e ecila insiston qe te fuse ne bisedime prishtinen me beogradin vetem e vetem per te ndare kosoven!!!

http://www.srbija.gov.rs/vesti/vest.php?id=71262

[Dar_di]

Reuters: BE-ja së shpejti hapë dialogun për viza me Prishtinën

Londër, 25 nëntor - Në javët e ardhshme, ose më së largu deri në fund të vitit Bashkimi Evropian do të hapë dialogun për viza me Prishtinën. Kështu thuhet në një analizë të agjencisë Reuters kushtuar raporteve të BE-së me Kosovën, të cilën e transmeton RTK-ja.

Hapja e këtij dialogu për viza do të ishte një inkurajim i madh për qeverinë e Kosovës dhe një sinjal i fortë se vendi është i vendosur fuqishëm në binarët e integrimit në BE. Reuters citon disa zyrtarë të Bashkimit Evropian të kenë argumentuar se, “sa më shpejt fillon të hapet dialogu për viza aq më mirë, pasi Kosova ka nevojë të inkurajohet për të filluar bisedimet e rëndësishme me Serbinë për çështje praktike”. Ndonëse Beogradi dhe Prishtina janë pajtuar për fillimin e bisedimeve ende asnjëra palë nuk ka bërë ndonjë lëvizje në drejtim të fillimit të takimeve formale. Reuters shkruan në analizën e vet se disa diplomatë evropianë kërkojnë me ngulm hapjen e dialogut për viza me Kosovën, sepse siç thonë ata, mund të ndodhë që politikanët e Kosovës të kushtëzojnë fillimin e bisedimeve me Serbinë me nisjen e dialogut për viza me Bashkimin Evropian. Ndonëse Kosova është një vend i vogël dhe i varfër prej 2 milionë banorësh, ajo mund të jetë çelësi i stabilitetit në rajon, i cili ka qenë i përfshirë për disa dekada nga konfliktit etnike.

Në tërësi, Brukseli ka një politikë të qartë ndaj Kosovës. Ai thotë se Prishtina mund të bëhet anëtare e BE, por vetëm kur të përmbush kushtet. Ajo që për Bashkimi Evropian paraqet shqetësim të shtuar është migracioni i paligjshëm. Ndonëse se Kosova është një vend i vogël, me një popullsi prej rreth 2 milionë, qytetarët e saj tashmë përbëjnë grupin e pestë më e madhe e azilkërkuesve në BE. Sidoqoftë shkruan Reuters, shtyrja e dialogut për viza me Kosovën nga ana e Bashkimit Evropian do të përbënte një turp. ("Koha ditore")

[e panjohura]

Zoti bereqet me kesi kushte cfar lexova!

Pa viza, por nën kontroll dhe xhepin plot

Agjensitë e huaja të lajmeve kanë shkruar dje sërish mbi liberalizimin e vizave me Shqipërinë dhe shqetësimin që egziston për mbarëvajtjen e këtij procesi. Sipas tyre, qeveria shqiptare duhet t'i informojë qytetarët shqiptarë mbi rregullat e kalimit në vendet e listës Schengen dhe fondet minimale që kërkohen në postat kufitare të çdo shteti.
Në qoftë se qytetarët nuk kanë fondet e duhura, atyre mund t'u refuzohet kalimi në këto vende, siç qe rasti i një çifti shqiptar nga Maqedonia, të cilëve ju refuzua hyrja në Belgjikë, sepse kishin 52 Euro më pak se minimumi i lejuar.


Qytetarët shqiptarë sërish do të jenë në mbikëqyrje të rreptë nga autoritetet kufitare dhe të emigracionit, për shembull:
- Biletat e avionit duhet të jenë me rikthim, ndryshe refuzohet hyrja në vendet Schengen.

- Atyre që shkelin afatet e qëndrimit, ose kërkojnë azil, do t'iu refuzohet hyrja në vendet Schengen nga 3 deri në 5 vjet.

- Atyre që kryejnë vepra penale do t'iu mohohet hyrja përgjithnjë.

