Policia e EULEX-it arreston Sabit Gecin, akuzohet per krime lufte

[PLAKU]

Sabit Geci më ka thënë se është shef i policisë sekrete të UÇK-së
Tetuta Rexhepi Bota sot

http://www.botasot.info/mesme/Gjykata%20e%20Qarkut.jpg

Në vazhdim të gjykimit që po mbahet në Gjykatën Supreme të Kosovës kundër Sabit Gecit ka dëshmuar Ymer Ymeri dëshmitari me kondi “L”.
Dëshmitari Ymer Ymeri, i cili ka dëshmuar kundër të akuzuarve e që ka qenë i mbrojtur nën kodin “L”, të mërkurën është paraqitur në foltore me kërkesën që t’i hiqet anonimiteti dhe i ka dhënë deklaratat e tij në sallë në prezencë të publikut. “Pas luftës janë vrarë mbi 23 dëshmitarë dhe mendova të dal hapur që nëse ndodh diçka ta dini se kush më ka vrarë”, ka thënë dëshmitari Ymeri. Ai të enjën ka vazhduar dëshminë e tij me marrjen në pyetje nga na e avokatëve mbrojtës të të akuzuarve. Ai ka thënë se arsyeja pse ishte arrestuar dhe keqtrajtuar ishte sepse i përkiste subjektit politik të LDK-së. Dëshmitari është pyetur nëse e dinte datën kur ishin vrarë Ahmet Krasniqi dhe Enver Maloku. Ai tha se e dinte që ishin vrarë gjatë luftës mirëpo nuk e dinte datën e saktë. “E di që gjatë luftës por datën nuk e di se nuk e kam shkruar sepse zyrtar nuk kam qenë dhe nuk kam besuar se sot do të vija këtu për të dëshmuar”, është shprehur dëshmitari. Dëshmitari ka thënë se ka qenë viktimë sepse i ka takuar një subjekti kundërshtar politik, LDK-së dhe se atë kohë Ahmet Krasniqi dhe Enver Maloku ishin të zgjedhur nga LDK dhe kishin funksione të caktuara në LDK. Dëshmitari është pyetur se në kohën kur kanë ndodhur vrasjet a është komentuar se kush qëndron prapa këtyre vrasjeve. Ai tha se kishte besuar se këta persona ishin vrarë vetëm pse kanë qenë në LDK. “Unë jam burgosur dhe rrahur për vdekje pse kam qenë në LDK, ma kanë vra vëllanë, u vra truproja e presidentit Ibrahim Rugova, Besim Dajaku, u vra gazetari i “Botës sot” Bekim Kastrati, u vra Xhafer Behrami, drejtori i shkollës fillore në Qubrel, u vra Azem Ahmeti, nipi i heroit kombëtar Ahmet Delisë, u vra edhe Shaban Manaj. Veç për atë se kam qenë në LDK jam rrahur madje ka pas atentat edhe në presidentin Ibrahim Rugova”, tha ai.
Dëshmitar Ymer Ymeri po ashtu është ballafaquar me deklaratat që i kishte dhënë më herët në lidhje me takimin e parë që e kishte pasur me Sabit Gecin, për të cilin kishte thënë se i ishte prezantuar si shef i policisë sekrete të UÇK-së, shefi i policisë ushtarake të UÇK-së dhe shef i policisë së UÇK-së. I pyetur se pse kishte thënë tri herë ndryshe, dëshmitari u përgjigj: “Unë kam thënë se prezantimi i tij ka qenë shef i policisë sekrete të UÇK-së, ndoshta unë nuk kam ditur të bëjë dallimet prej emocioneve duke e ditur se çka më kishte ndodhur qe 12 vjet”, u përgjigj dëshmitari Ymeri.
(Më gjerësisht mund të lexoni në numrin e nesërm të gazëetës “Bota sot’

[drenicaku]

Jav hanksh ti kejt shqiptarve të shqiperis!

nese nuk i mjaftoin te shqipris mund te vazhdoj edhe ne kosove

[G-2]

