pas liberalizimit te vizave (qe do te behet ne vitin 2011), i pari qe doli jashte Shqiperise asht kone shoki salis, i cilli shkoi me tajare diku, u kthya me kerr (e kish vozite veda), ndaloj diku ne viena per me darkua me fatos-buzuk-bixhozçiun, dhe asht mbrrite te shtangisti, i cilli e ka prite me gershana (inaugurimash) nder duer ... ne hymje te gjytetit Qorrevade ...Postuar më parë nga ademgashi_dk
hej ta lumsha bre adem gashi!
Rama e mbylli greven kur Brukseli i deklaroi se vizat do te hiqen
"Koha Jonë",Tiranë
Zbulohet skema e kreut socialist per te fituar politikisht ne kurriz te levizjes se lire te shqiptareve, greva e urise qe kreu socialist nisi mbremjen e 30 prillit te ketij viti kishte per qellim bllokimin e heqjes se vizave. Burime diplomatike ne Bruksel, tregojne skemen e perdorur nga Rama dhe pergjigjen qe mori nga selia evropiane: Vizat do te hiqen, greva e urise nuk ndikon ne kete proces ***
Tashme eshte e qarte per opinionin publik se greva e Partise Socialiste nuk synoi hapjen e kutive por bllokimin e liberalizimit te vizave per Shqiperine. Me kete veprim, Edi Rama besonte se do ta trembte Berishen ne bllokimin e procesit te liberalizimit te vizave, nje proces ky jashtezakonisht i rendesishem per qytetaret shqiptare dhe per qeverine qe ishte nen kete presion. E si rrjedhim, nen kete presion, Berisha do te terhiqej dhe do t'i jepte koncesionet e kerkuara Edi Rames. Por Brukseli ia preu shpresat qe vizat nuk hiqen dhe kur ndodhi kjo, erdhi edhe levizja tjeter e Rames, kete here e detyruar, dhe si nje kapitullim pa kushte. Burime diplomatike nga Brukseli bejne te ditur se personalitete te larta te selise evropiane, nje dite para se Rama te deklaronte zyrtarisht mbylljen e greves se urise, i kane bere te ditur zyrtarisht Kryetarit te Partise Socialiste se ngujimi i opozites nuk do te ndikoje ne liberalizimin e vizave per shqiptaret. "Vizat per shqiptaret do te hiqen edhe nese greva e opozites vazhdon". Ky ka qene deklarimi i prere i zyrtareve te Brukselit qe e detyroi Edi Ramen nje dite me pas te kerkoje ndihme per te gjetur nje forme apo nje menyre sesi te dilte nga greva e urise. Dhe sic dihet, eurodeputete te majte dhe te djathte, sajuan nje darke te "Krokodili" ne Strasburg me Sali Berishen dhe Edi Ramen. Kaq mjaftoi qe Edi Rama te mbylle greven dhe te hyje ne Parlament pa ndonje kusht ndaj mazhorances apo Brukselit. Me tej, Rama i mashtroi socialistet duke i thene se ekzistonte nga evropianet nje ultimatum dyjavor. Por ky ishte nje mashtrim i Rames per t'i mbajtur urte socialistet qe ende nuk e dinin pse u la greva e urise. E verteta doli se nuk pati ultimatum pasi kaluan jo dy por afro tre jave dhe sikunder kryeministri deklaroi publikisht, nuk ekzistonte asnje ultimatum, edhe per vete faktin se Shqiperia eshte nje vend i lire, i pavarur dhe sovran. Ne kete menyre, Rama futi 22 deputetet dhe 180 mbeshtetes, i la ata pa buke, pa uje dhe pa familje, vetem nje udhetim ne Strasburg. Per te perfituar keshtu pas gjithe kesaj sakrifice, nje darke me Berishen, te "Krokodili".
lajmi eshte i vertete per Bosnjen, por jo per Shqiperine ... si perhere me vone, ne fund ... tre fundit ... ni fitorje e zakonshme e qeverise "ime" ...Bruksel: BE aprovon liberalizimin e vizave me Shqipërinë dhe Bosnjen
tani qe krokodili 1 po e mbyll fazen, dhe krokodili 2 nuk ka filluar, procesi i liberalizimit te vizave shtyhet edhe per me tutje ...
na ka zene belaja, nuk do brukselii ti harxhojme edhe ato pare qe na kan ngel ne evrope ...
apo nuk po i rrit prap pagat e pensionet qeveria "ime" ...
