PARTIA E PACOLLIT BËN TUGJARET ME TË ARDHMEN
19 Maj 2010
PARTIA E PACOLLIT BËN TUGJARET ME TË ARDHMEN
Milazim KRASNIQI
Ky unitet mes Behxhet Pacollit, Isa Mustafës dhe Ramush Haradinjat, i mbështetur edhe nga disa OJQ histerike dhe nga disa media agresive e gjithsesi edhe nga disa segmente të huaja, nuk duket të jetë i rastësishëm. Në fakt, është një koalicion parazgjedhor që po ngrihet dhe që po bëhet gati. që të jetë funksional për zgjedhjet e ardhshme parlamentare.
Kërkesa e partisë së Behxhet Pacollit për krijimin e një qeverie teknike dhe për mbajtjen e zgjedhjeve të parakohshme, është njëra nga kërkesat më radikale dhe më destabilizuese që janë vu në tregun politik të Kosovës kohëve të fundit. E para, kjo kërkesë për rrëzimin e qeverisë pak muaj para se Gjykata Ndërkombëtare të jep verdiktin e saj lidhur me ligjshmërinë e shpalljes së pavarësisë së Republikës së Kosovës, është në unison me ato forca që duan ta prezentojnë Kosovën si shtet të dështuar. Pikërisht, kjo është pika rreth së cilës po bashkohen të gjitha forcat kundër Kosovës së pavarur, pra, krijimi i perceptimit se Kosova është shtet i dështuar dhe prej këndej të hapet një proces i ri i negocimit të ndonjë statusi të ri ose i ndarjes së saj. Në krye të kualifikimeve për Kosovën si shtet i dështuar është kualifikimi i para disa javëve i një ambasadori rus se Kosova është një “krijesë banditeske”. Po të shihen me kujdes shumë nga kualifikimet që janë dhënë për Kosovën dhe qeverinë e saj muajve të fundit edhe nga disa politikanë shqiptarë, nga disa analisët dhe nga disa OJQ vendore, ato të gjitha dalin si variacione të kualifikimit të ambasadorit rus. Propaganda se qeveria e Kosovës përbëhet nga banditë, në vetvete e ka farën e idesë se shteti i ri i Kosovës nuk ka gjasa të mbijetojë, sepse shqiptarët janë të paaftë për të mbajtur. Natyrisht, një qeveri teknike, të cilën po e kërkon patia e Behxhet Pacollit, do të ishte konfirmimi më i plotë i kësaj propgagande për Kosovën si shtet i dështuar, bandietsk. Një zhvillim i tillë do të mund të ndikonte edhe në termat e Gjykatës Ndërkombëatre, sepse mungesa e një qeverie legjitime, do t’i inkurajonte kundërshtarët e pavarësië së Kosovës. Prandaj, kërkesa për një qeveri teknike në thelb është diversion ndaj pavarësisë së Kosovës dhe vetvetiu është destabilizuese për vendin.
E dyta, tashmë është pranuar se pas vendimit ët GJND-së Kosova do të detyrohet të hap një raund të ri bisedimesh me Serbinë, për çështje teknike. Nëse Kosova do të bëhej me qeveri teknike dhe do të hynte në një proces të rëndë zgjedhor, pozita e saj do të ishte shumë e dobët në bisedimet që priten të bëhen. Kujt i konvenon që Kosova të jetë e dobët në negociata? Përgjigjja është shumë e thjeshë: vetëm armiqve të pavarësisë së saj e askujt tjetër. Atëherë pse partia e Pacollit e kërkon me kaq zjarrmi një gjë që është në dëm të stabilitetit e të pavarësisë së vendit? Këtë përgjigje ai do të duhej ta jipte të qartë, e jo me ngatërresa gjuhësore, që nuk i merr vesh kurrkush.
E treta, kërkesa e partisë së Pacollit (qëlimisht nuk po ia përmend emrin, sepse ajo është parti private e tij), është shumë e afërt me idetë e Isa Mustafës për rrëzimin e qeverisë aktuale. Vëzhguesit të vëmendshëm të skenës politike nuk ka si i shpëton kjo afri e Pacollit me Isa Mustafën. Arsyet mund të jenë të shumta, por njëra prej tyre mund të jetë e lidhur me ndërtimin e hotelit Iliria në qendër të Prishtinës. Ngritja e disa kateve të reja të këtij hoteli, nuk mund të jetë bërë pa një miqësi të re mes këtyre dy zotërinjve. Ndërsa, afërsia e biznesit duket se ka ndikuar edhe në afrinë e ideve politike. Këta dy politikanë që flasin me pasion për luftën kundër korrupsionit, kur është fjala për të tjerët, duhet të shikojnë një herë edhe veprimete veta, se a janë korruptive. Ngrtija e disa kateve të hotelit Iliria, nëse nuk ka leje adekuate ndërtimi dhe nëse nuk janë paguar taksat, s’ka si të jetë tjetër veçse produkt i një raporti korruptiv. Nga ana tjetër, masakra urbane që i ka ndodhur Prishtinës, është kryevepra e turpshme e Isa Mustafës, i cili do të duhej të ndihej i turpëruar me kryeveprën e vet. Edhe nëse nuk ka dosje korruptive të veten, ai vetvetiu duhet të ndihet i turpëruar me masakrën që i ka ndodhur kryeqytetit tonë, në të cilin ai sorrollatet si kryetar.
E katërta, kërkesa e partisë së Pacollit për qeveri teknike dhe për zgjedhje të parakohshme, bashkë me kërkesën e Isa Mustafës për prishjen e koalicionit nga ana e LDK-së , janë në të njëjtën vijë me kërkesën e liderit të AAK-së, Ramush Haradinajt. Ky unitet mes Behxhet Pacollit, Isa Mustafës dhe Ramush Haradinjat, i mbështetur edhe nga disa OJQ histerikee dhe nga disa media agresive e gjithsesi edhe nga disa segmente të huaja, nuk duket të jetë i rastësishëm. Në fakt, është një koalicion parazgjedhor që po ngrihet dhe që po bëhet gati që të jetë funksional për zgjedhjet e ardhshme parlamentare. Megjithëse më duket se pak si heret i kanë hapur letrat.
Por, të kthehemi edhe një herë te arsyet pse Pacolli po i bashkohet këtij koalicioni. Pacolli është biznesmen, (tuxhar i thonë në Llap e në Gollak). Nga partneriteti i deritashëm me qeverinë aktuale i ka marë përfitimet që i ka marrë. Tenderi disamilionësh i fituar në Pallatin e Rilindjes ka qenë qershia mbi tortë e favoreve që ai i ka përfituar nga qeveria aktuale. Ndërsa, tash ai po përgatitë terrenin për tuxharetin e së ardhmes.
Përgjigju Duke Cituar
Postuar më parë nga Daja-GONI
Krijoni Kontakt