* Sharri
06 MAJ 2011 04:05

Guximin e ketij njeriu qe nuk e njoh,dhe nuk ia di moshen,duhet ta marrin edhe te tjeret,dhe te berat e ketyre burravecave,duhet te dalin sheshit.Keta nuk kane pasur guximin te vrasin Serb,dhe jane shfryre ne vellezerit e gjakut!Te lumt ore trim qe je paraqitur me emer para ketyre huliganeve,sepse te gjithe i dijme te berat e tyre,por jo vetem te tyre gjate luftes,dhe pas lufte!
* AlbanGjakova
05 MAJ 2011 23:05

Këta paskan vra më shumë shqiptar se sa serbë...U zoti iu marroftë.Popull shkoni në VV dhe jeni të liruar nga e kaluar e marruar shqiptare...
* samir
05 MAJ 2011 23:05

Drenica i njef shume mire keta banditet ne krye me Sabit Gecin,e me Haki hajnin,por i njef edhe familjen e ndershme Imeri.Keta hajna kan arrite ta bejne ate qe as Serbia nuk arrite ta bej ne Drenice,duke perdorur diku shantazhet,diku vrasjet,diku stimulimet,diku propaganden,e diku duke bindur drenicaket se pjeset tjera te Kosoves e urrejne Drenicen me shume se Serbia.E edhe ja kan arrite qellimit.
* SAkica
05 MAJ 2011 20:05

Po dalin t\'zezat e \'Patriotave\'
* Gazi
05 MAJ 2011 17:05

koha per drejtesi...zoti vrafte keta te ashtuquajtur komandanta te uqk-se...me teper kane luftuar kunder shqiptareve te dijshem se kunder okupatoreve..
* shabani
05 MAJ 2011 16:05

Keta njerz kan qene komandanta te UQK-se. Ma shume kane luftu me Shqiptare se sa me Serb.Po te njejtit jane sote miljonera, po te njejtit sot po na udhheqin Shtetin.
* FilizJellma
05 MAJ 2011 14:05

Krenaria dhe atdhedashuria eshte triumfale, rrefimi per te verteten nuk ashtë turp as tradhti. Te krymburit mbeten te krymbur. z. Imer Imeri familja juaj ka dhen kaher për Kosovë, ndersa hajdutet dhe të pandershmit nuk mund te mposhtin. Sinqeriteti.
* Visari
05 MAJ 2011 13:05

Kur jne ne gjendje te krijojne gjithe kete pasuri ne emer te luftes, atehere eshte per tu besuar qe kane bere edhe gjera te tilla gjate luftes. Rujna Zot prej komandanteve te tille!
* urtari
05 MAJ 2011 13:05

Zoti te bekoft ty dhe familjen tende Imer Imeri...Haki Imeri ka qen nje petagog, nje gjuhtar ,nje mesimdhenes i pa krahasueshem...por e egzekutuan argat e djallit..Zoti marrt hak per te gjith se drejtesia spo duket gje kundi...

[Brari]

Heronjt nuk kan brire..
Ja keshtu jan.. njerez te thjeshte por qe brenda u vlon gjaku.. per te qen te drejte e te guzimshem ta thone ate cka eshte e drejta..

Ymer Ymeri eshte nji Hero..

I uroj shendet e mbaresi e prosperitet atij e Familjes se tij.. qe kushedi sa kohe ka qe vuan nen terrorin polpotist qoso -mutavist..

[G-2]