Sapo e lexova kete lajm dhe shpresojme qe kete here te jete vertet keshtu dhe me ne fund ne shtator te miratohet ky ligj.....
Bregu: PE miraton heqjen e vizave brenda shtatorit. Rama pengoi liberalizimin
TIRANE—Lajmifundit—Ministrja e Integrimit Majlinda Bregu deklaroi sot në seancën parlamentare se Parlamenti Evropian do të miratojë heqjen e vizave brenda muajit shtator. Duke folur për vendimin e djeshëm dhe miratimin e rezolutës për Shqipërinë, Bregu këmbënguli se vizat do të hiqen si pasojë e një mbështetjeje unanime. Në vlerësimin e ministres kjo rrugë është tanimë e pakthyeshme dhe se qeveria është e përkushtuar në angazhimin e saj për integrimin e vendit. Bregu akuzoi opozitën se është përpjekur për të bllokuar liberalizimin e vizave.
Non mollare mai !!!!
S H Q I P, 10/07/2010
REZOLUTA E EUROPËS DHE PËRRALLA E KADIUT...Daut Gumeni
Kënaqësinë që sjell për të gjithë qytetarët e këtij vendi fakti që më në fund Europa jonë e lashtë me arritje të reja u kujtua për Shqipërinë si për një pjesë të saj, duket sikur e mjegullon përsëri ai zakoni i vjetër i pushtetarëve të Tiranës për t’i lexuar deklarimet europiane si të qenë në ca gjuhë të ndryshme e të pakuptueshme. Kjo frikë është e pranishme edhe për leximin e Rezolutës së Parlamentit Europian mbi zgjidhjen e krizës shqiptare të vitit të fundit. Ajo rezolutë duket se këtë herë flet më qartë e më shkoqur se herë tjetër, sepse kësaj here edhe parlamentarët e nderuar të Europës së Bashkuar kanë hequr dorë nga gjuha e Ezopit dhe janë shprehur si të kishin mësuar gjuhën shqipe, ndoshta të detyruar nga krizat periodike që pjell Tirana zyrtare për të ruajtur më të sigurt pushtetin e një grushti krijesash parapolitike, të cilët e vetmja gjë që i lidh me interesat jetikë të popullit e të vendit të tyre është gjuha shqipe.
Një shqipe vërtet ca e çuditshme, kur i dëgjon të thonë edhe për rezolutën në fjalë se “Parlamenti Europian me atë rezolutë njohu reformat e mëdha të kësaj qeverie”... se “Rezoluta e Parlamentit Europian dëshmon se zgjedhjet e 28 qershorit 2009 qenë vërtet më të mirat, më të lirat e më të ndershmet e historisë së këtij vendi”... se “përshëndesim Rezolutën dhe jemi gati ta zbatojmë pa vonesë”... Por nuk thonë dot se cilat janë ato “reformat e mëdha” që paska bërë një qeveri “e betonuar me 71 vota”, në mos e kanë fjalën për ato dhjetëra ligjet e liga të miratuara me ngut nga “mazhoranca” me gjysmën e votave të Kuvendit dhe të hedhura poshtë si antikushtetuese nga Gjykata Kushtetuese... Nuk na thonë dot se përse kërkon transparencë dhe kushtetutshmëri Rezoluta europiane, përse kërkon komision hetimor për zgjedhjet e 28 qershorit 2009, kur ato paskan qenë shembull dhe për vetë Europën e për tërë botën demokratike... Se nuk na thonë dot si do ta lexojnë këtë Rezolutë e pastaj si do ta zbatojnë, kur kanë një histori të tërë që e lexojnë shqipen si ca gjuhë të vdekura dhe ca gjuhë të vdekura si të lexonin gjuhën shqipe...
Të gëzon fakti që Parlamenti Europian më në fund e pa qartë se kriza politike shqiptare nuk ka rënë nga qielli dhe as është provokuar nga ndonjë i marrë, që nuk arrin të kuptojë sa shumë e do Shqipërinë dhe demokracinë e saj një dorë miqsh të pushtetit të Tiranës në institucionet europiane...
