Zgjedhjet ne PS: Rama rizgjidhet kryetar Kundershtaret: Zgjedhjet, nje farse

[limbo]

Ikën apo nuk ikën Edi Rama nga Partia Socialiste, për Arben Malaj dhe Ben Blushin tashmë ka pak rëndësi. Dy figurat kryesore të kësaj partie edhe pse jo zyrtarisht janë duke u përgatitur seriozisht për të konkurruar për postin e kryetarit të partisë më të madhe në opozitë.


Strategjia e Ben Blushit

Ben Blushi është ndër figurat kryesore të Partisë Socialiste. Që në momentin që ka bërë katapultimin nga bota e medias, në politikë duket se rruga e tij ka qenë në ngjitje. Me humbjen e PS-së në zgjedhjet e përgjithshme, duket se ka ardhur rasti që Blushi të shfaqë ambicien e tij për t’u zgjedhur kryetar. Duhet thënë, se në fillim do të duhet që kreu aktual të japë dorëheqjen nga posti i kryetarit për ta futur partinë në një proces zgjedhor për kreun e vet.

Deri në këto momente Blushi është duke punuar me gjitha mënyrat për të dalë një kandidat fitues nga gara. Përveç medias, që është njohëse e mirë e tyre, Blushi është duke kontaktuar me figura brenda partisë.

Humbja e zgjedhjeve duket se është një rast mjaft i volitshëm për ambicien e ish-kreut të grupit kuvendor të socialisteve. Statura dhe eksperienca e Blushit duket se do jenë mjaft determinuese në garën e ardhshme të socialistëve. Blushi është një figurë bashkuese në PS, duke qenë se asnjëherë nuk ka qenë pjesë e klaneve të caktuara brenda partisë.

Duket se strategjia e Blushit ka ende për t’u lexuar. Zëra pranë tij bëjnë të ditur, se me shumë mundësi ai do të kërkojë një largim dhe mosrikandidim të Ramës, pasi në të kundërt do të ishte një sfidë e vështirë të duelonte me kreun aktual, duke parë funksionimin e strukturave që janë të gjitha në dorë të kryetarit. Zërat jashtë partie janë në favor të zgjedhjes së Blushit në krye të PS-së, por që e njëjta gjë nuk mund të thuhet dhe për anëtarët e kësaj partie.

Ben Blushi po përpiqet që përveç përkrahësve të tij, të afrojë dhe mbështetësit e ish-kryetarit Nano, i cili duhet thënë se ka një raport armiqësor me Edi Ramën. Një fakt pozitiv për Blushin është fakti që do të jetë në Kuvend në katër vitet e ardhshme dhe do të përballej me Berishën në fushën ku zhvillohet beteja politike.


Strategjia e Arben Malajt

Një ndër ekspertët më të mirë të Partisë Socialiste, Arben Malaj, ka dalë hapur se kërkon të jetë pjesë e garës për kreun e ri të opozitës. Ai deklaroi se opozita shqiptare nuk arriti dot të dilte shumicë dhe të zbatonte programin e saj në qeverisje të vendit. I pyetur për kryetarin Rama, Malaj u shpreh se mandati i kryetarit në momentin që humbet zgjedhjet është i ndërprerë dhe partia futet në një proces zgjedhor për kryetarin.

Një njohës mjaft i mirë i ekonomisë, Malaj është ndoshta eksperti më i mirë që ka PS në këtë fushë. Falë dhe rrethanave të ekonomisë aktuale, duket se prania e tij në krye të partisë është e domosdoshme.

Duhet thënë, se Malaj dhe pse nuk ka dalë publikisht, në shumicën e rasteve ka qenë kundër politikave të ndjekura nga Edi Rama. Madje lidhur me listat e kandidatëve për deputetë, Malaj ka pasur hatër-mbetje me Ramën për faktin se e vendosi të tretin në listën e Vlorës.

Malaj është njohur dhe si një përkrahës i fortë i Fatos Nanos dhe duket se do të jetë ky kandidati që ish-kryetari do të mbështesë për postin e kryesocialistit. Një paketë anti-krizë e propozuar nga Malaj për vendin do të ishte mjaft joshëse për elektoratin shqiptar. Tanimë duket se dhe Malaj ka filluar të kontaktojë me figura të larta të PS-së dhe me bazën e partisë.

