Shamia në Kosovë nuk është e ndaluar dhe kurrë nuk do të jetë e tillë !
Krejt e keqja në këtë udhëzim administrativ është se uniformën fetare (term i padefinuar) janë munduar ta paraqesin nga të ndaluarat...
E hëne 10 Maj 2010 11:20
Nga: Gentian Jetishi
Këtyre ditëve disa agjenci ndërkombëtare të lajmeve, tek raportonin për përjashtimin e nxënëseve me shami, jepnin shpjegimin e gabuar se në Kosovë qenka e ndaluar me ligj mbajta e shamisë së kokës. Ky shpjegim, i gabuar dhe mbase tendencioz, qarkulloi në shumë nga agjencitë madje edhe në ato më prestigjiozet . Por, ndryshe nga shpjegimi i jehuar nga agjencitë, në Kosovë shamia as është dhe as mund të jetë ndonjëherë e ndaluar.
Është Kushtetuta e Kosovës,- garantuesja e së drejtës së ushtrimit të lirë të fesë në jetën private dhe publike,-ajo që nuk lejon ndalimin e shamisë ligjërisht.
Edhe në atë udhëzimin administrativ të Ministrisë së Arsimit, në nenin 6 të tij përcaktohet në mënyrë kufizuese dhe të qartë pse përjashtohet më shumë se një muaj nga shkolla
3.1.4. Pezullim më shumë se 1 (një )muaj i shqiptohet nxënësit i cili nuk
përmirësohet edhe pasi i janë shqiptuar masat si vërejtja me gojë, vërejtja
me shkrim, pezullim i përkohshëm nga garat, ekskursionet, vizitat, shëtitjet
pezullimi për 3 ditë dhe pezullimi prej 1 (një ) muaji. Kjo masë shqiptohet në
rastin e sjelljes së dhunshme apo agresive e cila nuk lejon vazhdimin e
procesit edukativo-arsimor dhe aftësues të nxënësve tjerë dhe kur
mungon mbi 32 orë pa arsye nga mësimi
Krejt e keqja në këtë udhëzim administrativ është se uniformën fetare (term i padefinuar) janë munduar ta paraqesin nga të ndaluarat, por, të jemi të qartë, kësaj ndalese nuk I kanë përcaktuar masë ndëshkimi. Madje, nga ngutia, për çudi në vend se ta ndalonin uniformën fetare, e kanë ndaluar ndalimin e saj. Kjo ngatërresë e tyre sigurisht e shpreh qartë tendencën për të future në atë udhëzim diçka kundërkushtetuese.
Fakti që nuk është e ndaluar ligjërisht e vërejmë edhe nga vendimi i Gjykatës së Qarkut në Gjilan që ktheu në shkollë nxënësen Arjeta Halimi që autoritetet e kësaj shkolle, pa qenë të autorizuar sipas udhëzimit administrativ, pa të drejtë dhe në mënyrë arbitrare e kishin përjashtuar. Ndonëse drejtoria e shkollës edhe pas vendimit të gjykatës nuk përfilli ligjin (nuk pyesin për gjykatë, polici e shtet), megjithatë Arjeta ligjërisht dhe formalisht edhe më tej është nxënëse e shkollës ‘ Kuvendi i Lezhës’ në Viti.
Këto analiza tendencioze të prezantuara nga agjencitë ndërkombëtare u aktivizuan së fundi kur në një shkollë të mesme në Ferizaj u përjashtua një vajzë tjetër për shkak të shamisë.
Arlinda Zeka është nxënësja e fundit që u përjashtua dhe sipas gjitha gjasave do t’u japë vulën përjashtimeve të kësaj natyre. Ngjashëm si Arjeta, edhe Arlinda dhe familja e saj kanë filluar procedurat private kundër vendimit arbitrar të saj edhe pse të gjithë e dimë rezultatin që do të jetë i njëjtë si i Arjetës, në kuptimin që Gjykata nuk mund të vendosë ndryshe veçse pro saj, megjithatë dikujt po i konvenon torturimi shpirtëror i kësaj natyre .
Për dallim prej herave tjera, Arlinda nuk është e vetme në këtë sfidë, por pas saj janë të gjithë myslimanët e Kosovës edhe ata që falen edhe ata që nuk falen, (të gjithë që varrosen në varret e myslimanëve) edhe nëse nuk arrijnë tamam përqindjen prej 95 % .
Sa për fillim mund të vlerësojmë shumë lart protestën qytetare të organizuar nga OJQ Alternativa Rinore, protestë që u mbajt të premten me 7 maj, një protestë mjaft mirë e organizuar, shembull për një qytetari të formuar. Por kjo ishte vetëm një përpjekje e parë për të vazhduar në të gjitha format e mundshme deri në garantim institucional dhe eksplicit/tekstual të respektimit të parimeve të besimit.
