Fatos Nano, ish kreu i PS shpall kandidaturën për postin e Presidentit

[Nice_Boy]

Kryeministri ka deklaruar dje se do të negociojë me të gjitha forcat, por, sipas tij, Nano duhet ta harrojë

“I kemi 84 votat për të zgjedhur presidentin me një ansambël deputetësh”

Shkruan: Nevila Perndoj

TIRANË - Maxhoranca e djathtë i ka votat për zgjedhjen pas një viti të presidentit të ardhshëm të Republikës së Shqipërisë. Garancia vjen nga vetë kryeministri Sali Berisha i pyetur në emisionin “5 pyetje nga Babaramo” në “Vizion Plus”. Kreu i ekzekutivit ka konfirmuar mbrëmë se qeveria që ai drejton është e hapur për negociata me të gjitha forcat politike, përfshi këtu Partinë Socialiste. Ai ka ftuar për negociata edhe kryetarin e opozitës, Edi Rama. Megjithatë, Berisha ka konfirmuar në të njëjtën kohë se i ka 84 votat për president, përmes një ansambli deputetësh dhe jo përmes aleancave me ndonjë parti të opozitës, përfshi LSI-në. Ai theksoi gjithashtu se ish-kryeministri Fatos Nano nuk mund të jetë presidenti i ardhshëm i vendit.

Deklarata
“Unë kam thënë që jam i hapur më të gjitha forcat politike. Unë në rast se shpreh keqardhjen për situatën që është katandisur sot forca kryesore e opozitës, pra që ndodhet de-fakto pa platformë, pa alternativë, (sepse ajo që u paraqit u rrëzua në kongres), kjo nuk më pengon mua që të negocioj me të gjithë opozitën, sikundër theksoj se votat janë të sigurta për të zgjedhur presidentin me 84 vota. I përket atyre që të vendosin, të ulen apo mos të ulen në negociata. Unë i qëndroj deklaratave të mia, që nuk mund të pengoj aspak në zgjedhjen e Presidentit”, - tha Berisha.
I pyetur se a përfshihen votat e LSI-së, në këtë kuorum, ai u përgjigj: “Tani llogaria shkon tek përgjegjësia e parlamentarëve shqiptare për të mos e futur vendin në spirale luftërash elektorale për pushtet. Kështu që, mund të them se ka ujdi në Kuvend për 84 vota. Nuk them se është midis forcave politike, por deputetëve në tërësi. Pra ekziston ansambli për të zgjedhur Presidentin. Është i krijuar kuorumi”.
Me insistimin e gazetarit Babaramo se kandidatura për President, a mund t’i përkasë LSI-së, kryeministri Sali Berisha u përgjigj se një pak i tillë nuk ekziston. “Jo. Nuk ekziston në mënyrë absolute asnjë marrëveshje me ndonjë forcë tjetër politike, përveç këtyre që kemi në koalicion. Por ka deputetë të tjerë të cilët shprehen të vendosur. Pavarësisht nga kriza që janë zhytur, edhe z. Rama (është i ftuar) të ulet në tavolinë nëse është i gatshëm”, - tha ai.

Nano president?
Pak kohë më parë në të njëjtin emision, sekretari i përgjithshëm i PS-së, Pandeli Majko, nuk përjashtoi edhe mundësinë e kandidimit të Fatos Nanos nga PS-ja për president. Rreth kësaj deklarate, është pyetur dje edhe kryeministri Sali Berisha, i cili ka mohuar çdo mundësi zgjedhje të Nanos në këtë post
“Pas kësaj deklarate Majko ka rënë në fatkeqësi. Ka filluar protesta në parti. Majko nuk e përsërit dot me atë. Natyrisht, harroje se Fatos Nano mund të bëhet president i këtij vendi. Nanos ia shua ëndrra në vitin 2002. Tani probleme ka më të vetët sepse ata po i bëjnë tani një persekutim politik të paparë. Ka rrezik që ngjet si me qenë i internuar. Pse? Kjo është çështje e tyre. Po fakti është fakt. Që e kanë futur në kafaz”,- tha Berisha. Kryeministri njoftoi gjithashtu se ai nuk do të ndërhynte në rast konflikti që mund të lindte mes kryetarit aktual të PS-së, Edi Rama, dhe paraardhësit të tij, Fatos Nano.
“Unë nuk përzihem. Nuk me takon mua. PS-ja është partia kryesore opozitare. Ajo ka forcat brenda vetes”, - shtoi ai.

