Përse e pranova islamin

[ximi_abedini]

[ximi_abedini]

Rinia ruse i kthehet Islamit
Në një moment, Saraçev arriti të kuptoj se bota është e mbushur plot me dreqër dhe se një mysliman i mirë e ka për detyrë që t’i mundë ata.

E shtune 25 Dhjetor 2010 11:56

Saraçev është njëri nga personat që ka pranuar fenë islame para katër vitesh, jo për shkak të zemërimit, por në kërkim të një rrugëdaljeje nga jeta e paqëllimtë e tij.

Rustem Saraçev kishte ndërmend që të organizonte një natë para se të kalonte në Islam. Por, djemtë që ai i kishte ftuar në ndejë ishin tallur me të vetëm me faktin që i kishte shkuar mendja për xhami dhe ishin larguar që të pinin diku pa të.

Kështu, Saraçevi kishte shkuar të nesërmen në xhaminë e qytetit Vogla, esëll, me të 500 rublat e kursyera në xhep, meqë nuk i kishte blerë pijet për ndejë. Ishte fundi i shtatorit të vitit 2006, fillimi i muajit të shenjtë të Ramazanit. Derisa tani analizon atë kohë, i kujtohet se nuk ishte i sigurt pse kishte marrë vendimin që të shkonte në xhami, sikur që nuk e dinte as çka e priste aty. Asokohe, ai kishte 17 vjet, ishte një batakçi, huligan, i cili sapo kishte filluar të kishte problemet e para me ligjin, megjithatë në të njëjtën kohë ishte i ndjeshëm ndaj fyerjeve dhe përçmimit me të cilin ballafaqohen të rinjtë e pa perspektivë të këtij regjioni.

Kur kishte hyrë në dyert e mëdha të xhamisë, ai ishte duke i bërë hapat e parë kah bashkimi me një trend të fuqishëm të ringjalljes së islamit në këtë pjesë të Rusisë, ku kontribuojnë kryesisht të rinjtë.

Epoka e katastrofave

Saraçev kishte vetëm dy vjet kur ishte shkatërruar BRSS-ja, pesë vjet kur kishte shpërthyer lufta e parë në Çeçeni dhe 12 vjeçar më 11 shtator të vitit 2001. E tërë jeta e tij kishte kaluar në një epokë të katastrofave, ku një botë e vjetër shkatërrohej dhe ku, si në vend, po ashtu edhe jashtë tij, zhvillohej një luftë e ashpër kundër myslimanëve. Identitetet dhe siguritë e vjetra kishin humbur vlerat e tyre. Dhe tani, ai ishte duke u bashkuar me pjesëtarët e tjerë të gjeneratës së tij, të cilët në religjion janë duke gjetur alternativ. Ata janë duke iu bashkuar një komuniteti global, bile në një kohë të vështirë për atë komunitetet.

Në xhami ata mësojnë se Allahu është duke i ndëshkuar irakianët për herezi e tyre. Ata mësojnë se sulmet e 11-të shtatorit të vitit 2001 në SHBA ishin kryer nga agjentët amerikanë, apo ndoshta edhe nga agjentët e huaj, me qëllim të provokimit të një lufte kundër myslimanëve. Por, ata po ashtu mësojnë se ata që duan t’i bashkohen luftës në Afganistan, ose Pakistan bëjnë gabim. Kjo nuk është koha e duhur, islami ka nevojë për ta këtu, në Rusi.

Sido që të jetë, besimi i tyre nuk nxitet nga politika. Sikur të ndodhte kjo, atëherë autoritetet ruse moti do ta kishin rrënuar këtë xhami. Saraçev bëri atë hap atë ditë, para katër vitesh, jo për shkak të zemërimit, por në kërkim të një rrugëdaljeje nga jeta e paqëllimtë e tij.

Heqja dorë nga alkooli

E ndërtuar gjatë viteve 1990 me ndihmë nga Arabia Saudite, kjo xhami ka një pamje që të mbetet në mend. Në brendësi, ajo karakterizohet me punime interesante nga druri, me tepihë të bukur të kuq dhe të gjelbër dhe me mozaikë mbresëlënës së kaltër. Gjatë ditëve të festave fetare, ajo mbushet plot me besimtarë.

“Mbeta i tronditur”, rikujton Saraçev. “Nuk mund të kuptoja se ku gjendesha. Gjithandej kishte vetëm të rinj. Ata më trajtuan mua shumë mirë dhe, kurrë në jetën time nuk isha pritur më mirë se atëherë”. Almas Tikhonov, i cili më parë i njohur si një adhurues i madh i ndejave dhe si një hero, e që më pas nuk ishte parë për një kohë të gjatë, ishte aty, duke u lutur. Saracevi mbeti i impresionuar nga pamja e gëzueshme e Almasit.