Gjithsesi një duel me tre kandidatë do të jetë më efikas, ai që do përdorë një strategji të studiuar, pasi dhe rezultati do të jetë i ngushtë për shkak të ndarjes së votave.

http://www.tiranaobserver.com.al/al/...0749&Itemid=42

[limbo]

Sllavica Popoviç është vajza e madhe e të ndjerit themelues të Partisë Komuniste Shqiptare dhe që prej vitit 1991 Partia Socialiste e Shqipërisë.

Duke parë amullinë e krijuar në partinë e krijuar nga babai i saj, Sllavica ndjen si detyë marrjen përsipër të rimëkëmbjes së kësaj partie.

http://forumishqiptar.com/showthread.php?t=112405

[limbo]

Malaj: Do të garoj për postin e kryetarit

Ish-ministri i Financave, Arben Malaj, deklaron se është i gatshëm të futet në garën për postin e kryetarit të Partisë Socialiste. Në një intervistë për "Ora News", ai i mëshoi idesë se pas humbjes mandati i kryetarit aktual është i mbaruar automatikisht dhe nuk ka nevojë për një akt dorëheqjeje.

Duke komentuar procesin zgjedhor, Malaj tha se "jemi në fazën që procesi zgjedhor edhe sipas Kodit Zgjedhor ende nuk ka përfunduar. Është kolegji ai që do t‘u japë përgjigje ankesave politike. Do të ishte shumë mirë që kjo etapë të përfundonte sa më shpejt dhe në mënyrë sa më të rregullt. Është e detyrueshme të përfundojë me sukses procesi zgjedhor".

Në vlerësimin e tij, hapat brenda Partisë Socialiste do të jenë pjesë e një vendimmarrjeje kolektive dhe jo personale. "Në zgjedhje ne nuk arritëm atë për të cilën ishim të përkushtuar, por dhe që kishim detyrimin maksimal. Nuk arritëm të kishim një rezultat që na sillte në pushtet dhe na ndihmonte të ishim vendimtarë në hapat për menaxhimin e vendit. Duket se Partia Socialiste e humbi mundësinë që të qeveriste me koalicionin e saj", theksoi Malaj.

Sipas tij, të braktisësh procesin dhe të merresh me analiza brenda vetes është qëndrim jo korrekt dhe me ndikim negativ. Gjithsesi, ai konstatoi se do të duhej që të kishte një hapje më të plotë të koalicionit potencial që zgjerimi i bazës mbështetëse të bënte të mundur rezultatin maksimal.

"Duheshin vlerësuar potenciale brenda partisë që në karrierën e tyre erdhën në mënyrë normale. Punuam shumë për një program real, por u ngurrua prezantimi i tij sa më bindës para elektoratit. Edhe performanca në debate duket se nuk arriti maksimumin. Një tjetër element ishte personalizimi i fushatës dhe fitores së koalicionit tonë", tha Malaj.

Anëtari i kryesisë së socialistëve, duke iu referuar qëndrimeve të Ramës pas 28 qershorit tha se "për një lider që nuk ka arritur rezultatin që ka dëshiruar, jo si ambicie, por edhe si detyrim, nuk është diçka e lehtë". Kam pasur, vijoi ai, detyrimin dhe pastaj kurajën që në momente të herëpashershme të diskutonim për atë çka mund ta bënim më mirë. Brenda një partie duhet të ruash edhe masën midis dëshirës për të qenë publik dhe frymës bashkëpunuese që duhet", nënvizoi Malaj.

Malaj tha se që në vitin 2005, së bashku me kolegë është menduar gjatë që PS të mos vuajë nga ato çka vuajnë shumë parti evropiane.

"Duke pasur parasysh zhvillimet brenda partisë, u mendua se procesi i sfidave parlamentare të ishte i qartë. Nëse kryetari humbet garën, këtu nuk bëhet fjalë për të kërkuar dorëheqjen, mandati ka mbaruar dhe fillon një garë", insistoi Malaj. Ai këmbënguli sakaq se investimi i Ramës në zgjedhjet vendore nuk duhet shikuar bardhezi dhe se dorëheqja nuk është fundi i një karriere politike.

