A po u shkon për shtat Ali Ameti qarqeve antishqiptare?

[Stentori]

Nese shqiptaret ne Iliride edhe pas 10 viteve nuk e kane kuptuar kete, atehere nuk meritojne me shume se ate qe kane sot.

-----------------------------------------------------------------------------------------------------------

I nderuari Mexhi,


Jashtezakonsiht me ka pelqye fraza yte qe e ke shkrue, une pajtohem plotesisht se nese shqiptaret nuk e vene mendjen ne koke , atehere vaj halli .Edhe cka duhet te ndodhe per te qen me vigjilent?me duket se koha ka ardhe per me qen me te diciplinuar per interesat tona kombetare.

me nderime

stentori

[laburist]

ju se keni kuptuar mire ,ai ka thene ska plumba per shqiptaret por ka litar dhe carcafa, tani Zoti e di cfar menyre tjeter ka gjetur per ti likuiduar ish ushtaret

Zoti e vrafte ket tradhtar injorant

I nderuar jo vetem ai ka pergjegjsi per vrasjet ndershqiptare.. gjith pjesmarsit ne politiken shqiptare ne maqedoni kan pergjegjsi per gjendjene tanishme te populli... !

[laburist]

Historikisht kombin shqiptar e ka dhunu tradhtia.Eshte shum leht te manipulosh me nje popullat qe ende sdi cka eshte shteti,cka jan institucionet dhe gjithcka qe ka te bej me shtetin,politikanet tan aq sa do lejoj populli do te luajn do pasurohen dhe do ikin pertej ose sdi ku ne dreq te malkuar.
Qe nga konflikti i vitit 2001 ne Maqedoni kan ndodhur gjera qe te bejn te mendosh se tradhtia eshte ne palc.Pas konfliktit shqiptaret e ndjen eren e institucioneve, filluan te mendojn pak me ndryshe fituan univerzitet qe akoma eshte ne zhvillim, dhe papritmas filluan mohimet degjenerimet mes shqiptarve... duke shkuar ne skajshmeri me atentate vrasje dhe mohim te gjithckaje.Filloi mohimi i nenshkrimeve qe i kan vendosur vet ne Marveshjen e Ohrit... eh ne zgjedhje ishte loja me e bukur e Gruevskit ose me mire ai ishte vezhgues e ne luanim me njeri tjetrin... e ne fund ai tha : Shqiptaret jan ata qe vrasin e qe prishin zgjedhjet ne Maqedoni.Dhe per ta perfundu lojen Gruevski duke pare se ishim gati ne vllavrasje mori ne qeveri humbsin e zgjedhjeve ... duke nenvlersu voten shqiptare dhe duke e bere ate te pakuptimt.
Ne keto rethana u kompromitu partia fituese dhe filloi teposhtja e nje avancimi psikologjik e institucional te shqiptaret.
Gruevski vuri themelet e nje doktrine manipuluese me shqiptaret duke abuzu ne menyr perfekte voten shqiptare me ndimen e tradhtarve do thosha ... e soot kot as ai qe eshte ne pushtet e as ai tjetri sbejn gje sepse po fitoi ai tjetri do hi humbsi ne qeveri e kehtu loja ska fund te nderuar shqipe nga maq

[TetovaMas]

I nderuar jo vetem ai ka pergjegjsi per vrasjet ndershqiptare.. gjith pjesmarsit ne politiken shqiptare ne maqedoni kan pergjegjsi per gjendjene tanishme te populli... !

Tragjedia po vazhdon ne Maqedoni,! Edhe shume shqipetare te tjere do te vriten ne maqedoni. C'do tragjedi ,vrasje nga politikanet , STOP I THOTE POPULLI ,kurse popullata shqipetare jane frigacak dhe lakmuesit me te medhenje ne ballkane dhe evrope.

[PLAKU]

Plaku nuk e di a e ka venin ky shkrim i Kimit ketu, e pashe si te aresyeshme ta botoj.