Në këtë kuptim është edhe kërkesa e të gjithë neve e madje jo vetëm e myslimanëve që MAShT të garantoj respektimin e besimit gjegjësisht të parashoh masa rigoroze për personelin arsimor që nuk respekton apo nënçmon në çfarëdo forme cilindo nga parimet e cilit do besim tradicional prezent në Kosovë .
Të gjithë jemi dëshmitar të mungesës së theksuar të etikës dhe qasjes jo shkencore të disa profesorëve në nënçmojnë dhe ofendojnë parime dhe vlera thelbësore fetare në emër të shtjellimit të materialit shkollor që eventualisht mund të ketë lidhje me fe apo me ndonjë figurë historike që ka qenë edhe figurë fetare. Nuk janë të rralla rastet kur këta profesor torturojnë botën shpirtërore të nxënësve të tyre pa aspak mëshirë , thjeshtë të kënaqin egoizmin dhe narcizmin e tyre kur nxënësit (të moshave të reja) e kanë të pamundur të prezantojnë kundër argumente. Një çështje e tillë është shumë e theksuar nga profesorët e vjetër të Gjuhës dhe Letërsisë Shqipe, Historisë dhe Filozofisë. Shumë prej tyre pa komplekse dhe frikë kundërshtojnë besimin fetarë në mes të orës dhe propagandojnë ateizmin gjë që bie ndesh me parimin themelor të aktin më të lartë juridik të shtetit pra me Kushtetutën e Kosovës e cila vendin tonë e definon si shtetrishtë neutral ndaj të gjitha besimeve dhe jo që dikush që beson apo mohon Zotin ose fetarin ka privilegje më shumë se tjetri.
MAShT pas nxjerrjes së ligjit të veçantë the tekstual për garantim të respektimit të besimit duhet që nëpërmjet inspektorëve të arsimit të siguroj respektimin e tij në mënyrë të veçantë. Përndryshe individ të ngjashëm me drejtorët problematik të shkollave të përmendura më lartë, të tillë që ende nuk janë përgatitur për demokraci dhe diversitet kulturor prapë mund të sjellin probleme të tilla që mund të prodhojnë tensione të pa nevojshme.
Shamia kurrë nuk mund të jetë e ndaluar në Kosovë sepse është pjesë qenësore e besimit të shumicës së kosovarëve, e besimit tradicional autokton jo ’të pasluftës’.
Në vitet e fundit disa pseudo-analist dhe gazetar të para paguar kanë bërë çmos me shkrime dhe programe të ndryshme që të përgatisin mendësinë e popullit tonë që shamia qenka ‘fenomen i ri’.
Për të qenë më bindës dhe të hutuar masën , ato bënin dhe bëjnë përpjekje që shamia të ndërlidhet me rrymat e reja fetare të përfolura dhe ndër to më të përfolurën ‘Vehabizmin’.
Kjo e fundit më mirë ta quajmë Vehabizmi feja e gazetarëve shqiptarë sepse nuk gjen për Vehabizmin në gjuhën shqipe literaturë veç se në gazetat ditore . Gazetarët dhe pseudo analistët sikur dalin të jenë misionar të kësaj feje që mos të harrojmë vjen nga perëndimi dhe që libër të shenjtë ka Google.com .
Ndërkohë shamia si obligim fetarë ishte dhe mbetet përjetësisht pjesë jo vetëm e besimit të myslimanëve shqiptarë por edhe pjesë e kulturës, traditës dhe identitetit kombëtarë shqiptar. Shamia kurrsesi nuk ka të bëjë me rrymat e reja dhe as që mund të trajtohet me të njëjtin tretman që trajtohet në perëndim e aq më tepër të krahasohet me shtetin problematik të Francës si shembull të keq të fundamentalizmit sekular. Në Kosovë dhe në Shqiptari në përgjithësi shamia paraqet vlerë dhe është pjesë e pandashme e identitetit kombëtarë. ‘ Nëse shqiptarët mysliman nuk janë më mysliman, ato më nuk janë as shqiptar por nuk janë as njerëz’. Prandaj është shumë e rrezikshme dhe më tepër i ngjan ideve të fqinjëve oportunist ideja për të ç’islamizuar shqiptarët kështu që mbete edhe 50 % me i zhvesh pastaj për ti veshur ish-shqiptarët me çfarë duan.
Nuk ka ndonjë familje myslimane që nuk ka ose që nuk ka pasur anëtarë (gjyshe, nënë apo motër ) me shami . Nëse shaminë e quajmë fenomen të ri atëherë gjyshet, ster gjyshet tona qenkan më modernet.