Më keqtrajtuan vetëm pse isha në LDK



Prishtinë, 6 maj - Dëshmitari Imer Imeri, i cili deri ditën e mërkurë ka qenë i njohur me kodin “L”, të enjten ka deklaruar para trupit gjykues se disa vrasje që janë bërë kanë lidhje me angazhimin e njerëzve në politikë.
“Jam arrestuar dhe rrahur pse kam qenë në LDK, është vrarë Besim Dajaku, truprojë e presidentit Rugova, është vrarë Bekim Kastrati, gazetar i ‘Botës Sot’, është vrarë Xhafer Behrami, drejtor i shkollës në Qubrel, është vrarë Azem Ahmeti, nipi i heroit kombëtar Ahmet Delia, është vrarë Shaban Maraj, kryetar i LDK-së në Istog dhe avokat, gjithashtu është vrarë edhe vëllai im për shkak se ka qenë aktivist i LDK-së”, ka thënë dëshmitari Imeri Imeri.
Imeri ka dëshmuar në gjykimin ndaj Sabit Gecit, Riza Aliajt “Hoxha” dhe të tjerëve.
Në ballafaqimin që pati ky dëshmitar me avokatin mbrojtës të Sabit Gecit, Mahmut Halimi, ai nga avokati u pyet për disa deklarata kundërthënëse të tij. Halimi e pyeti dëshmitarin se përse në deklaratën e tij të dhënë më 6 tetor 2009, ka thënë se kur është takuar me Sabit Gecin, atij Geci i ishte prezantuar se kishte qenë shef i Policisë së UÇK-së, ndërsa në deklaratën e së mërkurës ka deklaruar se kur ishte takuar me Gecin, sipas dëshmitarit, ai iu kishte prezantuar se ishte shef i Policisë Sekrete të UÇK-së.
“Në të dhënat dhe dosjen time që më është bërë më 2000-2001, thuhet se prezantimin që ma ka bërë Geci mua ka qenë shef i Policisë Sekrete të UÇK-së, ndoshta s’kam mundur të bëja dallimin prej emocioneve duke e ditur çka më ka ndodhur”, ka thënë dëshmitari Imer Imeri.
Në një rast tjetër, Halimaj e ka ballafaquar dëshmitarin me deklaratat e dhëna të mërkurën, duke thënë se dëshmitari kishte thënë se është rrahur tri herë nga komandant Hoxha, e në njërin prej këtyre rasteve në prezencë të Gecit, ndërsa dy herë të tjera derisa ai po vinte nga tualeti, ndërkaq në deklaratën e dhënë më 2009, sipas Halimajt ai kishte thënë se çdo ditë vinte komandant Hoxha në dhomë dhe e godiste me shufër druri dhe e shqelmonte.
“Me më pas rrahë më shumë se tri herë nuk isha gjallë me siguri, nuk e di qysh kanë luajtur këto të dhëna, por unë jam rrahur tri herë për vdekje dhe dy herë pastaj prej një vajze dhe prej njërit nga Gjakova, të cilin e njeh Hoxha”, ka thënë dëshmitari Ymeri.
Ndërkaq, pyetjes së Halimajt, drejtuar dëshmitarit se përse ai më herët kishte thënë se shuma e parave të mbledhura në Kroaci për t’ia dërguar UÇK-së ka qenë 27.000 marka, ndërsa në dokumentin që prezantoi ai një ditë më parë dëshmonte se i kishte dorëzuar vetëm 24 mijë marka, dëshmitari deklaroi se i janë përzier shumat.
“Nuk e kam pasur dokumentin në atë kohë me vete, ngase e kisha në Gjermani, dhe me siguri m’u ka ngatërruar me lira dhe shilinga dhe për këtë në deklaratën e parë e kam dhënë shumën e përafërt”.
Edhe me gjithë insistimin e dëshmitarit se ai kishte qenë viktimë për shkak se i takonte subjektit politik LDK, avokati Halimi ka thënë se dëshmitari po mundohej që ta politizonte këtë rast, por që sipas tij kjo më shumë ka të bëjë me fraksionet brenda UÇK-së, ose me ngatërresa brenda grupeve e jo me politikën.
Pyetjes së avokatit Halimi se a e dinte dëshmitari se kur është vrarë Abedin Rexha, i njohur me nofkën “Sandokani”, ai është përgjigjur se e dinte nga kush është vrarë ai, por se në shtyp ka qenë vrasja e tij dhe të gjithë e dinë madje, sipas tij, edhe të akuzuarit.
Halimi e ka pyetur nëse Imeri gjatë kohës sa ka qenë në Cahan ishte marrë në pyetje nga Geci, gjatë takimit të parë te xhamia në Krumë dhe pastaj në kampin e UÇK-së në Cahan, ai e ka mohuar ta ketë bërë Geci një gjë të tillë.
“Absolutisht, asnjë deklaratë nuk e kam dhënë para Gecit. Në kamp Gecin e kam parë 20 apo 30 minuta e pastaj nuk e kam parë 1 muaj e gjysmë, i cili nuk ishte në uniformë por mbante një palë veshje e mbathje sportive, një orë të shkëlqyer dhe një zinxhir në qafë. Këtu Geci ka qëndruar 6-7 minuta”, ka deklaruar Imeri.
Ndërsa pyetjes së avokatit nëse kishte thënë dëshmitari para prokurorit se ka dëgjuar se Geci ka qenë hajn dhe person i rrezikshëm, dëshmitari e ka mohuar këtë.
“Njerëzit flasin por unë asgjë konkrete nuk di për të. Këto fjalë i kam dëgjuar dhe i dëgjoj edhe sot sepse njerëzit flasin për Gecin, ashtu siç flasin për mua ithtarët e tij. Kam dëgjuar po ashtu se ai është plagosur por nga kush nuk e di, sepse isha në Kroaci”, ka thënë Imeri.
Avokati Halimi, gjatë seancës ka thënë se dëshmitari Imeri në prokurori nuk ka arritur ta identifikonte Sabit Gecin në foto. Sipas Halimit dëshmitari ka identifikuar numrin 30 që ishte Bardhyl Mahmuti, ndërsa sipas tij Geci kishte qenë në numrin 36 në foto.
Gjithashtu edhe avokati i Riza Aliajt, “Hoxhës”, Gëzim Kollçaku, gjatë seancës ka pohuar se dëshmitari Imer Imeri, nuk ka arritur ta identifikonte Alijan në fotot e prezantuara në hetuesi. Mirëpo, dëshmitari Imeri e ka mohuar këtë duke thënë se një ditë para arrestimit të Aliajt, ai e kishte identifikuar atë.

