TIRANE – Sipas organizatës “Reporterë pa Kufij”, liria e medias në vendin tonë është përkeqësuar gjatë vitit 2010. Në raportin “Indeksi i lirisë së shtypit për vitin 2011”, që u publikua sot nga organizata, Shqipëria rënditet në vendin e 96-të, 16 vende më poshtë se një vit më parë.
Sipas këtij raporti, Shqipëria renditet poshtë të gjitha vendeve të tjera të rajonit të Ballkanit, duke lënë pas vetëm Malin e Zi që për vitin 2011 ndodhet në vend të 107-të.
Në Kosovë janë vënë re përmirësime të ndjeshme, pasi renditet 10 vende lart Shqipërisë dhe në një pozicion më të mirë në krahasim me një vit më parë.
Ndërkohë edhe Maqedonia ka shënuar rënie, pasi renditet dy vende sipër Shqipërisë, konkretisht në vend të 94-rt. Serbia renditet e 80-ta, Bosnjë Hercegovina në vendin e 58-të, ndërsa Kroacia është e 68-ta.
Organizata thekson se raporti i këtij viti tregon një sërë ndryshimesh në renditje që reflektojnë një vit jashtëzakonisht të pasur, sidomos në vendet arabe. Organizata përmend edhe faktin se shumë vende europiane kanë shënuar një rënie të theksuar në raportin e këtij viti, mes të cilave edhe Shqipëria.
Kështu Bullgaria renditet e 80-ta, Greqia e 70-ta ndërsa Italia në vendin e 61-të.
“Liria e medias është një sfidë që ka nevojë të merret parasysh në Ballkan, vendet e të cilit duan të anëtarësohen në BE, por po vuajnë efektet negative të krizës ekonomike, vijon raporti.
Në dy vendet e para, pra vendet me lirinë më të madhe të medias, janë Finlanda dhe Norvegjia. Sipas raportit ky fakt shërben për të kujtuar që pavarësia e medias mund të ruhet vetëm në demokracitë e forta dhe se demokracia është e lidhur në mënyrë të pashmangshme me lirinë e medias.
(er.nu/BalkanWeb)
Përgjigju Duke Cituar
Krijoni Kontakt