Ruleti i dashurisë - krijimtaria ime

[Xhenet.M.S.]

Edhe pse mundohem te lexoj ne heshtje poezit tua,prap diq me vlon ne zemer per te thene Falenderit e dashur qe ndan me neve me te mirat nga me te miret.

[Nanushi]

“Një pallto për shpirtin tim”

Tani jam këtu që të prek me duar boshin
Kur dëshira e vjetër të më rrjedhë në gjak!
Të shikoj acarin tënd mbi xhamat e veshur
Të grushtoj duart që të të prekin duan prapë!.

Tani jam këtu që të prek me duar violinën
Kur malli të më flakë mes algash në humnerë!
Të shikoj fluturat brenda gënjeshtrës së kristaltë
Kur gishtat e shpirtit duan të të prekin si përherë!

Tani jam këtu që të prek me duar palcën
Kur marshi plot dhembje fare të mos vlejë!
Të shikoj dallgët e egra të jetës, trembur
Një jetë të tërë mes heshtjesh diku t’a riblejë!

Tani jam këtu që të prek me duar qoshkun
Kur mbi dysheme të plasaris shiun e shumtë;
Të mbështjell ëndrrën e të qëndis me damarë
Një pallto për shpirtin tim që ta kem për rrugë!

©V.P. 24.06.2011

[Nanushi]

"Falmë"

Shkruaj mbi gjoksin e qiellit, pareshtur
Gjurmë nuk lë vetëm copëza shpirti vetëvras;
Të thashë pesë gënjeshtra në kurrizin e erës
Që të më vrasësh pesë herë pa shkasë!

[Sa e lehtë mungesa!.]

Sot unë kam festë dhembjen e kam për darkë
Zhysë duart brenda meje godas çastin e vrarë;
Jam, nuk e di në jam, por të lutem falmë
Duke të dashur, duke të humbur, duke të qarë!

[Sa e lehtë dhembja!.]

Numëroj me gishta të shpirtit tim të prerë
Një hije dalë prej dheut gjithë ngashërim;
Në palcën e zemrës ky qivuri yt po mbyllet
Brenda meje zhytu të ndiesh shpirtin tim!.

[Unë s’kam tjetër!.]

Si të të thërras?... Mall i çmendur në erë
Ti kundërshtari im mashtrues, oh qiell i larmë;
Nuk mjaftoka as gjaku për të lehtësuar dhembjen
Mbi mua përkulu edhe sonte. Oh Falmë! Oh Falmë!

[Unë jam ti!.]


©V.P. – 16/07/2011

[Nanushi]

“Katër stinë larg”

Shkruaj si ajri mbi shpirtin tënd,
Teh i dridhshëm ky vështrimi yt ënde;
Lëre! Lëre të vijë; furtuna, zjarri e era,
Mund të dehem përkryer në frymën tënde!

Shkruaj emrin tënd mbi një xham shpirti,
Një ritëm i padëgjuar në qiellin e argjendtë;
Në mbretërinë e fildishtë hëna më frenon,
Të rrahurat e marra shpërthejnë në vend!

Diku mes ëndrrave tona ne flasim,
Diku mes mendimesh dëgjojmë mëndje;
Si muzikë, nga erë nate që dot s’shuhet,
Merr këtë shpirt, merr më të mirën tënde!

Shpirti im, shkunde gjumin nga sytë,
Një puhizë e lehtë; mos frikëso, jam unë ;
Fluturoj sërish mes shpatullash shpirti,
Hedh gjakun në deje të mia edhe pse në gjumë!

Mbi lëkurën time kam kujtimin e prekjes,
Ç’të mundësh sillmë sonte prapë;
Lërë të vijë, nata, zëri, e imja prekje,
Diku mes ëndrrash në katër stinë larg!

Kaq afër meje, saqë nuk mund të të shoh,
Mes mijëra frymëmarrjesh çuditërisht të njoh!

©V.P. – 04.08.2011

[toni54]

shume te bukura...

[tetovarja87]

shum poezi te bukura nanushi....


suksese ,suksese dhe vetem suksese...


me thuaj ke botuar liber,apo ka liber nga keta poezit e tua se vertet dua ti kem

c'do te mire...

[Nanushi]

"Kur malli rrëfehet…."

Në shtizën e parë: Jepmë sekonda të ndalur
Nga xhepi shpirti bosh ulëret pa shpresë;
Dymbëdhjetë yje më mbajnë në fije fjale
Gjysmë mish, gjysmë kujtim, gjysmë vesë!