[PLAKU]

Dëshmitari me kodin “K” tregon se si është arrestuar e rrahur në kampin e UÇK-së në Cahan të Shqipërisë
Tetuta Rexhepi Bota sot


Dëshmitari i mbrojtur me kodin “K” të hënën është paraqitur në Gjykatën Supreme të Kosovës për të dhënë dëshminë e tij në gjykimin kundër Sabit Gecit, Rizah Aliajt dhe Haki Hajdarit, i njohur si “Haki Drenica”, Sali Rexhepi dhe Shaban Hotit, të cilët ngarkohen për veprat penale krime lufte kundër popullatës civile gjatë vitit 1999 në kampin e Cahanit, Shqipëri. Dëshmitari “K” duke iu përgjigjur pyetjeve të prokurorit të çështjes, Maurisio Salustro tha se pas bombardimeve të NATO-së në Kosovë saktësisht më 30 mars 1999 me bashkëshorten e tij dhe disa bashkëfshatarë të tij kishin shkuar në Durrës dhe ishin vendosur në kampin e punëtorëve në afërsi të plazhit. Aty tha se kishin qëndruar 12 ditë derisa ishte arrestuar siç ,tha ai, nga Xhemshit Krasniqi.
“Arrestimi ka ndodhur gjersa shkoja te një shok i imi në Durrës dhe më dolën dy persona civil njëri nga ta Xhemshiti me një veturë të cilët më pyetën se kush jam, ku banoj dhe se a ka ndonjë person nga Rahoveci në kampin e punëtorëve. U ofrova afër veturës së tyre dhe i pyeta se kush janë dhe mu përgjigjen se janë pjesëtarë të UÇK-së dhe se duan të më marrin në pyetje dhe nëse kam faj të më mbajnë nëse jo të më lirojnë. Unë pranova të shkoja me gjithë qeft. Nga aty më dërguan në hotel “Drenica” në Durrës ku ishte shtabi i UCK-së. Kur shkova aty më pyetën nëse e njoh Xhemshitin dhe unë u thash jo. Këtë person e njihja vetëm me emër sepse ishte i vendit tim. Në hotel më dërguan në një dhomë ku më morën informata dhe janë sjell shumë mirë me mua”, tha dëshmitari i mbrojtur “K”. Ai po ashtu tha se të nesërmen në hotel ia kishin sjellë një hetues nga Tirana për ta marrë në pyetje. “Unë kundërshtova gjatë kësaj interviste dhe ai reagoi duke thënë përse nuk ia keni lidhur duar këtij personi. Unë pas kësaj i thash se ti nuk qenke gjyqtar sepse nuk merret një person në pyetje me duart e lidhura dhe hetuesi u revoltuar dhe filloi të më pyeste për vitin 1981 dhe unë i tregova se isha vetëm mësues”, u shpreh dëshmitari “K”. Ai po ashtu tha se në mbrëmje të asaj dite e kishin marrë dhe e kishin dërguar në një qeli afër një lumi që sipas tij ishte vend shumë i vështirë. Pastaj ai deklaroi se sërish kishin shkuar dhe e kishin marrë dhe dërguar në hotel “Drenica” kurse disa persona të tjerë e kishin dërguar në Kukës.
(Më gjerësisht mund të lexoni në numrin e nesërm të gazetës “Bota sot”)