Kështu Saraçev vendosi që të shkonte përsëri në xhami, pastaj edhe një herë – edhe një herë…. Atij i duhej që t’u bënte ballë ftesave nga shokët e tij të vjetër, gjë që ishte vështirë. Derisa ai filloi që ta shihte botën me një sy tjetër, e pati të lehtë që të hiqte dorë nga pirja e alkoolit, nga qëndrimi i pa qëllimtë në rrugë dhe nga ndejat larg syve të prindërve. Në një moment, Saraçev arriti të kuptoj se bota është e mbushur plot me dreqër dhe se një mysliman i mirë e ka për detyrë që t’i mundë ata.

Rregullat e fesë

Saracevi është tatar. Paraardhësit e tij kishin pranuar Islamin në shekullin IX, në kohën kur Tataristani ishte një shtet i fuqishëm dhe i pavarur. Gjatë 450 vjetëve të fundit, tatarët kanë jetuar nën dominimin rus, krenarë për të kaluarën e tyre, ata e konsiderojnë veten liderë të natyrshëm të 30 milionë muslimanve të Rusisë.

Por, gjyshërit e Saracevit nuk kishin praktikuar islamin, ashtu si e kupton ai sot. Për rreth njëmijë vjet, tatarët kanë zhvilluar një ideologji të pasur e të komplikuar , në pajtim me të menduarit logjik dhe me nevojën për bashkëjetesë me rusët ortodoksë. Në Kazan, kryeqytetin e Tataristanit, liderët fetar janë të vendosur që të vazhdojnë në këtë rrugë. Por, qëndrimi armiqësor i regjimit sovjetik kundër fesë, i la shumicën e tatarëve vetëm me një ide të mjegullt të përkatësisë së tyre ndaj islamit.

Saraçev rikujton se, në të kaluarën, religjioni ia rikujton vetëm gjyshërit, festat dhe asgjë tjetër. Por, pas shkatërrimit të BRSS-së, disa misionar arabë kishin shkuar në Tataristan, duke predikuar një islam, i cili ishte më i ngurtë, më i thjeshtë dhe më puritan. Kjo formë e islamit ka lëshuar rrënjë këtu dhe është pranuar mirë nga të rinjtë, të cilët, mu sikur Saraçevi, pëlqejnë shumë rregullat dhe pastërtinë e tij.

Qyteti Almetievski, me rreth 150.000 banorë, nuk ka ndonjë histori të dalluar – ai u themelua në vitin 1955 dhe gjendet rreth katër orë vozitje nga Kazani. Nuk është varfëria materiale ajo që i shtynë tatarët e rinj që ta pranojnë Islamin, me që nafta dhe gazi kanë sjellë përparim këtu, por është varfëria shpirtërore në një vend kur çdo institucion, duke filluar nga shkollat dhe spitalet, e deri te policia, është i mbushur plot me cinizëm dhe korrupsion.

Prindërit e Saraçevit ishin ndarë ai ishte i vogël. Nëna e tij punon në një fabrikë të tubave, ku ka gjetur punë edhe Saraçevi, i cili vazhdon që të jetojë në banesën e së ëmës.

Kur ai përqafoi Islamin, mësoi se të gjithë njerëzit lindin me një besim të brendshëm, dhe janë prindërit ata që i largojnë fëmijët nga besimi.

Prindërit e tij nuk janë aq të gëzuar për kthesën e të birit të tyre kah feja. “Ata nuk më kuptojnë, por kohët e fundit, kur nëna më sheh duke u falur, ajo nuk më pengon”, thotë ai.

Këtë vit, nëna dhe babai, për herë të parë, i kishin dhënë para Saraçevit që të blej një kurban. /kosovasot/

[ximi_abedini]

“The Times”: 100 mijë anglezë zgjedhin Islamin
Një studim i realizuar në Angli tregoi se gjatë dhjetë viteve të fundit 100 mijë persona kanë zgjedhur fenë Islame.

E enjte 30 Dhjetor 2010 21:52

Sipas studimit të zhvilluar nga grupi “Faith Matters”(Çështjet e besimit) bëhet e ditur se këtë vit 5 200 anglezë u kthyen në myslimanë. Në studim të bën përshtypje fakti i qëndrimit në mes dy kulturave të personave të kthyer në myslimanë.

