Vlore '97, hapet dosja e vrasjes se SHIK-asve

[DYDRINAS]

Nis pas 10 vitesh hetimi për vrasjen e SHIK-asve në Vlorë

• Klodiana Lala


Tirane -E lënë mënjanë për 10 vite nën pluhurin që trashej, e pahetuar kurrë, e paragjykuar dhe e frikshme njëkohësisht, dosja e vrasjes së dy oficerëve të Shërbimit Informativ Kombëtar (SHIK), në 28 shkurt 1997 në Vlorë, më në fund është nxjerrë nga arkivat. Ngjarja e parë e madhe dhe e përgjakur që solli në pak orë rrëzimin e shtetit në qytetin më të madh të jugut të Shqipërisë dhe që shërbeu si gur themeli për ngrehinën antishtet që u ndërtua me qëllim rrëzimin e sistemit të drejtuar nga ish-Presidenti Sali Berisha, tashmë do të jetë në duar të Drejtorisë së Krimit dhe Hetimit. Kështu, të njëjtët njerëz që dërguan pak ditë më parë para Drejtësisë përgjegjësit e masakrës së Cërrikut, kanë vendosur të hedhin dritë mbi masakrimin e dy punonjësve të Shërbimit Sekret, Lekë Qoku dhe Besnik Hidri si dhe plagosjen e disa të tjerëve.
Burime zyrtare pranë Ministrisë së Brendshme pohuan për Gazetën, se grupi i hetimit ka pak ditë që ka nisur punën për të bërë të mundur identifikimin dhe vënien para përgjegjësisë të personave që dogjën godinën e SHIK-ut në qytetin bregdetar dhe ekzekutuan dy prej punonjësve. Për momentin hetuesit kanë në duar vetëm dëshmitë e pjesshme të 14 ish-punonjësve të këtij institucioni, të cilët mundën t’i mbijetonin masakrës. Rihapja e dosjes së 28 shkurtit 1997, u bë pak ditë pasi ministri i Brendshëm, Bujar Nishani, gjatë një konference për shtyp, deklaroi se do të hetoheshin të gjitha krimet e pazbardhura të vitit 1997.
Hetimet
Për të shkuar te fajtorët e vërtetë të ngjarjes makabre të 28 shkurtit të dhjetë viteve më parë, që tronditi jo vetëm qytetin e Vlorës, Drejtoria e Krimit dhe Hetimit duket se ka kryer tashmë punën më të madhe; sigurimin e dëshmitarëve dhe provave. Burime të besueshme pranë grupit të hetimit, pohojnë se kanë mundur të sigurojnë disa prova të forta për të implikuarit në këtë ngjarje, duke mos përjashtuar mundësinë që brenda pak kohësh të ketë dhe të arrestuar. Nga hetimet paraprake rezulton se organizatorë të sulmit mbi godinën e SHIK-ut në Vlorë dyshohet të kenë qenë anëtarë të Komitetit të Shpëtimit Publik të qytetit si dhe persona të tjerë me precedentë penalë, anëtarë të bandave që gëluan në të njëjtën kohë në qytet. Gjithashtu, pranohet se janë sekuestruar dhe të tjera prova që do të shërbejnë për të arritur tek përgjegjësit e sulmit me armë ndaj godinës së SHIK, ku mbetën të vrarë dy nga punonjësit dhe u plagosën disa të tjerë. Hetime që duhet të gjejnë mes një numri të madh të implikuarish në këtë çështje, pikërisht ata që ngritën dorë kundër njerëzve të shtetit, konkretisht të Shërbimit Sekret.

