Vatikani : “Kosova eshte djepi dhe qendra e sllavizmit serb"

[Reschen]

Per fisniku student

te gabosh eshte njerezore por kur perpiqesh me te gjith mundesite ta besh zi gjithshka e te u imponosh shqiptareve fjale qe nuk jane aspak te verteta, kjo ka kuptim se jeni kunder kishes katolike ne Rome cfare do te thote se edhe ti apo disa te tjere me kete pjesmarrje ne kete teme jeni kunder shqiptareve te besimit katoliko-romak. Ti po me fyen me fjalet e tua sepse une jam besimtar katolik. Besoj ne Jezu krishtin dhe besoj se Papa i Romes eshte i vetmi qe ka kontakt hyjnor me Zotin prandaj dhe enderroj nje dite qe te me preke me duart e tija.

Si ka mundesi qe Sali Berisha i cili na anetaresoi ne Konferencen Islamike, u prit nga Papa i Romes ne seline e Shenjte. Tash xhamia doni te ndertoni, besimin e keni te lire ta ushtroni, ne zyrat e qeverise mbi tavolina vendosni edhe Kuranin, mos po deshiron te na e beni edhe nga mbrapa?

Keni gjete shqiptare qe akoma jetojne me mentalitetin e fiseve dhe njerez qe nuk preferojne te dalin jashte kopese dhe keni fituar respektin e tyre, kjo nuk do te thote se te tjeret do te mbyllin syte para asaj qe shohim.

Kur u bene shqiptaret te behen prifterinj, ipeshkva? Ne jetuam tre dekada ateizem dhe nuk besoj se ka pase asi shqiptaresh qe te kishin mundesi te lexonin Ungjillin e ti kushtoheshin rruges se Zotit kaq shpejt. Megjithate lajme te mira ka sepse po te lexoni ne websitin e bashkise Rreshen te dites sotshme, Zoti po flet edhe shqip e po therret edhe shqiptare qe ti kushtohen atij me dashuri, me zemer dhe mendje dhe punet e mira vijne ngadale. Dikur edhe shqiptaret do te kene autoritetin e duhur dhe detyra te nalta neper kisha por sot ne na lypet vec me besue dhe me ndjeke cka nje i mencur tjeter mundet me na udhezu

[Rina_87]

Kisha e Kosovës pret qëndrimin zyrtar të Vatikanit, pas deklaratave të kardinalit gjerman, Walter Kasper, se Kosova është djep i ortodoksizmit. Burime të Expressit konfirmojnë se Qeveria e Kosovës ka marrë mesazhe se deklarata e kardinalit gjerman nuk reflekton vlerësimin e Vatikanit për Kosovën. “Shkëlqesia Dodë Gjergji është interesuar personalisht ta ketë atë dokument në duar. Unë mund të them se Vatikani është duke i dhënë një përkrahje të madhe Kosovës. Edhe rreth njohjes, mendoj se Vatikani me kohë do ta njohë Kosovën”, ka thënë Don Shan Zefi për gazetën Express.

Kosova e shqetësuar me Vatikanin
Analistë kosovarë mendojnë se Ipeshkvia e Kosovës duhet të ndërhyjë për këtë çështje.

Jemi me fat qe klerin katolik shqiptar e kemi pasur gjithmone aq kombetar dhe ne ditet me te veshtira gjithmone e kane ndihmuar popullin shqiptar, pa dallim. Edhe ne momente lajthitjeje te ndonjerit prej tyre, krejt kjo ne emer te kombit, kur disa mezi presin te hidhen mbi ta si hiena, ata kurre nuk e zhgenjyen kombin shqiptar, edhe pse kane qene/jane figura fetare dhe kishin mundur te punonin vetem ne dobi te fese te tyre. Respekt per keta njerez te medhenj te kombit.

[injejti]

Vatikani, Graçanica dhe Gazimestani!

E enjte 15 Prill 2010 14:44




Autor: Behxhet Sh. Shala





Djepi i Serbisë në Vatikan:

Sipas disa mediave përkatësisht sipas gazetës “ Blic” të Beogradit e cila thirret në Agjencinë Katolike “Kathpress”, kardinali i Kishës Katolike dhe anëtar i Këshillit Papnor, Walter Casper i ka dhënë arsyet pse Vatikani nuk e njeh pavarësinë e Kosovës. Nuk ka thënë asgjë të re që para tij nuk e pati thënë eprori i tij, Ati i Shenjtë, Papa Benedicti i XVI –të i cili shprehimisht e ka kundërshtuar pavarësinë e Kosovës. Dhe këtë e ka bërë në enciklikat e shumta, urbi et orbi nga sheshi i Shën Pjetrit në Vatikan.