Të jep shpresë për ditë më të kthjellëta fakti që Parlamenti Europian më në fund po i sheh punët e politikës së mbrapshtë të pushtetarëve tanë me sy të lirë e jo me syzet e veshura nga boja partiake të ndoca të djathtëve europianë, pse jo dhe amerikanë, që na përgjërohen aq shumë për komunistët e thekur të Partisë së Punës, madje jo vetëm personalisht (pasi nuk i diskuton kush shijet e tyre vetjake për zgjedhjen e miqve politikanë), por edhe në emër të atyre institucioneve të larta euroatlantike(!)...
Sepse janë këta miq të pushtetit të Tiranës dhe jo miq të popullit shqiptar dhe as miq të demokracisë së vërtetë shqiptare, që nxitin atë pafytyrësi të pushtetarëve të Tiranës për t’i lexuar dhe rezolutat e Europës sipas dëshirës dhe sipas interesave të tyre të turbullta. Kjo është arsyeja pse dhe këtë herë nuk na largohet droja se pushtetarët tanë do t’i bien përsëri atij avazit të tyre të vjetër, që në thelb është avazi i njohur në këto anë me emrin e përrallës së kadiut të shekujve otomanë...
Pasi këtë herë Parlamenti Europian kërkon nga kadilerët e pushtetit të Tiranës që ta zbatojnë ligjin të barabartë, si në rastin kur lopa e fshatarit ka vrarë lopën e kadiut edhe kur lopa e kadiut ka vrarë lopën e fshatarit... Këtë herë kadilerët e Tiranës nuk duket se do të mund të shpëtojnë nga zbatimi i ligjit të barabartë për të gjithë, as trashëgimia e Partisë së Punës dhe as tifozët e kravatave të kuqe në institucionet euroatlantike. Këtë herë kadilerët e pushtetit të Tiranës nuk kanë aq shumë mundësi për ta lexuar dhe Rezolutën e fundit të Parlamentit Europian si të ishte shkruar në gjuhët e vdekura të atyre fiseve të egra, që dhe shumësin e emrit e bëjnë duke përsëritur shumë herë emrin në njëjës...
Duket se këtë radhë kadilerët trashëgimtarë të Partisë së Punës dhe të diktaturës së saj, do ta kenë më të vështirë të flasin në emër të popullit, duke na thënë shumë herë: “unë, unë, unë...”. Këtë herë duket se pushtetarët e Tiranës do ta kenë më të vështirë të na shtihen të përvëluar për demokracinë, duke na kujtuar se pushtetin e kanë me senet dhe nuk e lëshojnë dot pa majmur mirë ca kukulla të tjera, që dhe senetin dhe pushtetin ta lënë në duar të sigurta, po aq të sigurta për antidemokratët sikundër u treguan dhe ata vetë këto dekada të gjata tranzicioni...
Dhe kjo drojë, se edhe Rezoluta e Parlamentit Europian mund të lexohet në gjuhët e vdekura pa numër shumës të ca fiseve të zhdukura me kohë, duket se nuk është aq e pabazuar, kur dëgjon dhe një burrë të vjetër të shtrembërohet i gjithi në ekran duke gënjyer se nga Rezoluta qenkej hequr fjala “all” (të gjitha) kur flitet për materialet që përbëjnë objektin konkret të hetimit për komisionin parlamentar përkatës... Dhe nuk shtrembërohej ai burrë plak sepse gënjente, se duket që nuk e ka për gjë atë punë, por sepse ekranet që dhanë rezolutën me paragrafë të cituar, treguan sheshit që ajo fjalë e frikshme “all” ishte për bukuri në vendin e vet në fjali dhe e paskej “hequr” vetëm plakushi i shtrembëruar nga trashësia e gënjeshtrës që po lëshonte për publikun tonë të lodhur me paturpësi pushtetarësh.
Sepse është kjo drojë e bazuar në reagimet e para të politikës së Tiranës ndaj Rezolutës së Parlamentit Europian, që nuk na lejon të gënjehemi aq lehtë sa kujtojnë kadilerët tanë të pushtetit, që kësaj here na e paskan harruar zakonin e tyre të vjetër për t’i lexuar jo vetëm gjuhët moderne të Europës, por edhe vetë shqipen tonë të mirë, si ato gjuhët pa numër shumës...
Nëse ia kanë dalë të bëjnë për vete dhe disa miq të pushtetit të tyre në institucionet europiane, këtë nuk besoj se e kanë arritur duke folur në ato gjuhët e vdekura pa numër shumës, por duket se kanë përdorur me bujari investimet direkte në vende të huaja, në vend të investimeve të huaja direkte për zhvillimin e vendit tonë.