Ngjarja

Ngjarja makabre ku gjetën vdekjen dy ish-punonjësit e Shërbimit Informativ Shtetëror, Qoku dhe Hidri u shënua më 28 shkurt 1997, kur dhjetëra makina mbërritën përpara ndërtesës ku ishte Shërbimi Informativ Kombëtar dhe filluan sulmin. Në popull ishte hapur fjalë se civilë të Shërbimit Sekret SHIK do të sulmonin dhe nxirrnin me forcë studentët nga greva e urisë. Më tej ishin hapur fjalë se SHIK-u kishte vrarë disa njerëz të pafajshëm. Loja bëhej e tillë që turma të sulmonte pikërisht ngrehinën e fundit të shtetit në këtë qytet, që ishte godina e Shërbimit Informativ. Qëllimi, duket se arrihet. Turma e armatosur me mjete rrethanore, mbase edhe me armë, sulmon godinën dhe pas një rezistence të dobët arrin ta pushtojë. Nga sulmi i demonstruesve mbetën të plagosur pesë punonjës të SHIK-ut, të cilët ndodheshin në katin e dytë të godinës. Të mbijetuarit mundën të largoheshin duke u hedhur nga pjesa e prapme e ndërtesës, ku për fat të mirë do të pësonin vetëm ndonjë gërvishtje të lehtë. Ndërsa dy prej punonjësve të SHIK-ut, Lekë Qoku dhe Besnik Hidri, nuk do të mund të dilnin të gjallë. Tragjik do të ishte fundi për Qokun, i cili ndodhej në katin e parë të institucionit ku punonte. Pasi e plagosën, demostruesit e morën peng dhe pasi e masakruan, e dërguan para studentëve grevistë. Viktimë do të mbetej dhe Hidri, i cili edhe pse i masakruar nga goditje të ndryshme në trup, arrin të shkojë deri tek baza detare, rreth 20-30 metra larg godinës, ku i ndihmuar nga ushtarakët e kësaj baze, u vendos në Pashaliman. Prej andej u transportua me helikopter për në Spitalin Ushtarak, por nuk mundi të mbijetojë. Si pasojë e plagëve të marra, Hidri gjeti vdekjen gjashtë orë pas plagosjes, ku sapo kishte mbërritur në derën e spitalit. Ngjarja makabre do të ngulitej në mendjet e një pjese të mirë të qytetarëve vlonjatë, të cilët dashje pa dashje u bënë dëshmitarë të një krimi që në atë kohë u konsiderua si pjesë e një revolucioni popullor për rrëzimin e pushtetit të ish-Presidentit Sali Berisha.


Gazeta Shqiptare

[skampin]

me duket se po i mblidhet litari Gjinush kanibalit

[beni67]

Shpresoj qe kanibalet te marrin denimin e merituar. Dhe ceshte me e rendesishmja ti hapen syte shqiptareve e te shohin se kush jane gjakpiresit .......

[DYDRINAS]