Askush nuk e pati kundërshtuar këtë diversion politik të këtij “njeriu” të Zotit i cili e ka një mision krejt tjetër e jo të rreshtohet politikisht pas një politike që ka qenë përgjegjëse për qindramijëra civilë të ekzekutuar, përndjekje biblike të civilëve nga shtëpitë e tyre dhe gjenocid në hapësirat e ish Jugosllavisë. Dhe kjo nuk ka ndodhë larg Selisë së Shenjtë por shumë afër, disa qindra kilometra larg! Në Kosovë dhe në Bosnje. Në vendet ku ka më së shumti myslimanë në hapësirat e kësaj pjese të Ballkanit andaj edhe viktimat civile kanë qenë kryesisht të besimit islam! Kardinal Casper!

Në Kosovë në periudhën 1 janar 1998 deri më 12 qershor 1999 janë vrarë 8214 civilë të paarmatosur prej të cilëve 6804 janë të gjinisë mashkullore dhe 1407 të gjinisë femërore. 3 nuk janë identifikuar. Si të pagjetur/zhdukur në këtë periudhë llogariten 1421 prej të cilëve 1254 janë meshkuj dhe 167 femra. Gjithsej janë identifikuar 142 varreza masive me 2031 të ekzekutuar dhe 274 raste të vrasjeve në masë me 3721 të ekzekutuar. Prej moshës 0 deri në 7 vjet janë ekzekutuar 209 fëmijë ndërkaq prej 8-14 vjeç 264 fëmijë. Në moshën midis 15-18 vjeç janë ekzekutuar 479 fëmijë ndërsa në moshën 19-60 vjeç janë ekzekutuar 4839 veta.

Nuk janë kursyer as ata të moshës mbi 60 vjeçare dhe numri i të ekzekutuarve është 2139 persona. Nuk ka të dhëna për moshën e 284 të ekzekutuarve ndërsa 3 të ekzekutuar nuk janë identifikuar. Po në të njëjtën periudhë gjithsej 178 familje shqiptare me 989 anëtarë janë ekzekutuar pjesërisht apo tërësisht.

Janë të njohura masakrat ndaj familjeve Jashari (Prekaz), Muçolli (Poklek), Deliu (Abri e Epërme), Bogujevci (Besianë), Ahmeti (Likoshan), Duriqi (Besianë), Berisha (Therandë), Gërxhaliu (Studime), Vejsa (Gjakovë), Balaj (Pejë), Gashi (Qyshk), Rama (Kastriot), Reka (Bërrnicë), Vishesella (Ribar i Vogël), Gërbeshi (Sllovi) dhe shumë familje të tjera. U vranë aktivistë për të drejtat e njeriut siç ishte rasti i avokatit të njohur Bajram Kelmendi i cili u ekzekutua me të dy djemtë e tij. Dhe shumë të tjerë.

Lëre më që nuk po shfaqni mëshirë ndaj qytetarëve të vrarë të Kosovës të besimit islamë të cilët duket se i urreni derisa e përkrahni Kishën Ortodokse Serbe historia e së cilës është përshkruar me gjak dhe krime por nuk po tregoheni të mëshirshëm as ndaj besimtarëve të devotshëm të krishterë, shqiptarë të Kosovës që u masakruan nga forcat serbe!

Po ju përkujtojë krimin e tmerrshëm ndaj Mark Palokës nga Korenica e Gjakovës dhe anëtarëve të familjes së tij që pasi u ekzekutuan nga forcat serbe, shtëpisë së tij iu vë flaka dhe ata u dogjën bashkë me shtëpinë! Si në kohën e inkuizicionit! Apo masakrën ndaj familjes Dedaj nga fshati Guskë e Gjakovës dhe shqiptarëve të tjerë të besimit të krishterë!

Më shumë se 1000 shqiptarë të ekzekutuar janë bartur nga Kosova dhe janë varrosur në varrezat masive në Serbi si në Batajnicë (bazë ushtarake afër Beogradit), Petrovo Sello dhe Peruçac në përpjekje për ta mëshehur krimin monstruoz. Kosova e vogël prej 10.000 km u bë një varrezë e madhe për shqiptarët dhe qytetarët e tjerë të përkatësive të ndryshme etnike si pasojë e krimeve monstruoze të forcave të armatosura serbe të bekuar nga Kisha Ortodokse Serbe për të cilën Ju keni konsideratë dhe e përkrahni! Kjo do të duhej të ishte e kundërta e asaj që keni mësuar dhe që e predikoni si “njeri” i Zotit! Por nuk po e bëni!

