Sa here duhet shpalle pavaresia???....

[mani]

Sa qesharake aq edhe apsurde nje ide e till kur populli i Kosoves me sakrificat me te medha ne vitin 90 beri nje pune te till me vuajtje te medha dhe deputet e popullit atehere Shpallen Kosoven shtet te pavarur.Po cka don sot keta lidershipet e sotem...



Pesë pikat e deklaratës për pavarësi

- Kosova me kufijtë e vet administrativë të përcaktuar me Kushtetutën e Kosovës të vitit 1974 shpallet shtet sovran, i pavarur e demokratik, duke pranuar ushtrimin e të gjitha të drejtave dhe detyrimeve që dalin nga të gjitha aktet ndërkombëtare, e veçanërisht të drejtat dhe liritë e njeriut për qytetarët e Kosovës pa kurrfarë dallimi të bazuar në racë, fe, etni apo bindje politike.
- Kuvendi i Kosovës angazhon të gjitha institucionet legale dhe legjitime të Kosovës, qendrore dhe ato lokale, të gjitha forcat politike në Kosovë, të gjithë qytetarët e Kosovës pavarësisht nga përkatësia e tyre etnike, fetare, racore apo bindje politike, të angazhohen fuqimisht për jetësimin e shtetit të pavarur të Kosovës.
- Kuvendi i Kosovës kërkon nga të gjitha shtetet demokratike, në veçanti nga SHBA-të dhe shtetet e Unionit Evropian që të mbështesin e të ndihmojnë popullin liridashës të Kosovës në krijimin dhe njohjen ndërkombëtare të shtetit të Kosovës.
- Kuvendi i Kosovës kërkon nga KS të OKB-së që realitetin e ri të krijuar në Kosovë ta njohë si të arritur të përbashkët të qytetarëve të Kosovës dhe Bashkësisë Ndërkombëtare dhe këtë ta miratojë me një rezolutë të re për njohjen e shtetit të pavarur të Kosovës.
- Kuvendi i Kosovës e fton NATO-n për prezencë afatgjatë në Kosovë duke konsideruar se kjo prezencë është në interes të qytetarëve të Kosovës, stabilitetit dhe paqes në rajon.
- Me deklaratën për Kosovën shtet sovran dhe të pavarur njoftohen: të gjitha shtetet anëtare të OKB-së; Sekretari i Përgjithshëm i OKB-së, zoti Kofi Anan; presidenti i SHBA-së, zoti Xhorxh W Bush; të gjitha shtetet anëtare të BE-së, të gjitha shtetet anëtare të NATO-s si dhe Sekretari i Përgjithshëm, Lordi Xhorxh Robertson.
Deputetët që firmosën deklaratën për pavarësi i kërkojnë kryesisë së Kuvendit një seancë të jashtëzakonshme

Deklarata për pavarësinë- javën tjetër në Kuvend

“Shtajner jo vetëm që mund të mos e miratojë, por ai ka kompetencë të shpërndajë edhe Parlamentin”