Vrasja e shikasve, përgatiten arrestimet në Vlorë


Florenc Bakillari

Fillojnë hetimet për vrasjen e oficerëve të Shërbimit Informativ Shtetëror më 28 shkurt 1997 në Vlorë. Departamenti i Hetimit të Krimeve në Drejtorinë e Përgjithshme të Policisë ka hapur dosjen e bujshme të 28 shkurtit, që do të çelte shthurjen e shtetit dhe shpërthimin e depove të ushtrisë, pas revoltave për mbylljen e firmave piramidale. Hetimet po kryhen nga specialistët e Tiranës, duke anashkaluar Drejtorinë e Policisë së Vlorës. Burimet shprehen se për zbardhjen e ngjarjes dhe identifikimin e autorëve po bashkëpunohet ngushtë edhe me Prokurorinë e Krimeve të Rënda, e cila do të presë fletarrestet sapo të sigurohen provat e mjaftueshme. Oficerët e policisë kanë mbledhur dëshmi nga 14 oficerë të SHIK-ut dhe persona të tjerë që ndodheshin në godinë natën e sulmit dhe përreth saj. Sipas dëshmive, bëhet fjalë se në sulmin e parë ndaj godinës kanë qenë më shumë se 80 persona, por vetëm pak kanë qenë të armatosur me pushkë të vjetra, çifte dhe pistoleta. Numri i tyre është shtuar më vonë, kur në ndihmë u kanë ardhur disa makina të tjera, të cilat kanë sjellë armë automatike që mendohet se i kanë marrë nga Shkolla e Marinës. Në total, në Drejtorinë e SHISH-it të Vlorës ndodheshin 16 punonjës, të gjithë të armatosur vetëm me pistoletat e shërbimit. Nënkolonel Besnik Hidri dhe kapiten Lekë Qoku u vranë gjatë përleshjes me turmën. Sipas burimeve, janë mbledhur disa xhirime filmike të personave që kanë tërhequr zvarrë trupin e oficerit të SHIK-ut, Lekë Qoku. Trupi i këtij të fundit u çua para godinës së universitetit “Ismail Qemali”, ku studentët ishin ngujuar në grevë urie. Disa nga filmimet u përkasin korrespondentëve të huaj, të cilët ishin atashuar në Vlorë gjatë shkurtit të vitit 1997. Po kështu, në dorën e policisë janë edhe disa foto të personave që kanë pozuar me një sëpatë në dorë mbi trupin e gjakosur të oficerit Qoku. Burimet shprehen se dëshmi të tjera janë mbledhur edhe nga banorë të Vlorës, të cilët kanë qenë të pranishëm natën e sulmit mbi godinën e SHIK-ut. I vetmi institucion që funksiononte ende në Vlorë u sulmua rreth orës 19:00, pasi banorët e Vlorës mësuan lajmin se një i ri që qëndronte para godinës, ku ishin ngujuar studentët, u qëllua me thikë nga disa njerëz të SHIK-ut që u larguan më pas me një furgon të bardhë. Sipas zërave që qarkulluan me shpejtësi, furgoni i bardhë ishte i SHIK-ut dhe kishte tentuar të nxirrte me forcë studentët nga greva e urisë. Më pas, turma njerëzish rrethuan godinën e SHIK-ut dhe filluan të qëllonin me armë në drejtim të saj. Fillimisht, një makinë me rimorkio u vendos para godinës për t’u përdorur si barrikadë. Godina u qëllua me disa lloj armësh, ndërsa depot e ushtrisë ende nuk ishin shpërthyer. Pas rreth katër orë luftimi, dy oficerë të SHIK-ut mbetën të vrarë. Fillimisht u vra Besnik Hidri, ndërsa Lekë Qoku u plagos rëndë. Trupi i tij u mor nga turma ndërsa mëngjesin e 1 marsit u dorëzua në Spitalin e Vlorës. 14 punonjësit e tjerë të SHIK-ut që ndodheshin në godinë morën vetëm lëndime të lehta. Ata mundën të largoheshin duke u hedhur nga dritaret. Pasi u bashkuan me forcat e tjera të dërguara nga Tirana që ishin stacionuar në Kus Baba dhe te Uji i Ftohtë, ata u larguan nga Vlora. Dy oficerët, Besnik Hidri dhe Lekë Qoku, janë dekoruar nga ish-Presidenti i Republikës, Alfred Moisiu, me “Medaljen e Artë të Shqiponjës” (pas vdekjes). Motivacioni i këtij dekorimi ishte: “Në shenjë nderimi dhe vlerësimi të lartë për veprimtarinë dhe kontributin e vyer në shërbim të shtetit deri në aktin sublim të dhënies së jetës në krye të detyrës”. Por edhe pse figura e tyre u rivlerësua, asnjëherë prokuroria nuk filloi ndonjë hetim për zbardhjen e ngjarjeve që filluan në Vlorë dhe më pas tronditën të gjithë Shqipërinë.




Oficerët e vrarë
Besnik Hidri
Lekë Qoku

Gazeta Albania

[irexha]

Mendoj dhe ashtu duhet te ndodhe qe kriminelet te perballen me ligjin, dhe te ndeshkohen te gjithe ata qe vrane, prene dhe dhunuan çdo gje ne shqiperi, ne vitin 1997.

[Albo]

Per aq kohe sa krimi e kriminelet nuk do te ndeshkohen me ligj, kudo qe ata te jene e sado gjate qe te vazhdoje procesi, shtetit shqiptar asnjehere nuk ka per tiu kthyer ne vend legjitimiteti i perdhosur ne vitin 1997. Ashtu sic nuk ka per te patur ndonjehere shtet te se drejtes nese shteti shqiptar vonon drejtesine edhe per ata bij nenash qe dhane jeten e tyre ne mbrojtje te ketij shteti e ketij ligji kushtetues.