Në Kosovë forcat serbe nuk kanë bërë dallime fetare! Ato si kriter të vetmin e kanë pasur të vrasin shqiptarë! Ndërkaq në Bosnje ka qenë e theksuar urrejtja fetare dhe atje serbët kanë dashur t’i vrasin të gjithë myslimanët apo balije si i kanë quajtur. Kujtojeni gjenocidin në Srebrenicë ku për një javë nga forcat e armatosura serbe janë ekzekutuar mbi 8000 civilë boshnjak të besimit islam.

Këto janë fakte të cilat nuk mund të mohohen nga askush. Të gjitha këto krime janë bërë me bekimin e Kishës Ortodokse Serbe për të cilën Vatikani dhe zyrtarët e tij po tregojnë aq kujdes madje e marrin edhe si arsye për mosnjohjen e pavarësisë së Kosovës. Çmendi hesapi! Të deklarosh se Kosova është djep dhe qendër e sllavizmit do të thotë se është në pyetje ose mosnjohje elementare e historisë ose paragjykim i qëllimshëm që nuk përkon me mendjen e shëndoshë!

Nëse, me një lehtësi të pabesueshme deklaroni se Kosova është djep i sllavizmit atëherë është çështje teknike të thuhet se: ”në Kosovë po rrënohen përmendoret e rëndësishme historike, kulturore dhe fetare dhe se në këtë mënyrë po zhduket historia prandaj nuk duhet të lejohet dhe Vatikani angazhohet për ruajtjen e përmendoreve ortodokse, kishave dhe manastireve në Kosovë dhe është shumë i shqetësuar për shkak të brutalitetit të caktuar kulturor”. As më shumë e as më pak se këtë e ka thënë i përndrituri Walter Casper, kardinal i Kishës Katolike në Vatikan!

Të parët që është dashur të reagojnë kundër këtij mashtrimi ordiner mediatik janë zyrtarët e Kishës Katolike në Kosovë në me krye me ipeshkvin e saj, por nuk e kanë bërë këtë! Kisha Ortodokse Serbe në Kosovë ka qenë vendi ku forcat serbe kanë marrë bekimin për krimet e tmerrshme që i kanë bërë në Kosovë. Kjo kishë gjithashtu ka shërbyer si depo e armatimit, para dhe gjatë luftës duke u shpërndarë armatim të shumtë civilëve serbë të cilët pastaj kanë ekzekutuar bashkëqytetarë të tyre shqiptarë!

Në këtë kishë janë strehuar paramilitarët dhe forcat e armatosura serbe si dhe shqiptarët që kanë qenë bashkëpunëtorë të Serbisë! Këto kisha gjatë luftës kanë qenë vendet ku në mënyrë drastike janë shkelur të drejtat e njeriut. Sot kishat ortodokse serbe, me pakon e Ahtisaarit janë shpallur zona të mbrojtura apo shtet më i fuqishëm se vet shteti i Kosovës.

Pas vdekjes së patrikut Pavle, kryepari i Kishës Ortodokse Serbe, pasardhësi i tij ipeshkvi Irinej ka paraqitje edhe më ekstreme sa i përket Kosovës dhe shqiptarëve. Është skajshmërisht përjashtues! Në kompleksin universitar qëndron e paprekur kisha ortodokse politike e kriminelit Milosheviq e cila moti i ka plotësuar kushtet të zhvendoset nga ai vend! Askush nuk ka guxim të marr qëndrim për rrënimin e saj! Ajo duhet të rrënohet sepse nuk e ka vendin aty! Nëse besimtarët serbë kanë nevojë për një objekt fetar ku do t’i përmbushin nevojat e tyre fetare atëherë duhet ta ndërtojnë në tjetër vend por jo në kompleksin universitar!

Gazimestani, si epiqendër e promovimit dhe fuqizimit politik të kriminelit Milosheviq sot ruhet nga Policia e Kosovës! Sa për informatë për z. Casper. Manastiri i Deçanit ua kufizon qytetarëve të asaj ane lirinë e lëvizjes dhe të drejtën për shfrytëzimin e pronës private. Askush nuk guxon t’ua prishë tymin e duhanit! Shqiptarët njihen për tolerancën fetare madje në shumë raste janë treguar qyqarë dhe nënshtrues ndaj feve tjera.