[njeriu2006]

Pavaresisht se tashme duhet te isha i mesuar me rhetoriken e manget te kryeministrit te tanishem eshte me te vertete habitese nqs i lexon njehere fjalite e tij.
Hajde shqipe hajde.............................. LoL

Sa per temen ... besoj se Nano do te bente mire sikur te zhdukej fare nga spektri politik. Ashtu sic do te ishte mire nese Berisha pas ketij posti gjithashtu do te terhiqej.
Me mire vone se kurre. Figurat e perjetshme ne politiken shqiptare duhet te ishin c'rrenjosur me ardhjen e demokracise, por nuk patem aq fat.

[Dj-GabrieL]

Stop politikes

[ridy85]

nano me salen duhet te kishin ikur me kohe........nano as mos ta mendoj te kthehet me ne parti e jo mo president...edhe sikur te kthehet...vallaj do habitem sikur shqiptaret te mos ankohen apo ta votojn prap.....e njejta gje duhet te bej dhe sala mas ktyre 4 vjetve......edhe sikur mas 4 vjetesh te fitoj prap partia demokratike...sala s'duhet te vazhdoj me.......nuk mund te eci perpara demokracia shqiptare me te njetat persona ne qeveri dhe ne opozit prej 15 vjetesh.
po kam frik se s'do ken kte mendimin tim sala dhe fatosi

[Brari]

sistemet shteterore ne boten e sotme bazohen mbi voten e lire.
se sa e lire eshte kjo vote eshte e diskutueshme por keshtu eshte de jure kjo pune.
nga kjo rrjedh se partite politike qe duan te kapin kolltuqet e shtetit gjuajn per vota si gjahtari per rosa.pik.
politikanet pra nuk i largon opinioni por vota.
vota e ka brenda opinionin por ka dhe piken qe i shtohet a i hiqet nje politikani e kjo vendos per fatin e tij ...te rrije apo te ike nga skena.

Ne rastin e PS-se kishim nje nano te plotfuqishem por qe ngrohu dhe disa veze..
njera veza Meta tjetra veza edvin..
Nanua bashk me vezen e forte Met e ngrohen aq shume vezen edvin sa e ben dashje pa dashje kaposh me flatra e sqep te forte e kthetra te celikta.. dhe nashi ai u prin socialisteve drejt fitorjeve te reja.
Dalja e Nanos ne skene varet nga shoqeria qe ka me zogjt qe rriti.. e jo nga deshirat e rruges.. pra nga deshirat tona personale..
e duan ata president a kryeminister do e vendos vota.. Po e vendosi vota ai behet i ligjshem..


Ne rastin Berisha nuku shohim veze ne horizont.. ose ne kotec.. ose ka por akoma skan celur..
Prandaj per sa koh ka votues dhe ska rivale ne PD .. Berisha do te rrije ne politike.

Natyrisht ky eshte shanci i fundit..

Nuk e ka kollaj me opozit PS-ne..
Ajo te fik dritat ..
E kjo do te thote se te ben gjëmen..

[beni67]

Mua me duket se Nano luan si macia me miun me politikanet e tjere. Historia me jep te drejte per kete. Nga ana tjeter i vetmi politikan qe mund ti kundervihet me sukses ( me gjithe retoriken e manget ) me duket Berisha, perseri eshte historia qe me jep te drejte. Pra per mua kjo eshte loje e te fuqishmeve. Them se shume shpejt Nano do te rikthehet ne politike. Shendet te gjitheve.

