A mendoni qe Muhamedi ka pasur nje moral te admirueshem?

[Pijanistja]

Desha vetem te shtoj (kryesisht per videon e postuar nga Danieli, per ngjarjen ne Jemen) se duhet bere dallimi ne mes KULTURES arabe dje fese islame... Secili vend ka kulturen e vet, tradita etj., dhe duke e marre parasysh se Jemeni eshte nje vend teper i varfur, ku shkollimi eshte shume i ulet, njerezit te gjitha gjerat e fese i marrin shabllon, nuk dine te analizojne hadithe, Kuran-in (pasiqe deshifrimi i tij eshte paksa i veshtire), dhe me ane te paragjykimeve dhe mosdijenise ata bejne gjera te ketilla, me te cilat aspak nuk jam dakord.

S'ka lidhje kjo me fene, eshte nje tradite arabe, e ne shqiptaret skemi lidhje me arabet, por besojme ne ate qe shkruan ne Kuran, ne Allahun dhe Muhamedin a.s. si i derguar i tij.

Ky eshte mendimi im... mirembetshi.

[mesia4ever]

Nuk eshte e vertete qe Muhammedi a.s. te kete mesuar ne ndonje shkolle. Ai nuk ka ditur shkrim-lexim dhe ka pasur nje femijeri te veshtire (pa te dy prinderit).

Ai nuk i ka pasur 18 gra, i ka pasur 9.

Nuk e kuptoj pse flisni gjera te paqena, apo vetem duani ta sulmoni dikend, qofte edhe me genjeshtra!!

A thote Kurani qe nje myslimani i lejohet te kete 'maximum' 4 gra. Muhamedi paska pase ma shume. Nje e ka patur 20 vjet me te vjeter, nje tjeter 40 vjet me te re. Ju e pranoni se myslimanit i lejohen te kete 4 gra. Muhamedi cka ishte, a ishte mysliman, e perse ka pasur me shume se 4 gra?!


Ju po ia fusni kot, sdini kurgjo hiq, si disa budallenje qe s'dine as per cka flasin.

[jarigas]

Gruaja e Muhamedit a.s. ishte e pasur, por jo edhe aq sa dikush mund ta imagjinon "milionere". Thjesht, jetonte ne kushte te mira.

Nga e more vesh ti Gjin se sa pare kishte vejusha?????

Eshte martuar me shume gra. Dhe njera prej tyre nuk ishte 9 vjec sic thon disa. Ajo thuhet ti ket pasur diku 20 vite kur eshte martuar duke u bazuar ne fakte historike.

Fakte historike???!!!???Nga cili tekst historie, qe ta lexojme edhe ne Gjin????

[Matrix]

Ka ndonje qe do te votoje akoma, apo ta mbyllim?

se mos thoni pastaj se na e bene me hile te krishteret se e mbyllen kur ishte perqindja me e larte per JO

[Gostivari_usa]

Ka ndonje qe do te votoje akoma, apo ta mbyllim?

se mos thoni pastaj se na e bene me hile te krishteret se e mbyllen kur ishte perqindja me e larte per JO

A mendon ti se ka lidhje se cfar mendoni juve te krishteret per profetin dhe muslimanet a ?!!
Sikur ne nuk e dime se cfar mendoni juve per ne!!!

Rendesi ka se cfar mendon Zoti per a.s Muhamedin, e jo juve ose une , ose dikush tjeter.

GV_USA

[_Mersin_]

Ketu eshte jeta e vertete e Muhamedit a.s

http://www.albislam.com/libraria/lulishta.asp
http://myweb.tiscali.co.uk/lamallari...ESE_ISLAME.doc


