Bebeka Alla tashmë firma e TOB-it

[Albo]

Bebeka Alla tashmë firma e TOB-it

Inva Mula vjen pas 20 vjetësh për herë të parë edhe si sponsorizuese e artit, për artin që e krijoi
Fundvitin 2011 isha spektator në mbëmjen gala të TOB-it. Kudo ndihej atmosfera e festës, spektatori elegant priste hapjen e mbrëmjes. Dhe ajo filloi bukur nën ndriccimin e dritave, shkëlqimit të skenës, tingujve të muzikës së orkestrës sinfonike. Kësaj atmosfere zoti Zhani Ciko i shton edhe prezantimin e dy kalendarëve me personazhet e operave dhe baleteve , të ideuar dhe realizuar me një mjeshtëri të rrallë artistike nga piktor grimjorja dhe fotografja Bebeka Alla. Ky është pasioni i një pune të mbledhur, ku trasformimi i personazheve në skenë është i përkohshëm dhe në këto kalendare mbetet përjetësisht.
Bebeka Alla
“Unë kam dëshirë që gjërat të jetojnë jo vetëm si kujtime por dhe të preken dhe pikërisht kjo është një nga arsyet qe më shtyn në krijimtarinë time të eci perpara. Me hapjen e siparit, harrohen lodhja, vështirësitë dhe emocionet të rëmbejnë për të shkëlqyer…duartrokitje pa fund. Sipari mbyllet, gjithshka i kthehet normalitetit, pikërisht ato emocione, ato duartrokitje, jam munduar të jem e kujdesëshme ti ruaj dhe t’ja u dhuroj nëpërmjet kalendarëve. Një dhuratë dhe kujtim për artistët e skenës në fund viti. ….Dua të falenderoj Gelton Priftin, Erald Lamja (studjongrafike Vigette Marketing), Olta Myftarj dhe të gjithë artistët e TOB-it për bashkpunimin dhe në veccati falenderoj artisten e madhe Inva Mula që vjen pas 20 vjetësh për herë të parë edhe si sponsorizuse e artit, për artin që e krijoi”.
Inva Mula
“Sponsorizimi i kalendarit nga Fondacioni “Hi Clasic” është bërë me shumë dëshirë nga ana ime, për faktin se bëhej fjalë për të mbështetur një iniciativë që kishte lidhje me artin skenik. Ideja e mikes time, Bebeka Alla, për të prezantuar solistët e operës dhe baletit në ccdo muaj të vitit është shumë positive dhe me një vlerë të veccantë. Solistët e TOB-it vijnë pranë artëdashësve në gjininë e artit figurativ nëpërmjet kalendarëve dhe unë mendoj se kalendarët shërbejnë për të afruar publikun gjithmonë e më shumë drejt operës dhe baletit. Unë vetë ndihen e lumtur që për gjatë gjithë vitit 2011 do të jemë pjesë e juaja”.
Zhani Ciko
“Ka dy vjet që krijuesja jonë, mjeshtrja e grimit artistik , Bebeka Alla ka ideuar dhe realizuar me një shije të hollë dhe plot elegancë kalendarët për operën dhe baletin .Ky realizim është mishërim i kulturës dhe pjekurisë krijuse të mjeshtres tonë ,dhe kështu ne kemi fatin ti shpërndajmë kalendarët, si kartolinën tonë në festat e fund vitit. Dua të them se këto kalendarë tregojnë pasurinë e shfaqjeve tona, tregojnë nivelin e realizimit artistik që kanë ato. Pervecc këngëtarëve tanë aty janë edhe këngëtar të huaj, që tregon bashkëpunimet brenda dhe jashtë shtetit që bën ky teatër për të qenë i integruar dhe mund të them se kalndarët janë dhe arsyea e krenarisë tonë për shkak se në mënyrë shumë konccize japin një objekt të kulturës së lartë. Nga këto kalendarë adhuruseve të operas i jep kënaqësi portreti i Inva Mulës,Eva Golemi, Mariana Lekës, Ylber Gjinit, Armando Kllogjrit,janë të gjithë artistët që mbajnë peshën e këtij teatri, por gjithashtu të shikojnë dhe larminë e roleve dhe veprave që realizojnë këta artistë, dhe vetëm duke lexuar portretet e artistave kupton se ccfarë larmie ka sezoni ynë artistik vjetor. Vlera e këtyre kalendarëve tashmë është pjesë e historisë së operas” .