[Llapi]

Demant ndaj deklaratave të Gani Gecit

Publikuar: E enjte, më 19 maj 2011

Në intervistën dhënë gazetës “Koha Ditore”, të datës 11.05.2011, Gani Geci ka thënë të pavërteta sa i përket ushtarit të UÇK-së, Agron Sylejmani.
Tërë intervistën zotëria e mbështet në thashetheme të mbështetura në një deklaratë të personit, i cili gjendet në burg dhe është i dënuar për drogë.
Ne familja Sylejmani e dimë që Agroni kurrë nuk ka qenë vrasës e aq më pak vrasës me para.
Ne dhe tërë ushtarët e UÇK-së e dimë që Agroni ka qenë një ndër ushtarët më të dalluar të UÇK-së prej ditëve të para të fillimit të luftës së UÇK-së.
Është e vërtetë se Agroni ka luftuar kundër ushtrisë dhe policisë serbe dhe për çlirimin e Kosovës. Andaj ne si familje dëshirojmë që djali ynë, i cili ka rënë për lirinë e këtij vendi, të mos lëndohet dhe të fyhet për së vdekuri, pasi ai nuk e meriton një gjë të tillë.
Z. Geci nuk është mirë e as njerëzore që problemet e juaja personale që i keni në kohet e shkuara t’i hidhni te njerëzit që jetën e dhanë për liri dhe bashkimin e trojeve shqiptare. Familja Sylejmani

[G-2]

djali i juaj ka qene ne te njejtin grup me nazim bllacen dhe ka qene dora e djath e azem syles!
djali i juaj nuk eshte vrar per kosove por ate e kane vra policet e kosoves ne vitin 2004!

djali i juaj eshte personazhi kyq i shume vrasjeve ne kosove!
agron sylejmani ka vra nje polic te unmikut nje polic shqiptar te policise se kosoves
dhe perkthyes ne vitin 2004!

pastaj agroni vritet mu aty nga policia e kosoves ne vitin 2004!
tash qfar beteje paska bere agron sylejmani ne vitin 2004 na thuani dhe kunder kujtt paska luftuar ne kosoven e lire?!

ju po mundoheni nje kriminel ta beni hero por kjo nuk mban uje !
ate tash po e perdorin ish ustallaret e tij po thone se te gjitha vrasjet i ka ber ai!

[G-2]

KOMPLETOHET GRUPI
Bajram Kiqmari i është bashkuar njëmbëdhjetë shokëve të tij. Prokuroria i akuzon për terrorizëm, dhe vrasjen e dy policëve, në mars të vitit 2004 dhe tentim vrasjen e disa të tjerëve dhe vepra të tjera penale.