[Nice_Boy]

Është ende herët për të folur për Fatos Nanon president dhe për këtë nuk kam diskutuar me liderin historik të Partisë Socialiste. Deklarata është bërë nga kryeministri Sali Berisha gjatë një interviste në emisionin “Studio e Hapur”, e gazetares Eni Vasili.

Në këtë bisedë Berisha ka sqaruar se çfarë kishte diskutuar me Nanon gjatë darkës së tyre në Vjenë pak ditë më parë. Pyetjes së bërë se a do jetë Fatos Nano presidenti i ardhshëm i Shqipërisë, kryeministri Berisha tha se kjo është jashtë çdo konteksti.

“Absolutisht në atë tryezë nuk është shqipëruar fjala president deri sot. Po, në atë tryezë nuk mund të mos theksoj se ky takim u zhvillua 20 vite pas Triestes. U diskutua për procesin e integrimit dhe unë si një ish-kryeministër e njoha atë me të gjithë brendinë e takimeve të mia në Bruksel, çka ishte shumë normale në këtë moment. Doja të ftoja dhe shefin e opozitës, po ai me qëndrimin që mban i kundërvihet në mënyrën më të hapur”, tha Berisha.

Kreu i qeverisë tha më tej se kishte diskutuar me Nanon për perspektivën evropiane të Shqipërisë. Ndërkohë, duke folur për zgjedhje të mundshme të parakohshme, kryeministri Berisha tha se ky është koalicioni më funksionues dhe qeveria më e konsoliduar.

“Në historinë e vendit nuk ka pasur kurrë një intensitet reformash siç ka pasur këto 8 muaj. Nuk kemi regjistruar kurrë rezultate të lakmueshme sa këto 8 muaj. Është kjo qeverisje që bëri që ekonomia shqiptare e vendosur në binarë të shëndoshë këto tre muaj të fillojë një ngjitje”, tha Berisha.

Një temë tjetër ishin edhe zgjedhjet brenda strukturave të Partisë Demokratike, të cilat të paktën prej dy vjetësh qëndrojnë të ngrira. “Së shpejti do bëhen votimet, forumet janë. E dyta, rëndësi të madhe ka shumë, sepse në katër vitet e para PD qeverisi dhe u kuotua nga shqiptarët dhe komuniteti ndërkombëtar. Një grup i tërë u përgatit dhe ai grup sot është i shpërndarë në kabinete dhe Parlament. Të tjerë janë duke ardhur në horizont. Dhe unë këtë e konsideroj shumë të rëndësishme”, vijoi Berisha. /gazeta start/

[Duaje Siveten]

Gazeta Sot Online

Nano president?

Zërat e ditëve të fundit rreth fushatës që ka shpallur Fatos Nano për t’u bërë president në 2012 me ndihmën e Metës dhe të Berishës, ka ngjallur reagime të ndryshme tek figurat më të njohura të politikës shqiptare. Disa e konsiderojnë si absurd një projekt të tillë, ndërsa të tjerë e cilësojnë si skandal faktin që në krye të shtetit të zgjidhet president një ish-kryeministër komunist.

Kryetari i Partisë Lëvizja për Zhvillim Kombëtar, Dashamir Shehi e konsideroi të rëndë faktin nëse pas 20 vitesh demokraci, Shqipëria të kishte një kryeministër ish-komunist të thekur dhe një president po ish-komunist. Duke e konsideruar mundësinë e një pakti Nano-Meta-Berisha për kreun e ardhshëm të shtetit një pazar jashtë çdo morali politik, Shehi theksoi se në Shqipëri gjithçka mund të ndodhë. “Së pari ky është akoma në kufijtë e muhabete të tavolinave. Megjithatë, fakti se Shqipëria sot drejtohet nga ish- komunistë, të lë të dyshosh se gjithçka mund të ndodhë. Në Shqipëri këta duan të bëhen nuse nga tre herë, pa marrë parasysh parimet morale, të shkuarën etj. Do të ishte e rëndë që pas 20 vitesh demokraci me gjithë këto probleme, Shqipëria të drejtohej nga një kryeministër ish-komunist i thekur dhe nga një president gjithashtu ish-komunist i thekur”, theksoi Shehi. Kryetari i Partisë Lëvizja për Zhvillim Kombëtar, Dashamir Sheshi shtoi më tej se ishte ende herët për t’u zgjatur në këtë çështje, përderisa pretendimet për të marrë kreun e shtetit nuk janë bërë zyrtare. Por, Shehi u ndal tek fenomeni që është shfaqur javët fundit, i quajtur trafiku i deputetëve. Si stimulues të merkatos së deputetëve, ai ka identifikuar sistemin zgjedhor, i cili u imponua nga dy partitë e mëdha për të eliminuar partitë e vogla. Shehi ka theksuar se ai sistem asnjërës palë nuk i jep numrat e nevojshëm për të qeverisur e qetë.