Ligji duhet te triumfoje mbi krimin dhe shteti i se drejtes duhet te triumfoje mbi shtetin e krimit.

Albo

[Ozzy]

Per aq kohe sa krimi e kriminelet nuk do te ndeshkohen me ligj, kudo qe ata te jene e sado gjate qe te vazhdoje procesi, shtetit shqiptar asnjehere nuk ka per tiu kthyer ne vend legjitimiteti i perdhosur ne vitin 1997. Ashtu sic nuk ka per te patur ndonjehere shtet te se drejtes nese shteti shqiptar vonon drejtesine edhe per ata bij nenash qe dhane jeten e tyre ne mbrojtje te ketij shteti e ketij ligji kushtetues.

Ligji duhet te triumfoje mbi krimin dhe shteti i se drejtes duhet te triumfoje mbi shtetin e krimit.

Albo

kujdes tha,
nuk eshte e para here qe berisha thote keto gjera.
e pame me luiza b*uce gjakpiresen se cndodhi, vetem pak burg dhe asgje me shume
tani buc*e-kurv*a-dado-jevga gezon milionat e vjedhura.
milo-malaj-gjinushi nuk jane pordhi kali ne dere te hanit por jane mjeshtra te te vjedhurit dhe mashtrimit.
pra ashtu thejshte me ligjin nuk behen keto muhabete.
i semuri sale udb thote x dhe ne shenjester ka y
une per vete nuk kam ndonje entuziasem te madh tani per tani bile them se dhe ky do te jete mashtrimi i radhes nga maloku

[ajzberg]

Po. ligji eshte ligj per te gjithe .
Fillimisht shqiptaret nuk kishin uje ,o burra instaluan cisterna e tuba neper taraca ku dikur ishin instaluar antenat televizive.Por uji nuk shkonte ne katet e larta ,keshtu qe u instaluan pompat e ujit e me vone u hapen dhe puse.Shqiptaret nuk kishin drita filluan lidhjet e jashte ligjeshme apo mos pagimi i energjise e tani vone filluan te instalojne invertera e bateri makinash hidrocentrale private.Shqiptaret nuk i mbron ligji dhe filloi vetegjygjesia e hakmarja.
Kam degjuar se do te ngrene gjykat private.polici private ,burgjet private e plot te tjera nga keto.Shteti eshte polici qe ha fara lule dielli me kapelen menjane e doren ne xhep.

[Brari]

Ja arsyet pse Sollaku duhet të shkarkohet
(06.08.2007)
grup deputetesh të Kuvendit të Shqipërisë, në mbështetje të nenit 149 të Kushtetutës, për organizimin dhe funksionimin e Prokurorisë në Republikën e Shqipërisë, si dhe nenit 114 të Rregullores së Kuvendit të Republikës së Shqipërisë