Këtu janë lista e vendeve të Schengenit dhe fondet minimale që do t'iu kërkohen qytetarëve tanë:

* Austria - Prova e fondeve vlerësohet në bazë të rasteve
* Belgjika - 38 euro në ditë për qytetarët që vizitojnë familjarë apo miq dhe 50 euro për ata që prenotojnë hotel
* Republika Çeke - 0. 5 herë minimumin jetik në ditë, nëse qëndrimi nuk kalon 30 ditë. 15 herë minimumin jetik, nëse qëndrimi i kalon 30 ditë, ndërsa kjo shumë do të rritet dyfish për çdo muaj të qëndrimit. Shuma të reduktuara me 50% për udhëtarët nën moshën 18 vjeç
* Danimarkë - 350 DKK (50 euro) për çdo ditë të qëndrimit
* Estoni - 600 ËK (38.5 euro) për çdo ditë të qëndrimit
* Finlandë - 30 euro për çdo ditë të qëndrimit
* Francë - 56,20 euro në ditë, ekuivalente me pagën minimale (SMIC) në baza ditore
* Gjermani - 45 euro për çdo ditë qëndrimi
* Greqi - 20 euro në ditë me një minimum prej 100 euro. Sasi të zvogëluar me 50% për të miturit, të cilët janë pjesëtarë të familjes së udhëtimit
* Hungari - 1000 HUF (3.6 euro) për çdo hyrje
* Itali - 1 deri në 5 ditë shumë fikse 269.60 euro / 6 deri në 10 ditë shuma për ditë 44.93 euro / 11 deri 20 ditë fikse + shuma ditore për person: 51.64 euro + 36.67 euro / 20 ditë fikse + shuma ditore për person: 206.58 euro + 118.79 euro
* Letonia - 10 LVL (14 euro) në ditë për qytetarët që vizitojnë familjarë apo miq dhe 30 LVL (42.3 euro) për ata që prenotojnë hotel
* Lituania - 40 euro për çdo ditë qëndrimi
* Luksemburg - Prova të fondeve vlerësohet në bazë të rasteve
* Maltë - 37 euro për çdo ditë të qëndrimit
* Poloni - PLN 100 (25.4 euro) për çdo ditë të qëndrimit
* Norvegji - 500 NOK (62 euro) për çdo ditë të qëndrimit me miq apo familjarë
* Sllovaki - 3450 SKK (114.51 euro) për çdo ditë të qëndrimit, shuma ulet 50% për udhëtarë nën 16 vjeç
* Slloveni - 70 euro për çdo ditë qëndrimi, shuma ulët 50% për të miturit, të cilët janë pjesëtare të familjes së udhëtimit
* Spanjë - 57,06 euro në ditë, me një minimum prej 513.54 euro për person
* Suedi - 360 SEK (38.67 euro) për çdo ditë të qëndrimit.

Që herët vendet e BE-së kanë shprehur shqetësim lidhur me fluksin e qyetatarëve drejt vedneve të Europës që mund të pasojë lëvizjen e lirë dhe kërkesat për azil, që sipas vendimit janë të palejueshme.

[Dar_di]

S’ka datë të caktuar për liberalizim të vizave

Nuk ka datë të caktuar për liberalizim të vizave për Kosovën, ka deklaruar të hënën eurodeputetja Ulrike Lunacek duke komentuar deklaratën e kryeministrit në largim Hashim Thaçi, se nëse ai do të jetë sërish kryeministër, brenda 15 muajve Kosova do të përfshihet në liberalizimin e vizave.

Këto komente Lunacek i bëri të hënën pas takimit me ministrin në largim të Punëve të Brendshme, Bajram Rexhepi, i cili është shprehur optimist se Kosova do të përfshihet në liberalizimin e vizave.

Rexhepi, siç raporton RTK, ka thënë se Parlamenti Evropian është i interesuar që të përcjell zgjedhjet që do të mbahen në Kosovë dhe se shtatë anëtarë nga ky institucion do të jenë prezentë gjatë zgjedhjeve. /Telegrafi/

[TetovaMas]

Edhe un si Bardhi do i kisha then !

Mos e harroni Skenderbeun !
Mos e harroni Skenderbeun ! …Amanet ua le !
Ai ju mbrojti kundër turkut, dhe ju s'na dini te miren, i mbyllni syt para keti fakti gjigand !
Paramendoni vetem pakes sikur te mos ishte skenderbeu dhe shqiptaret, do te ishit te gjithe te islamizuar sot ?!

Evropianet nuk mban mende shume gjate ne histori ..................... memorien e kane shume te shkurte kurre eshte ne interes te tyre. Po te merret dhe te analizohet historia ne detaje , per fate te keqe shqipetaret ne pergjithesi me se shumti kane luftuare per te huajt se s'a per vendin e tyre .

Mos u krenoheni me te kaluaren ,pore krenoheni me te ardhmen. Nuk eshte faji i evropes pse shqipetaret e Kosoves ende udhetojne me viza . Faji kryesore i mbetet politikaneve te shitur kosovare .