Në shtizën e dytë: Jepmë një kioskë të qara,
Të rrëfehem, o dashuri, skalitur në mur;
Tre shpirtra pata pranë në një kafshatë nate
Që tani i mbështjell në një tjetër lëkurë!

Në shtizën e tretë: Jepmë lotët e paqara,
E pagjumë dhe e huaj jam në hijen e pendimit;
Si ujë i pistë zbrazet shushurimë e vjetër shiu
Kukullë e përmbysur brigjeve të harrimit!

Në shtizën e katërt: Jepmë jo’dhembjen tënde
Ik shpirti im vetmuar nën miliona lampadarë;
Dhe kurrë mos hedhë sytë në shavarë prej lotësh
Tremijë vjet legjendë e një malli të gjallë!.

Mbetën sytë e mi si dy lakuriq nate,
Fantazma të shqyera të verbërisë sate!!!

©V.P. – 19/08/2011

[Nanushi]

"Më ndje…"

Rroba kujtese nga humbjet sillmë,
Në këtë natë ku ne të dy, pa qenë ne;
Tek ti zemra ime sonte bëhet ëndërr,
Brenda kësaj heshtjeje; Më ndje! Më ndje!

Sillmë dhe hijet e frymëmarrjes sime,
I vetmi port ku nuk do të kesh harrim;
Mbylli sytë dhe dërgoji një lutje qiellit,
Hyr mes krahëve të pangopur të shpirtit tim!

Sillmë kujtimin kur duheshim me zjarr,
Mjaltë i shpirtit sonte më lan me hi;
Puthja e shfrenuar zhveshur rri në gojën time
Zot, përse në duart e huaja përpëlitet kjo dashuri?!

Dhe nëse nuk mjafton, sillmë heshtjet,
S’më vjen keq ç’jetova e s’jetoj më;
Përmes ëndrrash shenjtore do të të prek,
Në çdo copë ajri do më ndjesh përgjithnjë!

Shiko dashuri, rreth hënës si enden ca re,
Vështroje si qan drita; Më ndje! Më ndje!

©V.P. 21 Gusht 2011

[Nanushi]

"S’mund të jap më shumë!"

Pikojnë lotët në trajta prekjesh
Deklaratën e erës pres, si përherë;
Rrëshqas në pëllëmbën e agut të djegur
E botën zvarris për të tretën herë!

Në epruvetat e heshtjes rimbush mallin
E nata heq pantoflat e shurdhëta prapë;
Tinguj të shurdhët mbi ndjenja të lagura
Spazmë prej dejsh që ikin me vrap!

Gur të jesh në tokën e lotit prej llave
Dhembja qen me këmbë të thyer ngelet;
E lëngata lutet në tingullin e përalles
Palca e baladës ndër sysh më prehet!

Kur loti ushqen apogjeun e klithmës
E bota e bardhë, tani ngjanë e mallkuar;
Ndjej prekjen e përskuqur të ndryshkut
Breron e ngjizet përsëri ai tingull i haruar!

Drurë të zhveshur mbi inde dhembjesh
Thumbojnë në palcë perëndime vrer;
Nëse zëri im vdes nder gërmadha lotesh sonte
Dhuratë dhembjesh tjera nuk kam për të të sjellë!

©V.P. – 18.09.2011

[Nanushi]

FALEMINDERIT!...

Kam frikë në kujtesën e ndaluar,
Ngrihem në ajër që posa lind!
Plasaritur në peshën e tingullit të vdekur,
Pa zhurmën e përhershme e të pakuptimtë!

Faleminderit mijëra herë, faleminderit,
Vetëm pesë rrënjë desha, as hi as fjalë;
Kafshojë pafajësinë e hidhërimit o tokë,
Djersë e ftohtë shpirti; akoma e gjallë!

Do ngelen bosh çasti dhe krenaria,
Në zhurmën vetmuar kujtesash në hi;
Mbi dhembjesh tjera, s’kam për t’harruar,
Gjysmë shpirtin e ringjallur për ta vrarë ti!

Faleminderit o heshtje, faleminderit përsëri,
Oh sa fjalë të humbura unë kam ndjek;
Hija e një loti përpëlitet; e shpirtëzuar,
Në afshin e dorës sate njëherë për ta prek!

Kujtoj, ndjejë shtrëngim në bark;
Faleminderit prapë!

©V.P. 24.09.2011