Një grup deputetesh të Kuvendit të Shqipërisë, në mbështetje të nenit 149 të Kushtetutës, për organizimin dhe funksionimin e Prokurorisë në Republikën e Shqipërisë, si dhe nenit 114 të Rregullores së Kuvendit të Republikës së Shqipërisë, ju drejtuan me këtë kërkesë për fillimin e procedurës së shkarkimit nga detyra të Prokurorit të Përgjithshëm të Shqipërisë Theodhori Sollaku. Duke renditur një sërë akuzash, motivi për paraqitjen e kësaj kërkese para Kuvendit mbështetej në tolerancë ndaj kriminalitetit në vend dhe rezultatet e dobëta për zbardhjen e ngjarjeve, identifikimin dhe dënimin e autorëve të veprave penale për periudhën 2002-2005. Në këtë drejtim, organi i prokurorisë ka dëshmuar përvec mungesës së profesionalizmit në luftën ndaj kriminalitetit edhe mungesës së vizionit në shfrytëzimin e instrumenteve në dispozicion, për zbulimin, dëmin dhe parandalimin e posacëm dhe të përgjithshëm të fenomeneve të jashtëligjshme. Periudha 2002-2005, dëshmoi jo vetëm për pamjaftueshmëri të hetimit dhe zbulimit të autorëve të krimit ordiner por edhe për rritjen e përmasave dhe për një nivel më të lartë organizimi të strukturave kriminale vendase dhe bashkëpunimin e tyre me organizata kriminale jashtë kufirit. Veprat penale që kanë lidhje me krimin e organizuar, trafikun e njerëzve, shfrytëzimin dhe organizimin e prostitucionit, prodhimin, shpërndarjen e lëndëve, bimëve narkotike dhe substancave psikotrope, janë shndërruar në kërcënim për sigurinë kombëtare të vendit. Ndërkohë që autorët e hetuar dhe të dënuar janë të pakët, megjithëse nga Kuvendi nuk ka munguar vullneti politik për të implementuar politika penale mjaft represive për këto vepra penale gjatë periudhës 2002-2005.
Gjatë punës së Komisioneve hetimore të Kuvendit ka pasur indicje dhe kallëzime konkrete për përfshirje të zyrtarëve shtetërore në praktika dhe afera korruptive, të cilat i shkaktonin buxhetit të shtetit një dëm prej miliona dollarësh. Ndërkaq, anëtarë të komisioneve depozitun kallëzime konkrete pranë organit të akuzës për nisjen e hetimeve për shpërdorime në ushtrimin e detyrës. Por edhe pas këryre të dhënave, asnjë lloj komenti nuk u bë nga organi i akuzës në lidhje me kallëzimet dhe indicjet e dhëna gjatë punës së komisionit hetimor. Keështu duke renditur të gjitha akuzat në drejtim të prokuroit Sollaku bën që ky organ nuk ka funksionuar sipas kuadrit ligjor, për pasojë në mungesë të profesionalizimit dhe madje përfshirjen e Dhorit në disa cështje kriminale edne të pa zbuluara dhe pa vënë drejtësinë në vend. Prokurori i Pergjithshem mban pergjegjesi si drejtuesi i organit te akuzes për cështjen e Shkallnueri, e cila u bë publike në të gjitha mediat dhe organi i akuzës përkundrejt apatisë, mban përgjegjësi për këtë cështje edne të pa vënë në vend drejtësinë. Ai mban përgjegjësi vrasjet e biznesmeneve, të pronarit të subjektit “FLEVI”, biznesmenit të hekurit Florian Vila, të biznesmenit të një rrjeti radioteleviziv privat (Top-Media) Vajdin Lame së bashku me mikun e tij Artan Arsi. Të tre krimet mbi biznesmenët janë kryer të gjitha në kryeqytet, në afersi të ambjenteve të banimit të viktimave ndërsa mënyra e kryerjes së krimit, dëshmonte për nivel të lartë organizimi. Droga e kapur në autobuzët e kompanisë “Xhoi Travel” në fillim të vitit 2003, kompani në dorë të gruas së ish kryeministrit Fatos Nano, hetimi nuk ka nxjerrë në pah përgjegjësit. Tragjedia e 9 janarit 2004, në Karaburun, ku humbën jetën 28 shtetas. Të pazbardhura ende rrethanat e ngjarjes kriminale ku përfshihen një numër i lartë funksionarësh të Ministrisë së Rendit Publik dhe të Ministrisë së Mbrojtjes së atëhershme. Prokruroria injoroi hetimet dhe Prokurori i Përgjithshëm me mosveprimet e tij për 2 vjet rresht, i siguroi autorëve të vërtetë të tragjedisë, mbrojtje dhe paprekshmëri për krimin e kryer. E pazbardhur vrasja e mbetur në tentativë të Prof. Ylli Pangos, në datë 6.3.2003, në banesën e tij ne Rr. “Ali Visha”, Tiranë. Cështja nuk njohu autorë dhe mbeti pezull. Organi I Prokrurorisë nuk ka dha asnjë detaj dhe pezulloi hetimet.