Prishtinë, 15 korrik —
I arrestuar më 5 prill të këtij viti, Bajram Kiqmari nga Lladovci i Podujevës, së shpejti do të përballet para drejtësisë për një sërë akuzash, përfshirë terrorizëm, vrasje të dëshmitarëve, blerje të armëve, bashkëpunim me persona të tjerë.
Ditë më parë, në Gjykatën e Qarkut në Prishtinë, atij i është konfirmuar aktakuza, mirëpo deri më tani nuk është marr asnjë vendim.
“Bajram Kiqmari mori pjesë aktivisht në një organizatë terroriste, Armata Kombëtare Shqiptare (AKSH)”, thuhet në aktakuzën e prokurorisë.
Bajram Kiqmarit, i njohur më nofkën “Lami dhe Kulleri”, mbi barrë do t’i bien një sërë akuzash të rënda. Ai besohet që ka inkurajuar aktivitetin e vazhduar të grupit, duke pasur takime dhe kontakte të vazhdueshme të zgjeruara në mars të vitit 2004 dhe pas këtij muaji.
Gjithashtu ai akuzohet se ka vepruar së bashku me persona të tjerë, ka siguruar para për të blerë armë për grupin, nder tjera ka vrarë dëshmitarë dhe ka blerë ushqim për grupin. Gjithashtu ai akuzohet se ka bërë të mundur që paratë t’i shpërndahen pjesëmarrësve tjetër në grup, i ka dhënë ndihmë personave të tjerë pas një akti terrorizmi apo në lidhje me terrorizëm, pengim në kapjen e personave të kërkuar.
Na aktakuzën e prokurores ndërkombëtare, përmendet edhe emri i Shkumbim Mehmetit, për të cilin thuhet që me Bajram Kiqmarin ka biseduar me shprehje të koduara. Së bashku me të, prokuroria akuzon edhe 11 persona të tjerë, si pjesëmarrës dhe mbështetës të grupit terrorist që ka kryer vrasjen e dy oficerëve dhe tentim vrasjen e një numri të oficerëve tjerë më 23 mars 2004, afër Podujevës.
“Mënyra në të cilën janë kryer këto krime, manifesti që e kishte në xhep Agron Sylejamni dhe informacionet e marra nga policia përmes hetimeve ka bërë që prokuroria të vijë në konkludim që këto krime janë kryer nga një grup i organizuar terrorist, që përfshin personat e armatosur në vendin e ngjarjes si dhe të tjerë që kanë ofruar ndihmë logjistike dhe financiare para dhe pas kryerjes së vrasjeve”, vazhdon aktakuza e prokurorisë.
Më tej në të përshkruhet në hollësi ngjarja e 23 marsit të vitit 2004, kur u vranë dy policë, njëri ndërkombëtarë dhe tjetri vendor. Në këtë mësohet të kenë marr pjesë të gjithë të akuzuarit, disa prej të cilëve në mes vete gjatë gjithë kohës kanë diskutuar me kode.
“Disa anëtarë të grupit kanë pas njohuri specifike për krimin dhe kanë ndihmuar në mënyrë aktive të tjerët në shkatërrimin apo fshehjen e provave apo në shmangien e kapjes nga policia”, vazhdon tutje aktakuza.

Ngjarja e 23 marsit 2004
Më 23 mars të vitit 2004, në fshatin Shakovicë të Podujevës, Possible Kojo Essuman, policë ndërkombëtar nga Gana, Arsim Rrustolli, Basri Mulliqi dhe një përkthyes kanë qenë duke patrulluar me një veturë të policisë së UNMIK-ut, kur në ta kanë shtënë persona të armatosur, të cilët besohet të kenë qenë një grup prej së paku katër ose pesë personave. Shkëmbime me armë zjarri ka pasur nga të dyja anët. Shkak I tyre në vend ka mbetur i vrarë polici ndërkombëtar nga Gana, një pjesëtar i ShPK-së dhe njëri nga të dyshuarit, i cili besohet të ketë qenë Agron Sylejmani. Ky i fundit më pas është gjetur i vdekur në shtëpinë e tij, ndërsa nga këtu policia ka konfiskuar një sasi të konsiderueshme të armatimit. “Megjithëkëtë, Agron Sylejmani ka pasur fishekë në xhepat e tij dhe një revole e mbushur është gjetur nën shpinën e tij. Në afri janë gjetur rroba ushtarake dhe policia ka gjetur një dorëz e cila është përputhur me një dorëz tjetër të gjetur më parë”, thuhet në aktakuzë.
Nga ana tjetër për të akuzuarin Bajram Kiqmarin, prokurorja ndërkombëtare pretendon se ka qenë pjesë përbërëse e grupit terroristë. “Lënda tij bazohet në efektin e kombinuar te përgjimeve telefonike, regjistrimeve telefonike, disa prova të gjetura dhe sjellja pas krimit”, arsyeton aktakuzën e saj prokurorja ndërkombëtare.
Para gjyqtarit të procedurës paraprake Bajram Kiqmari ka vendosur të mbrohet në heshtje. Ai është arrestuar më 5 prill të këtij viti, pasi që kishte qenë në arrati për më shumë se një vit e gjysmë.
__________________

[PLAKU]