Nga Faton Osmani
PRISHTINË – Dyzet e dy deputetë nga të gjitha grupet parlamentare, me përjashtim të koalicionit serb “Kthimi” i kanë dërguar një kërkesë kryesisë dhe Kryetarit të Kuvendit që të enjten e ardhshme (më 13 shkurt) të thirret seanca e jashtëzakonshme e Kuvendit, me rend dite miratimin e “Deklaratës për Kosovën si shtet sovran dhe të pavarur”. Sipas rregullores së përkohshme të punës së Kuvendit, një çështje duhet të hyjë në rend dite, nëse këtë e kërkon së paku një grup parlamentar. Përfaqësuesi i këtij grupi inicues, deputeti i Aleancës për Ardhmërinë e Kosovës (AAK), Bujar Dugolli tha dje se kërkesa vjen si rezultat i zhvillimeve pas miratimit të Kartës Kushtetuese të Unionit Serbi dhe Mali i Zi, në preambulën e së cilës Kosova përmendet se pjesë e Serbisë, por edhe si shprehje e vullnetit të popullit të Kosovës. Nëse miratohet, deklarata e shpall Kosovën shtet sovran, të pavarur dhe demokratik të të gjithë qytetarëve të saj, “me kufijtë e saj administrativë, të përcaktuar me Kushtetutën e Kosovës të vitit 1974”. Më pas, qeveria e Kosovës do të hartojë ligjin për vënien në jetë të pavarësisë, duke caktuar afatet e bartjes së kompetencave nga UNMIK-u tek institucionet vendase, për të përcaktuar nëse ushtarët e KFOR-it duhet të vazhdojnë të kujdesen edhe më tej për sigurinë në Kosovë etj.
Por si do të reagojë administrata që udhëheq sot Kosovën, pra UNMIK-u në një rast të tillë? Dihet se edhe një rezolutë në lidhje me kufijtë e Kosovës e miratuar nga Kuvendi vitin e kaluar, u hodh poshtë nga kreu i UNMIK-ut Mihail Shtajner. Ai e justifikoi një vendim të tillë me kompetencat që ai ka si përfaqësues i OKB-së në Kosovë. “Sipas rezolutës 1244 që qeveris Kosovën, Parlamentit i takon të merret me çështje dytësore dhe jo me probleme të tilla si ai i kufijve dhe i sigurisë në vend”, -ka argumentuar Shtajner. Ai edhe më parë vazhdimisht ka paralajmëruar kundër vendimeve të njëanshme në lidhje me statusin e Kosovës. Në fakt, Dugolli thotë se “kjo deklaratë nuk ka për qëllim që të ashpërsojë marrëdhëniet me UNMIK-un”. “Ne jemi të vetëdijshëm se jemi në rrethana specifike, jemi në një administrim ndërkombëtar, reagimi ynë është reagim i vullnetit të popullit dhe nuk ka për qëllim të irritojë apo të keqësojë marrëdhëniet me mekanizmat ndërkombëtarë që janë në Kosovë, por përkundrazi do t'u lehtësojë edhe atyre misionin e vet në Kosovë, sepse me afatizime të kryerjes së detyrave tona, por edhe të administratës së UNMIK-ut, ne do të përshpejtojmë pranimin e statusit përfundimtar konform vullnetit të popullit,” - tha ai. Por Dugolli tha se deputetët që e kanë firmosur deklaratën janë të vetëdijshëm se kreu i UNMIK-ut, Mihail Shtajner mund ta kundërshtojë këtë hap. Ai ka kompetencën, gjithashtu, që edhe të shpërbëjë Parlamentin. “Ne jemi para dy dilemave: të biem në konflikt dhe kundërshtim me vullnetin e popullit apo të jemi në kundërshtim me UNMIK-un, i cili thotë se nuk është koha,”- tha Dugolli. “Ne nuk mund të pajtohemi dhe ta kalojmë këtë çështje në heshtje duke u futur nën sovranitetin dhe integritetin e Republikës së Serbisë,” - tha ai. “Edhe faktori ndërkombëtar kurdo qoftë do të detyrohet ta njohë vullnetin e popullit, sepse kështu ka bërë edhe në vendet e tjera që kanë qenë në forma siç është Kosova”, -tha ai. Në lidhje me kartën kushtetuese Serbi-Mali i Zi, e cila u miratua nga të dy parlamentet e këtyre vendeve, UNMIK-u dhe përfaqësuesit e lartë të BE-së kanë thënë se kjo kartë nuk do të ketë asnjë ndikim mbi Kosovën, se për Kosovën vendos vetëm OKB-ja. Por tashmë në këtë kartë të këtij unioni të ri Serbi-Mal i Zi, (e cila varrosi përfundimisht Jugosllavinë) Kosova përcaktohet si pjesë e Serbisë dhe një gjë e tillë e komplikon çështjen e Kosovës. Miratimi i kësaj karte është përshëndetur tashmë nga Bashkimi Evropian kjo ka shqetësuar politikanët e Kosovës, të cilët marrin iniciativa të tilla. Përveç kësaj në irritimin e shqiptarëve kanë ndikuar edhe deklaratat e pavend të kryeministrit serb Zoran Gjingjiç në lidhje me kthimin e trupave serbe në Kosovë. Është fakt se çështja e Kosovës po bëhet gjithnjë e më urgjente. Sipas burimeve të selisë së OKB-së në Nju Jork, situata në Kosovë do të diskutohet më 6 shkurt në Këshillin e Sigurimit. Debati do të bëhet mbi zhvillimet e fundit politike dhe të sigurisë në Kosovë, ku pritet të raportojë edhe kryeadministratori Mihail Shtajner.