Qytetarët e besimit islam në Kosovë përkatësisht udhëheqësit e tyre fetarë janë treguar oportunistë të vërtetë kur është dashur t’i mbrojnë interesat e besimtarëve të tyre. Nga frika të mos etiketohen si fundamentalistë islamikë dhe nga dëshira t’u pëlqejnë “miqve” ndërkombëtarë! Sot mund t’i shihni besimtarët islamë duke i kryer ritet fetare në rrugë, në mungesë të objekteve fetare. Në shi dhe në borë! Asnjëherë Vatikani, Kisha Katolike në Kosovë e lere më Kisha Ortodokse Serbe nuk kanë reaguar për këtë diskriminim flagrant që u bëhet besimtarëve islam në Kosovë!

Duket se ambalazhimit të jashtëm dhe fetar po i mungon përmbajtja kryesore, njerëzorja! Prandaj, me pietet e kujtoj njeriun dhe atdhetarin e madh të Kosovës, imzot Nikë Prelën! Ai ishte dhe mbeti shembull se së pari duhet të jesh njeri i mirë për t’u bërë fetar i mirë dhe se asnjëherë nuk mund të bëhesh besimtar i mirë nëse nuk je njeri i mirë!

Ish presidenti i Kosovës tashmë i ndjeri Ibrahim Rugova për të cilin flitej se e ka ndërruar fenë (që konsideroj se është diçka krejt personale) disa herë i ka puthur dorën Atit të Shenjtë të Vatikanit, Papa Gjon Palit duke menduar se Vatikani do t’i përkrahë shqiptarët dhe Kosovën. Madje për këtë, si trashëgimi politike e Ibrahim Rugovës po ndërtohet Katedralja politike në oborrin e gjimnazit “Xhevdet Doda” nga janë përjashtuar afërsisht 1400 nxënës të cilën mësojnë nëpër bodrume të shkollave të stërngarkuara dhe në shumë ndërrime andaj prindërit në ankth i presin fëmijët e tyre deri sa të kthehen në shtëpi se mos janë sulmuar nga huliganët apo qentë endacakë!

Premtimi ka qenë që së pari të ndërtohet shkolla pastaj Katedralja politike. Po duket se këtë premtim e ka dhënë çifti i kardinalit Casper andaj fëmijët tanë bredhin rrugëve, Katedralja politike është në përfundim e sipër dhe gjithashtu edhe “ barbarizmi kulturor” i shqiptarëve ndaj serbëve, ndryshimi i historisë dhe demolimi i djepit dhe qendrës së sllavizmit në Kosovë!

Nëse kemi parasysh qëndrimin e Vatikanit për Kosovën, qëndrimin e Papës Benedicti të XVI, ndryshe boss i Vatikanit dhe qëndrimit të kardinalit Casper atëherë del se Ibrahim Rugova nuk paska pasur kujt t’i puthë dorën dhe për kënd të ndërtojë Katedralen politike?! Me një fjalë Ibrahim Rugova as që ka pasur ide se kënd po e përkrahë derisa Vatikani sillet në këtë mënyrë. Dhe kjo mund të llogaritet si njëra ndër huqjet më të mëdha të Ibrahim Rugovës! Në njërën anë ka mbajtur qëndrim nënshtrues ndaj Vatikanit ndërsa në anën tjetër ka mbajtur qëndrim injorues ndaj Bashkësisë Islame të Kosovës dhe vendeve islamike!

Nuk jam kundër ndërtimit të Katedrales për besimtarët e krishterë në një lokacion tjetër por jam fuqishëm kundër kësaj Katedraleje politike që po ndërtohet në oborrin e një shkolle e cila është rrënuar dhe në këtë aspekt këtë Katedrale politike nuk e dalloj aspak nga Kisha Ortodokse Serbe që është ndërtuar dhunshëm në oborrin e Universitetit të Prishtinës!

Dhe, për fund një sugjerim për kardinalin dhe anëtarin e Këshillit Papnor të Vatikanit, z. Walter Casper. Mos të brengoset fort për Kishën Ortodokse Serbe në Kosovë sepse ajo është mbi shtetin e Kosovës të cilin , jo që nuk e pranon por punon kundër tij! Kardinali Casper dhe zyrtarët e tjerë të Vatikanit duhet ë merren me punë tjera, jopolitike sepse interesi i tyre strategjik është ta frenojnë dhe ta mbajnë nën kontroll agresivitetin seksual të vartësve të tij ( klerikë të gjitha niveleve) që dhunojnë fëmijë, motra nderi, të rritur dhe bëjnë veprime të tjera imorale në emër të një puritanizmi ( pastërtie morale) të rremë!

