Republika e Kosovës në procesin e liberalizimit të vizave

[beni33]

sot zonja fajon tregoj se kosova esht shumm larg liberalizimin te vizave per kosoven pra mos te endrojm kot por te kerkojm nga shteti am shqiperia qe ta naj lejon nenshtetsin shqiptare dhe dote ishte zgjidh ky problem
kur serbet e kosoves kan drejt te paisen me pasaport serbe pse ne shqiptaret e kosoves te mos kemi mundesi te paisemi me dokumenta shqiptare tash sali berisha duhet te tregoj ftyren e ti se sa esht kombtarisht i sinqert

[2043]

Kosova nuk duhet ta mari kete veprim me mburje se cfare ka bere e kush ka qene ne te kaluaren.
Nuk ka perse te mari pasaportat shqiptare per te udhetuar ne Shengen.
Kosova duhet te plotesoje sa me pare kriteret teknike qe Europa kerkon, ne menyre qe te paraqitet denjesisht perpara Europes si shtet i barabarte me te tjeret dhe kjo eshte plotesisht e mundshme qe te realizohet ne nje kohe te shkurter.
Eshte ne te mire te njohjes se Kosoves qe te plotesoje standartet ne menyre qe te realizoje heqjen e vizave per popullsine e saj.
Shqiperia ame nuk u ka mohuar asgje Kosoves, por nese kosovaret duan te njohin shtetin e tyre te ri, kjo eshte rruga me e mire
Ju uroj vellezerve tane qe sa me shpejt ti arijne kriteret dhe une besoj se pas me pak se nje viti kjo do te ndodhe.
Gjerat e mira , arihen me durim.
Tregojeni veten te civilizuar ashtu sikunder jeni ne te vertete.

SUKSESE VELLEZER

[>_Ilirian_>]

Edhe un si Bardhi do i kisha then !

Mos e harroni Skenderbeun !
Mos e harroni Skenderbeun ! …Amanet ua le !
Ai ju mbrojti kundër turkut, dhe ju s'na dini te miren, i mbyllni syt para keti fakti gjigand !
Paramendoni vetem pakes sikur te mos ishte skenderbeu dhe shqiptaret, do te ishit te gjithe te islamizuar sot ?!

[Dar_di]

Fajon: Do angazhohemi seriozisht për Kosovën

Eurodeputetja Tanja Fajon ka deklaruar se ajo dhe kolegët e saj në Parlamentin Evropian do të angazhohen seriozisht që Kosova të afrohet me BE-në dhe të marrë udhërrëfyesin për liberalizimin e vizave. Deklaratën e saj, Fajon e bëri pas një takimi të zhvilluar me ministrin e Brendshëm të Kosovës, Bajram Rexhepi, ku ka nënvizuar se liberalizimi i vizave është një hap i rëndësishëm për qytetarët. Fajon, u bëri thirrje autoriteteve kosovare që të vazhdojnë me përmbushjen e kritereve për liberalizim vizash dhe t’i realizojnë reformat, në mënyrë që deri në fund të vitit 2011, Kosova të jetë gati për t’u përfshirë në procesin e lehtësimit të vizave me Bashkimin Evropian. Ajo tha se liberalizimi i vizave është një proces teknik, andaj përjashtoi mundësinë që mosnjohja e Kosovës nga 5 vendet anëtare të BE-së të ketë ndonjë ndikim në këtë çështje.

“Mendoj se mosnjohja nga shtetet anëtare nuk ka të bëjë me këtë proces teknik. Presim që Komisioni Evropian të lëshojë disa udhëzime të qarta - një strategji për heqjen e regjimit të vizave - dhe që Kosova të përqendrohet në zbatimin e këtyre kritereve”. “Do të jetë një rrugë e gjatë që do të kërkojë shumë, por mendoj se është e nevojshme të shkohet përmes kësaj rruge. Nëse do të ndodhë kjo deri në fundin e vitit të ardhshëm, mendoj se Kosova do të jetë në gjendje të hyjë në regjimin pa viza”. “Së shpejti Shqipëria dhe Bosnja do të hyjnë në regjimin pa viza dhe pas kësaj, vendet e Ballkanit që lëvizin të lira do të shkojë në 5. Shpresoj që së shpejti edhe Kosova do të jetë gati të hyjë në këtë regjim”, ka pohuar Fajon.

Ministri i Punëve të Brendshme të Kosovës, Bajram Rexhepi shprehu domosdoshmërinë për marrjen e një strategjie zyrtare të Bashkimit Evropian për liberalizimin e vizave. Ai tha se në mungesë të dialogut dhe udhërrëfyesit zyrtar të Komisionit Evropian për liberalizimin e vizave, institucionet kosovare kanë hartuar një udhërrëfyes nacional, të bazuar në udhërrëfyesit e vendeve të rajonit, porse ky dokument nuk u mjafton autoriteteve kosovare.

Ndërkohë, për Kosovën thuhet se Komisioni Evropian duhet të shfrytëzojë 10 nëntorin - publikimin e së ashtuquajturës “Pako të zgjerimit”, për t’i dhënë Prishtinës udhëzime zyrtare për procesin e liberalizimit të vizave. (Kosova sot)

[Dar_di]

E kaluara historike nuk është e arsyeshme të shfrytëzohet për raste të tilla kur e gjithë procesi varet nga puna që bëjnë personat juridik të vendit në drejtimin e shtetit.