Bruksel
NATO: “Jo” kthimit të forcave ushtarake serbe
BRUKSEL - “Nuk ekzistojnë mundësitë për të biseduar rreth kthimit të forcave serbe në Kosovë”. Kështu kanë thënë zyrtarët e NATO-s në Bruksel, duke reaguar ndaj letrës së kryeministrit Zoran Gjingjiç, nëpërmjet së cilës ai kërkon kthimin e së paku 1000 ushtarëve dhe policëve serbë në Kosovë. Sipas Gjingjiçit një gjë e tillë duhet bërë për të pamundësuar, pavarësinë e Kosovës. Në NATO theksojnë se nuk ekziston ndonjë marrëveshje me Beogradin, e cila përmend kthimin e ushtrisë në Kosovë. Madje në marrëveshjen tekniko-ushtarake të nënshkruar në Kumanovë nuk përmendet kthimi i policëve dhe ushtarëve me uniformë dhe të armatosur, por përfshihet vetëm mundësia e kthimit të kufizuar të personelit ushtarak dhe atij policor. NATO-ja rikujton se çdo vendim që ka të bëjë me Kosovën merret pas shqyrtimit të rrethanave të sigurisë dhe pasojave të mundshme. Edhe UNMIK e ka kundërshtuar kërkesën e Gjingjiçit. Shefi i misionit civil të Kombeve të Bashkuara në Kosovë, Mihail Shtajner, përmes një deklarate ka theksuar se nuk ekziston asnjë arsye që bashkësia ndërkombëtare ta ndryshojë pozicionin e saj ndaj paragrafit 9 të rezolutës 1244 të Këshillit të Sigurimit, në të cilin thuhet se forcat e sigurisë në Kosovë e kanë si përgjegjësi, ndër të tjera, edhe parandalimin e kthimit në Kosovë të forcave federale dhe republikane, policisë dhe njësive paramilitare. Edhe kryeministri i Kosovës, Bajram Rexhepi e ka cilësuar deklaratën si dëshirë të autoriteteve të Beogradit. “Kthimi i ushtarëve serbë në Kosovë do të thotë destabilizim i tërë rajonit”, -ka deklaruar, këshilltari i kryeministrit të Kosovës, Ramadan Avdiu.

[JONI 1]

...dikushe eshte i interesuar te krijoj afera qe qojne ne momentin e tashem ne konfrontim me bashkesin nderkombetare qe eshte edhe qellimi i vetem ne kete raste qe poashtu do te sherbente per mshefjen e gjurmeve te krimit ne kaosin qe do te behej,por kane llogaritur keqe se populli i Kosoves nuk 'ha bare'.Poashtu ne kete loje jane ndare rolet nga skenaristet per patriotet dhe trathetaret qe me pare por nuk e kane caktuar kush do ta luaje rolin e budallait,populli qe i kuptone kete loje,Presidenti i Kosoves qe gjithnje kerkon njohjen formale,Kryeministri qe deshi ta shpalli Pavaresine para nja dy muajsh por nuk qe i "zoti",senatoret amerikan qe e kane fute ne agjende te senatit njohjen pa kushte te pavaresise ose te gjithe se bashku.Sa per njohuri te ju theme qe ky pioneri pa shalle te kuqe eshte i deleguari i Thaqit te Ramushi gjegjesishte Lajqi e Dugolli jana nuset e nderruara...kurse ne fund nje lajm nga Brukseli qe vjen ne keto momente ku thuhet se dikush ne Beograd dhe Prishtine po mundohet te mbledhe poena politik...dhe se kjo paraqet nje paraqitje naive dhe se pavareia nuk behet me deklarata por me pune...

