Lëvizja VETËVENDOSJE! do të fillojë me serinë e tribunave, në të cilat do të diskutohen tema të rëndësishme për jetën ekonomike, shoqërore e politike në Kosovë, e të cilat janë shndërruar nga politika ditore në tema të ndaluara.
Tribuna ka për qëllim ta nxjerrë në pah të vërtetën prapa retorikës së politikanëve, duke i shtjelluar në mënyrë kritike zhvillimet e mësipërme, dhe, veçanërisht, duke ua dhënë hapësirën për t’u shprehur atyre të cilëve u është mbyllur dhe po u privatizohet hapësira publike.
Tribuna e parë do ta shtjellojë tendencën për ta privatizuar Postën dhe Telekomin e Kosovës. Ajo do të mbahet të enjten, më 20 maj 2010, në Biblitokën Kombëtare, duke filluar nga ora 12:00.
Në të do të flasin:
Visar Ymeri, drejtues i Komitetit për Ekonomi pranë Lëvizjes VETËVENDOSJE!
Ismet Hamiti, ekspert i telekomunikacionit, nismëtar i arsimimit në fushën e telekomunikacionit tek ne, degës së “rrymës se dobët” ne Shkollën teknike në Prishtinë dhe në Fakultetin Teknik të Universitetit të Prishtinës, i cili për 20 vite rresht ka qenë ekspert i lartë në ITU, autoritetin më të lartë botëror në fushën e telekomunikacionit, pozitë të cilën e fitoi në konkurrencën botërore, prej të cilave rreth 5 vite ishte bashkërendues i zhvillimit të telekomunikacionit për përmbi gjysmën e popullatës së globit, si dhe, pas luftës, ishte edhe bashkërendues i rifillimit të punës në PTK dhe hartues i projektit të telefonisë mobile VALA.
Ju ftojmë të merrni pjesë dhe të ftoni të njohurit tuaj.
Përgjigju Duke Cituar
Krijoni Kontakt