Pornografi në kompjuterët e policisë
30/04/2010
Gazeta Shqip
Kontrolli u bë nga specialistët e IT-së pas ankesave për ngarkesa në rrjetin e brendshëm të Drejtorisë së Përgjithshme
Katër oficere shikonin në internet faqe pornografike, ndërsa një oficer, homoseksualë
Mbingarkesa në rrjetin e kompjuterëve në polici nuk dihej nga vinte dhe kjo i ka detyruar specialistët që të kontrollonin gjithë përdoruesit për shërbimet që kryenin. Por, asnjëherë nuk u kishte shkuar në mendje se gjatë kontrollit do të gjenin shumë oficerë policie që e përdornin internetin në të shumtën e kohës për të parë faqe pornografike. E jo vetëm meshkujt, por katër oficere policie i shikonin këto faqe, ndërsa një oficer shikonte faqe në internet me homoseksualë.
Kontrolli është kryer vetëm pak kohë më parë, dhe për këtë, specialistët e IT-së kanë bllokuar shumë faqe ku futeshin punonjësit e policisë të Drejtorisë së Përgjithshme të Policisë së Shtetit. Burime të besueshme pranë Drejtorisë së Përgjithshme të Policisë së Shtetit bëjnë të ditur se kohë më parë është vënë re një ngarkesë e madhe në rrjetin e kompjuterëve të këtij institucioni.
Specialistët, të cilët merren pikërisht me mbarëvajtjen e kompjuterëve, janë habitur nga kjo ngarkesë që ngadalësonte punën dhe hyrjen në internet. Pas shumë ankesave për këtë problem, ata janë urdhëruar që ta gjejnë problemin, duke kontrolluar gjithë përdoruesit e kompjuterëve në Drejtorinë e Përgjithshme të Policisë së Shtetit. Verifikimi ka nisur sidomos tek ata kompjuterë që në paraqitjen grafike të specialistëve shfaqeshin qartë se kishin më shumë trafik të dhënash (ishin më të ngarkuar). Nga kjo kanë zbuluar se oficerët e policisë që punonin në to, hapnin shumë faqe interneti, sidomos ato ku mund të bisedonin me njerëz të ndryshëm. Një ndër faqet më të preferuara të punonjësve të policisë ishte rrjeti social “Facebook”, ndërkohë që nuk përjashtoheshin edhe rrjete të tjera të ngjashme, ku kalonin kohën e lirë.
Fillimisht, specialistët kanë vendosur që t’i mbyllin këto faqe, duke mos i lejuar të hyjnë nga kompjuterët e punës, por kontrolli ka vijuar edhe më tej. Gjatë verifikimit të çdo kompjuteri në rrjet, ku janë të regjistruar me emrat e personave që i përdorin, pasi të gjithë kanë përdoruesin dhe fjalëkalimin e tyre, kanë dalë në pah edhe disa probleme të tjera. Në grafikë janë parë shumë faqe, të cilat sillnin viruse dhe ngarkesa për rrjetin e kompjuterëve të policisë, që në përmbajtje kishin filmime dhe fotografi pornografike. Kjo i ka habitur specialistët, të cilët kanë mbajtur shënim gjithë përdoruesit të cilët shihnin faqe interneti të tilla, duke i identifikuar me emrin e përdoruesit që kishin të regjistruar me të drejtat e lejuara nga policia.
Sipas të dhënave, numri i punonjësve të policisë që përdornin faqe pornografike është goxha i lartë, por bie në sy se ndër ta janë edhe katër femra. Madje, këto femra shikonin faqe të tilla interneti në një pjesë dërmuese të orarit të punës. Nuk dihet nëse atyre u është tërhequr vëmendja në lidhje me këtë shqetësim të policisë.
Nga ana tjetër, në kontrollin e specialistëve të IT-së është bërë “personazh” edhe një oficer policie, i cili shikonte faqe në internet me homoseksualë. Ai ka një gradë të lartë, por nuk jepen detaje të tjera. Megjithatë, pas mbylljes së faqeve, rrjeti kompjuterik ka punuar më mirë në polici dhe tani kontrollohet çdo 24 orë.
Përgjigju Duke Cituar
Postuar më parë nga Kinney
Krijoni Kontakt