Të pazbuluar janë personat e tjerë të përfshirë në vrasjen e shtetasit Fatmir Rama, ose Miri i Xhikes, në lokalin e tij, “Kartodrom 2000” në Lundër të Tiranës. Edhe kjo cështje është pezulluar për hetimin e personave të tjerë nga organi i akuzës. Për përdorimin e Prokurorisë së Përgjithshme si mjet shantazhi politik ndaj deputetëve të Kuvendit të Shqipërisë. Në vemendje është rasti i deputetit Nikollë Lesi dhe rrëzimi i kërkesës së heqjes së imunitetit ndaj tij, në legjislaturën e shkuar. Për ngjarjen e rëndë dhe të paprecedentë të ndodhur me datën 30.3.2006 e tri ditët në vijim, në Prokurorinë e rrethit gjyqësor Kavajë, ku në shkelje të hapur të ligjit nr.8737, datë 12.2.2001, “Për organizimin dhe funksionimin e Prokurorisë në Republikën e Shqipërisë”, janë penguar inspektorët e Ministrisë së Drejtësisë, për të verifikuar fashikullin hetimor të procedimit penal të shtetasit Artan Gjermeni, anëtar i KLD-së. Kështu, Prokurori i Përgjithshëm mban përgjegjësi jo vetëm si autori i kësaj shkelje të pa precedentë, por edhe për disinformimin e opinonit publik dhe institucioneve shtetërore. Gjithashtu, për pengimin e drejtësisë dhe fshehjes së krimit të grabitjes së pasurisë së shtetasit grek George Vourvachis (70% te aksioneve të shoqërisë), nga shtetasit Skënder Moniku dhe Ilir Karcini në bashkëpunim me bashkëshorten e Prokurorit të Përgjithshëm Zeqine Sollaku. Bashkëshortja e Prokurorit të Përgjithshëm Zegjineja, gjatë kohës kur kryente detyrën e gjyqtares, në seksionin tregtar të Gjykatës së rrethit gjyqësor Tiranë, ka vendosur në likujdim shoqerinë e përbashkët greko-shqiptare me kapital të investuar 500.000 euro, në kundërshtim flagrant të ligjit. Hetimi i kësaj cështje dhe ndëshkimi i autoreve eshte penguar nga z.Theodhori Sollaku, megjithe kerkesen e perseritur te diplomacise greke ne Tirane. Edhe për Per deshtimin e procedures se ekstradimit te personave te implikuar ne hetimin e organizates kriminale "Hakmarrja per Drejtesi", shtetasve shqiptar Orik Shyti e Kreshnik Spahia te arrestuar ne Bazel te Zvicres, me 6 shkurt 2004, dhe te shtetasit Altin Arapi te arrestuar ne tetor ne Bruksel, Belgjike. Deshtimi i procedurave te ekstradimit te shtetasve Orik Shyti e Kreshnik Spahia eshte pranuar ne heshtje si pergjegjesi ekskluzive e organit te akuzes, ndersa deshtimi i procedures se ekstradimit te te pandehurit Altin Arapi si pergjegjesi e perbashket e dy organeve, Ministrise se Drejtesise dhe organit te akuzes. Të gjitha këto akuza dhe shumë të tjera tregojnë se Prokurori i Pergjithshem r mungese te për mungesë të kuadrit ligjor dhe mungese kompetencash te organit te akuzes, per te nisur hetimet kryesisht, tregojne jo vetem per inkoherencen dhe mungesen e profesionalizmit te tij, por deshmojne haptazi per shkelje te rende te ligjit ne ushtrimin e funksionit. Prokurori i Pergjithshem eshte i mefshte ne argumentet dhe rrethanat e paraqitura mbi motivet, me te cilat organi i akuzes eshte justifikuar per mosushtrimin e pergjegjesive ligjore per luften ndaj fenomeneve te jashteligjshme dhe degradimin e shtetit ligjor. Te gjitha deklaratat e ketij drejtuesi deshmojne se Kuvendi, jo vetem duhet te kete kujdes ne dheniet e pelqimit per kete kategori subjektesh, por ne menyre te vecante duhet te tregohet largpames ne krijimin dhe ecurine e raporteve te bashkepunimit mes ketij organi dhe vete Kuvendit ne te ardhmen.