- Irini Nikolla; “Gjatë gjithë karrierës sime Beka më ka ndjekur nga mbapa dhe ndryshimi im në personazh është falë dorës së saj magjike”
- Ylber Gjini; “ Natyrisht që jam ndjerë mirë sepse është hera e dytë që Beka merr përsipër që të realizojë një kalendar me solistë të operas dhe për mua ky është një vlerësim”
- Ezdalin Gorani; “Ndjehem shumë mirë, kjo është njëra nga punët që Beka ka bërë me mua. I uroj suksese të mëtejshme”
- Manjola Hasani; “Mua mu kujtua koha kur vija ne Teatrin e Operas dhe Baletit dhe vërtett jam ndjerë shumë mirë që isha në ktë kalendar” Faleminderit Beka.
- Isida Mollaymeri; “Ndjehem shumë e priviligjuar si më e reja e TOB-it, sepse unë kisha edhe një rol aty. Urimet më të mira për këtë kalendar ”
- Ledia sula TOB-it, për më tëper që ndodhen balerinët më të mirë në këtë kalendar dhe unë jam e priviligjuar që ndodhem aty”.
- Dion Gjinika “Zogu i zi për mua është një nga rolet e veccanta për trasformimin që më është bërë,( nuk jam më Dioni) dhe kjo tashmë ka metur edhe në një foto po kaq e veccantë artistike”
- Dorina Selimi; “Ndjehem e vlerësuar se jam përsëri për herë të dytë pjesë e këtij kalendari ku janë të gjithë artistët më të mirë të TOB-it”
- Sonila Babocci; “Kënaqësi e kemi sa herë që dalim. Kalendari i parë ishte bardh e zi, ndërsa ky i dyti ishte me ngjyra dhe më ndryshe. Jam e lumtur që jam aty duke parë se në këtë kalendar është edhe Inva Mula.”
- Eva Golemi; “ Është diccka e veccantë për mua dhe jam ndjerë mirë që në kalendarin e parë . Kjo ishte hera e dytë që ne artistët e operas ishim pjesë e këtij kalendari. Mendoj se jemi me fat që punojmë me Bekën”
- Rovena Shqevni; “Për ne të baletit ishte hera e parë që u bëmë personazhe të një kalendari dhe kjo është një gjë e mirë sepse portreti mbetet si kujtim për atë që ti ke bërë. Jam ndjerë e vlerësuar”
- Alisa Gjoni; “Gjithmonë ka një herë të parë dhe për ne balerinët. Ndjej emocione kur e shoh vehten pjesë të kalendarit”
- Jonida Onuzi; “Dalja në një kalendar të jep një kënaqësi më vete sepse personazhi që ti je në një shfaqje mbetet më vonë në fotografi, dhe ky kalendar për ne të baletit ishte diccka ndryshe në fundviti”
- Elvis Nallbani; “ Është një vlerësim për punën tonë dhe sidomos për rolet në shfaqje. Jam ndjerë shumë mirë që më në fund realizohet një kalendar edhe për balerinët e TOB-it”
- Marjana Leka ; “Është shumë bukur të shikosh veten ndryshe nga të tjerat dhe sidomos personazh në kalendar. Kjo është një kënaqësi që po e përjetoj për të dytën herë”
- Armando Kllogjri; “Si gjithë të tjerët edhe unë jam ndjerë mirë sepse ajo është fotografia ime më e bukur. Veccanti tjetër është që të gjithë artistët e TOB-it përfshihen në një kalendar me rolet që ata kanë luajtur nëpër shfaqje të ndryshme”, faleminderit Beka”
Emocionet që unë përjetova për të sjellë këtë shkrim nga mbrëmbja Gala, të gjithë artistët që intervistova shpresoj që edhe ju si lexues ti keni ndjerë sadopak. Pikërisht këtë përjetësi unë do të kem fatin që tua prezantoj edhe në fund të këtij viti që po jetojmë.

Albert Zholi

[Albo]