Rruga e Kosovës për në BE kalon nëpër disa faza, e ato janë:

1. Studimi i fizibilitetit- që ka kuptimin e kryerjes, plotësimit dhe realizimit të rendit, sigurisë, qeverisjes së mire, sundimit të ligjit, ekonomisë stabile dhe shpejtim të reformave.
2. Procesi i Stabilizim Asocimit- gjatë të cilit fillojnë negociatat ndërmjet shtetit që dëshiron të anëtarësohet në BE dhe përfaqësuesve legjitim të BE. Aty përfshihen çështje të tilla si: reformat në vend, sistemi i financave dhe lëvizja e kapitaleve, energjetika, çështjet e demokracisë dhe të shoqërisë civile, të drejtat e njeriut dhe liritë themelore, media, prona, aspektet gjinore, minoritetet etj.
3. Marrëveshja e Stabilizim Asocimit- e cila përfshinë gjithashtu negociata mes përfaqësuesve të BE dhe vendit tonë që pretendon anëtarësim në BE. P.sh. Shqipëria mbante çdo gjashtë javë negociata për Marrëveshjen e Stabilizim Asocimit. Kjo marrëveshje përfshinë: preambulën, parimet e përgjithshme, dialogu politik, bashkëpunimin rajonal, lëvizjen e lirë të mallrave, lëvizjen e lirë të shërbimeve dhe kapitaleve, drejtësinë dhe çështjet e brendshme, protokollet etj.
4. Ftesa për në BE- bëhet atëherë kur mbahet ndonjë samit i shteteve anëtare të BE dhe vendoset t`i bëhet ftesë shtetit i cili ka plotësuar kriteret për t`u bërë anëtar i BE-së.

[Dar_di]

Kosova duhet të marrë Strategjinë e vizave

Kosova duhet të marrë pa shtyrje Strategjinë për liberalizimin e vizave, ka thënë raportuesja e Bashkimit Evropian për Kosovën Ulrike Lunacek.

Ajo në një intervistë për Radio Kosovën ka thënë se Kosova do ta marrë strategjinë e vizave.

“Këtë ma ka konfirmuar personalisht komisioneri i Komisionit Evropian Pierre Mirel. Këto ditë jam në kontakt të vazhdueshëm me Komisionin Evropian për të ushtruar trysni që kjo të bëhet sa më parë. Shpresoj, por nuk mund të them me siguri të plotë, se strategjia e vizave do t''i jepet Kosovës këta muaj, gjithsesi para vitit të ri. E di që Kosova ka plotësuar shumë prej kushteve, por jo të gjitha. Nuk kam informacione për datën e saktë, por mund të përsëris se jam në kontakt të vazhdueshëm me Komisionin Evropian, kurse sot pasdite për këtë çështje do të flas edhe me shefen e diplomacisë evropiane zonjën Ashton”, tha Lunacek.

Ajo tha se fakti që Kosova ka mbetur e izoluar në Ballkan, është pikërisht arsyeja që vazhdimisht bën trysni tek Komisioni Evropian që sa më shpejtë të procedojë edhe me Kosovën.

“Nuk guxojmë të lejojmë që populli i Kosovës të jetë në izolim kështu si është, kur kosovarët vetëm në pesë vende të botës mund të udhëtojnë pa viza. Parlamenti Evropian po bën trysni që të hiqet kjo gjendje. Jam në kontakt të vazhdueshëm edhe me eurodeputeten sllovene Tanja Fajon, e cila është përgjegjëse për çështjen e strategjisë së vizave në Parlamentin Evropian dhe me të jemi marrë vesh që në fillim të nëntorit të bëjmë një takim me komisarin Stefan Fule dhe zyrtarët të tjerë të lartë, për të shtuar edhe më fort presionin tek Komisioni Evropian që Kosova të marrë menjëherë dhe pa asnjë shtyrje strategjinë e vizave”, tha ajo.

Duke folur rreth dialogut që pritet të fillojë me Serbinë, Lunacek tha “Unë dua të shpresoj që të mos ketë ndonjë ndikim, mirëpo për shkak të situatës së krijuar për një kohë të gjatë mund të mos dihet se kur do të mbahen saktësisht zgjedhjet parlamentare, nëse ato do të jenë të parakohshme apo të jashtëzakonshme dhe se si kryeministri Thaçi do të menaxhojë me këtë krizë. Por mund të them se temat të cilat do të bisedohen janë ato që kanë të bëjnë me jetën e qytetarit, kështu që ato mund të fillojnë të zgjidhen përmes dialogut në nivel zyrtarësh të institucioneve të të dyja vendeve, pra nuk do të thotë se duhet patjetër të zhvillohet një takim me kryeministrash”. /Telegrafi/

[Dar_di]

Fajon: As Kosova nuk mund të mbetet e izoluar

Bruksel, 9 nëntor – Raportuesja e parlamentit Evropian për liberalizimin e vizave, Tanja Fajon, thekson se pas liberalizimit të vizave për Shqipërinë dhe Bosnjën, as Kosova nuk mund të mbetet e izoluar, njoftojnë mediat e Tiranës.

“Njerëzit më shumë se kurrë duhet të ndihen të lirë. Është koha që Komisioni Evropian të dalë me udhëzime të qarta dhe të gjejë një zgjidhje sesi të përfshijë Kosovën në regjimin pa viza", ka thënë Fajon në një komunikatë për media.

Ajo ka ritheksuar se Kosova nuk guxon të mbetet "një vrimë e zezë në hartën e Ballkanit Perëndimor". Qeveria në Prishtinë, thotë ajo, ka për të kaluar një pjesë të rëndësishme të rrugës deri në heqjen e vizave, por njerëzve u nevojitet perspektivë e qartë evropian. (Koha ditore)

[projekti21_dk]

Kujdes pra kujt po ia jepni votat në zgjedhjet e 12 dhjetorit!!!
( U pa puna e këtyre që ishin deri dje... )

[strange]

[>_Ilirian_>]

Evrope kthena kufinjt, e sa per vizat mbaj per vete.