55

[njemik]

Ata qe kane vrar apo kane kryer krime ne 97 duhet me cdo kusht te marrin denimin e merituar! Per sa koh bredhin te lire tregojne se sa i mbaruar eshte shteti shqiptar dhe se sa te koruptuar ,te perlyer, frikacak dhe te lidhur me krimin jane ata qe na udheheqin e ata qe na kane udhehequr.




www.shekulli.com.al

"Ura Vajgurore", Pollo, Gjinushi e Nano në listën e dëshmitarëve


Flamur Vezaj
06-08-2007





Mes dëshmitarëve të grupit hetimor, emrat e tre politikanëve që organizuan mitingje elektorale më 17 qershor 1997
TIRANË- Rihapja e dosjeve të bujshme të vitit 1997, nuk e ka lënë anash edhe çështjen e njohur tashmë si masakra e Urës Vajgurore, ku u ekzekutuan katër punonjës policie në krye të detyrës dhe u plagosën gjashtë të tjerë. Në këtë masakër, sipas hetimeve të deritanishme, janë përfshirë simpatizantë të dy partive kryesore në vend, të Partisë Demokratike dhe asaj Socialiste. Por hapja e kësaj dosjeje nga Drejtoria e Krimeve të Hapura dhe Antiterrorit pranë Ministrisë së Brendshme ka bërë që grupi hetimor të bëjë gati edhe listën e personave që do të merren në pyetje, në cilësinë e viktimave, dëshmitarëve okularë në vendngjarje dhe personave që kanë dijeni për ngjarjen. Numri i listës së dëshmitarëve, sipas burimeve të mësipërme mendohet të ketë arritur rreth 100 persona, mes të cilëve bien në sy emra të njohur politikanësh.

***

Në listën e dëshmitarëve që kanë dijeni për masakrën e Urës Vajgurore janë renditur edhe emrat e Fatos Nanos, Skënder Gjinushit e Genc Pollos, pasi më 17 qershor të vitit 1997 ata kishin takime me elektoratin në Berat dhe Urën Vajgurore. Burimet nga grupi hetimor bëjnë me dije se përveç këtyre emrave të njohur, listës së dëshmitarëve nuk i mungojnë edhe shoqëruesit e eskortave të tyre, që kanë kaluar pranë rrugës ku kanë filluar të shtënat mes simpatizantëve të të dyja kampeve. Theksohet se fletë- thirrjet për këta dhe shumë dëshmitarë të tjerë po bëhen gati nga Prokuroria e Krimeve të Rënda, e cila pritet të marrë në dorëzim dosjen nga grupi hetimor i Drejtorisë së Krimeve të Hapura dhe Antiterrorit pranë Ministrisë së Brendshme. Me ndryshimin e qeverisjes në vend, strukturat e specializuara të shtetit kanë vendosur të hedhin dritë mbi ekzekutimet e vitit të mbrapshtë 1997, duke i rihapur dosjet e bujshme për të gjitha ngjarjet në qytetet e Shqipërisë.

***

Paraditen e 17 qershorit të vitit 1997, në Urën Vajgurore u vranë katër punonjës policie dhe u plagosën 6 të tjerë.Për këtë ngjarje janë dënuar Musa Protoduari dhe gruaja e tij, Fatbardha, Shkëlqim Protoduari, Fran Marashi, Sokol Ndreu, Gjovalin Ndreu, Preng Miri dhe Gjelosh Miri. I vetmi që doli i pafajshëm nga kjo masakër ishte Edmond Protoduari. Ndërkohë, rihapja e dosjes ka rindërtuar edhe njëherë skenën e ngjarjes. Masakra e Urës Vajgurore është njëra prej shumë dosjeve që ndodhen në "axhendën" e Ministrisë së Brendshme. Rihapja e kësaj faqeje të historisë filloi me masakrën e Cërrikut, ku vetëm pak javë më parë u arrestuan 10 persona. Një tjetër dosje e nxehtë është edhe ajo e sulmit ndaj godinës së SHIK-ut në Vlorë, ku mbetën të vdekur dy punonjës të këtij institucioni. Ndërkaq, Policia e Shtetit ka bërë me dije se në proces hetimi janë rreth 100 dosje, një pjesë e vitit 1997 dhe shumë të tjera janë ngjarje të bujshme të pazbardhura, megjithë kalimin e viteve.