Viktimë e injorancës dhe e shpirtngushtësisë
Publikuar: E shtune, më 21 gusht 2010


Mjafton një periudhë disavjeçare përgjumjeje, vullgaritet në arsim e kulturë, mjafton vetëm një dekadë të të qeverisë ai që ta helmon sferën e arsimit dhe të kulturës, që të humbësh përgjithmonë disa gjenerata e të marrësh plagë të rënda në trupin etnik. Pastaj, mjafton një popull ta lësh në duart e atyre që nuk kanë vesh për urdhrat e dijes dhe të urtësisë, në duart e atyre që dëgjojnë vetëm zhurmën e primitivizmit të vet, e që ai popull, gjatë kohë të mos e kuptojë se është kapur në rrjetin e mediokritetit shpirtëror, mediokritet i cili gjithmonë shoqërohet nga veprime që i ngjajnë bërjes së vrimës në ujë. Dhe dy dekada me radhë, shqiptarët e Maqedonisë nuk bëjnë thuajse asgjë tjetër përpos që ankohen se dikush ua mëkëmb kulturën, se fëmijët e tyre mësojnë nga librat e autorëve serbë e maqedonas, e të cilët Kosovën e tregojnë si pjesë përbërëse të Serbisë dhe të kaluarën dhe vlerat shqiptare i pasqyrojnë në librat shkollorë po aq sa edhe ato të aborxhinëve të Australisë. Por, edhe pas gjithë këtyre ankesave, fëmijët shqiptarë vazhdojnë të mësojnë nga librat shkollorë të botuar me lejen e një ministrie që më shumë i ngjan drejtorisë së një kooperative bujqësore me sekretare të bukur, sesa institucionit që vendos për kahen e rrugëve të dijes. Pra, dy dekada me radhë, shqiptarët e Maqedonisë ankohen se janë lënë në duart e politikanëve të papërgjegjshëm shqiptarë, të cilët nuk shohin se Maqedonia ka Ministri të Kulturës që me vite “financon” akulturimin e shoqërisë shqiptare, që nuk shohin se ky shtet ka një Ministri të Arsimit, që shkollarin shqiptar e konsideron si fëmijë, i cili, duke u rritur mes fantazmës të bëhet i aftë për të ardhmen dhe dëshirës së mirë të prindërve të tij të jetojnë në harmoni me vetveten dhe të tjerët në këtë shtet, një ditë mund të përfundojë si kandidat për ta dhënë provimin e “maqedonizmit”, e ndërkohë, t’i jetë mirënjohës shtetit që ia shtroi rrugën drejtë të qenët i shkolluar, por pa njohuri për identitetin e vet.
Të gjitha këto ankesa të shqiptarëve të Maqedonisë, përmbajnë në vetvete shumë absurde dhe pak arsye. Edhe atë shkaku se shqiptarët e këtushëm vetëm konstatojnë, vetëm vajtojnë, e assesi të ndërmarrin diçka konkrete. Për shembull, nëse prindërit shqiptarë me të vërtetë janë aq të brengosur për cilësinë e librave nga të cilat mësojnë shkollarët e tyre, ata që moti do të themelonin një organizatë joqeveritare, e cila do komunikonte me Tiranën e Prishtinën dhe nga atje do të sillte maunë të ngarkuar me libra shkollorë nga lënda e historisë, gjeografisë, letërsisë..., e që nuk do kushtonin më shumë se plumbat e harxhuar nëpër dasmat e tyre. Pra, do ta bënin atë që me vite bëjnë shumë organizata maqedonase, që u shpërndajnë libra falas shkollarëve të etnitetit maqedonas në Liqenas (Pustec) të Shqipërisë, e ku kalimthi thënë, të njëjtën e bëjnë edhe ato bullgare. Një organizim i tillë i prindërve të këtushëm shqiptarë, do t’u dëshmonte politikanëve të këtij shteti se ata nuk lejojnë që fëmijët e tyre të viktimizohen në altarin e mediokritetit politik, i cili thuajse gjithmonë shoqërohet edhe me karakter të prishur, mediokritet i cili kurrë nuk e kupton të mirën që ia thua, por të keqen që mund t’ia bësh.