I DËRGUARI a.s.. - PRIND

Bismilahi Rrahmani Rrahim
S’ka dyshim se Resulullahu s.a.v.s. ishte shembulli më i mirë si të sillemi me familjen dhe të afërmit tanë. Ai ishte djalë bamirës, baba i mëshirshëm, bashkëshort i dashur dhe vëlla fisnik. Këtë më së miri e dëshmojnë gratë e tij, të cilat thonë se Pejgamberi a.s. sillej mirë me familjen e tij dhe i trajtonte të afërmit me mirësjellje e dashuri vëllazërore. Kur është pyetur Aishja r.a. se si sillej Pejgamberi a.s. në shtëpinë e tij, ajo ishte përgjigjur: “Ai ka qenë gjithnjë në shërbim të familjes së tij.”
I Dërguari i Allahut s.a.v.s. fliste shumë për të drejtat e familjes dhe të afërmve. Ka folur për të drejtat e prindërve dhe të fëmijëve, për të drejtat e bashkëshortëve dhe për lidhjet familjare në përgjithësi. Kujdesin ndaj familjes, bamirësinë ndaj tyre dhe furnizimin e tyre, - i llogariste një ndër veprat më të vlefshme dhe më madhështore, sepse ai pati thënë: “Dinari (paranë) më i mirë që shpenzon njeriu gjatë jetës së tij, është dinari që e shpenzon për fëmijët e tij”. [Transmeton Muslimi].
Nëpërmjet faqeve të kësaj fletushke, do të njihemi me jetën e të Dërguarit s.a.v.s. në shtëpinë e tij si prind. Këtë do ta mësojmë përmes ligjërimeve të profesor Amr Halidit duke u shtuar këtyre edhe disa shënime shtesë nga burime të tjera.

[_Mersin_]

Mirësjellja me vajzat (bijat)

I Dërguari i Allahut ka thënë: “Ai njeri që ka dy vajza a dy motra dhe sillet mirë ndaj tyre, ato do të jenë shkak që ai të hyjë në Xhennet”. Ndonjëri prej jush mund të thotë: Do të kisha pasur shumë dëshirë të kem edhe unë motra, por ti lute Allahun që të të dhurojë pasardhës, në mesin e të cilëve do të ketë edhe vajza, veçse ki kujdes e mos e ndrysho mendimin tënd për asnjë çast…A nuk e vure re fjalën e Pejgamberit a.s. kur më lart tha: “dhe sillet mirë ndaj tyre”? Por, vallë, si të sillem mirë ndaj bijave? Nëse do, atëherë mësoje këtë nga i Dërguari i Allahut dhe shih se si sillej ai me bijën e tij, Fatimen r.a. Asnjëherë nuk ka ndodhur që Fatimja të hyjnte brenda e Pejgamberi a.s. të mos ngrihej në këmbë dhe ta puthte në kokë.
Sa prej etërve veprojnë ashtu sot? Kam frikë nga përgjigjja! Kur u martua Aliu r.a. me Fatimen, ata u vendosën në një shtëpi larg shtëpisë së Pejgamberit a.s., e Resulullahu s.a.v.s. shkoi tek një ashab që kishte një shtëpi afër xhamisë së tij, dhe i tha: “S’po mund ta përballoj dot ndarjen (largësinë) nga Fatimja, prandaj, a ka mundësi ta blej shtëpinë tënde?” Ai i tha: O i Dërguar i Allahut, unë dhe shtëpia ime do të jemi në shërbim për hir të Allahut.
O Allah! Shikoni çfarë sjelljeje e mirë ndaj vajzave: “S’po mund ta përballoj dot ndarjen (largësinë) nga Fatimja”. Pash Zotin, merre si shembull të Dërguarin e Allahut dhe lute Zotin të të ndihmojë ta pasosh atë…
Silluni mirë ndaj bijave tuaja, sepse kjo e mirë do t’ju shpaguhet.

[_Mersin_]

