Postuar më parë nga
toni karlosi
Ja ne qfare derexhe e ka sjell popullin Shima me kliken e tij.
Kosovari mund të bëhet afrikan për 6 mijë euro!
Prishtinë, 16 mars - Për një shumë të hollash nga 6 mijë deri në 10 mijë euro kosovarët mund të marrin nënshtetësi të Namibisë, Guajanës dhe Belgjikës. Kjo mund të bëhet në qendër të Prishtinës, në zyrën e kompanisë “Megacities Consulting”, e cila këtë procedurë mund ta kryejë për katër javë, në rastet e “komplikuara” deri në tre muaj, shkruan sot “Koha Ditore”. Pronari i kësaj kompanie, Naim Hyseni, në dhjetor të vitit 2009 e ka regjistruar në Ministrinë e Tregtisë biznesin e tij për kryerjen e ndërmjetësimeve në punësim, shkollimin e të rriturve dhe për aktivitete të tjera afariste. Por, zyra e tij që gjendet te “Kroi i Bardhë”, në lagjen “Dardania”, përveç kurseve të gjuhës angleze për klientë, e të cilëve u jep viza të përhershme qëndrimi në Angli për një shumë prej 10 mijë eurosh, ai ofron udhëtime pa viza edhe për vendet e tjera të botës. Për t’u bërë më i lehtë udhëtimi drejt vendeve të tjera, agjencia e tij pajis klientët me nënshtetësi të vendeve afrikane dhe të vendeve të Amerikës Qendrore.
Ky aktivitet vlerësohet i paligjshëm nga qeveritarët, gjyqtarët dhe policia. Zëvendëskryeministri i Qeverisë së Kosovës, Hajredin Kuçi, kërcënon këtë kompani me pasoja juridike.
“Askush nuk mund ta bëjë një veprim të tillë. Pas hetimeve ushtruesit e këtij aktiviteti mund të kenë pasoja juridike”, ka thënë Kuçi.
Sipas tij, ekzekutivi i vendit nuk ka njohuri për hapjen e një agjencie të tillë “konsullore” në vend. “Në botën moderne duhet të merret leje nga shteti që të bëhen vendime të tilla konsullore”.
Edhe Agim Krasniqi, ish-gjykatës në Gjykatën Supreme të Kosovës, thotë se askush nga Kosova nuk ka të drejtë që t’i sigurojë ndokujt nënshtetësi të huaj. Një gjest i tillë, sipas tij, është vepër e cila duhet të ndiqet nga organet e drejtësisë.
“Askush nuk ka të drejtë të japë shtetësi për ndonjë shtet të huaj. Ato janë mashtrime për popullin me qëllim të përfitimit material. Policia menjëherë duhet të ndërmarrë diçka”, ka thënë gjykatësi Krasniqi.
Ndërkohë në Policinë e Kosovës thonë se në zyrat e tyre nuk ka arritur informacion i tillë.
“Në momentin kur të vërtetohet një gjë e tillë do të nisin hetimet dhe do të merren masat e nevojshme”, ka thënë Baki Kelani, zëdhënës në Policinë e Kosovës.
Derisa institucionet e vendit nuk dinë gjë, por premtojnë angazhimin e tyre, kompania “Megacities Consulting” vazhdon t’u bëjë çarenë njerëzve “me nevojë”. Dhe procedurat janë shumë transparente. Një kosovar, pasi t’i paguajë 10 mijë euro, e merr nënshtetësinë e Guajanës, një shtet i cili është protektorat i Britanisë së Madhe dhe me këto dokumente mund të shkojë pa viza nëpër të gjitha vendet e Evropës dhe në Kanada. Ndërsa për Shtetet e Bashkuara të Amerikës klientët e kësaj kompanie këshillohen që pasi të futen në Kanada mund të marrin më lehtë viza për në këtë shtet.
Më e lira është nënshtetësia e Namibisë, e cila ndodhet në kontinentin e Afrikës dhe me pasaportën e këtij shteti, e cila sigurohet nga kompania “Megacities”, mund të “lundrohet” nëpër shtetet jashtë Evropës. Për të interesuarit, të cilët duan të shkojnë në vendet e largëta, si Japonia e Kina, duhet të paguajnë dhjetë mijë euro për pasaportë belge.
Sipas pronarit të kësaj kompanie, Naim Hyseni, ka shumë të interesuar që duan të udhëtojnë pa viza nëpër tërë territorin e botës.
“Shumë persona janë në procedurë e shumë prej tyre veç i kanë marrë këto dokumente. Por, numrin e njerëzve nuk mund ta zbuloj”, ka thënë Hyseni.
Përveç udhëtimeve pa viza kjo kompani ofron edhe viza të përhershme për në Angli, viza 2 deri 5-vjeçare në Qipro, si dhe viza në Holandë. Po ashtu ofron edhe mundësi migrimi të rregullt në vendet, si: Kanada, Angli, Australi dhe Zelandë e Re.
Përgjigju Duke Cituar
Krijoni Kontakt