Me sa duket tek ato investime e kanë gjetur dhe kurajën të thonë aq shumë herë “të lira, të lira, të lira” e “të ndershme, të ndershme, të ndershme”. Për ato zgjedhje që “të lirë e të hapur” patën vetëm manipulimin teknologjik me kartat elektronike të paverifikueshme dhe të pashpërndara për të gjithë qytetarët. Sikurse patën “të lira” vetëm ato qindra qendra votimi të vendosura nëpër “shtëpitë e Partisë” në pushtet, pasi mungonin mjediset e sigurta (doemos për manipulime).
Sikurse ka investuar jo pak “pushteti i betonuar” me gjysmë parlamenti edhe në “shëndoshjen e opozitës”, duke mbështetur një ekip të tërë “opozitarësh”, që mendonin ndryshe nga opozita zyrtare dhe këtë larmi e “pasurim të mendimit politik opozitar” duan t’ia mësojnë të gjithë opozitës, në mënyrë që ajo teoria e pushtetit për “opozitarë, por vëllezër” të ndihmojë opozitën të njohë humbjen edhe me vota të manipuluara e të mos e shqetësojë pushtetin me protesta, por të ndihmojë dhe stabilitetin e vendit e të rajonit tonë të trazuar...
Tek e fundit, nuk është faji i atyre opozitarëve aq të dëshiruar nga pushteti, por është merita e tyre e madhe që ato mendime ndryshe përkojnë plotësisht me mendimin e pushtetit aktual. Kjo tregon se ata e paskan studiuar me themel teorinë e “opozitarëve vëllezër”, madje mund të thuhet se janë thelluar aq shumë në ato studime, sa kanë zbuluar dhe rrënjët e saj të vërteta...
Atëherë, si ta lërë pushteti aktual t’i shkojë dëm gjithë atë investim për “shëndoshjen e opozitës” e të pranojë ta lexojë thjesht e ta zbatojë një për një Rezolutën e Parlamentit Europian? Tani duket se është koha të gjallërohet përsëri mendimi ndryshe brenda opozitës e vetëm kundër opozitës dhe fare rastësisht aq identik me mendimin e pushtetit. Të gjallërohet e të shprehet si gjithnjë më shumë nëpër ekrane sesa në forumet e partisë.
Madje, të joshur nga suksesi i atij grupit që i hoqi dhe një gjethe jeshile logos së partisë për të krijuar një parti të gjithën të kuqe, nuk do të ishte aq e papritur dhe një partiçkë tjetër shumë e mëngjër, apo “e mbajtur” së katërshi. Që nesër të bashkohet me koalicionin e pushtetit të gjysmëparlamentit për të bërë “reforma të mëdha” – përshi dhe krijimin e një partie të vetme të madhe me shëmbëlltyrën e Partisë së Punës, por tani edhe me bekimin e ca pak të djathtëve europianë, si zonja e nderuar Pack.
Na mbetet të shpresojmë tok me Parlamentin Europian, të presim e të shpresojmë se më në fund dhe pushtetarët tanë do ta lexojnë thjesht shqip, si shqipfolës që janë, atë rezolutë të uruar dhe të zgjidhet përfundimisht kriza politike ciklike, që po mban peng zhvillimin normal të vendit. Të zgjidhet tok me krizën politike - dhe këtë herë të zgjidhet njëherë e mirë - nyja e shëmtuar e zgjedhjeve të manipuluara të tranzicionit tonë. Të vendoset përfundimisht me ligj, që cilido humbës e cilido qytetar i këtij vendi të ketë të drejtë të shohë publikisht faqe botës se si është numëruar vota e tij, duke e hedhur poshtë edhe një palo argument aq të përdorur nëpër media se do t’i hykemi kështu një cikli kontestimesh e verifikimesh që mund të na lërë (na ruajt Zoti!) pa këtë lloj qeverie, e cila qeveris vetëm bizneset e veta personale dhe çqeveris punëT e vendit deri në një rrokopujë që na kthen në problem europian...
Na mbetet të shpresojmë dhe të urojmë tok me Parlamentin Europian se pas kësaj rezolute mund të nisë fundi i tranzicionit tonë dhe i pushteteve të vjedhura e të blera, që riciklojnë vetveten pa pyetur as për votën e as për interesat jetikë të këtij populli të duruar e të vendit gjithnjë të fundit në Europë e të parët vetëm në pafytyrësinë e kadilerëve të pushtetit.
