Shkup, 23 maj
Njëri nga të akuzuarit për rastin e keqtrajtimit të punëtorëve të Mavrovës, Sahit Rushiti, është gjetur i vdekur në burgun e Idrizovës, natën e të shtunës. Rushiti, ish-pjesëtarë i UÇK-së, është një nga 22 të akuzuarit për rastin e keqtrajtimit të punëtorëve maqedonas të Mavrovës, gjatë konfliktit të vitit 2001, një vepër e kthyer nga Tribunali i Hagës dhe që po gjykohet në Gjykatën Themelore në Shkup. Pranë tij rojet kanë gjetur çarçafin që e kishte përdorur për asfiksim. Edhe pse jepte shenja të jetës kur ishte vërejtur nga policia dhe ishte dërguar në klinikë, megjithatë kishte marrë fund jeta e tij. Nuk ka ndihmuar as reanimacioni. Ndërkohë, hetimi do të vërtetojë nëse ka vendosur vet ai për këtë akt ose a ekziston që dikush ta kishte sulmuar, ndonëse nuk kishte kërcënime kundër tij. Rushiti duhej të dilte në gjyq për shkak të keqtrajtimit të punëtorëve ndërtimor, ai ishte akuzuar së bashku me Shkodran Idrizin i ekstraduar nga Gjermania, me deputetin e BDI-së Hysen Xhemali, se i kanë rrëmbyer dhe të keqtrajtuar punëtorët e ndërmarrjes “Mavrova”. Sahit Rushiti ishte arrestuar në shkurt të vitit 2004 në fshatin Rakovec të Tetovës, pas një fletarrestimi të lëshuar nga MPB-ja, për vuajtjen e burgut për kryerjen e një vepre penale. Në vitin 2004 ai vetë i është dorëzuar policisë maqedonase. Madje, autoritetet e burgut e dinin se në pjesën e burgut ku ai ishte vendosur, ishte kryesori dhe rrallë kush ka mundur ta kundërshtojë. /b.s.
Përgjigju Duke Cituar
Krijoni Kontakt