Lost

[strange]

Unë i kam ndjekur 3 pjese, tjerat jo. Jo që nuk me ka pëlqyer, po i urrej serialet se nuk kam gjithë kohe për ti pare e kështu që nuk i shikoj hiq. Seriali i vetëm që shikoj është " Kafeneja jone" në RTK.

[Milkway]

Per mendimin tim eshte nje prej serialeve me te bukur qe kam pa deri me sot .

Keta aktor jane legjendar .

[freiheit]

shume i bukur, s'ka te krahasuar me serialet idiote te amerikes latine, po se qysh do perfundoje keshtu sic e kane ngaterruar keta, ai lart e di.

[Fleur Blanche]

Bie dakort me ty, mua më tepër më është dukur një "shanc i dytë", por që duke ardhur tek pika jote e dytë, edhe me këtë shanc të dytë(derisa në sensin literal "mbijetuan") ata nuk i shpëtuan dot të kaluarës, por gjithsesi shpirtërisht u pasuruan. Fiksimet i ndoqën nga pas. Evolimi i tyre shpirtëror vjen po ta mendosh pas vrasjes së Zotit, sidomos evolimi i njerëzve më skeptik(Jacku psh, se Locku qe i fiksu me kohë, ishte më tepër deri në fund si antitezë). Nesje për këtë show mund të flitet gjatë, kam dhe 2 libra madje që mi kanë dhuruar, jam pak sa i fiksuar mund të thuash.

Në fund të fundit ama, mbetet propagandë, por është propagandë intriguese

Kjo jo vetëm që përfshin anën filozofike, religjoze, etj etj, që ke thënë fillimisht, por përfshin edhe simbole nga lashtësia, numerologjinë, konspiracionin, mitet dhe legjendat.
Çdo gjë është simbol !

Që kur thuhet se nisma quhej Dharma, menjëherë të vjen në mend rimishërimi, përsosja e shpirtit. Dhe kjo është që thua ti më lart, u pasuruan shpirtërisht duke kaluar vështirësi nga më të ndryshmet, përvoja nga më të frikshmet, udhëtim në kohë...jetë të ndryshme nga të parat..
Por kjo nuk vjen pas vrasjes së Zotit që thua, sepse Jackob aty nuk përfaqësonte atë Zotin që quajmë ne, dhe ishte pikërisht Jackob që e kishte planifikuar vetë çdo gjë, që më pas ta vrisnin, dhe arsyeja ishte që këta tashmë gjatë gjithë kësaj që kishin kaluar, të shkëputeshin prej tij, dhe të zhvilloheshin vetë. I kishte çuar vetë në një pikë, në mënyrë shumë të mistershme, dhe pas kishin arritur deri aty, i la vendin liderit të ri.

Është shumë e mistershme kjo figura e Jacob me të vëllait....
P.sh. lindën nga një nënë që përfaqësonte forcën negative, e cila më pas në mos gabohem u vra nga e motra e saj e cila ishte njeri pozitiv e cila i rriti dy vëllezërit, të cilët jo vetëm që nuk ngjanin fare as nga pamja por as nga energjia e tyre. Jacob përfaqësonte atë forcë pozitive, dhe ishte sibmboli i të mirës dhe vishej me rroba të bardha por mbante atë kordonin e zi, ndërsa i vëllai përfaqësonte forcën negative (dhe donte me çdo kusht të largohej nga ishulli për të pushtuar njerëzimin), vishej me të zeza por mbante kordonin e bardhë. Kur luanin shah, Jacob kishte gurët e bardhë, ndërsa i vëllai ose përbindëshi i ishullit që njihej - mbante gurët e zinj. Tani këtë simbolikën e kupton edhe ti vetë.

Po ashtu, edhe ajo drita e ishullit, iu zbulua vetëm Jacob sepse përfaqësonte forcën pozitive, dhe jo të vëllait të tij, i cili duhej mbajtur me çdo kusht brenda ishullit sepse nëse do lirohej nga ishulli, do pushtonte njerëzimin, duke qenë se ishte simbol i së keqes.
Edhe kjo rrëzimi i avionit dhe ato forcat e mistershme që vepronin aty, ngjajnë pak me atë se çfarë thuhet edhe për trekëndëshin e bermudeve.

Kjo puna e numrave me atë 108 që lidhej dhe me fluturimin e tyre, dhe që thuhej se nëse tek ajo kapanxhja nuk do të shtypej butoni i kompjuterit në mënyre ciklike, do të ndodhte katastrofa, ngjan pak a shumë me ato legjendat që na vijnë nga lindja, që nëse lamat ndërpresin rrëfimin e tyre që mban universin, atëherë ai do të shkatërrohet.
Dhe pikërisht aty kur nuk e shtypën me qëllim për të thyer këtë mit, thjesht ndodhën ndryshime por jo shkatërrim.
Po ashtu kësaj mund t'i bësh një krahasim edhe me thyerjen e miteve dhe besimeve të verbra, që duhen thyer dhe njeriu të kalojë në një tjetër dimension.

Etj etj etj...
Kaq për tani

P.S : I mban mend këto simbole aty ke seriali, se po i marr nga forumi për kollajllëk
http://www.forumishqiptar.com/showpo...8&postcount=21
http://www.forumishqiptar.com/showpo...5&postcount=20