[Brari]

Cka i fut hundet ky spiuni gjinushit , Dugolli gjithandej?

Trus b... thoini atij lahperi.

Ky Mejdani a po me tregoni ken e takoj ne Kosove e cka foli?

A permendi gja se ai si ish president dhe president kur u vra Ahmet Krasniqi ka pergjegjsi te gjeje vrasesit ?

Apo shkoj piu kafe me vrasesit e Kolonelit ne Grand ky ftyr hipokrit?

[Nika]

O Llapi! Rada Trajkoviq ka deklaruar ashtu për të drejtuar elektoratin e (Kosovës) Dardanisë që sa më shumë të braktisin LDK me në krye Rugovën, dhe të votojn për partitë tuaja të majta, që kanë baballarë e udhëheqës shpirtnor komunistet sllav.
Por shiptarët e atjeshëm nuk hanë barë, nuk i dëgjuan as liderët e majtë e kukullat e kukullës - Nanos, as Raden. Mirë më kujtohet një fotografi e botuar në -Kohen ditore- dhe në -Bota sot- pas hyrjes së forcave të Natos në Kosovë, ku është popi serb (ia kam harruar emrin) së bashku me Thaçin e Surroin.
Sa për dijeni presidenti Rugova është detyruar të takohet me Millosheviqin. Atë e kishin likviduar serbet, po të mos kishte qenë shërbimi i fsheht amerikan CIA e cila i ka dërguar lajmin Kryekasapit serb, -se nëse e likvidon Rugoven, ne do të likvidojm djalin tënd- që ka qenë në Greqi.

[ornament]

Mistik mos u merzit, do ta shohim Rugoven "Gandin shqiptar" kur te rihyjne serbet ne Kosove, si do sillet e çfare do mbeshtese. A po ka fillu ti duken si angleze, ndersa vetja indian.

Or plak, si s'kupton qe po te mos kishte njerez te gatshem te luftojne gjer ne vdekje, usa e europa do te kish ik me kohe, duke ja lene serbise çelesat me gjith Rugove si relike indiane.

[JONI 1]

...ka ardhur koha ta thojne haptasi se me kende duhen,shume bukur,nderrone kete shkinen me Flora Brovinen dhe kandidone per kryetar keshtu qe mos te kesh "zahmet" me i sjell fjalet e saj ketu por mund ta shifesh çdo dite ne RTK e A.Zatriqit.Une mbaj mende nje fjale te pareve tane qe na thojshin si amanete 'shkaut bese mos i zene' dhe tjetra 'shkau kur te livdon ruaju prej tij' dhe se fundi nje fjale nga une per kete tipin 850 poshte fort keni ra kur ju duhen fjalet e saj me livdu veten. Nje perkujtim i vogel ne Podjeve tash Besiane gjegjesishte ne LLAP LDK ka fituar mbi 60 perqinde pra LLapi eshte me Kryetarin Rugova.............