PORTRET/ Bebeka Alla, artiste, piktore, grimiore dhe fotografe

Bebeka Alla, zëri i heshtur i çdo shfaqjeje operistike, artistike

Albert Zholi

Një ditë surpizë

Para disa kohësh kur isha për vizitë në Itali, një i afërm i familjes, emigrant në Firence më çoi në zyrën e një avokati që ishte i apasionuar çmendurisht pas operës dhe baletit. Në hyrje të derës në krah të djathtë më tërhoqi vëmendjen një kalendar. M’u duk kalendar shqiptar. Fshiva sytë. Jo! Nuk u gënjeva. Sapo u afrova afër pashë të shkruar qartë në Kalendar i vitit 2012, ku kishte 20 personalitet të Operës shqiptare dhe të disa vendeve të botës. Në fund shikoj realizuar nga Bebeka Alla, mikja ime e heshtur. Sa u gëzova. Pasi e përshëndeta mikun e pyeta: Ku e keni gjetur këtë kalendar? Ma ka sjellë një miku im këngëtar operistik që e thërrasin vazhdimisht në Tiranë për të kënduar pjesë të ndryshme. Pse pyete më thotë? Pyeta sepse ajo që e ka realizuar këtë album është mikja ime, një grimiere, parukjere dhe një fotografe e talentuar. Ai u befasua. Ka bërë një realizim perfekt më tha. Kalendar të tillë i kam shumë për zemër. Mund të rri dhe pa bukë, por pa parë opera njëherë në javë nuk mund të rri më tha miku italian. Opera të zgjat jetën të çon në botën e bukur të hyjnive qiellore. Më vjen mirë që kjo lloj gjinie muzikore po gjen shtrat të ngrohtë edhe në Shqipëri.

Kalendari me personalitete
Një kalendar i veçantë një kalendar shumë profesional, ku bie në sy zbërthimi artistik i figurave qendrore të këngëtarëve të operave në kalendarin e vitit 2012, të realizuar me mjeshtëri nga grimierja, parukerja dhe fotografja e talentuar Bebeka Alla. Janë plot 20 këngëtarë operistikë shqiptarë dhe të huaj ku bien në sy: Simona Bertini, Annaldo Kllogjeri, Aleksandër Stefanoski, Leonrado Gramenga, Victor Sierra, Vikena Kamenica, Eva Golemi, Dorina Selimi, Mariana Leka, Irini Nikolla, Ylber Gjini, Eriona Gjyzeli, Sonila Baboçi, Manjola Konjari, Armando Likaj, Christopher Fel, Lindita Kola, Cangiz Sayin, etj., të cilët kanë kaluar nga duart e mjeshtres Bebeka Alla për t'u shndërruar në personazhet e pavdekshme të operave si "Trovatore", "Toska", "Falstaff", "Lucia di Lamermour", "Kiss me Kate", "Turandot", etj.
Të 20 artistët protagonistë të kalendarit 2012, ishin dhurata më e bukur që ky institucion u ka dhuruar këngëtarëve të vetë, por edhe të huaj duke shfrytëzuar maksimalisht potencialet e tij krijuese. Puna e TOB-it vitet e fundit ka afruar shumë spektatorin dhe duke sjellë gjithmonë e në rritje shfaqje me nivel të lartë artistik ka bërë që në çdo stinë ambientet e TOB të ziejnë nga njerëzit. Këtë e tregon edhe pjesëmarrja e artistëve të huaj në skenën tonë të Operës dhe baletit ku në këtë arritje skenike një vend të veçantë zënë edhe portret-personazhet e krijuara nga Bebeka Alla, e cila sipas Cikos: "Është një mjeshtre dhe artiste e skenës, e cila jep kontributin e saj si piktor-grimiere, jo vetëm në këtë institucion, por dhe në spektakle dhe shfaqje të tjera koncertale, të teatrit, musikaleve, etj".
Bebaka Alla është zëri i heshtur i çdo shfaqjeje artistike operistike, ku prej mëse 20 vitesh shumë artistë mbajnë firmën e shndërrimit të saj skenik dhe portretet e krijuara prej saj janë mirëpritur dhe janë duartrokitur nga mijëra spektatore.

Ndjesia e saj për kalendarin dhe TOB-in
“Jam ndjerë shumë mirë pasi të gjithë personazhet e mia janë ndjerë po aq mirë se unë. N.q.s do kisha pakënaqësi nga ana e tyre do ndihesha keq. Por ndihem dy herë më e lumturuar pasi këngëtarët e huaj operistik më kanë falënderuar në mënyrë të veçantë. Ende ndihem e gëzuar që munda t'u dhuroj këtë kalendar, këtyre figurave të shquara pasi ishte një ide e hershme e imja, e cila gjeti mbështetjen e miqve të mi. Gjej rastin t'i falënderoj të gjithë për këtë bashkëpunim artistik dhe me nivel”.

Roli i Bebekës në grimin e personazheve

Në teatër, opera, balet, personazhet tjetërsohen tërësisht në moshë dhe në karakter. Një rol mund ta luaj një aktor apo këngëtare e madhe në moshë kur në rol duhet të ketë moshë krejt tjetër dhe në fillim të shfaqjes për shkak të grimit asnjë nuk e njeh. Ky është roli i grimieres. Një rol që ndoshta nuk përballet direkt me spektatorin, por që ka rëndësinë e vet. Pastaj është zëri ai që i bën spektatorët ti njohin. Pra ky është roli i padukshëm i grimieres në skenë. Roli i grimieres në skenat botërore ngelet kurdoherë parësor dhe pse ata marrin pak nga lavdia e shfaqjeve. Kështu është dhe me Bebekën që dhe pse bën një punë kolosale, rri në hije, askush nuk kujtohet për të thënë dy fjalë për punën e saj, dhe pse ajo për të bërë një karakter rri me orë por edhe me ditë.