Kur jemi te librat shkollorë, autorë të së cilave janë vetëm maqedonasit dhe serbët, ka një të mirë në atë që u përkthehen fëmijëve shqiptarë pa asnjë ndërhyrje. E mira qëndron në atë se prindërit dhe politikanët shqiptarë mund të shohin se çka mësojnë maqedonasit për identitetin e tyre kombëtarë e religjioz. Mund të shohin se në një shtet ku Akademia e Shkencave dhe e Arteve të shpallë “ardhacakë të posazbritur nga malet”, s’ke çka pret nga ministritë e atij shteti. Pra, në një shtet ku t’i kanë thënë të gjitha ofendimet poshtëruese në fytyrë, e ti as që je skuqur, s’ke pse habitesh kur sheh se kush janë autorë dhe çka shkruajnë për ty nëpër librat shkollorë. Sepse, më në fund, kjo që ndodh në Maqedoni në relacionin kulturor e arsimor mes shqiptarëve dhe maqedonasve, nuk ka të bëjë me gabime, por me një koncept të qartë e afatgjatë, koncept që ka për qëllim të të dëmtojë sa më shumë, të ta helmojë kulturën e arsimimin deri në ato përmasa sa mos ta njohësh vetveten e të fillosh t’i ngjash të posazbriturit nga malet.
Ankesat dydekadëshe të shqiptarëve të Maqedonisë tregojnë të vërtetën e dhembshme se politikanët e këtushëm maqedonas kanë një përparësi të madhe përballë kolegëve të tyre shqiptarë: nuk janë injorantë dhe dyfytyrësh sa këta të dytët. Dhe duke mos qenë të tillë, politikanët maqedonas u qëndrojnë besnikë qëndrimeve të tyre dhe veprojnë që të arrijnë cakun e dëshiruar. Andaj, ata në fytyrë ua thonë shqiptarëve se Marrëveshja e Ohrit është projekt i shtrenjtë që do të realizohet vetëm kur Maqedonia do arrijë standardin e 8000 eurove për kokë njeriu, e në ndërkohë, qeveritarët shqiptarë, le që harrojnë kush më së forti e ka kundërshtuar realizimin e kësaj Marrëveshjeje, por të njëjtin e ndihmuan të bëhet president i shtetit. Pra, përderisa presidenti aktual i Maqedonisë pranon se qëndrimi i tij si profesor ndryshon nga ai i politikanit, pra hapur dhe pa u hamendur thotë se po të mos ishte president, do të mbronte qëndrimin e kahmoçëm kundër kësaj Marrëveshjeje, përfaqësuesit e BDI-së në pushtet, me plotë optimizëm flasin për sukseset e arritura dhe për lumturinë që na pret kur të bëhet Maqedonia vend me 8000 euro të ardhura vjetore për frymë njeriu. E në ndërkohë, i shpallin injorantë e të paditur shqiptarët që thonë se më e pandershme se të jesh vasal është të mos jesh i vetëdijshëm për pozitën në të cilën je, e të mos bësh asgjë që të dalësh nga ajo pozitë poshtëruese.
Dhe përderisa është kështu, përderisa populli ankohet se keq është, e përfaqësuesit e tij në pushtet thonë se kurrë nuk ka qenë më mirë, njeriu nuk di çka të thotë dhe si ta vlerësojë këtë situatë absurde, përpos të përballet me dilemën se o bëhet fjalë për popull që nuk e njeh të mirën e vet, o për politikanë shpirtprishur. Ku ta dish, mbase nuk bëhet fjalë as për njërën, as për tjetrën, por për mungesën e guximit kolektiv për t’u përballur me fytyrën e së vërtetës lakuriqe. Guxim i cili të mundëson të shohësh se asgjë nuk arrihet nëpërmjet konstatimeve, se asgjë nuk mund të arrijë një popull që ka udhëheqës, të cilët me politikë merren shkaku i vetvetes, e jo i të tjerëve. Andaj, ankesat dydekadëshe të shqiptarëve të Maqedonisë tregojnë shpirtngushtësinë etnike të elitave maqedonase, por edhe injorancën e elitave të shqiptarëve të këtushëm, injorancë e cila nuk u lejon atyre të kuptojnë se të sundosh me një shtet nuk është si të merresh me rregullimin e një kooperative bujqësore, apo si të jesh kryeplaku i një fshati.

