Gjakovë, 27 prill
Sipas njoftimeve nga familja Bobani nga Gjakova, të martën në mëngjes në aeroportin e Mynihut të Gjermanisë, është arrestuar biri i tyre Bujari, derisa po kthehej me familjen e tij të ngushtë nga SHBA-të, të cilin arrestim e vlerësojnë se është bërë me kërkesën e shtetit serb. Në njoftimin e kësaj familje dërguar gazetës sonë, midis tjerash thuhet:” Unë, Arben Bobani nga Gjakova, ju informoj se sot më datën 27 prill 2010, rreth orës 9.00 te mëngjesit, autoritetet policore gjermane e kanë ndaluar në Aeroportin e Munchenit vëllain tim Bujar BOBANI (BUKI), në bazë të një urdhërarresti të lëshuar nga INTERPOL-i dhe me kërkesë të shtetit serb. Ne momentin e arrestimit, vëllai im ishte duke u kthyer në Tiranë nga SHBA-të dhe po udhëtonte me familjen e tij të ngushtë, gruan dhe dy fëmijët e tij. Edhe pse nuk e dimë arsyen e saktë të këtij ndalimi, dyshojmë që ky akt është një ngatërrim. Gjithashtu dyshoj se kjo është bërë për shkak timin, pasi qe unë kamë qenë pjesëmarrës i luftës së Kosovës dhe i kërkuar nga shteti serb, në burgjet e të cilit shtet kam mbajtur edhe një periudhë të caktuar burg. Jam i bindur se ky është vetëm një keqkuptim dhe vëllai im Bujar Bobani, nuk ka të bëjë asgjë me luftën në Kosovë, sepse në opinion ai njihet si një artist dhe sportist i suksesshëm. Kërkojmë nga mediat që duke botuar këtë informatë të sensibilizojnë këtë rast, ndërsa nga organet përkatëse të Kosovës, që të ushtrojnë trysni tek të gjithë faktorët përkatës, që vëllai im të lirohet sa më shpejtë dhe të zbulohet edhe fati i familjes së tij”, thuhet në njoftimin e familjes Bobani, të nënshkruar nga Arben Bobani.
Përgjigju Duke Cituar
Krijoni Kontakt