Duket se kjo është pika që i bashkon me Kishën Ortodokse Serbe aq më parë kur ta kemi parasysh se edhe themeluesi i kësaj kishe, Shën Sava ka qenë diku afër me klerikët e Kishës Katolike sa i përket përcaktimit seksual! Andaj edhe e përkrahin! Kur ta rregullojnë këtë çështje atëherë mund të merren edhe me punë tjera!



Autori është drejtor ekzekutiv i KMDLNJ

[Rugova]

ZOTI KARDINAL WALTER KASPERM,
EDHE UNË PO I LUTEM ZOTIT QË TI FAL KËTO MËKATE!


Nga Visar Bardhi (Prishtinë)


Zyrtari i lartë i Kishës Katolike, kardinali i Kishës Katolike dhe anëtar i Këshillit Papnor, Walter Kasperm këto ditë dha ketë deklaratë:
“Ne e dimë se Kosova për Serbinë është plagë dhe dhimbje e rëndë. E dimë gjithashtu se ky vend është edhe djepi dhe qendra e ortodoksizmit serb. Ne këtë e kuptojmë dhe dëshirojmë ta respektojmë këtë”. (Prandaj nuk do ta njohim pavarësinë e Kosovës...)
Dhe, pas kësaj deklarate, sa politike aq edhe antinjerëzore, sa antimorale aq edh antifetare, sa gënjeshtare aq edhe kundër Zotit, nuk reagoj askush nga ata që është dashur të reagojnë. Megjithatë, duke i lënë anash ata, dua t´ia përkujtoj Kardinalit Kasperm disa gjëra, që besoj se ai i di, por pasi ti kenë fryrë i paudhi në vesh, ai ka folur ashtu. Ka gabuar shumë, shumë....


Zoti Kardinal Kasperm,
Kisha Ortodokse Serbe në Kosovë ka qenë vendi ku forcat serbe kanë marrë bekimin për krimet e tmerrshme që i kanë bërë në Kosovë. Kjo kishë gjithashtu ka shërbyer si depo e armatimit, para dhe gjatë luftës duke u shpërndarë armatim të shumtë civilëve serbë të cilët pastaj kanë ekzekutuar bashkëqytetarë të tyre shqiptarë! Në këtë kishë janë strehuar paramilitarët dhe forcat e armatosura serbe si dhe shqiptarët që kanë qenë bashkëpunëtorë të Serbisë! Këto kisha gjatë luftës kanë qenë vendet ku në mënyrë drastike janë shkelur të drejtat e njeriut...
Zoti Kardinal Kasperm;
po ta përkujtoj se duke thënë kështu, a ke mendua se po i fyen mbi dy milionë shqiptarë dhe ndjenjat e tyre fetare e kombëtare. Ke fyer jo vetëm shqiptarët e besimit mysliman, por edhe shqiptaret e besimit katolik që duke i falënderuar Zotit, në Kosovë sot e gjithë ditën jetojnë vëllazërisht edhe shqiptarët e besimit katolik edhe ata mysliman.
Zoti Kardinal Kasperm,
asnjëherë shqiptarët nuk kanë ra prehe e pushtimeve serbe, osmane, kryqëzatave e as “papëve” e “hoxhëve” që mendojnë si ti.
Zoti Kardinal Kasperm,
... a ke menduar se ti ke fye edhe ndjenjat e gjithë atyre perëndimorëve që luftuan për demokracinë edhe në Kosovë. Ke fyer vetë Vatikanin sepse, ti e di se populli i Kosovës, pa marrë parasysh se cilës fe i takon, ka besuar dhe ka respekt për Vatikanin.
Zoti Kardinal Kasperm,
...a ke menduar se na e ke fye edhe heroin tonë kombëtar Gjergji Kastriotin Skënderbeun të shpallur si "Atlet të Krishterimit" nga Kisha e Shenjtë e Vatikanit.
Zoti Kardinal Kasperm,
....a ke menduar se duke deklaruar ashtu siç deklarove, ke fyer edhe sakrificën e pashembullt të Nënës Terezës.
Zoti Kardinal Kasperm,
do të pyes: si një njeri i Zotit, çfarë ke menduar kur e ke dhënë atë deklaratë, kur dihet se me bekimin Kishës ortodokse serbe policia dhe ushtria serbe në Kosovë bëri masakrën ndaj popullit të pambrojtur, kurse ti për vrasësit e përmend simpatinë?!
Duke dhëne një deklaratë të tillë, Kardinal i nderuar, jo vetëm ke dalë jashtë suazave fetare që ti më së shumti duhet t’i respektosh, por Kardinali Kasper ke dalë edhe jashtë suazave historike. Sepse të thuhet se “Kosova është djep i Serbisë…” është përsëritje e gënjeshtrës së nacionalizmit serb, me të cilën ai ia doli ta mbajë të pushtuar Kosovën 100 vjet. Prandaj për gënjeshtrën e tillë Zoti të mishëroftë dhe ti faltë mëkatet! Me beso se edhe unë do lutem për ty që Zoti ti fal këto gabime...