Historia Nano-Meta, dashuri, xhelozi dhe pabesi

Po t’i kthehemi përvojës së kaluar, historia e marrëdhënieve të Fatos Nanos dhe Ilir Metës mund të konsiderohet si një trefaqësh ku në njërën anë qëndron dashuria, në tjetrën xhelozia, ndërsa në tjetrën urrejtja. Në kohën kur Nano ishte në burg, Ilir Meta luajti çdo gur për të marrë nën kontroll partinë, madje për të arritur këtë qëllim bashkëpunoi edhe me Shërbimin Informativ Kombëtar të ’97 si dhe me Berishën. Pasi Nano doli nga burgu, Nano dhe Meta kaluan disa muaj mjalti, deri sa ky i fundit u bë kryeministër. Por, vetëm dy vite më vonë erdhi koha e urrejtjes dhe Nano e rrëzoi Metën, pasi ky fundit po e zgjeronte pushtetin e tij. Më pas Meta krijoi partinë e tij dhe jo vetëm bëri që Nano të humbte zgjedhjet në 2005, por të humbte edhe partinë. Pas 5 vitesh, kur Meta ndjehet shumë i dobët politikisht, ka ardhur sërish periudha e dashurisë, e cila nuk dihet sesa do të zgjasë.

Marrëveshja Nano-Meta

Ilir Meta dhe Fatos Nano duket se kanë lidhur një marrëveshje për të mbështetur njëri-tjetrin; Nano për t’u bërë president në 2012, ndërsa Meta për marrë maksimumin e votave në zgjedhjet lokale si dhe për të trafikuar disa deputetë nga PS në drejtim të LSI. Kështu, me afrimin e zgjedhjeve lokale dhe me mbarimin e mandatit të kreut të shtetit, Fatos Nano ka filluar zyrtarisht fushatën e tij për t’u bërë president, ndërsa Ilir Metën e kanë zaptuar ethet nga dështimi në zgjedhjet lokale, pas marrëveshjes me Berishën dhe krizën që ka mbërthye LSI. Nano i ka premtuar Metës mbushjen e partisë me disa deputetë të Ramës, duke shfrytëzuar njohjet e tij të vjetra si dhe mbështetjen e plotë në zgjedhjet e ardhshme lokale. Ndërsa Meta i ka premtuar Nanos mbështetjen e kandidaturës së tij për president në 2012 me anë të deputetëve që do të trafikojë nga PS.

Ndoka: Nano president, absurditet

Për kreun e PDK, Nard Ndoka, kandidimi i Nanos për postin e presidentit, është një mendim absurd, jo vetëm për shkak se ai është lideri historik i Partisë Socialiste, por sepse demokratët e vërtetë nuk mund të pranojnë një marrëveshje të tillë. Gjithsesi, Ndoka theksoi se Berisha dhe Meta mund ta mbështesin Nanon, por ky i fundit nuk mund të kalojë sitën e Kuvendit. Sipas Ndokës, pazare të tilla pret vetëm nga ata që manipulojnë zgjedhjet, siç është rasti i zgjedhjeve të 28 qershorit. Ndërkohë, kryetari i Partisë Demokristiane, Nard Ndoka ka komentuar edhe asionin më të fundit të opozitës zë bashkuar, për përmbysjen e Berishës me protesta popullore. Ndoka theksoi se përballë murit të pushtetit, opozita dot zgjedhë rrugën ë protestave demokratike për të garantuar votën e lirë në vend. Ai theksoi se ndryshe nga herët e tjera, protestat nuk do të ndalen më deri në largimin e Berishës nga pushtetit i vjedhur me 28 qershor.