Ngushëllues në pikëllime

Shikoni se sa shpejt e lehtë i rridhnin lotët të Dërguarint të Allahut! Njëra prej vajzave të tij i kishte çuar fjalë Pejgamberit a.s. se i biri i saj është në prag të vdekjes, e Resulullahu s.a.v.s., nga mëshira, i dërgoi këtë porosi: “E Allahut është gjithçka që merr dhe gjithçka që dhuron, dhe çdo gjë tek Ai është me afat të caktuar, pra bëhu durimtare dhe shpreso për shpërblimin tek Allahu”. Vajza e tij e dërgoi sërish dikë tek ai duke e përberë që të të vinte patjetër tek ajo, prandaj i dërguari i Allahut, me një grup shokësh, ndër të cilët: Sa’d Ibn Ubade, Muadh bin Xhebeli, Ubejj bin Ka’bi, Zejd bin Thabiti, u ngrit dhe shkuan në shtëpinë e saj. Kur ia sollën djalin, u prek thellë në shpirt, kurse nga sytë filluan t’i rridhnin lot. Ashabët i thanë: Ç’është kjo, o i Dërguar i Allahut?, kurse ai ua ktheu: “Kjo është mëshira që ka mbjellë Allahu në zemrat e robërve të Tij. Vërtet Allahu i mëshiron nga robërit e Tij ata që janë të mëshirshëm ndaj të tjerëve”.

[_Mersin_]

Vaj dhe mëshirë

I Dërguari i Allahut i donte shumë fëmijët e tij, i ledhatonte dhe i përkëdhelte. Madje djalin e tij të vogël, Ibrahimin, e mbante gjithnjë në prehër dhe e përkundte. Para se t’i mbushte dy vjet, Ibrahimi i vogël u sëmur dhe Pejgamberi a.s. u pikëllua shumë për sëmundjen e tij. Pas disa ditësh sëmundjeje, Ibrahimi, i biri i të Dërguarit të Allahut, vdiq, duke pasë jetuar me babanë e tij afro shtatëmbëdhjetë muaj. Ashtu të vdekur, Resulullahu s.a.v.s. e mori në duart e tij dhe lotët filluan t’i rridhnin rrëke nga pikëllimi për ndarjen nga i biri. Shokët e Pejgamberit a.s. e panë tek po i rridhnin lot faqeve dhe i thanë: Ç’është kjo, o i Dërguar i Allahut? Ai tha: “Syri loton, zemra pikëllohet, por ne nuk themi tjetër vetëm atë që e ka pëlqyer Allahu. Vërtet jemi të pikëlluar për ndarjen tënde, o Ibrahim.” (Muttefekun alejhi).

[_Mersin_]

Mëshira ndaj fëmijëve


Eni të mësojmë se si duhen mëshiruar fëmijët tanë. Një ditë në shtëpinë e Pejgamberit a.s. kishte ardhur për vizitë Akra’ë bin Habis, ndërkohë që aty hyri nipi i Resulullahut s.a.v.s., Hasani, i biri i Aliut r.a.. Porsa ai hyri në dhomë, i Dërguari i Allahut u ngrit, e përqafoi dhe e puthi. I çuditur nga kjo sjellje e Pejgamberit, Akrau iu drejtua Resulullahut e i tha: Unë i kam dhjetë djem dhe asnjërin prej tyre nuk e kam puthur kurrë, e Pejgamberi a.s. e shikoi me habi dhe i tha: “Kush nuk mëshiron, nuk mëshirohet”.
Atëherë, më thoni, kush është ai i çmendur që mund të pohojë se feja jona është fe e vrazhdë dhe agresive? Kush është ai që thotë se ne muslimanët duhet t’u mërrolemi patjetër njerëzve dhe t’i vrenjtim fytyrat tona para tyre?! Jo, për Zotin, këto gjëra janë të huaja për Islamin. Shikoni dhe mësoni nga Pejgamberi a.s.!
Dhe tashti, o baba i dashur, a dëshiron ta kesh shembull për sjelljet e tua si prind, të Dërguarin e Allahut apo jo?!
Një ditë prej ditësh, një beduin kishte qëlluar po ashtu në shtëpinë e Resulullahut s.a.v.s. dhe e kishte parë të Dërguarin e Allahut duke i puthur fëmijët. Nga çudia dhe habia për këtë, beduini i qe drejtuar Pejgamberit a.s.. me fjalët: A i puthni ju fëmijët tuaj, a?! Pejgamberi a.s. e shikoi atë; iu dhimbs për këtë zemërngurtësi të tij dhe i tha: “Vërtet, Allahu ta paska nxjerrë tërë mëshirën nga zemra jote”.