Tiranë, 3 shtator - Sipas raportit paraprak të Komisionit Europian Shqipëria dhe Bosnja janë pranë plotësimit të kritereve teknike të nevojshme për liberalizimin e vizave, raportoi mbrëmë Top Channel.
“Përgjithësisht pozitive janë vlerësimet e misioneve të ekspertëve dhe me të dhënat e deritanishme nga të dy vendet mund të themi se është bërë progres i mirë që prej muajit maj. Të dy vendet janë prane plotësimit të kritereve”, deklaron përfaqësuesja e KE-së, Heike Buss.
Nga 3 kriteret e mbetura për Shqipërinë, misionet e ekspertëve, që vizituan vendin nga data 12 deri në 15 korrik, vlerësojnë se më shumë përpjekje nevojiten ende në zbatimin e kuadrit ligjor për luftën ndaj korrupsionit dhe krimit të organizuar.
“Më shumë përpjekje janë të dëshirueshme për rritjen e aftësive të kapjes së kriminelëve dhe zgjerimin e vlerësimit mbi rrezikun. Përpjekjet e prokurorisë për të hetuar rastet e korrupsionit janë intensifikuar dhe është rritur numri i tyre nga grupet e përbashkëta hetimore. Më shumë përpjekje duhen bërë për të amenduar legjislacionin, me qëllim që të garantohet se shtrirja e gjerë e imunitetit e gjykatësve dhe politikanëve nuk do të dëmtojë hetimin efikas të prokurorisë për rastet e korrupsionit”, vazhdon më tej përfaqësuesja Buss.
Kapacitetet administrative janë forcuar në këtë drejtim falë trajnimeve si dhe njihet progres përsa i takon kriterit të konfiskimit të aseteve kriminale. Strategjia dhe plani i aksionit për integrimin e të riatdhesuarve siguron deri në 2015, siç u shpreh zyrtarja e Komisionit, strehimin, edukimin dhe punësimin e personave që i kthehen Shqipërisë. Raporti përfundimtar paraqitet në mes të shtatorit.
Raportuesja Tanja Fajon kërkoi që vendimi për liberalizimin e vizave me Shqipërinë dhe Bosnjën të trajtohet si çështje urgjente, sikundër u premtua një vit më parë nga Brukseli e siç ndodhi dhe për tre vendet e tjera përfituese të rajonit.
“Qershorin e kaluar kur komisioni u shpreh për 3 vendet e tjera, ne e dinim brenda ditës se kur kjo gjë do të ndodhte, u lajmërua 1 janari 2010, për fat u përshpejtua para Krishtlindjeve. Sot ende nuk e dimë një datë për Shqipërinë dhe Bosnjën, megjithëse kanë kaluar disa muaj nga propozimi legjislativ i komisionit e nuk mund të themi se trajtimi është i njëjtë”, u shpreh raportuesja e vizave në PE, Tanja Fajon.
Dy grupet kryesore politike të legjislativit europian u shprehen se do të votojnë pro në seancën plenare të tetorit, në rast se Komisioni shprehet edhe pas dy javësh, në raportin përfundimtar me shkrim, se të dy vendet i kanë përmbushur kriteret.
Ekstremistët u shprehen kundër liberalizimit të vizave duke shpjeguar se regjimi i lirë do t’u mundësonte kriminelëve shqiptarë të vijonin trafikun e tyre në BE. Por përfaqësuesja e Komisionit garantoi se edhe pas marrjes së vendimit për heqjen e vizave, procesi monitorues ndaj dy vendeve të Ballkanit do të vijojë.
Më gënjeu pasuria, jeta vrap më iku shpejt dhe u thinja u dergja u plaka në dhe të huaj do të vdes..
