AC MILAN, Fan Club...

[{A_N_G_E_L_69}]

[{A_N_G_E_L_69}]

AC Milan 3 - 1 Chievo 18' [1 - 0] A. Pato
23' G. Gattuso
25' P.M. Granoche
30' [2 - 0] A. Pato
34' S. Bentivoglio
57' K. Constant
70' [2 - 1] Z. Ibrahimovic (o.g.)
90' [3 - 1] Robinho

[puroshkodran]

nuk arrijme me i shiju fitoret der n'fund prej ktyne demtimeve te leshit. tiago ka shume mundsi qi nuk lun ne madrid

[Dashnori_84]

Me vjen mire ,per ekipin e zemres qe paska fitue.

[{A_N_G_E_L_69}]

Tiago Silva dëmtohet, rrezikon ndaj Realit




Galiani: I jap këmbën time
Dëmtimi i Tiago Silvës prish në një farë mënyre mbrëmjen e Milanit: braziliani që doli para kohe nga fusha ndrydhi kaviljen dhe e la fushën me barrelë. Shqetësimi është i madh, por mbetet për t’u kuptuar shkalla e dëmtimit: “Ka pësuar një ndrydhje të lehtë, - shpjegon përgjegjësi mjekësor kuqezi, Xhianluka Melegati, - ndaj është shpejt për të thënë nëse do të jetë apo jo në Madrid, por gjithsesi jemi optimistë”. I pyetur mbi këtë temë, Adriano Galiani, i cili pak ditë më parë ka ndrydhur kaviljen në Amerikë, siguron që është gati të sakrifikojë edhe këmbën e djathtë për ta pasur të gatshëm kundër Realit të Madridit Tiago Silvën.
“Do të jepja këmbën e dytë për të pasur Tiago Silvën në Madrid, - tha me buzëqeshje administratori i deleguar i Milanit. - Do të bëjë analizat, por mjekët më thanë që bëhet fjalë vetëm për një ndrydhje në kavilje. Ajo që ka rëndësi është se ligamentet nuk janë prekur. Im bir Xhianluka më kujtoi që vitin e shkuar Interi riaftësoi Shnejderin tri ditë para sfidës kundër Barcelonës, - shtoi Galiani i kënaqur për suksesin ndaj Kievos. - Ibra e Pato? Një dyshe sulmuesish, që ka pak shokë në botë”.

[{A_N_G_E_L_69}]

http://www.sportishqiptar.com.al/wp-...ronaldinjo.jpg Alegri i kënaqur me Dinjon: Më pëlqeu shumë


Trajneri kuqezi ka mbetur i befasuar nga paraqitja e brazilianit: Kakà? Nuk ka vend për të
Ka diçka të veçantë në fitoren 3-1 ndaj Kievos që i pëlqen Masimiliano Alegrit. “Ronaldinjo luajti një ndeshje të mirë, - është mendimi i parë i trajnerit milanist, - ai lëvizi shumë. Nuk humbi asnjë top dhe e ndihmoi mbrojtjen. Kjo tregon që është një futbollist, i cili ka akoma shumë për të dhënë, është 30 vjeç, e tregoi sonte (mbrëmë). Për sa i takon pjesës tjetër, trajneri kuqezi analizon fytyrën e dyfishtë që tregoi Milani në pjesën e parë dhe të dytë: “Në minutat e fundit të pjesës së parë mund ta mbyllnim ndeshjen, por nuk shfrytëzuam rastet.
Në pjesën e dytë Kievo luajti mirë, ne treguam se nuk mund të mendojmë t’i mbyllim ndeshjet gjithnjë pa pësuar gol, teksa duhet t’i përfundojmë ndeshjet mirë dhe duhet ekuilibër”. Asnjë dramë sa i takon Tiago Silvës (”Është një ndrydhje në kavilje, që mjekët po e vlerësojnë, Bonera është gati që të luajë”) dhe “valixhja” gati për në Madrid: “Lojtarët e skuadrës janë sigurisht gati për të luajtur një ndeshje të rëndësishme si ajo e së martës, - vazhdon Alegri.
Donim të fitonim për të shkuar në sfidën e Championsit psikologjikisht gati”. Në Madrid, edhe si një spektator i thjeshtë Milani do të rigjejë Kakànë: “Kush do t’ia lërë vendin nëse Kakà rikthehet te Milani? Për momentin nuk do t’ia lërë asnjë, luan te Reali. Jam i stërkënaqur nga këta lojtarë që kam. Është një skuadër e rëndësishme që mund të luajë në të gjitha frontet”.
Në testin e tij të parë të vërtetë si fantazist, Ronaldinjo ka marrë duartrokitje nga të gjithë. “Kjo është një përgjigje për ata që thonë se luaj nga vendi”, - thotë braziliani, i cili bëri një paraqitje prej protagonisti, që u kurorëzua me pasimin fitues për golin e tretë të Robinjos. - Duke luajtur pas dy sulmuesve marr më shumë pjesë në lojë dhe zbavitem, sepse e prek topin shumë. Kisha vite që nuk luaja si fantazist dhe është një gjë e bukur që jam kthyer.
Më pëlqen të nisem nga e majta, por nuk ka problem. Falënderoj skuadrën që më ka ndihmuar të mbuloj këtë rol. Sfida me Realin e Madridit? Është një nga skuadrat më të forta në botë, por ne synojmë tri pikët: edhe ata duhet të kenë kujdes nga ne”.