"Ke humbur një garë dhe dikush tjetër duhet të provohet. Rama duhet të ketë detyrim të jetë pjesë e sfidave të ardhshme të PS. Në një kohë të dytë gjithçka është e hapur për të gjithë", nënvizoi Malaj. Ai tha se Rama, në funksion të një kredibiliteti që ka pasur, në kohën e duhur do të respektojë atë filozofi të rotacioneve brenda partisë që e ka promovuar dhe kërkuar si kusht.

"Një lider kushtëzohet shumë nga kredibiliteti i tij. Nuk bëhet fjalë për një dorëheqje dhe ndarje. Besoj se Rama nuk do të bjerë pre as e telegrameve të solidaritetit", u shpreh Malaj.

Duke iu referuar zhvillimeve paszgjedhore, Malaj tha se "në mbledhjen e fundit të Kryesisë së Partisë Socialiste, kishim një debat se kur PS duhet ta pranojë humbjen". Sipas tij, Partia Socialiste duhet të luftojë me instrumente ligjore që të garantojë votën dhe se nuk bëhet fjalë të krijohet një ambient konfliktesh, por të krijohet fryma e një konkurrence në parti.

"Nuk kam hezituar të bëj brenda strukturave dhe në opinion, oponencën e asaj çka na vështirësonte fitoren. Kam bërë debat në rastin e ndryshimeve kushtetuese dhe kam qenë kundër sjelljes ndaj grevës së urisë. Nuk kam hezituar edhe para se të shpallej lista që të kërkoja të kishte një respekt të karrierës dhe vlerave", nënvizoi Malaj.


Blushi kërkoi largimin e Ramës nga kryetar

Një ditë më parë, një tjetër anëtar i Kryesisë së Partisë Socialiste, Ben Blushi, kritikoi Edi Ramën dhe i kërkoi të pranojë humbjen. Në një intervistë për një të përditshme, Blushi, tha se Edi Rama duhet të pranojë humbjen dhe t‘u shpjegojë socialistëve se si ka mundësi që nuk solli në pushtet partinë më të madhe në Shqipëri.

Sipas tij, çdo përpjekje për të nxjerrë opozitën jashtë Parlamentit do të ishte një vetëvrasje për PS-në, e cila nuk mund të kthehet në pushtet duke imituar PD-në dhe Sali Berishën e vitit 2000.

"Filozofia e kryetarit të PS-së ka dështuar dhe për këtë nuk mund të fajësohet PS-ja dhe aq më pak komisionerët në të gjithë Shqipërinë. Këto zgjedhje nuk i kanë humbur komisionerët, siç po interpretohet paturpësisht, por kauza e gabuar dhe politika e personalizimit të një beteje të përbashkët. Ajo që po ndodh pas 28 qershorit në PS është një nga aktet më të shëmtuara në historinë e kësaj partie", nënvizoi Blushi.

Ai nuk u pajtua me idenë e Ramës kur thotë se "tani që partia humbi, unë jam më i fortë se kurrë".

"Po pres mbledhjen e forumeve të partisë për të dëgjuar të vërtetën e kolegëve dhe të miqve të tjerë dhe për të thënë dhe unë të vërtetën time", u shpreh Blushi.

Ai këmbënguli se zgjedhjet e 28 qershorit ishin zgjedhje të përgjithshme, për të cilat çdo parti përgatitet në katër vjet dhe ato nuk mund të trajtohen si zgjedhje të pjesshme ose lokale, sepse tani kemi humbur Shqipërinë dhe jo Kasharin. "Prandaj duhet t‘i drejtohemi Shqipërisë duke shmangur kasharizimin e PS-së", tha Blushi.

http://www.gazeta-shqip.com/artikull.php?id=68200

[gerrard73]

Une do te isha per Ben Blushin, eshte me i afte se Malaj dhe eshte me pak i implikuar ne korrupsion, o me mire te themi nuk eshte i implikuar. Malaj kur ka qene minister i ekonomise eshte pasuruar nga apaltet e ndryshme dhe korrupsioni. Une jam per Blushin.

[Adavid]

Une shpresoj te jete Malaj .Per faktin se ai ka qene arkitekti i piramida, e ky fakt do te bej qe Populli te plas syte ,e te mos votoj me kopilat e Popovicit dhe te Mugoshes.Nga nipi i i hales Dhimiter Shuteriqi kam frike.Sepse ai sikurse gjyshi mund te mbaj ne kemb komunistat.Ky popull nuk merr vesh.Eshte mesu me luftu per baben.