Heqja e vizave, ne PE: 43 vota pro e 2 kunder
Komisioni i politikes se jashtme ne Parlamentin Evropian miratoi dje me 43 vota pro, 2 kunder dhe 3 abstenim, opinionin e KE per liberalizimin e vizave per Shqiperine dhe Bosnjen. Projektraporti i pergatitur nga eurodeputetja Tanja Fajon s'pati asnje amendim, pasi afati perfundimtar per amendimet kaloi. Votimi i djeshem ne Komisionin e politikes se jashtme eshte nje nder votimet paraprake te draftraportit, i cili pritet te kthehet ne raport ne votimin me 15 shtator. Nese me 15 shtator 27 vendet e Bashkimit Evropian do ti japin "Ok", projekt/raportit, gje qe eshte paralajmeruar e sigurt, atehere shqiptaret do te mund te levizin te lire ne zonen Shengen perpara dites se nderrimit te viteve. Gjithcka eshte paralajmeruar pikerisht ne seancen e 2 shtatorit, kur eshte zhvilluar dhe debati per heqjen e vizave te Shqiperise me vendet e BE, ku eurodeputetet e Komisionit kane deklaruar se jane plotesuar te gjitha kriteret. Keshtu, Parlamenti Evropian vleresoi se Shqiperia ka bere progres te mire dhe ka plotesuar kushtet e vendosura per liberalizimin e vizave. Nderkohe, raporti i Komisionit te Puneve te Brendshme, Drejtesise dhe Lirive Civile i dates 15 shtator pritet te jete pozitiv, duke pershpejtuar keshtu procedurat per hyrjen ne fuqi te vendimit per liberalizimin e vizave brenda ketij viti. Pas monitorimit te delegacionit te Komisionit Evropian lidhur me progresin e Shqiperise ne permbushjen e kritereve per liberalizimi e vizave, kjo ceshtje ka qene tema qe u diskutua ne komisionin per drejtesine dhe punet e brendshme te Parlamentit Evropian. "Sipas asaj qe kuptoj, une, raportet jane pozitive dhe ato do te finalizohen brenda dy javesh. Sic duket, ato do jene pozitive dhe nuk shoh asnje arsye per ta shtyre procesin. Ka qene gjithnje nje proces teknik dhe duhet te mbetet i tille deri ne fund. Perderisa jemi ne piken qe kushtet teknike jane permbushur, atehere s'ka me arsye per zvarritje. Duhet ta shtyjme axhenden e ngjeshur sepse u kemi premtuar qytetareve. Ketu luhet kredibiliteti i BE-se dhe duhet finalizuar procesi sa me shpejt", tha Fajon. Rekomandimi i komisionit do te kaloje per votim ne Parlamentin Evropian, i cili me pas do t'ia dergoje ministrave te Brendshem te BE-se per nje vendim perfundimtar per heqjen ose jo te vizave per Shqiperine dhe Bosnjen. Ne draft raportin e eurodeputetes Fajon, te publikuar ne faqen zyrtare te Parlamentit Evropian, thuhet se Bashkimi Evropian eshte nje perkrahes i fuqishem i heqjes se regjimit te vizave per te gjitha vendet e Ballkanit Perendimor, qytetaret e te cileve jane izoluar per shume kohe. Nderkohe qe vetem disa dite me pare ka qene Ministri i Brendshem Lulzim Basha ai qe ne takimet qe ka zhvilluar gjate Forumit te 10 te Salzburgut ne Austri, me disa prej homologeve te vendeve anetare te Bashkimit Evropian ka marre garancine se ne nje nga mbledhjet e vjeshtes, Keshilli i Ministrave te Brendshem do te marre vendimin mbi propozimin e Komisionit Evropian per heqjen e vizave per qytetaret shqiptare. "Kam patur bisedime dypaleshe me disa prej kolegeve te Bashkimit Evropian, te cilet me kane siguruar se presin finalizimin e hapave teknike nga Komisioni Evropian dhe qe shpresojne qe ne mbledhjet e tyre te ardhshme ne Tetor apo Nentor, dhe keto mbledhje i ndajne tre jave nga njera- tjetra, te finalizojne vendimmarrjen per levizjen e lire te qytetareve shqiptare", deklaroi Basha. S.P
KJ
Raporti i OSBE në Vjenë: ''PS, kundër Perëndimit''
Ambasadori në Vjenë: Bojkoti dhe greva e deputetëve socialistë bllokuan miratimin e reformave
