Rezolutë për Kosovën nga kryediplomatët e Konferencës Islamike

[gimche]

Kuvajti shumë shpejt do ta njohë Kosovën

Delegacioni parlamentar i Kosovës, i prirë nga kryetari i Kuvendit, Jakup Krasniqi, është pritur nga Princi i Kuvajtit, Shejh Sabah El Ahmed El-Xhabir Es-Sabah, kryeministri, Nasir El- Muhamed El-Ahmed Es-Sabah dhe kryetari i Kuvendit Kombëtar Xhasim Muhamed El-Harrafi.

Krasniqi i njoftoi ata me çështjen e Kosovës, zgjidhjen sui generis të saj, njohjen e shpejtë ndërkombëtare të pavarësisë, zhvillimet aktuale dhe synimet perspektive të shtetit të ri. Ai tha se Kosova pret qëndrim korrekt të GJND-së, pasi Pavarësia e Kosovës është legjitime dhe në përputhje me të drejtën ndërkombëtare.

Kryeparlamentari i kërkoi Kuvajtit njohjen sa më të shpejtë të pavarësisë së Kosovës, për ta bërë të mundur kështu hyrjen e saj në familjen e madhe të Kombeve të Bashkuara dhe në organizata të tjera ndërkombëtare. Ai tha se vendi ynë dëshiron të thellojë marrëdhëniet me Kuvajtin në të gjitha fushat, si partner strategjik.

Udhëheqësit kuvajtianë shprehën kënaqësinë për vizitën dhe për të arriturat e Kosovës e për njohjen e saj ndërkombëtare, duke premtuar se edhe Kuvajti do ta bëjë shpejt atë. Por siç thanë ata, deri atëherë marrëdhëniet dhe bashkëpunimi midis dy vendeve tona duhet të thellohen.

Duke shprehur gatishmërinë për ta mbështetur Kosovën në shumë plane, Emiri i Kuvajtit, Shejh Sabah El Ahmed El-Xhabir Es-Sabah, kërkoi takim të menjëhershëm të delegacionit me kryetarin e Fondit kuvajtian për Zhvillim, i cili do të realizohet të mërkurën. /Telegrafi/

[drenicaku]

Shtetet myslimane do ta njohin kosoven ateher kur ta njeh edhe serbia dhe rusia

[drifilon]

Krasniqi kërkon nga Kuvajtit kredi të buta

Nga Express më 26.05.2010 në ora 17:00
Në kuadër të vizitës në Kuvajt, delegacioni parlamentar i Kosovës, i prirë nga kryetari Jakup Krasniqi, është pritur sot në Fondin e Kuvajtit për Zhvillim. Drejtori i përgjithshëm i Fondit, zoti Abdulwahab A. Al-Bader, e njoftoi delegacionin për Fondin dhe veprimtarinë e tij shumëvjeçare.

Kryeparlamentari Krasniqi, pasi i ka njoftuar mikpritësit për gjendjen në Kosovë, ka paraqitur nevojat e shumta zhvillimore që ka Kosova, sidomos në fushë të bujqësisë, energjetikës, infrastrukturës, shëndetësisë dhe arsimit, për të cilat i kërkoi Fondit kredi të buta dhe afatgjate zhvillimore.

Sipas një njoftimi të Zyrës për Informim të Kuvendit, drejtori i Përgjithshëm i Fondit, shprehu mirëkuptim të plotë me kërkesat e Kosovës dhe kërkoi hartimin e projekteve përkatëse për to.

Të dy palët u akorduan që në vijim lidhjet dhe komunikimi i Fondit të bëhen me dikasteret përkatëse të qeverisë së Kosovës, me qëllim të fillimit menjëherë të procedurave të mbështetjes.

Në përbërje të delegacionit parlamentar të Kosovës janë edhe anëtarët e Kryesisë, Xhavit Haliti, Naim Maloku e Ibrahim Gashi, shefi i kabinetit të kryeparlamentarit Mehmet Hajrizi dhe këshilltari për protokoll, Skënder Reçica. Sot delegacioni përfundon vizitën zyrtare në Kuvajt.