Shkruan: Kim Mehmeti

[PLAKU]

Nuk ika nga policia, por nga tradhëtitë
Publikuar/modifikuar 06/09/2010 08:11:00

Xhezair Shaqiri i njohur si komandant Hoxha në luftën e vitit 2001 në Maqedoni nën uniformën e Ushtrisë Çlirimtare Kombëtare (UÇK) në një intervistë ekskluzive për “Lajm” ka njoftuar popullin shqiptar se pas tre vite e gjysmë është larguar nga Tanusha. Fshatin që ai e mbante të rrethuar me forcat e veta, ku policia maqedonase përkundër shumë përpjekjeve nuk arriti të shkelë në zonën e lirë, ka vendosur ta braktisë për disa arsye shumë të forta.





LAJM: Ju nuk jeni më në Tanushë. Pse jeni larguar nga vendlindja juaj që me vite e mbronit me jetë?

Shaqiri: Është e vërtetë se ka disa javë që unë jam larguar nga Tanusha dhe për këtë i kam njoftuar organet përgjegjëse, faktorin ndërkombëtar dhe të tjerë. Arsyet për largimin tim janë të shumta. E pashë se politikanët shqiptarë si Ali Ahmeti edhe Menduh Thaçi nuk u bashkuan dhe duke e shfrytëzuar Hoxhën ose Tanushën t’i lëvizin çështjet e shqiptarëve të Maqedonisë, që të implementohet Marrëveshja e Ohrit etj. Ne për këtë kohë treguam se Nikolla Gruevski është i dobët, pasi një grup njerëzish, një fshat i vogël, i bënë rezistencë tre vjet e gjysmë. Nuk kemi mundësi më tepër me mbajt atë vend sepse kemi pasur sulme të njëpasnjëshme si të Menduh Thaçit, Ali Ahmetit etj. Ma shumë sulme kemi pasur në çdo aspekt prej shqiptarëve, prej BDI-së dhe PDSH-së se sa prej maqedonasve. Ata disa herë tentuan me ushtri e me polici me u futë në Tanushë, por ka dashtë Zoti na i kemi zmbrapsë, i kemi kthyer pas me forcat tona, por fjalët dhe urdhrat e shqiptarëve na kanë bërë shumë më shumë dëm.



LAJM: Cili ishte rezultati i qëndrimit tuaj në Tanushë për këto vite?

Shaqiri: Edhe një herë e realizova një prej obligimeve të idealeve të mia kombëtare për formimin e shtetit të pavarur të Republikës së Kosovës, ndihmova në mbylljen e problemeve rreth demarkacionit të kufirit me Maqedoninë, e cila ishte parakusht për pranimin e Kosovës nga Maqedonia. Gjithashtu, u vendosën marrëdhënie diplomatike dhe Maqedonia mbështeti vendimin e GJND-së në lidhje me pavarësinë e Kosovës. Si rrjedhojë e këtij angazhimi Maqedonia për herë të parë do t'i thotë jo Serbisë dhe do ta mbështetë Kosovën. I bëra këta pasi BDI-ja dhe PDSH-ja nuk ishin në gjendje ta detyrojnë Gruevskin ta njohë Kosovën e pavarur duke iu dhënë ai si kusht demarkacionin. Pasi asnjëra palë nuk i bënin ballë kësaj pune, mu drejtuan mua. Atëherë u deshtë të dalim në teren dhe ta bëjmë demarkacionin e kufirit. Para dy vitesh patën ardhur katër ministri të qeverisë së Maqedonisë, ndër ata edhe dy ministrat shqiptarë Musa Xhaferi dhe Bujar Osmani, pastaj përfaqësues nga MPJ-ja , nga ministria e bujqësisë dhe përfaqësuesi i Piter Fejtit, të BE-së etj. Ne nuk kemi dashur të hyjmë në këtë kurth që ta respektojmë Marrëveshjen e vitit 2001, ndërmjet Beogradit dhe Shkupit ku u bë padrejtësisht kjo marrëveshje në dëm të shqiptarëve, duke ia marrë Kosovës 2700 hektarë tokë.