Ambasadori Robert Bosch ka prezantuar dje në Vjenë përpara Këshillit të Përhershëm të OSBE raportin 6 mujor për Shqipërinë mbi situatën politike si dhe ecurinë e reformave në të gjitha fushat. Raportimi i ambasadorit Bosch nisi me situatën politike në vend ku theksohen mosmarrëveshjet midis maxhorancës dhe opozitës, mbi pretendimet që kjo e fundit ka lidhur me zgjedhjet parlamentare të mbajtura më 28 qershor. Përmes këtij raporti, Bosch thekson se opozita me qëndrime radikale, siç janë protestat në rrugë, futja e deputetëve socialistë në grevë urie, ka bllokuar çdo reformë dhe ligj në vend. Në këtë kontekst, në raport theksohet se Partia Socialiste ka dalë me forcë kundër thirrjeve të ndërkombëtarëve për të hequr dorë nga qëndrimet radikale e për t'iu kthyer jetës së parlamentit, në kuadër të reformave për integrimin e vendit. Megjithëse një axhendë legjislative është mbajtur gjatë vitit të shkuar, citon raporti, sidomos në fusha thelbësore që kanë të bëjnë me procesin e liberalizimit të vizave, luftën kundër krimit të organizuar dhe korrupsionit, reformën ekonomike dhe policinë gjyqësore, mungesa e opozitës ka penguar mundësinë e ligjvënësit për të miratuar disa ligje të nevojshme për të çuar përpara axhendën e integrimit. Në raportin e tij, ambasadori Bosch thekson se opozita ka injoruar apelin e ndërkombëtarëve lidhur me miratimin e ligjeve në kuadër të reformës në drejtësi si dhe ngritjes së Gjykatës Administrative. "Gjatë të gjithë vitit, PS-së i është sjellë në kujtesë, në mënyrë të përsëritur, nga shumë aktorë ndërkombëtarë, se kishte përgjegjësinë për të përmbushur detyrën e saj kushtetuese si një opozitë konstruktive dhe për të kaluar disa ligje shumë të rëndësishme me gjithë mërinë e saj. Situata e nderë politike ka bërë që, përgjithësisht, ata të mos i marrin parasysh këto thirrje", ka theksuar Bosch përpara Këshillit të Përhershëm të OSBE. Ai thekson gjithashtu, se në diskutimin e organizmit të gjyqësorit, duke qenë se Kushtetuta kërkon shumicë të cilësuar për miratimin e legjislacionit për pushtetin gjyqësor, mungesa e gjatë e PS-së në Parlament dhe politika e saj e mëpasshme për të mos votuar asnjë ligj që kërkon shumicë të cilësuar, ka bërë që Parlamenti të mos jetë në gjendje të miratojë disa ligje kyçe, ndër më kryesoret atë për Këshillin e Lartë të Drejtësisë, për zëvendësimin e ligjit jokushtetues për Konferencën Kombëtare Gjyqësore dhe, veçanërisht, ligjin për krijimin e Gjykatës Administrative.
META: RAPORTI VLERËSUES I KE-SË PËR SHQIPËRINË, VULLNET POLITIK I VËNDEVE ANËTARE PËR LIBERALIZIMIN E VIZAVE
Zv.kryeministri dhe ministri i Jashtëm i Shqipërisë, Ilir Meta deklaroi se raporti i KE-së vlerëson se është koha reale per heqjen e vizave për Shqipërinë.
Postuar më 16.09.2010 08:01:47 UTC
Përditësuar më 16.09.2010 08:06:07 UTC
Zv.kryeministri dhe ministri i Jashtëm i Shqipërisë, Ilir Meta deklaroi se raporti i KE-së vlerëson se është koha reale per heqjen e vizave për Shqipërinë.
Në një konferencë për shtyp, shefi i diplomacisë shqiptare, tha se "raporti për tre nënçështjet e mbetura nga udhërrefyesi për liberalizmin e vizave për vëndin tonë, u është bërë i ditur vëndeve anëtarë si dhe PE-së dhe siç u shpreh komisionerja Malstrom, është një PO reale për të hapur dritën jeshille për liberalizmin e vizave mes Shqipërisë dhe BE-së".
Kreu i ministrisë së Jashtme në Shqipëri vuri në dukje se "kjo punë e bërë, përbën bazë të qëndrueshme për të siguruar rezultate edhe më të mira në përpjeket për t'a kthyer Shqipërinë në një vënd të sigurt, me agjenci e institucione ligjzbatuese të standarteve europiane dhe që mbetet e përkushtuar të luftojë pa kompromis krimin e organizuar në bashkëpunim me të gjithë partnerët tanë rajonalë, europianë dhe ndërkombëtare".
Sipas tij, ky proce nuk do të niste dhe të kurorëzohej, pa vullnetin e qëndrueshëm politik të vëndeve anëtare dhe mbështetjes së jashtëzakonshëm, që i kanë dhënë vëndit tonë gjatë gjithë kësaj kohe.