[prishtina2010]

Evropa si gjithe here kunder shqipatrev dhe popllit te kosoves...evropa kuder kunder kosovareve ,,,evropa e meriton qe ti thuehet mjafe ma me shqipatret e koosves..]\
mendimi ime kish me qene se po te isha ne politke dhe politikan ,ju kisha qite kushte per ato vende te cilat nuk e kane njofture kosoven shtet,ato shtete te evropes as qe kishin mundure te hyne ne kosove dhe te mbajen kishe rende dhe ligje,,i kisha larguar jashte ksoove,si greqin,spanjollet,romunet e te tjeret

[Dar_di]

Thaçi polemizon me Lunacekun për vizat

Prishtinë, 30 nëntor (E plotësuar) – Kryeministri në dorëheqje Hashim Thaçi ka reaguar lidhur me deklaratat e raportueses për Kosovën të Parlamentit Evropian, Ulrike Lunacek, e cila ka thënë se nuk është e vërtetë se brenda 15 muajve do të mund të lëvizim pa viza nëpër Evropë, përkatësisht se “nuk ka ndonjë afat nga Brukseli për liberalizimin e vizave”.

“Unë kam konfirmimin se as Brukseli nuk do të vonohet në kryerjen e detyrave të veta, sepse ne po punojmë që të kryejmë obligimet tona edhe para 15 muajve, ka thënë Thaçi, raporton KTV. Ai tha se Kosova po i plotëson kriteret e parapara për këtë proces.
Lunacek, në fund të vizitës së saj në Kosovë, ka theksuar se Brukseli nuk ka caktuar datë lidhur me liberalizimin e vizave, dhe ka thënë se nëse Hashim Thaçi e di një datë të tillë, atëherë le t’ia tregojë edhe asaj. Megjithatë ka thënë se kosovarët duhet të shpresojnë se do ta marrin udhërrëfyesin për vizat, ngase Brukseli po punon për të mirën e gjithë rajonit. ("Koha ditore")

[Dar_di]

S’ka dhe nuk mund të ketë premtime për data për vizat, thonë Lunacek dhe Pack

Bruksel, 7 dhjetor – Në konferencën e sotme për shtyp, në Bruksel, gazetarë të huaj pyeten eurodeputetet Ulrike Lunacek dhe Doris Pack, që janë mbështetëse të fuqishme të liberalizimit të vizave edhe për Kosovën, se a janë reale premtimet që në fushatë ka dhënë kryeministri në largim i Kosovës, Hashim Thaçi, se për 15 muaj Kosova do të përfshihet në liberalizimin e vizave.

"Unë mund të përsëris atë që kam thënë në Kosovë javën e shkuar. Jam e befasuar me deklarata të tilla. Nuk ka pasur kurrfarë datash nga askush në BE. Ne nuk po japim data madje as për Kroacinë e cila po i përmbyllë negociatat e anëtarësimit. Nuk e di se kush është ai i cili ka mundur t’i premtojë Thaçit. Sa më përket mua, unë dua që vizat për kosovarët të hiqen që sot. Por datë nuk ka dhe këto janë thjeshtë premtime në fushatë zgjedhore dhe asgjë më tepër“, ka thënë Lunacek. Njësoj është përgjigjur edhe Doris Pack.

"Është rrugë e gjatë deri tek heqja e vizave., Duhet të përmbushen kriteret nga udhërrëfyesi e ne as që kemi edhe udhërrëfyes për Kosovën. Duhet të dihet se për këtë në fund nuk vendosim as ne, por ministrat e brendshëm të vendeve anëtare. E edhe zgjedhjet për këtë janë një lloj testi. Nuk ka e as që mund të ketë premtime për data nga ana e BE-së“, tha Doris Pack.

Edhe një herë këto dy deputete kanë premtuar partitë politike në Kosovë që, sado që mund të duket e kuptueshme për një fushatë zgjedhore, të mos japin premtime joreale me qëllim të manipulimeve me qytetarët.

"Partitë politike që kanë qenë në pushtet, por edhe të tjerat, nëse duan mbështetje nga BE-ja dhe besimin e qytetarëve, duhet ta dinë se ne nuk do të tolerojmë mashtrime dhe ndikime jolegale ndaj votuesve. Shpresojmë se qytetarët nuk do të lejojnë që të manipulohen“ ka thënë Lunacek. ("Koha ditore")

[shpresa-gazi]

PSE JO e meritojn se shum kan hek prej shkijeve