[veletini]

Binak Kelmendi

Kardinalisht keq e ke, Kardinal!


Një zë i çuditshëm politik nga një njeri i Zotit u përthye dje nëpër mediet e shkruara dhe elektronike shqiptare të Kosovës. Një deklaratë tipike politike nga një zyrtar i lartë i Kishës Katolike, te shqiptarët e Kosovës pati jehonë shumë të keqe. Kjo deklaratë së pari u botua në organin e Kishës katolike “Kathpress” në Vjenë, e më pas u riprodukua në mediet serbe “si një argument” kundër pavarësisë së Kosovës. E mediet serbe kësaj radhe nuk gënjyen sepse e tillë, e papritur dhe shumë e hidhur ishte deklarata e kardinalit të Kishës Katolike dhe të anëtarit të Këshillit Papnor, Walter Kasper.
Dhe këtë deklaratë unë dua ta kundërshtoj me tërë zërin dhe me të gjitha argumentet. Sepse Kardinali tha:
“Ne e dimë se Kosova për Serbinë është plagë dhe dhimbje e rëndë. E dimë gjithashtu se ky vend është edhe djepi dhe qendra e ortodoksizmit serb. Ne këtë e kuptojmë dhe dëshirojmë ta respektojmë këtë”. (Prandaj nuk do ta njohim pavarësinë e Kosovës...)
Asgjë për t’u habitur me shtypin serb, i cili, gjithmonë, madje edhe duke i keqinterpretuar deklaratat e ngjashme, dëshiron të mbledhë edhe argumente “fetare” kundër lirisë së Kosovës. Por, po, është për t’u habitur, madje shumë, me këtë deklaratë të kardinalit. Sepse me këtë deklaratë, Kardinal i nderuar, as më pak dhe as më shumë, je futur në një valle me ipeshkvin serb Irinej, por edhe me politikanë të tjerë serbë, të cilët rreth Kosovës dhe të ardhmes së saj vazhdojnë të mbahen për kashte.
Duke thënë kështu, Kardinal i nderuar, jo vetëm ke dalë jashtë suazave fetare që ti më së shumti duhet t’i respektosh, por Kardinali Kasper ke dalë edhe jashtë suazave historike. Sepse të thuhet se “Kosova është djep i Serbisë…” është përsëritje e gënjeshtrës së nacionalizmit serb, me të cilën ai ia doli ta mbajë të pushtuar Kosovën 100 vjet.
Me këtë rast nuk
duam t’ia përkujtojmë Kardinalit bikonfesionalitetin shekullor të shqiptarëve të Kosovës dhe as përkushtimin e tyre për të jetuar në paqe me të tri fetë: shumicës dërrmuese myslimane, dhe minorancave katolike e ortodokse. Pra Kosova historikisht, të paktën nga mesjeta, ka qenë e tillë. Të tjerat pastaj janë pushtime serbe, osmane, kryqëzata…
Por, po, duhet t’ia përkujtojmë se duke thënë kështu, z. Kardinal ke fyer mbi dy milionë shqiptarë dhe ndjenjat e tyre fetare e kombëtare. Madje ke fyer edhe ndjenjat e gjithë atyre perëndimorëve që luftuan për demokracinë edhe në Kosovë. E edhe Ti, me fenë tënde të respektuar edhe në Kosovë, me sa di unë, përpiqesh për këtë demokraci. Ke fyer vetë Vatikanin dhe vlerësimin e tij për heroin tonë kombëtar Gjergji Kastriotin Skënderbeun si "Atlet të Krishterimit". Ke fyer edhe përpjekjet dhe përkushtimet që Papa Gjon Pali II ka bërë për lirinë e Kosovës. Ke fyer edhe sakrificën e pashembullt të Nënës Tereze. Dhe mbi të gjitha, po e përsëris, ke fyer ndjenjat e mbi dy milionë shqiptarëve në Kosovë dhe të të gjithë shqiptarëve tjerë në botë.
Pa hyrë në “arsyetimet” që Ti Kardinal i nderuar i thua pse Vatikani nuk e njeh Kosovën, të përkujtojmë se vendi yt i origjinës (Gjermania) është njëri nga shtetet që ka dhënë kontribut të madh për lirinë Kosovës ashtu siç kanë dhënë kontribute te paçmueshme të gjitha vendet katolike të Evropës.
Prandaj, kur i sheh vetëm “plagët ortodokse serbe” në Kosovë, gabon kardinalisht, Kardinal.
Dhe me të, ndoshta pa dashje, ke dalë në anën e atyre serbëve që përpiqen të mohojnë lirinë e tjetrit. Dhe kështu ke bërë edhe më shumë kur ke thënë “në Kosovë ka një brutalitet të caktuar kulturor”. Cili, më thuaj? Apo i ke harruar me qëllim bombardimet serbe mbi xhamitë myslimane? Dhe jo vetëm mbi to. Ngjarjet në Kosovë duhet shikuar me të dy sytë. Në veçanti me sytë e shumicës.
Prandaj, shumë keq e ke, Kardinal!