[vagabondo_nyc]

Te pakten kta kane nje fare konkurence per krietar po PD-ja a dini gjo a ka noi kandidat?

[Davius]

Pandeli Majko ose le të mbetet Edi Rama. Këto dy pretendentët nuk kanë karizëm për të udhëhequr një parti të madhe siç është PS-ja.

[limbo]

Fillon në PS lëvizja “Rama ik”

Pas dështimit në zgjedhjet e përgjithshme parlamentare dhe humbjeve të njëpasnjëshme si në nivel lokal ashtu edhe në atë qendror, në Partinë Socialiste janë rigjallëruar zërat që kërkojnë një largim të mundshëm të Edi Ramës, nga posti i kryetarit të partisë.

Kështu, anëtarë të kryesisë dhe njëherazi deputetë të kësaj force politike si Ben Blushi, Pandeli Majko, Arben Malaj dhe Sekretarja për Shoqërinë Civile dhe Shanset e Barabarta në PS, Edlira Haxhiymeri, i janë kundërvënë strategjisë elektorale të përdorur nga Edi Rama në zgjedhjet e 28 qershorit dhe kërkojnë nga ai shpjegime të hollësishme, pranimin e humbjes së zgjedhjeve dhe largimin nga drejtimi i partisë.

Ata e akuzojnë kryesocialistin se po fsheh disfatën, nëpërmjet daljeve mediatike, në përpjekje për të shmangur përgjegjësitë që mban nga humbja e zgjedhjeve dhe dështimin e turpshëm para qytetarëve dhe para socialistëve të thjeshtë, ku këta të fundit, po ndjekin me dyshime lëvizjet e Ramës, se si ai po fshihet pas hijes së vet.

Ish kryetari i grupit parlamentar në PS dhe njëherazi anëtari i kryesisë së saj, Ben Blushi, është shprehur më herët se Edi Rama është shkaktari kryesor i humbjes së zgjedhjeve.
Sipas tij, Rama nuk mendoi për fitoren e PS, pasi në fushatë u paraqit pa program elektoral, me një filozofi të dështuar dhe se për këtë nuk mund të akuzohen komisionerët, siç po bën rëndom kryesocialisti.

Blushi u shpreh se Edi Rama duhet të pranojë humbjen dhe t’u shpjegojë socialistëve, se cila ishte arsyeja që nuk e solli në pushtet, partinë më të madhe opozitare në vend.

Ai shton se çdo përpjekje për ta nxjerrë opozitën jashtë parlamentit, siç ka paralajmëruar Edi Rama, do të ishte një vetëvrasje për PS-në. “I kam kërkuar Edi Ramës të pranojë humbjen dhe pres që kjo të kryhet me dinjitet, pasi tani nuk bëhet fjalë për karrierën e secilit prej nesh, por për fatin e opozitës, e cila duhet të konsiderohet si garant i lirisë në çdo vend demokratik. Prandaj opozita duhet të priret nga e vërteta dhe jo nga mohimi i saj për qëllime meskine”, u shpreh Blushi.

Në të njëjtën linjë është shprehur edhe kandidati për deputet i PS-së, Arben Malaj, i cili i bën thirrje Edi Ramës që të japë dorëheqjen, duke respektuar kështu edhe rotacionin, të cilën e ka kërkuar edhe vetë si kusht. Malaj u shpreh se humbja e PS në zgjedhje, erdhi për shkak të strategjive të gabuara të Edi Ramës dhe ndaj ai është përgjegjës për dështimin.

Ndërsa, Sekretarja për Shanset e Barabarta dhe Shoqërinë Civile në Partinë Socialiste Edlira Haxhiymeri vëren se humbja e politikës së re në zgjedhjet e 28 qershorit ka nevojë për një analizë të gjatë në struktura, pas shpalljes së rezultatit zyrtar. Megjithatë, sipas saj, gabimet në trajtimin e programit qeverisës dhe lënia e kandidatëve nën hijen e kryetarit Edi Rama ndikuan negativisht përkundrejt elektoratit.

http://www.gazeta55.net/index.php?artikulli=7309

[OO7]

Se marr vesh përse janë kaq të interesuar këta të PD se c'bëhet në PS?

Nga se të kenë frikë vallë...

[limbo]

ti ishe ajo goca qe me kishte ke lista e injorimit e? po qe paske icik veshtiresi me kontrollu listen.

Nga se të ketë frikë vallë...