"Ky vullnet politik, i mbështetur në vlerësimin pozitiv në arritjen e standarteve dhe përmbushjen e kritereve për liberalizimin e vizave, do të shfaqet bindshëm në mbledhjen e afërt të Këshillit për Çështjet e Brëndshme dhe Drejtësinë duke votuar pro heqjes së vizave për Shqipërinë”, deklaroi ministri Meta.
Duke theksuar se nga ky vendim historik, na ndan vetëm pak kohë, ai ftoi qytetarët shqiptarë që edhe ata të marrin përgjegjësitë e tyre duke u informuar rreth privilegjeve dhe detyrimeve që ka ky proces, duke respektuar të gjitha rregullat e e lëvizjes pa viza, pajisjen me pasaporte biometrike e duke përfunduar në respektimin e afateve ligjore për qëndrimin në zonën Shengen.
Gjithashtu Meta tha se "ky vlerësim është edhe konfirmim i angazhimit serioz dhe intensive që kanë patur të gjithë aktorët e përfshirë në këtë proces". Ai shprehu konsiderata për punën e bërë nga të gjitha institucionet, veçanërisht stafit të MPJ-së, nën drejtimin e Sekretarit të Përgjithshëm, të cilët kanë punuar me përkushtim dhe përparësi për përmbushjen e detyrimeve.
"Një mirënjohje dhe vlerësim i veçantë shkon për KE-në, një partner i jazhtëzakonshmë dhe shumë ndihmues në këtë dialog të hapur intensive dhe konkret, PE-në, e cila gjatë gjithë kësaj kohe ka qënë dhe mbetet mbeshtetës i fuqishëm i të ardhmes europiane të Shqipërisë dhe veçanërisht për përfundim sa më parë të procesit për liberalizmin e vizave mes Shqipërisë dhe vëndet e tjera të rajonit", tha Meta.
Gjatë konferencës për shtyp, ministri Meta iu përgjigje edhe interesit të gazetarëve për mardhëniet me ministrin në largim të Ekonomisë Dritan Prifti, pas ndryshimeve të bëra në qeveri.
Kreu i LSI-së bëri të ditur se "jemi në një komunikim të vazhdueshëm dhe shumë konstruktiv dhe po pres që të takohemi" dhe shtoi edhe se “e kam inkurajuar z.Prifti, që çdo material, që ka, lidhur me kërcënimet që i janë bërë në çdo kohë, t'ia çojë prokurorisë dhe të bashkëpunojë me të gjithë institucionet e ligjit.
"Askush nuk duhet të guxojë t'i bëjë presione një ministri, deputeti, por edhe çdo qytetari në këtë vënd. Çdo njeri që ka një vepër penale, duhet të përgjigjet para drejtësisë dhe në momentin që konstatohet një gjë e tillë, absolutisht kjo forcë politike i përjashton nga radhët e veta", përfundoi zv.kryeministri shqiptar dhe kreu i LSI, Ilir Meta.
Berisha përshëndet raportin e KE-së për vizat
"Janë vlerësuar arritjet e Shqipërisë në luftën ndaj krimit dhe korrupsionit. Është vlerësim, po njëkohësisht edhe detyrim për të konsoliduar arritjet më të rëndësishme", tha ndër të tjera Berisha.
Kryeministri i Shqipërisë, Sali Berisha përshëndeti të mërkurën raportin përfundimtar të Komisionit Evropian për procesin e liberalizimit të vizave që vlerëson arritjet e Shqipërisë në plotësimin e tre kushteve shtesë. Duke folur në mbledhjen e qeverisë, Berisha falënderoi KE-në për raportin pro heqjes së vizave, ndërsa theksoi se arritjet e Shqipërisë po marrin notën e duhur.
"Janë vlerësuar arritjet e Shqipërisë në luftën ndaj krimit dhe korrupsionit. Është vlerësim, po njëkohësisht edhe detyrim për të konsoliduar arritjet më të rëndësishme", tha ndër të tjera Berisha.
Sipas raportit përfundimtar të Komisionit Evropian, Shqipëria ka shënuar progres të mirë në përmbushjen e 3 kushteve të mbetura për procesin e liberalizimit të vizave.
http://www.yllpress.com/16420/berish...per-vizat.html
Regullat e Postimit
Përgjigju Duke Cituar
Krijoni Kontakt