Dëshmitari “M”: Më akuzonin për spiunim
Publikuar: Sot, më 20 maj 2011


http://www.koha.net/repository/image...05110928_4.jpg




Prishtinë, 20 maj – Në Gjykatën Supreme ka vazhduar seanca gjyqësore e radhës ndaj Sabit Gecit, Riza Aliajt, i njohur si “Komandant Hoxha” dhe tre të pandehurve tjerë, që i janë bashkuar këtij rasti këtë muaj: Haki Hajdari, i njohur me nofkën “Komandant Drenica”, Sali Rexhepi dhe Shaban Hoti.
Në këtë seancë ka dëshmuar kundër tyre dëshmitari “M”, i cili u mor në pyetje nga prokurori i EULEX-it, Mauizio Salustra dhe nga avokatët e të pandehurve. Trupi gjykues ka qenë i njëjtë me herët e tjera.
Dëshmitari “M” para trupit gjykues ka rrëfyer për përjetimet e tij gjatë kohës së luftës në Kosovë, në vitin 1999, në kampin e Cahanit në Shqipëri. Ai ka thënë se gjatë bombardimeve të NATO-s, ushtria e rregullt serbe i kishte përzënë nga Peja dhe se përmes bjeshkëve kishte dalë në Rozhajë të Malit të Zi, e prej aty në Durrës të Shqipërisë.
“Në Durrës kam qëndruar nja 10 ditë. Një mbrëmje po e shihja ditarin (lajmet) e orës 18:00 me djalin e motrës, kur në derë hyri një person e na tha se ishte nga SHIK-u dhe se duhej të shkonim me të në Durrës. Më kujtohet se ishte 16 prill 99”, ka thënë ai.
Sipas dëshmitarit kur kishte hipur në xhip, aty kishin qenë edhe 2 a 3 veta që i kishin thënë atij se ishin të SHIK-ut. Me atë xhip i kishin dërguar në hotel “Drenica”, dhe aty e kishin liruar djalin e motrës së tij e atë e kishin mbajtur.
“Një person filloi të më marrë në pyetje dhe më pyeste se cilët janë bashkëpunëtorët e Serbisë. Emrin nuk ia dija, por më vonë kam mësuar se quhej Xhemshit Krasniqi. Dhe ai për një moment e nxori revolen dhe deshi të më vriste, të paktën kështu u shpreh ai. Dhe gjatë asaj kohe ai më fyente me fjalën spiun. Për fat të mirë timin në atë çast ka hyrë një person tjetër më i gjatë se ai dhe i ka thënë atij: “Avash, avash” dhe e ka larguar atë nga ajo dhomë”, ka thënë dëshmitari “M”.
Ai gjithashtu ka thënë se aty ia kishin marrë unazën, orën, disa lekë që i kishte me vete, patentën dhe letërnjoftimin e kurrë nuk ia kishin kthyer.
“Aty më pyesnin për bashkëpunëtorët e Serbisë, nuk e di përse më pyesnin mua për këtë. Puna e fundit që kam bërë ishte ajo në Sekretariatin për Punë të Brendshme në Prishtinë, ku isha polic. Por, më 17 shtator 1990, më se 100 veta kolektivisht e kemi lëshuar punën dhe i jemi bashkuar popullit”, ka thënë ai.
Pas këtyre pyetjeve që ia kishin bërë atij, dëshmitari “M” ka thënë se ia kishin vënë prangat dhe e kishin hipur në xhip, kishin udhëtuar tërë natën dhe në mëngjes kishin arritur në Kukës.
“Gjatë rrugës ata dy persona, njëri quhej Gëzim e tjetri Petrit, më thanë nëse e dija se ku më dërgonin dhe unë iu përgjigja se jo. Dhe ata më thanë se po të dërgojmë me të vra, nëse nuk ka kush me të ra mas. Dhe u thashë a do më lënë të flas apo do më vrasin menjëherë dhe Gëzimi më tha se do më lënë të flas. Dhe unë i thashë atëherë nuk vjen në shprehje me më vra kush, sepse nuk kanë kurrfarë arsyeje për këtë”, ka thënë ai.
Sipas dëshmitarit, ai në Kukës e kishte takuar “Komandant Drenicën” dhe ai u kishte thënë që ta dërgonin atë në kampin e Cahanit.

Shkrimi komplet nga ky gjykim lexojeni sot në “Kohën Ditore”