Ndalimi eventual nga MAShT do të tregonte për naivitet dhe injorancë totale të ligjbërësve kosovarë për atë që kjo është parim qenësor i besimit dhe për atë që populli është jashtë zakonisht kundër përjashtimit më tepër se kaq i irrituar dhe frustruar për rastet e deri tanishme. Një ndalesë eventuale e shamisë në shkolla mund të sjellë vetëm dhunë dhe kundërshti të çeliktë të masës që është shumë e arsyeshme dhe e logjikshme ose tërësisht qytetare. Por në të njëjtën kohë mund të shfaqte tërë mllefin e akumuluar prej një dekade padrejtësish të gjitha llojeve ndaj shumicës absolute të popullit. ‘Këta të fesë Islame’ siç na quajnë pjesa tjetër e qytetarëve , nuk janë në këtë vend thjeshtë për të paguar taksa dhe për to votuar , nuk janë ‘gjynahat’ përkundrazi myslimanët shqiptar janë ari i këtij vendi, shpresa dhe freskia e tij , dhe shpëtimi i vetëm i kombit tonë nga degradimi moral dhe politik.
Qeveritarët dhe ligjbërësit ‘tanë’ duhet sillen dhe të veprojnë në raport me dëshirat dhe kërkesat tona dhe të lënë anash pak politikat e mëdha. Politikanët e mëdhenj botëror braktisin Samite të mëdha të rëndësisë globale për shkak të interesit shtetëror dhe disponimit të popullit të tyre. Këta janë shembuj që duhet të ndjekin pushtetarët tanë, të cilët duhet të braktisin komplekset e inferioritetit ngarkesat e panevojshme psikike dhe ofenduese se shamia po u penguaka miqve tonë ndërkombëtar.
Një çështje për të cilin duhet pa tjetër të përsiat edhe masa e gjerë. Fakti që shumë medie serbe e raportuan këtë desinformat sigurisht me fjalorin e rrugëve dhe gjuhën të cilën dinë ata të komunikojnë në raport me gjithçka shqiptare të bënë të mendosh thellë. A thua pse kurrë sa kishte pushtet mbi shqiptarët nuk e ndalonte kur ua ndaloi shumë gjëra , pse tani i intereson kaq shumë edhe asaj sa medieve në Prishtinë që shamia në Kosovë të ndalohet. Ndoshta ajo Serbia më mirë se MAShT dhe Qeveria e Kosovës e kanë kuptuar që ndalimi i shamisë kurrë nuk mund të jetë i pranueshëm dhe një ndalim i tillë veç se mund ta përçaj popullin të stër përçarë kosovar dhe mund të sjellë vetëm urrejtje dhe dhunë të brendshme sepse ‘zullimi kur trashet këputet’ ka thënë legjenda hoxhë dhe atdhetari Jakup Asipi Zoti e Mëshiroftë;.
Për çfarëdo që mund të ndodh përgjegjësia morale dhe juridike mbetet mbi MAShT dhe Qeveri e Kosovës .
Fakti që disa vende të Europës kanë filluar një fushat të theksuar kundër shamisë gjegjësisht disa forma tjera të veshjeve ( të vendeve të ndryshme të lindjes por jo direkt edhe shamisë ) nuk do të thotë siç po halucinaciojnë disa njerëz se e gjithë bota është kundër shamisë. Nuk është e gjitha bota kundër shamisë . Para se gjithash fushata kundër shamisë udhëhiqet nga partitë e majta të njohura si ekstremiste të cilët e shfrytëzojnë këtë gjë për përfituar nga antipatia e popullit nga emigrantët për ti votuar ata. Në anën tjetër në vende të ndryshme si Angli,Belgjik dhe Gjermani ndoshta edhe vende të tjera femrat më shami kanë arritur të integrohen madje edhe në Parlament. Pastaj një çështje e tillë është e theksuar aty këtu në disa vende si përkundër bota ka edhe kontinente tjera si Azi, Afrikë , Amerikë e kjo e fundit para disa vitesh pati dënuar një shkollë me shumë prej mbi 200 000 $ për shkak të përjashtimit të shamisë. Nëse nga perëndimi nuk marrim shembullin e ShBA-ve nuk na duhet shembulli i asnjë vendi, ndërkohë për të mirë do të duhej që ne ti ofronim shembull të mirë botës por ja që as botë as vetës , veç thellojmë urrejtjen në mas të popullit tone për ne, tani kur shumë tjerë po na urrejnë .
Përgjigju Duke Cituar
Postuar më parë nga Mjekesia
Krijoni Kontakt