Servet Pëllumbi: Të majtët, të zhgënjyer me Edi Ramën

[REALIST]

Një prej figurave më të njohura të Partisë Socialiste, ish-kryetar i Parlamentit Servet Pëllumbi ashpërson qendrimin e tij me kryesocialistin Rama. Pasi e kritikoi kryetarin e Partisë Socialiste për marrëdhënien e kushtëzuar me parlamentin, këtë të shtunë Pëllumbi e ka akuzuar Ramen se me aksionet e dështuara, që po ndërmerr pas humbjes në zgjedhje, po e tkurr elektoratin e majtë, të cilët nuk ndihen më të përfaqësues në programin e partisë së tyre. Pëllumbi ka lënë të kuptohet se filozofia e shfaqur nga Rama në fushatën e qershorit “Përtej të majtës dhe të djathtës” po zhgënjen votuesit, që kanë votuar historikisht për Partinë Socialiste.
Pëllumbi ka qenë kritik dhe ndaj deklaratave të krerëve socialistë, të cilët besojnë dhe pretendojnë se me protesten e 30 prillit do rrëzojnë qeverinë.
Aksionet politike të Ramës gjithnjë dhe më shumë po kundërshtohen jo vetëm nga rivalët e tij, por edhe nga vetë socialistët. Kështu, Pëllumbi i shtohet zërave kundër Ramës, duke u rreshtuar përkrah Mejdanit e Blushit.

[Llapi]

PD e majtë, PS e djathtë
Ka një tezë të përkrahur gjerësisht në 20 vitet e fundit në Shqipëri, sipas së cilës vendi ynë nuk ka nevojë për reforma të majta apo të djathta, por thjesht për reforma. Ky interpretim përbën çadrën më të mirë të maskimit të aleancave fluide që janë shfaqur deri më sot në jetën tonë politike.

më 25.04.2010 në ora 14:15
Skënder Minxhozi

Deri më 28 qershor të vitit të shkuar, Sali Berisha dhe Ilir Meta ishin kundërshtarë të betuar. Të paktën zyrtarisht (është i detyrueshëm ky përcaktim, pas asaj që pamë pas zgjedhjeve). Meta e zhvilloi fushatën e tij me angazhimin e përsëritur deri në mërzi, se do të nxirrte nga zyra Berishën dhe do të ndante pushtetin me të majtën. Të gjithë e dimë si përfundoi e gjitha. Sot këta dy burra ndajnë qeverinë, duke qenë njëkohësisht të domosdoshëm për njëri-tjetrin nga pikëpamja numerike. Pa Ilir Metën e majtë, nuk ka qeveri të djathtë.

Në të njëjtën periudhë kohore, Edi Rama dhe Spartak Ngjela apo Nard Ndoka, nuk ishin aleatë. Madje Ngjela ishte kundërshtari i drejtpërdrejtë i Ramës në zgjedhjet lokale të vitit 2003, që u pasuan nga protesta të shumta të stafit të tij dhe të opozitës së kohës, për parregullsi. Sot, fronti opozitar që do të derdhet rrugëve më 30 prill, ashtu siç u derdh më 20 nëntor, i sheh këta tre persona në të njëjtën llogore. Kundër Sali Berishës, dikur koleg dhe aleat i dy prej tyre.

Këta dy shembuj sipërfaqësorë, nuk na tregojnë vetëm natyrën e paqëndrueshme të klasës sonë politike, apo kapacitetin e saj për të ndryshuar pozicionimet, idetë, fjalët dhe për të harruar premtimet, kërcënimet, përbetimet dhe hakërrimet teatrale. Në dritën e asaj që po ngjet sot në vendin tonë, këto dhe shembuj të tjerë akoma (siç është pamja e Gëzim Kalasë që zbret shkallët e Partisë Socialiste), tregojnë se po ndodh një shkëmbim vendesh mes së majtës dhe së djathtës, i cili vetëm pak kohë më parë do të konsiderohej thjesht fantazi.

Katër ditë më parë, Kryeministri Berisha takoi në Vjenë Fatos Nanon. Në kthim, kur u ndodh para kamerave në Shqipëri, Berisha e shpjegoi me hollësi takimin me ish-armikun e tij historik, duke i dhënë peshën dhe përmasat e një takimi zyrtar të nivelit të lartë. Që Berisha të mbajë qeverinë me Metën, apo që të sulmojë PS-në me Nanon, nuk përbën vetëm një akt rrëshqitjeje programore e morale, apo diversioni ndaj kundërshtarit. Këto lëvizje përbëjnë gjithashtu një provë materiale të pakundërshtueshme se interesat janë motori i vetëm që ve në lëvizje këtë parodi plot sulme e akuza, në emër të kauzave të mëdha si kombi dhe ideologjia. Në të majtë gjithashtu po shfaqen disa lëvizje që mund t’i konsiderosh me plot gojën si të papritura. PS është afruar me një numër forcash të djathta, të cilat kanë si problem qendror peshën mbytëse që ushtron Berisha në atë pjesë të spektrit politik. Bashkimi i sindikatave të pavarura në këtë front, apo edhe qasja e re që PS po aplikon ndaj shtresave tradicionalisht të djathta, si të përndjekurit politikë apo ish-pronarët, shënojnë një spostim të fortë të boshtit ideologjik të partisë, më së shumti nën frymëzimin dhe vullnetin e vetë Edi Ramës.