Ne kemi pranuar që demarkacioni i kufirit të bëhet aty ku ka qenë. Deshi Zoti që ne ta shkatërrojmë këtë marrëveshje të 2001-shit. Edhe pse parlamenti i Kosovës, nëpërmjet pakos së Ahtisarit ishte pajtuar për këtë marrëveshje serbi-Maqedoni ne nuk e lejuam këtë, dolëm vetë në terren dhe i vendosëm 39 kilometra vijë ajrore prej në Bllacë e deri kufirin me Serbinë i kemi vendosur ata gurë. Çka është më e mira e kësaj pune se vetë ne kemi qenë ata të cilët , edhe pse se kam thënë tjera herë, i kemi dhënë tokës Kosovës edhe territor të Maqedonisë. Si pasojë e kësaj Maqedonia e njohu Kosovën , vendosi marrëdhënie demokratike, sot fatkeqësisht Ali Ahmeti del e mbron Gruevskin kur edhe fëmijët e shohin se çfarë sulem po ju bën shqiptarëve.

Tani Ali Ahmeti del e lavdërohet se e ka njohur Kosovën. Ai as që ka dal kurr në terren dhe nuk ka mbajt asnjë premtim. Na kemi incizime të zotimeve të çdo ministri që ka dhënë për Tanushën. Musa Xhaferri ka dhënë premtim se do ta rregullojë rrugën për në Tanushë, me hapë kufi, Bujar Osmani me e ndërtuar ambulancën, edhe pse është bë një përpjekje e vogël prej tij. Ministrat tjerë asgjë s’kanë bërë.



LAJM: Çka më tutje?

Shaqiri: Një gjë e di se deri sa të jenë në skenë politike Menduh Thaçi dhe Ali Ahmeti, shqiptarët në Maqedoni do të jenë të dëshpëruar, nënçmuar, nuk ka asgjë prej Marrëveshjes së Ohrit se atë e kanë varros, ajo ka ngel në vend, tani sllavo-maqedonët bëjnë përpjekje shumë të këqija, më të fëlliqura ndaj shqiptarëve.



LAJM: Si e shihni pozitën e shqiptarëve në Maqedoni?

Shaqiri: Gjendja e shqiptarëve është e mjerueshme, pasi shqiptarët, banorët e rëndomtë ndjehen të pasigurt në shtëpinë e tyre, ose në rrugë nga policia sllavo-maqedone. Policët shqiptarë, funksionarë shqiptarë ose të tjerë janë të margjinalizuar pasi ata që janë në pushtet nuk bëjnë asgjë për me ndryshuar gjendjen e shqiptarëve.





LAJM: Kur do të ktheheni në Tanushë?

Shaqiri: Tanusha është vendlindja ime dhe sa herë që dua kthehem. Askush këtë të drejtë s’mundet me ma ndalu përveç krijuesit të Gjithësisë, ai bën çfarë do.





LAJM: Si e shihni politikën e Gruevskit?