Meta, spiun në SHIK ’97

13 vite më vonë, zbulohet se kryetari i LSI, Ilir Meta, në vitet ‘96-’97, rezulton se ka spiunuar rregullisht pranë Shërbimit Informativ Kombëtar për të eliminuar politikisht Fatos Nanon dhe për të marrë Partinë Socialiste nën kontroll. Nisur nga raportet e detajuara të SHIK, rezulton se Ilir Meta ishte një bashkëpunëtor i ngushtë i SHIK dhe i Berishës, ku punonte me zell kundër Fatos Nanos dhe të gjithë mbështetësve të tij, sidomos ndaj Mejdanit dhe Islamit. Nga këta raporte dhe dëshmi të asokohe, rezulton gjithashtu se Meta ka marrë para kesh në dorë nga Bashkim Gazidede, për të forcuar pozitat e tij në PS. Në librin e tij, gazetari Mero Baze, fakton sesi Ilir Meta spiunonte në SHIK të gjithë veprimtarinë e Partisë Socialiste dhe skenarët e tij për të marrë nën kontroll selinë rozë. “Kudo që shkonte i deleguari Ilir Meta, apo njerëz të grupit të tij, shtypi afër Berishës siguronte raportet e plota nga konferenca. Atje ku nuk kishte njerëz të grupit anti-Nano, ndërhynte SHIK dhe në gazetën “Albania” nuk mungonin kurrë raportet”, thuhet në librin e Bazes.

Meta, skenar kundër Nanos

Sipas librit të Mero Bazes, dy ishin në atë kohë problemet që iu krijuan grupit të reformatorëve, i pari ishte presioni i ndërkombëtarëve për dialog me PD, nga njëra anë dhe humbja e mbështetjes me bazën e partisë në këtë veprim dhe, së dyti, kufiri deri ku ata duhet të shkonin në luftën ndaj Fatos Nanos. “Ata shpresonin që, nëse merrnin nën kontroll partinë, të arrinin një rezultat pozitiv në zgjedhjet lokale me mbështetjen e ndërkombëtarëve dhe këtë ta paraqisnin si fillimin e kthesës. Ndërsa, nëse humbnin, do të angazhoheshin për një humbje të thellë në zgjedhjet lokale, me qëllim që të diskreditonin grupin e Nanos”, thuhet më tej në librin e tij. Gjithashtu mësohet se një sërë shkrimesh që porositeshin nga Meta dhe Hajdaraga në formën e analizave gjenin vend në faqet e gazetës “Albania”, çka sillnin një çoroditje tek elektorati i majta, madje puna shkoi deri atje sa një grup veteranësh nga Vlora u detyruan t’i shkruajnë një letër Rakipit për t’i kërkuar sqarime për zhvillimet brenda PS.

[DeuS]

Kur hengren dreke se bashku ne Dhermi kesaj vere Berisha-Nano-Meta, u anashkalua nga Media dhe analistet, si dicka me pak rendesi. Hengren dhe u fryne mire se bashku, e tani duan te jashteqisin sipas stilit te tyre. Nuk drekuan fshehurazi, por e bene publike kesaj rradhe. Pra, u desh cuar nje mesazh ushtareve trushpelare qe kane anembane. Jam dakort me Dashamir Shehin. Kete vend e ka marr lumi..

[SKRAPARI]

shyqyr qe po bashkohen njehere lideret e vertete shqiptare. vetem keshtu ecet perpara.
mos ta harrojme ate thenien e skenderbeut.