[veletini]

Pendohuni, kardinal Kasper!

Ernest Luma
- Kolumne në veten e dytë -
Kjo tingëllon vrazhdë, ngase jeni deklaruar ju, kardinal Kasper, si pjesë e Kishës Katolike Romake dhe si anëtar i Këshillit Papnor. Përgjegjësia e fjalës për secilin prej nesh është me peshë, por për juve veçanërisht. Kështu ju keni fyer një popull, keni fyer një shtet (shtetin më të ri në botë) dhe keni bërë përpjekje ta mbysni një të ardhme të lirisë, dinjitetit dhe paqes, për një popull i cili lirinë prej kasapëve, e fitoi vetëm 10 vjet më parë, pas 100 vjetësh shtypje, dhune, terrori e gjenocidi. Pendohuni, dhe herave të tjera flisni me gishtin në kokë dhe dorën në zemër, sepse vetëm atëherë do të gjykoni drejt, kardinal Kapser
Kosovën e shpallët “djep i sllavizmit”, kurse thatë se nuk e njihni shtetin tonë “për shkak të ndjeshmërisë ndaj Kishës Ortodokse serbe”. Thatë, gjithashtu se këtu po rrënohen përmendoret e kulturave dhe të fesë. Gjithë çka thatë, e fabrikuat rrejshëm. Gënjyet njerëzimin dhe Zotin, nga Selia e Shenjtë!
Kardinal Valter Kasper, në Kosovë nuk po rrënohen përmendoret historike, kulturore e fetare. Në Kosovë po mbrohen ato. Në Kosovë, vetë po kujdesemi për Manastirin e vjetër të Deçanit, po e mbrojmë dhe ruajmë, vetë ne shqiptarët, monumentin e Gazimestanit, në ndërkohë, që, një katedrale të bukur (katolike) e kemi ndërtuar mu në mes të Prishtinës. Në Evropë katedralet nuk po ndërtohen më, por në Kosovë po. Ditë më parë e kemi përuruar selinë e Katedrales në Prishtinë.
Kosova nuk është djep i sllavizmit dhe qytetërimit serb, por ajo është kasaphanë e krimit, llahtarisë dhe gjenocidit serb, të ideuar, të mbështetur e të frymëzuar nga vetë kreu i Kishës Ortodokse serbe, në kuadër të kasaphanës së ideuar serbe në të gjitha luftërat e 10-vjetëshit të fundit të shekullit XX kundër popujve të Ballkanit, që nisi kundër sllovenëve, kroatëve, vazhdoi kundër popujve në Bosnjë, e u përmbyll me shqiptarët në Kosovë, kardinal Kasper.
Si kardinal i Kishës Katolike Romake dhe si anëtar i Këshillit Papnor, ju, z. Valter Kasper, nuk duhet të ushqeni ndjenja raciste ndaj të tjerëve, sikur se reflektuat në deklaratën tuaj kundër shtetit të Kosovës, vetëm për shkak të, siç thatë ju, “ndjeshmërisë ndaj Kishës Ortodokse serbe”. Me këtë deklaratë ju fyet drejtpërdrejt rreth 14 mijë viktima të krimit serb në Kosovë, që nga Dituria e vogël, njëmuajshe, e deri te plaku 90-vjeçar, të cilët u masakruan pamëshirshëm nga regjimi serb i Milosheviqit, që u mbështet fuqishëm në të gjitha këto vepra nga vetë kreu i Kishës Ortodokse serbe. Këtë do të duhej ta dinit ju, kardinal Kasper. Për masakra të mëhershme të Serbisë në Kosovë, si ato në gjysmën e parë të shekullit XX, apo midis dy luftërave botërore, mund të gjeni sa të doni fakte në arkivat e tona dhe të Evropës e, gjithashtu, edhe në arkivat e Kishës Katolike në Kosovë, kardinal Kasper.