Shaqiri: Gruevski ka plane ta eliminojë komplet Marrëveshjen e Ohrit, një hap i tillë do ta shihni se do të bëjnë hile me regjistrimin e popullatës, ku shqiptarët rrezikojnë të bien nën 20 për qind, ku do të minohet Marrëveshja e Ohrit. Unë po ju jap vetëm disa detaje se kur është bërë regjistrimi i popullatës në vitin 2002 aktivistë të PDSH-së, diku rreth 16 mijë shqiptarë të lagjes Dizhon, Orizare e epërme dhe Vizbeg nuk kanë shkuar t’i regjistrojnë, duke zbatuar kështu urdhrat e sllavo-maqedonve për ta ulë përqindjen e shqiptarëve. Tani edhe aktivistë të BDI-së do të punojnë në këtë drejtim. Do të duhet të ndryshohet propozim ligji për regjistrimin e popullatës që të regjistrohen gjithë shqiptarët ku jetojnë dhe jo vetëm ata që janë prezent. Po ju kap disa fakte. Vetëm banorët e Tanushës, Malinës, Brezës janë të shpërndarë nëpër Haraçinë, Hasanbeg, Vizbeg etj., kurse në letërnjoftime kanë adresa të Tanushës. Të gjithë nuk do t’i regjistrojnë se ata nuk jetojnë në Tanushë.

Maqedonasit do ta shtojën përqindjen e tyre, pasi kanë letërnjoftime me nga dy adresa, një për shembull në Shkup dhe tjetrën në Strumicë ose Shtip prej nga ka ardhur.





LAJM: Ku reflektohet kjo lojë e maqedonasve?

Shaqiri: Në sundimin e komunave dhe pushtetit qendror. Si mundet që Çairi t’i ketë 6 këshilltarë maqedonas, të cilët asnjëri nuk ka adresë që jeton në Çair, kurse Buteli me po aq shqiptarë sa ka maqedonas në Çair, të ketë dy këshilltarë shqiptar. Vijnë votojnë ka dy herë maqedonasit në dy qendra votimi.





LAJM: Çka mendoni për çështjen e emrit të Maqedonisë?

Shaqiri: Në kontekstin me Emrin e Greqisë, e shohim se faktori ndërkombëtar e ka vështirë ta zgjedhë këtë çështje. Së fundmi po shohim një afrim të politikës sllavo-maqedonase me politikën ruse, duke dashur të tregojnë se në Ballkan sundon politika sllave. Gruevski mendoj se nuk do të bëjë kompromis dhe Maqedonia do të jetë me një udhëkryq shumë të rrezikshëm. Këto pyetje duhet t’i shohin ndërkombëtarët pasi ky shtet nuk po shkon në drejtim të duhur.



LAJM: Ku gjendet tani komandant Hoxha?

Shaqiri: Toka e krijuesit të gjithësisë është e madhe dhe është e lirë edhe për mua. Aty ku do të jetë më së miri edhe për mua, unë do të jem aty.





Hoxha: Maqedoninë e udhëheq shteti i serb

“Duke pasur parasysh se në Maqedoni nuk udhëheqë kryeministri por udhëheqin disa organe të DBK-së (shërbimi sekret maqedonas) që janë të dirigjuar kryesisht prej UDBS-së së Serbisë. Lirisht mund të themi se Maqedoninë e udhëheqë Serbia me një politikë të ashpër anti-shqiptare. DBK-ja është shtet në shtetin Maqedonisë. Politika serbe për momentin është e interesuar të bëjë aq shumë trazira në Kosovë dhe Maqedoni për t’u arsyetuar para botës se faktorë destabilizues janë shqiptarët. Unë nuk kamë dashur të jem pjesë e kësaj loje dhe për këtë arsye jemi larguar të mos bëjmë ndonjë gabim, ose të mos përfitojë ndonjë forcë anti-shqiptare”, tha Xhezair Shaqiri – Hoxha.
LAJM

[AnaH_M]

Perderisa nuk ua kthen fjalen ateher i bjen qe ju shkon per shtati edhe ate si....??