[{A_N_G_E_L_69}]

http://www.sportishqiptar.com.al/wp-...gol-kievos.jpg Pato dhe Robinjo “show”, Milani del në krye



Atmosferë braziliane në suksesin ndaj Kievos në “San Siro”. Roma mund Xhenoan dhe rikthehet te fitorja
Një dygolësh i Patos dhe një në fund i Robinjos i kanë dhënë një shije braziliane fitores 3-1, me të cilën Milani mundi Kievon në “San Siro”, duke dalë në krye të renditjes të paktën për disa orë. Pjesa e parë ishte e “markës” Milan, me dy gola të Patos të shërbyer me përsosmëri nga Ibrahimoviçi. Kievo përgjigjet në pjesën e dytë dhe shfrytëzon një autogol të Ibrës. Por në minutat shtesë Robinjo mbyll llogaritë me një gol personal.
Një Milan me dy fytyra ka qenë në të vërtet ai dje kundër Kievos. Në pjesën e parë shihet skuadra që kërkon të dominojë, zbavitet dhe shënon, me Gatuzon e rikthyer në kohët e arta dhe Ronaldinjon tepër i lëvizshëm përpara trajnerit të kombëtares së Brazilit Mano Menezes, që ndodhej në stadium.
Publiku kuqezi shijon spektaklin e Patos, që shndërron në gol dy pasime të arta të Zllatan Ibrahimoviçit. Dy gola në portën e Kievos, zero në atë të Milanit falë edhe Abiatit që e shpëtoi portën nga një goditje e Konstantit dhe dyshes Nesta-Tiago Silva në qendër të mbrojtjes.
Por “Djalli” gabon që tërhiqet në pjesën e dytë, ndoshta duke kursyer forca për sfidën me Realin e Madridit të martën dhe nga një goditje këndi miqtë shkurtojnë largësinë falë një autogoli të Ibrahimoviçit. Sinjalin që mbrëmja kuqezi nuk po shkonte dhe aq mirë e dha edhe dëmtimi i Tiago Silvës në kavilje, i cili rrezikon seriozisht ndeshjen e Championsin kundër Realit. Milani humb sigurinë, por jep dhe shenja lodhjeje. Në fushë futet Boateng për t’i dhënë frymëmarrje manovrës në mesfushë.
Por fjala e fundit është e Ronaldinjos: pas 90-të minutash cilësi dhe vrap, vjen dhe pasimi i artë për Robinjon, i hyrë në pjesën e dytë në vend të Patos: driblim ndaj Sorrentinos dhe topi në rrjetë dhe hapësirë sambës për të festuar golin e parë me fanellën kuqezi. Një fitore vendimtare për autostimën e një skuadre me energji të mëdha, por akoma në mes të rrugës mes ëndrrës dhe realitetit.
Ndërkohë Roma është rikthyer te fitorja pas disa javësh, duke mundur mbrëmë në “Olimpiko” Xhenoan. Për verdhekuqtë, ka shënuar në pjesën e parë Borrielo dhe në të dytën Brigi, por skuadra e Gasperinit ka shkurtuar rezultatin në minutën e 78-të me Rudolf. Gjithsesi skuadra e Ranierit ka rezistuar deri në fund, duke marrë tri pikë të arta. Me këtë fitore, Roma merr disi frymë në renditje, duke shkuar në kuotën e 8 pikëve.