Ka një tezë të përkrahur gjerësisht në 20 vitet e fundit në Shqipëri, sipas së cilës vendi ynë nuk ka nevojë për reforma të majta apo të djathta, por thjesht për reforma. Ose ndryshe, për reforma standarde. Rrëzimi i sistemit komunist dhe ngritja thuajse nga hiçi e shtetit të së drejtës, impononte dhe ndoshta vazhdon ende të imponojë aplikimin, pavarësisht nga pala që qeveris dhe nga pala që bën opozitën, të disa formulave ligjore, ekonomike e sociale, që përbëjnë bazamentin e një shoqërie demokratike. Ky interpretim përbën çadrën më të mirë të maskimit të aleancave fluide që janë shfaqur deri më sot në jetën tonë politike dhe që përbëjnë aktualisht një dukuri mjaft të përhapur në të dyja anët e spektrit, në pushtetin qendror por edhe atë lokal. Nevoja e arritjes së numrave magjikë që të sigurojnë mbajtjen e pushtetit ose që rrezikojnë pushtetin e kundërshtarit, është i vetmi element i qëndrueshëm në një kuadër ku vlerat janë vetëm të përkohshme dhe relative. Për pasojë, është e vështirë të besohet tashmë çfarëdo beteje që luhet para kamerave, me çfarëdo akuzash apo sharjesh publike. Sepse armiqtë e sotëm mund të jenë armiqtë e nesërm dhe anasjelltas. Miqësitë shkojnë e vijnë, interesat mbeten. Kjo është ndoshta aksioma më e palëvizshme e politikës shqiptare në vitet e tranzicionit postkomunist.
gazeta exspress

[beni67]

Shume llap ti o llap. Ben mire te merresh me pune te tjera.......Tiranasit, te majtet, shqiptaret te gjithe jane te pakenaqur me edin. Te kenaqur jane vetem ata qe marrin nga nje cope nga vjedhjet e edit.

[Albo]

Para dy muajsh Servet Pellumbi i dilte ne krah Edvin Rames duke iu kundervene "djalit te Kico Blushit" me fjalet se: nuk mund te kerkoni te merrni drejtimin e Partise Socialiste kur nuk keni dhene nje kontribut konkret e te dukshem per kete parti. Ironia e ketij qendrimi ishte se nuk i jepte pergjigje pyetjes: Cfare i ka dhene Edvin Rama Partise Sociliste me shume se sa i biri i Kico Blushit?! Profesori e di shume mire qe Edvin Rama eshte nje "aksident" ne krye te PS, por me sa duket smira ndaj Busheve ishte me e madhe se sa frika e skizofrenit ne krye te partise.

Para nje muaji profesori nxorri nje liber ne shtyp dhe beri edhe disa intervista ku nder te tjera thote se: elektorati i socialisteve po tkurret, ose sic e formuloi me fjalet e tij: "te varferit e elektoratit shqiptar po votojne per PD e jo per PS". Ajo qe profesori nuk na thote eshte se pse te varferit preferuan te votojne per PD dhe jo per PS ne zgjedhjet e qershorit 2009? Te kete te beje me faktin se ajo qe alternativa e pushtetit socialist per nje dekade ishte oligarkia e pushtetareve socialiste te implikuar ne te gjitha trafiqet e aferat kriminale? Apo fakti se ne mandatin e pare, ishte nje kryeminister i djathte ai qe i rriti ndjeshem rrogat e buxhetoreve dhe pensionisteve shqiptare?!

Para disa ditesh, profesori doli perseri ne skene ne faqet e gazetave duke e radikalizuar qendrimin e tij ndaj lidershipit te PS. Ai del hapur kunder refuzimit te Rames per te hyre ne Kuvend. Ai i ben te qarte socialisteve se: "Pushteti merret me vote e jo me dhune" dhe se "opozita behet brenda institucioneve dhe jo ne rruge". Ne kete pike profesori po prononcohet se e kupton qe skizofreni ne krye te PS, per hir te ruajtjes se interesave te tij personale, eshte duke shkaterruar elektoratin e majte, eshte duke fragmentizuar partite e majta, e eshte duke shkaterruar gjithcka qe Pellumbi e kompani kane kontribuar per kete parti ne 20 vjet. Profesori tani e quajti krizen brenda PS si nje "krize identiteti", te njejtin togfjalesh qe une perdora 6 vjet me pare.

Le te shpresojme se aventurat e Rames ne krye te PS do te krijojne nje kunderreagim te forte brenda inteligjences se majte, dhe keta do te mund te rikthejne ne krye te PS njerez te arsyeshem e me integritet.

Albo

[martini1984]

Perversiteti politik shqiptar skuptohet kurre.
ihhhhhhhhhhhhhhhphhhhhhhh

[Kryeplaku]

Ky Serveti nuk eshte ai burri qe e donte Nanon me shume sesa e donte nusja e vet, ky qe i thoshte Vlonjateve "merrni armet qe te clirojme Shqiperine nga maloket".

E paska marre Nano ne tel nga Viena prape, si atehere qe e merrte ne tel nga burgu.

Nejse, ca ti bejme.... Shqiptaret e kane qejf buken e vjeter.

40 vjet groshe me Enverin, 30 vjet uri me Saliun.... ta lumsha o Shqiperi

[kikirik]

Shume llap ti o llap. Ben mire te merresh me pune te tjera.......Tiranasit, te majtet, shqiptaret te gjithe jane te pakenaqur me edin. Te kenaqur jane vetem ata qe marrin nga nje cope nga vjedhjet e edit.

Ke te vertet se Edi ka 20 vjet ne pushtet.