[Tal Aga]

Po Llap, ashtu ka qenë ajo deklarata e Trajkoviqit atëherë por ajo është e parëndësishme fare e secili le ta interpretojë siç të dojë, pra nuk dua t'ua imponoj të tjerëve mendimin tim ndaj asaj deklarate. Mirëpo, nëse kthehemi te parësorja, pra te propozim-deklarata e paraqitur nga Dugolli dhe e nënshkruar nga 42 deputetë deri më tani, besoj se edhe ti pajtohesh, e këtë e di edhe vetë Dugolli, se kjo është vetëm një kundërhap ndaj marrëveshjes Serbi - Mali i Zi, pra sa për sy e faqe, kurse peshë kjo nuk do të ketë sikurse nuk do të ketë as ajo marrëveshja Serbi - Mali i Zi në përcaktimin e statusit përfundimtar të Kosovës (mëvetësisë së Kosovës). Sepse statusi i Kosovës (mëvetësia) do të përcaktohet në Këshillin e Sigurimit të KB, dhe bashkësia ndërkombëtare na i ka treguar mjaft qartë detyrat që duhet t'i kryejmë dhe kushtet që duhet t'i plotësojmë për të arritur atë stad - stadin e mëvetësisë (pavarësisë).
Pra, krejt varet nga ne dhe vetëm nga ne, nga puna jonë e jo nga thashethemet e deklaratat e ndryshme, jo tha ky kështu e tha ai ashtu, me pallavra nuk mbahet as një shtëpi e lëre më të formosh a të mbash shtet.

Tung.

[Arjeta]

Ju lutem mos i merreni gjanat ndryshe....se une nuk jam me b.dugollin dhe as qe me intereson ta perkrahu ata....por dikush duhet te ndermerr diqka, sepse te hujet po heshtin deshira e tyre eshte te na mbajn nen thundren e tyre! a eshte kjo jete per kosovaret njeher nder thundra te armikut e tash nder thundra te hujseve,shtajnerave,hakkeruppave qe vin vetem per interesa te tyre personale.....dikush duhet te ngritet edhe pse kety vogelushit dugoll nuk i takon sepse ka shum e shum polikana me te lart se ky por ja sigurisht dikush ja ka dhene kete detyre keti qe mos te behet shum e madhe per te hujet.....sepse nese qohet nje politikan tjeter me me fam dhe me i larte atehere do te behet e zez dita sepse te hujt do ta na kundershtojne me te madhe dhe ndodhta do te mbesim edhe "pa ndihmen" e tyre....e shifni Jugoslavia nuk egziston me, po serbi e mali i zi ata i din dredhirat e tyre kete e kan be sepse kan dashte qe Kosoven ta len nder serbi ata gjakpiresa qe jetojne ne ederrat e tyre shovensite....

arjeta

[Arb]

Shpallja e pavaresise se nje lloj te atille eshte bere me shume se nje dekade me pare. Nuk kemi nevoje per kthim mbrapa.

Na duhet puna jone qe te arrijme edhe tek njohja formale e pavaresise.

[Kresha]

Fillimi i shekullit

VETON SURROI
1.
Xhajiqi, personazh i një romi të ekipit komik “Show Meselation”, vazhdon çdo të diel të thotë se betohet për “Kosovën Republikë”. “Përpara kom than llet herë, tash kome thanë nizet Kosova-Republikë”. Nevoja e Xhajiqit për të dëshmuar përkatësinë e re politike, në kontekstin e komedisë, është e kuptueshme. Mbi romët ra velloja e rëndë e dyshimit gjatë luftës në Kosovë, dhe ekzistoi në shumë vise të Kosovës ndëshkimi kolektiv i romëve për shkak të keqbërjes së disave prej tyre të lidhur me regjimin serb. Andaj edhe kjo shprehje ortodoksie. Xhajiqi si metaforë megjithatë po zgjerohet, dhe tashmë po hyn në Kuvendin e Kosovës. Edhe ky kuvend do, nëpërmjet të iniciativës së 42 deputetëve të tij, të dëshmojë përkatësinë e vet politike drejt pavarësisë së Kosovës, nëpërmjet Deklaratës për Kosovën shtet të pavarur dhe sovran. Këtu lind problemi me Xhajiqin; për dallim prej tij nuk besoj që të ketë njeri në Kosovë që dyshon se anëtarët shqiptarë të Kuvendit të Kosovës të jenë kundër pavarësisë. Nëse është kështu, kujt kanë nevojë t’ia dëshmojnë një gjë të tillë anëtarët e Kuvendit? Kryeministrit serb Gjingjiq dhe ndërkombëtarëve, mendojnë anëtarët e kësaj iniciative.

