Postuar më parë nga
L-7
Sonte priten arrestimet e para të EULEX-it09-06-2010 17:45 CET Prishtinë.
Pasi që ka marrë dje edhe një mandate dyvjeçar në Kosovë, misioni evropian për sundimin e ligjit – EULEX pritet që sonte të kryejë arrestimet e para, ku në shënjestër janë zyrtarë të lartë shtetërorë, që dyshohet të jenë të përshirë në krim të organizuar dhe korrupsion.
Ka të ngjarë që arrestimet të drejtohen nga zyrtarët e Ministrisë së Transportit dhe Post-Telekomunikacionit (MTPT), por jo edhe në drejtuesin e kësaj ministri Fatmir Limaj, kundër të cilit EULEX ka filluar hetimet.
“Fatmir Limaj është përjashtuar nga rrethi i personave që mund të arrestohen. Vendimi ka ardhur nga Brukseli”, ka thënë burimi.
Në shënjestër të policisë së EULEX-it sonte mund të jenë edhe disa persona që kanë të bëjnë më rastin “Bllaca” dhe persona që kanë kryer vrasje gjatë viteve të kaluara.Po ashtu gjatë ditëve në vijim mund të vazhdojnë arrestimet e shumë personave të tjerë, që janë pjesë e Qeverisë aktuale, të përbërjeve të mëparshme qeverisësi, si dhe zyrtarë të lartë të kompanive publike dhe agjencive shtetërore.
Ditë më parë janë mësuar detajet e dyshimeve që bien mbi ministrin Limaj dhe shefin të prokurimit në këtë ministri, Nexhat Krasniqin. Janë pesë vepra penale për të cilat po hetohen Limaj e Krasniqi, sipas një vendimi për fillimin e hetimeve, të lëshuar nga prokurori i Prokurorisë Speciale të Kosovës, Eduard Gueroof, më 23 prill të këtij viti - pastrim parash, krim i organizuar, përvetësimi gjatë ushtrimit në
detyrë, mashtrimi në detyrë dhe marrje e ryshfetit
Veprat penale për të cilat dyshohen Limaj e Krasniqi janë mësuar pasi që Komuna e Gjilanit ka bërë publike kërkesën për urdhër për kontroll të Zyrës së Prokurimit në Kuvendin Komunal të Gjilanit nga Gjykata e Qarkut në Prishtinë.
Arsyetimi i urdhrit për kontroll bazohet në deklaratën e pronarit të ndjerë të kompanisë “Inter Evropa”, Mehmet Shkodra.
Sipas gjyqtarit të procedurës paraprake, Ferdinando Bautiet de Mongeot, Shkodra paraqiti një ankesë tek Agjencioni Kosovar Kundër-Korrupsionit (AKK), më 6 maj të vitit të kaluar dhe pastaj u intervistua nga Policia e EULEX-it në lidhje me të njëjtat çështje që kishin të bëjnë me tenderë në janar të këtij viti.
Thuhet se ministri Limaj në disa raste i kishte premtuar Shkodrës shpalljen e ofertave, pa marrë parasysh përmbushjen e kushteve të përcaktuara me ligjin mbi prokurimin.
Premtimet e tilla ishin bërë nga ministri Limaj së paku në rastet e tenderëve të përmendur më lartë. Por, pika kyçe e këtij dokumenti është kur thuhet se shefi i prokurimit, Nexhat Krasniqi i kishte thënë Shkodrës që caktimi i tenderit të premtuar nga ministri për ndërmarrjen e tij varet nga gatishmëria e Shkodrës për të paguar ryshfet, përkatësisht 10 për qind dhe 13 për qind të shumës totale të tenderit. Si pasojë e pamundësisë së tij, tenderi nuk i është dhënë atij edhe pse kishte aplikuar 176 herë.
Mehmet Shkodra, së bashku me pesë kosovarë të tjerë vdiqën para pak kohësh në një aksident trafiku në Vjenë të Austrisë. (Info-Kosova
Përgjigju Duke Cituar
Krijoni Kontakt