Sipas gazetës “The Times” krahas rritjes së numrit të personave që pranojnë Islamin në të njëjtën kohë lind dhe një problem tjetër: nga njëra anë personat e konvertuar në myslimanë refuzohen nga familjet dhe të afërmit, nga ana tjetër myslimanët nuk vlerësohen dhe nuk gëzojnë besimin e të tjerëve.

Myslimanët njerëz të përgjegjshëm

Në raportin me titull “Minorancë brenda minorancës” i publikuar pas studimit, theksohet se personat të cilët zgjedhin Islamin e ndryshojnë fenë e tyre nëpërmjet ndikimit të librave dhe informacionit të përftuar nga interneti. Në raportin ku nënvizohet fakti se myslimanët janë njerëz të përgjegjshëm thuhet se “personat e konvertuar në myslimanë përpiqen të mbështesin bashkimin e shoqërisë dhe japin kontributin e tyre në zgjidhjen e problemeve të ndryshme ndërkombëtare si në Afganistan, Pakistan, Lindje e Mesme”.

Dy të tretat e personave të konvertuar janë femra, të cilat ndryshojnë dhe mënyrën e veshjes pasi kthehen në myslimane. Megjithëse shumica prej tyre janë kundër përdorimit të perçes, ato mendojnë se duhen respektuar ato që e praktikojnë. Krahas kësaj në raport bëhet e ditur se martesat islame nuk kanë ndikuar në konvertimin e tyre në myslimane, por theksohet se edhe pasi kthehen në myslimanë këta persona nuk gëzojnë mbështetjen e plotë të shoqërisë./start/

[ximi_abedini]

Gazeta amerikane ‘Nju Jork Times’ shkruante se në Amerikë gjatë vitit rreth 200 000 hispanikë konvertohen në fenë islame.

Gazeta amerikane shkruan: Islami po përhapet me të madhe në mesin e pakicave të ndryshme amerikane si dominikanët, meksikanët, kubanezët dhe spanjollët.

Në raportin e ‘Nju Jork Times’ thuhet se çdo vit rreth 200 000 amerikanë me prejardhje spanjolle pranojnë fenë islame.

www.gazetajone.com

[ximi_abedini]

Rritet numri i muslimanëve në Britani, Francë e Gjermani

E Mërkurë, 19 Janar 2011; 14:02

Gjatë vitit 2010, rreth 5.200 britanikë janë konvertuar në Islam, në mesin e tyre më shumë se 70% janë femra

Gazeta " Independent", vlerëson se në Britani aktualisht jetojnë më shumë se 100.000 "konvertues islam", shifër dukshëm më e lartë se në vitin 2001, kur kanë qenë 60.699.

Rezultatet e hulumtimeve të publikuara nga një grupi multireligjioz i shtyejnë disa analistë të konkludojnë se Britania e Madhe është në proces të "islamizimit".

Sipas këtyre të dhënave, çdo vit në Britani, mesatarisht, rreth 5.200 persona konvertohen në Islam, gjë që dëshmon se numri i të konvertuarve në Britani është më i madh se në Gjermani dhe Francë, ku mesatarja është 4.000 muslimanë të rinj në vit.

Hulumtuesit kanë vizituar xhamitë në Londër dhe kanë konstatuar se në vitin 2010, vetëm në Londër në Islamin kanë kaluar 1.400 britanik.

Franca me 7 milionë dhe Gjermania me 4.3 milion muslimanë janë vendet me popullsinë më të madhe muslimane në Evropë. Në Britaninë e Madhe jetojnë 2.4 milion muslimanë.

Megjithatë, një numër i konsiderueshëm i francezëve dhe gjermanëve, këtë religjion nuk e konsiderojnë kompatibil me mënyrën e jetesës perëndimore. Në artikullin "Islami dhe integrimi: dështimi i vazhdueshëm francezo-gjerman" “Mond" paraqet rezultatet e anketës, sipas së cilës 68% e francezëve dhe 75% e gjermanëve besojnë se muslimanët nuk janë të integruar mirë në shoqëri.

Norma vjetore e rritjes së numrit të muslimanëve në botë është 6,40%, ndërsa të krishterët kanë një rritje prej 1,46%.

Ndoshta treguesi më i mirë i rritjes së madhe të numrit të muslimanëve është fakti se gjatë pesëdhjetë viteve të fundit ky numër është rritur 500%, ndërsa numri i krishterëve në të njëjtën periudhë është rritur me vetëm 47% dhe i hindusëve 117%.

Sipas të dhënave nga viti 1996, çdo i katërt banor i planetit është musliman. Në Azi ka më së shumti muslimanë, por është interesant se ata nuk janë shumicë në këtë kontinent, sipas "Wikipedia" ata janë vetëm 30%.