2. Nuk ma merr mendja se Deklarata do t’u bëjë shumë përshtypje as ndërkombëtarëve e as Gjingjiqit. Në botë gjithashtu ekziston mendimi tashmë i pjekur se shqiptarët e Kosovës duan pavarësi e Gjingjiqi madje shkoi aq larg sa jo vetëm të pranojë një gjë të tillë, por edhe të propozojë që pavarësia të bëhet me copëtimin e saj, duke ia bashkuar Serbisë “rajonet serbe”. Shikuar prej kësaj perspektive, nuk do të duhej të realizohet as frika e pranishme në disa segmente të shoqërisë sonë se kjo Deklaratë do të na vejë në vija konfrontimi me bashkësinë ndërkombëtare. Për konfrontim nevojiten dy palë, e Kuvendi, duke marrë rolin e Xhajiqit rrezikon të shndërrohet në jo-palë. Dhe, një lloj pengese e vockël. Për ministritë e vendeve të fuqishme, lajm është nëse Kosova di ta qeverisë veten. Deklarata për pavarësi është lajm i vjetër në situatë të re. E për ta, si edhe për të gjithë ne, është rikthim në politikën e viteve 90, kur dr. Rugova përsëriste se Kosova është shtet i pavarur ndërsa na dhimbte shpina prej dajakut të policisë e ushtrisë serbe.

3. Ditën kur shqiptarët vendosin se do të bëjnë edhe një iniciativë për deklaratë pavarësie, në botën që na rrethon janë në funksion disa vija të veprimit politik që janë strategjike. Amerika është duke trokitur me luftë në Irak, duke zhvendosur pikën e vendqëndrimit gjeopolitik për dhjetëvjetësh të tërë, prej sigurisë evropiane nga stabilizimi i Lindjes së Mesme dhe Azisë Qendrore. Evropa po hyn në veprime të paprecedencë të zgjerimit dhe thelllimit të BE-së, madje duke e ftuar në proces edhe Shqipërinë. Në Serbi ravijëzohet politika e ndërtimit të shtetit të pavarur serb, duke përfshirë në të ,mundësisht edhe territore të Kosovës. Prapa të gjitha këtyre zhvillimeve ekzistojnë muaj e vite të tëra debati që ndërtohet në politikë, institucione funksionale që mund ta zbatojnë atë politikë dhe prijës politik që i japin drejtime, të përditshme dhe afatgjata. Në Serbi, është inicuar një politikë e cila do ta nxjerrë Kosovën në mejdan, të zhveshur nga kompetencat dhe pa ide prijëse. Në Kosovë jeton Xhajiqi.

4. Një ditë pas Deklaratës, dhe cilësdo deklarate të ngjashme, në Kosovë do të mbesin absolutisht të gjitha problemet e njëjta si edhe para deklaratës. Një administrim jofunksional, i përbërë nga kosovarët dhe ndërkombëtarët, një ekonomi jofunksionale, një varfëri më e madhe edhe për një ditë, një botë rreth nesh që ecën me ritëm krejt tjetër... Dhe një popullatë që do të ketë qejf më shumë ta shohë Xhajiqin në TV se sa në Parlament. Alternativat po ashtu mbesin të njëjta: të vazhdohet me të njëjtin kurs apo të ndërtohet dhe zbatohet një politikë që do ta transformojë Kosovën. Mbetet edhe alternativa e tretë. Në vend të Xhajiqit mund të përdoret edhe shoku i tij nga “Meselation”, Avda, i cili e ka tejkaluar “Kosovën- Republikë” dhe “po e lyp Shiripinë”.