[{A_N_G_E_L_69}]

http://www.sportishqiptar.com.al/wp-...gol-kievos.jpg Pato premton një ndeshje të madhe në Madrid



Sulmuesi brazilian kërkon të jetë lideri i ri i kuqezinjve dhe i kombëtares së tij
Pasi luajti për disa minuta kundër Parmës dhe pasi tregoi vlerat e tij me fanellën e Brazilit, Aleksandre Pato është kthyer te goli edhe në Serinë A (shtatë gola në këtë sezon). Dygolëshi i tij hodhi në tapet Kievon dhe i dhuroi tri pikë shumë të rëndësishme Milanit. Nesër kuqezinjtë do të luajnë kundër Realit të Madridit të Mourinjos. Që nuk e frikëson aspak brazilianin: “Sigurisht do të jetë një ndeshje e vështirë, por jam i bindur se kjo skuadër mund të bëjë një ndeshje të madhe.
Jam i lumtur që ndihmova në fitoren e skuadrës me dy golat e mi. Duhet të jem gjithmonë i përqendruar në fushë dhe të ndjek me saktësi këshillat e Alegrit, me të cilin ndihem shumë mirë. Ibrahimoviç? Me të kuptohem mirë dhe po përmirësohemi me kalimin e kohës, këtë e kanë vërtetuar edhe dy pasimet që më dha në rastet e golave.
Ndihem gati për të marrë në dorë si Brazilin ashtu edhe Milanin, dhe shpresoj që Ronaldinjo të mund të riveshë fanellën e kombëtares braziliane (të shtunën në tribunë ka qenë edhe trajneri i Brazilit, Mano Menezes). Robinjo? Jam i gëzuar për golin e tij. Shpresoj që në “Bernabeu” të shikohet Robinjo i vërtetë”. Mesatarja e golave për ndeshje e brazilianit është mbresëlënëse.
Brazil ose Milan për të nuk ka ndryshim: Aleksandre shënon gjithmonë, dhe e bën me një vazhdimësi të jashtëzakonshme. Në kampionat mesatarja e tij e golit është mbresëlënëse: 4 gola në 248 minuta, një në çdo 62 minuta. Sa për të thyer idenë se Milani varet vetëm nga Ibra. Zllatani të shtunën ishte në shërbim të tij, duke dhënë pasimet në dy golat. Moduli funksionoi sërish: 4-3-1-2-shi i jep më shumë ekuilibër skuadrës dhe bën të mundur që potenciali ofensiv të shfrytëzohet në maksimum.
Kundër Kievos u duk qartë: Pato lëvizi si sulmues i dytë, pra afër portës. Me fjalë të tjera: më pak lodhje dhe më pak mundësi për të humbur topin, duke parë se në krahun e djathtë të sulmit, ku duhet të përshkojë më shumë metra, pjesa më e madhe e rasteve dyfishohet. Nga ana tjetër projekti taktik që Milani ka ndërmend të zhvillojë për të duhet ta çojë të luajë si qendërsulmues.
“Nëse është sulmues i parë apo i dytë? Pato është gjithçka, - ka thënë Galiani duke qeshur. - E kemi blerë duke mposhtur konkurrencën e klubeve më të mira të Europës, tani me Ibrahimoviçin do të formojë një nga dyshet sulmuese më të forta të botës”. Flet edhe Ronaldinjo: “Shokët më ndihmuan shumë në këtë ndeshje. Luajta si mesfushor i avancuar, një pozicion në të cilin kam mundësi të jem më shpesh në kontakt me topin. Sot i jam përgjigjur edhe atyre që thonë që luaj duke qëndruar në vend”, ka thënë Dinjo.

[BlooD_VenoM]

Boateng,Seedorf,Ibra,Pato,Ronaldinho,opo me pak fjalë komplet vija sulmuese e Milanit ishte BYK.
Ndërsa për atë Bonerën...nuk gjej llaf që mund ti vendoset një njëriu me të meta mendore që të mos ti shkojë për shtat dhe atij Dallku në miniaturë.Është **** komplet.

[Vjosa]

Tju rroje Ronaldinho .Duhet te jeni fare injorante futbolli qe s'kuptoni qe ai eshte kanceri i Milanit.Po ta kishte nxjerre qe ne pjesen e pare e te kishte vene ate gorrillen tjeter te pakten do benim nje gol.Bonera te jepet hua te peqini direkt.Ronaldinho IK