Përplasja e armatosur, mes simpatizantëve politikë. U vranë 4 punonjës policie

Masakra, çfarë ndodhi në Urën Vajgurore në 1997

TIRANË- Drejtoria e Krimeve të Hapura dhe Antiterrorit ka rindëruar ngjarjen e ndodhur më 17 qershor të vitit 1997, në Urën Vajgurore. Përplasja e armatosur ka filluar në orën 11:55 të paradites, pas shumë mitingjeve elektorale të partive politike. Atë ditë, në këtë qytezë ishinFatos Nano, asokohe kryetar i PS , i shoqëruar nga Skënder Gjinushi, ndërsa në komunën Poshnje përfaqësonin PD-në në miting i ndjeri Azem Hajdari dhe ministri aktual i Arsimit, Genc Pollo. Pas mbarimit të dy mitingjeve, eskorta e PD-së është larguar dhe pas saj ka ardhur ajo Fatos Nanos dhe Skënder Gjinushit dhe anëtarë e simpatizantë të tjerë të kësaj partie. Atë kohë, qytetin e kontrollonin bandat, që pas hapjes së depove të ushtrisë. Krerët e PS-së pas mitingut në Berat ishin larguar nga qyteti për të vijuar rrugën drejt Fierit. Eskorta u përcoll deri në komunën Poshnje dhe më pas grupi i PS-së mbërriti në Urën Vajgurore, ku pati një përplasje me armë mes simpatizantëve dhe rojeve të vilës së Protoduarëve, për të cilët thuhej se ishin përkrahës të PD-së në zonë. Të vendosur mbi tarracën e vilës, rojet e Protoduarëve vranë një 17-vjeçar. Pjesa e eskortës, që mundi të kalojë vilën shkoi në Berat dhe mori përforcime të mëdha armësh municioni dhe njerëzish. Kurse pjesa tjetër që mbeti pas, u mblodh në sheshin përpara karburantit të Urës. Disa persona rrëmbyen një autoblindë policie, duke kërcënuar uniformat blu dhe nën urdhrat e civilëve blindi i policisë u nis për tek vila e Protoduarëve. Dy prej policëve, Milto Koçi dhe Arjan Shemani u dogjën brenda tankut, dy të tjerët Asllan Selami dhe Ilia Bano u vranë sapo dolën nga flakët e blindit. Nga ana tjetër, rojet e vilës, të ndodhur midis dy zjarreve, mundën të tërhiqen, por jo të gjithë. Njëri prej tyre u kap rob nga kundërshtarët dhe u ekzekutua. F.Vezaj

VIKTIMAT:



1. Miltiadh Koçi, punonjës i policisë, i vrarë
2. Arjan Shemuni, punonjës policie, i vrarë
3. Asllan Selami, punonjës policie, i vrarë
4. Ilia Bano, punonjës policie, i vrarë

TË PLAGOSURIT:



1. Thimi Tanku, punonjës policie,
2. Ylli Dhamo, punonjës policie,
3. Neim Gjeroveni, punonjës policie,
4. Ëngjëllush Pasha, punonjës policie,
5. Arben Bega, punonjës policie,

6. Shkëlqim Selfo, punonjës policie,

AUTORËT E DËNUAR

1. Musa Protoduari, i dënuar me burgim të përjetshëm
2. Shkëlqim Protoduari, i dënuar me burgim të përjetshëm
3. Fran Marashi, i dënuar me burgim të përjetshëm
4. Fatbardha Protoduari, dënuar me 25 vjet burg, gruaja e Musait

5. Sokol Ndreu

6. Gjovalin Ndreu

7. Preng Miri

8. Gjelosh Miri