"Kontinent i vërtetë musliman" është Afrika, ku muslimanët e përbëjnë shumicën. Muslimanët kanë një shumicë absolute në 59 shtete të botës, ndërsa vendi me numrin më të madh të muslimanëve është Indonezia.

[ximi_abedini]

LADY ZEYNEB EVELYN COMBOLD ( Angleze)

Çdo herë më shtrohet pyetja pse u bëra muslimanë. Unë jamë një vajzë e një familjes së njohur, edhe bashkëshorti im është një njeri i njohur dhe i rëndësishëm. Dhe atyre që më pyesin se pse jamë bërë musliman, drita e muslimanit kur lindi në shpirtin tim, kohën e saktë nuk e d...i, u them. Mua më vjen sikur kam qenë çdo herë musliman. Dhe kjo nuk është diçka e çuditshme. Sepse Islamizmi, është fe e ndjekur dhe i drejtë. Çdo fëmijë lind musliman. Nëse lëshohet në kryeveti, përveç fesë Islame nuk do e kishte zgjedhur asnjë fe tjetër.

Nëse i krahasoni të gjitha fetë, dhe prej këtyre më i përsosur, më e drejtë, më e logjikshme, do të shihni se është feja Islame. Në sajë të Islamizmit, disa nga problemet e shumta të botës zgjidhen me lehtësi njeriu arrinë në paqe dhe qetësi. Feja Islame asnjëherë nuk e pranon se njerëzit lindin mëkatar dhe në botë duhet dhënë shpagim. Muslimanët e besojnë Allahut i cili është një. Në shiqimin e tyre, Musau, Isau dhe Muhammedi .s.a.v., janë njerëz sikurse ne. Allahu xh.sh. i ka zgjedhur ata si pejgamberë, që njerëzve t’ua tregojnë rrugën e drejtë. Të pendohet, të kërkohet falje, të lutet, në mes të Allahut xh.sh dhe robit nuk ka askush tjetër. Ne çdo herë mund të afrohemi vetë Allahut xh.sh., dhe ne jemi përgjegjës për vepra që i kemi vepruar.

Fjala Islam, do të thotë, të dorëzohesh Allahut xh.sh, dhe t’i besosh Muhammedit a.s.

Muslimani i cili u përshtatet urdhërave të Allahut xh.sh., do të thotë: është personi i cili me të gjitha krijesat jeton në paqe dhe qetësi.

[Ndoshta]

vertete nje perralle e bukur ximi i abedinit...te kenaq sidomos aty ku paska takuar hazreti isane...ne e dime se hazreti isaja nuk ka imazh dhe po bej qudi si arriti ky njeri ta identifikonte se pikerisht ishte hazreti isaja...mos eshte edhe ky si baca adem ..me duket se ti na ke thane ( ndoshta gaboj dhe te kerkoj falje nese gaboj )se edhe baca adem mori abdes, fali namazin dhe vdiq ne llogoren e tij...sa interesante a....

na ishte nje here.......

[ximi_abedini]

Ish futbollisti i Crvena Zvezdës pranon islamin

E hëne 28 Mars 2011 23:55



Gjatë manifestimit tradicional “Mbrëmje Kur’anore”, që është mbajtur javën e kaluar në qytetin zviceran Zofingen, ku merrnin pjesë hafizët më eminent të botës, dhe para një publiku prej 2000 personave, ish futbollisti i Crvena Zvezdës Nenad Jevtic ka pranuar Fenë Islame, dhe tani emri i tij është Jusuf . Pasi pranoji islamin Nenadi, respektivisht Jusufi, deklaroi se ka pranuar islamin pasi që disa herë kishte lexuar Kur’anin dhe ishte inspiruar.

Ai tha se kishte dëshiruar që shehadetin ta thotë para një publiku të madh. Ai shtoi se ndërgjegjja e tij është shumë e qetë dhe është i lumtur që i takon fesë islame.

Nenad Jevtic, momentalisht është një menaxher futbolli dhe jeton në Zvicër.

Burimi: dnevniavaz.ba

Pergatiti: Breziiri

[master2006]

Lajme te mira keto gjithsesi, por do te doja te beja nje pyetje per ata qe kane njohuri te mira rreth fese Islame:

Pse duhet qe nje jomusliman pasi te behet musliman, te nderroj edhe emrin e tij? Sic eshte p.sh. rasti i ketij te fundit nga Nenad Jevtic ne Jusuf.


Gjithe te mirat.

[tetovarja87]

Teme shume e bukur ximi,
falemnderit qe na sjell kesi teme,
Zoti te shperbleft,lumet na qe jena musliman,po,per bese...