Vështirësitë në grim
Besoj se ka shumë vështirësi-thotë ajo. Madje mund të them që personazhe të veçantë duhet të punosh me orë, pasi duhet të jetë në funksion të pjesës që luan. Ka të drejtë! Kur shikon se si ajo punon me një përqendrim total befasohesh. P.sh, të kesh një personazh në jetën e tij normale dhe do ta kthesh nga të ri në të vjetër duhet të fillosh të punosh me rrudhat e fytyrës, që ka elementë të posaçëm dhe deri tek flokët. Sa punë rraskapitëse. Art shumë i vështirë, por po kaq dhe i bukur.

Pika më delikate e grimit
Në fjalorin profesional quhet derdhja e fytyrës. Kur realizohet derdhja elementët e tjerë janë më të lehtë, pasi më vonë shtohen të gjithë elementët që janë rrudhat, zgjerimi i faqeve dhe e një hunde të re. Me këto elementë fillon tjetërsimi i personalitetit.

A ka pas shkollë për grimiere?

Në sistemin monist u hap një kurs për grimier, parukier në Teatrin e Operës, por vetëm për Opera dhe në Teatër. Kur është futur për herë të parë në ambientet e studios në shkollë jam habitur, thekson Bebeka. Nuk kishte parë ndonjëherë paruke, por vetëm kishte dëgjuar për to. Në fillim u tremb nga paruket po aq sa u befasua. Një shkollë që nuk kishte ekzistuar më parë. Pati fatin që të ishte në këtë shkollë që i hapi shumë dritare në jetë.

Disa personalitete kryesore të artit dhe të kulturës që ka grimuar
Në Opera ka shumë, duke nisur që nga Ramiz Kovaçi (që nuk jeton më) , Gaqo Çako, Edit Mihali, Zoica Haxho, Mukadete Bara që është në fushën e baletit, Albert Janku, këto janë vërtetë personalitete të larta.

Në teatër
Takimi me teatrin ka qenë aksidentalisht për të dhe ajo ka grimuar jo pak personalitete. Ka punuar me Ndriçim Xhepën, Luiza Xhuvanin, Alfred Trebickën, Ema Andrean, por më vonë, në vitin 2003 pati një ofertë nga regjisori Gëzim Kame. Pranoi me shumë kënaqësi dhe aty preku me të vërtetë gjigandët e teatrit. Aty punoi me Robert Ndrenikën, Guljem Radojën, Rajmonda Bulkun, Ema Andrean, Bujar Asqeriun dhe u ndje mirë. Ishte një marrëdhënie shumë e mirë që punuan të gjithë bashkë. Doli një punë, ku me të vërtetë pati suksesin e vet dhe për të qe një dritare më shumë. Për të gjithë këtë punë që bënë bashkë në vitin 2004-n, aktorëve u dhuroi një kalendar. Kjo ishte një gjë e bukur dhe u prit shumë mirë dhe ishte hera e parë që ajo mori përsipër të dal veç punës së grimit edhe me fotografinë. I gjithë kalendari ishte i ndërtuar nga ajo.

Bebeka fotografe
Po. Ajo fotografon vetë. Të gjithë personazhet që ka bërë grim u kam bërë dhe foto. Madje, mund të themi se ka fotografuar të gjitha këngëtaret më në zë të Shqipërisë që nga Eli Fara, Manjola Nallbani, Aurela Gaçe, Rovena Dilo dhe deri tek Artiola Toska. Duke punuar në grim, duke krijuar personazhe filloi dhe t’i fotografojë ato. “Ti kem kujtim. Ti kem si pasqyrë pune. Si do ta pasqyroja punën time disavjeçare? Si mund të prezantohem përpara të tjerëve? Tashmë po bëj albume me fotot që kam bërë grim”, shpjegon ajo.

Një profesion i heshtur
Po, sepse kam grimuar mijëra e mijëra personazhe dhe nuk i ka ruajtur. Që në momentin kur kam kapur aparatin me dorë unë ndjehem e plotësuar, se kam se çfarë të tregoj.

Zhani Ciko
Bebeka Alla është një mjeshtre dhe artiste e skenës, e cila jep kontributin e saj si piktor-grimiere, jo vetëm në këtë institucion, por dhe në spektakle dhe shfaqje të tjera koncertale, të teatrit, muzikaleve, etj.. Emri i saj tashmë gëzon respekt të plotë.