Z. Anëtar i Këshillit Papnor, kardinal Kasper, padyshim që jeni njohës i mirë i historisë së krishterizmit dhe, si i tillë, e njihni mirë këtë pjesë të Ballkanit, veçanërisht Kosovën – Dardaninë e vjetër, pjesë të trashëgimisë së vjetër iliro-pellazgo-shqiptare, djep rëndësishëm i qytetërimit ilir dhe qytetërimit evropian. Keni dëgjuar, me siguri, për Papa Klementin (shqiptar), për të bëmat e Gjergj Kastriotit – Skënderbeut, për të Lumnuemen Nënë Tereza – Gongje Bojaxhiu, sikurse mund të keni dëgjuar për Atë Gjon Buzukun, përkthyesin e njohur nga latinishtja në shqip të liturgjive fetare në kontestin kohor të reformacionit dhe kundër-reformacionit në Evropë.
Të gjithë këta ishin dhe janë shqiptarë, vëllezër nga gjaku e gjuha të Atit tjetër shqiptar, Pjetër Bogdanit të Hasit të Kosovës, i cili, shkroi shqip, me frymëzimet e thella psallmore, njërën prej kryeveprave të letërsisë shqipe dhe të krishtere, “Çeta e Profetëve” (“Cennus Prophetarum”). Atë Pjetër Bogdani, pushon në një kishë katolike, në lagjen, që mban emrin e vjetër iliro-dardan, Ulpiana, në Prishtinë.
Kardinal Kasper, mund të jeni lajthitur apo mund të keni deklaruar në afekt, kur keni thënë: “E dimë se Kosova është plagë e rëndë dhe dhimbje për Kishën serbe. E dimë, po ashtu, se djepi dhe qendra e sllavizmit serb është në Kosovë. Ne këtë e kuptojmë dhe dëshirojmë që ta kemi parasysh”.
Kardinal Kasper, mund të keni qenë i paguar majmë nga lobistë të errët antikosovarë, ose mund të keni thënë prapë në lajthitje, kur keni deklaruar (ose më saktë kur keni gynjyer) se “në Kosovë po rrënohen përmendoret e rëndësishme historike, kulturore e fetare” dhe se, gjithnjë sipas jush, “aty po rrënohet historia”.
Në të dyja këto raste, kjo tingëllon vrazhdë, ngase jeni deklaruar ju, kardinal Kasper, si pjesë e Kishës Katolike Romake dhe si anëtar i Këshillit Papnor. Përgjegjësia e fjalës për secilin prej nesh është me peshë, por për juve veçanërisht, kardinal Kapser. Kështu ju keni fyer një popull, keni fyer një shtet (shtetin më të ri në botë) dhe keni bërë përpjekje ta mbysni një të ardhme të lirisë, dinjitetit dhe paqes, për një popull i cili lirinë prej kasapëve sllavo-ortodoksë serbë, e fitoi vetëm 10 vjet më parë, pas 100 vjetësh shtypje, dhune, terrori e gjenocidi.
Jeni treguar i padrejtë, andaj kërkoni falje, kardinal Kasper. Pendohuni, sepse jeni vënë në anën e kundërt të së vërtetës. Me fjalën tuaj kundër shtetit dhe lirisë së Kosovës, jeni rreshtuar në anën e errësirës, në anën e të kaluarës së përgjakshme, në anën e terrorit dhe shtypjes.
Ose, herave të tjera, flisni me gishtin në kokë dhe dorën në zemër, sepse vetëm atëherë do të gjykoni drejt, kardinal Kapser.

15 Prill 2010

Telegrafi.com

[Traboini]

Me keqardhje, por ti pos qe je ne kontradikt, je edhe idiot i afirmuar.
Besimtaret Shqiptar Katolik, zakonisht luten edhe pa ndihmën e Vatikanit !
Thuhet qe kur Shqiptaret ishin Katolik, nuk egzistonte as Vatikani, pra "qendra" e besimit te krishter !

Atehere, pse e ul veten ne nivel inferioriteti per ti mbrojt ata te cilet perkrahin armiqt e tan ? Duke e mbrojt Vatikanin, e mbron iden : Qe Kosova eshte Djepi i civilizimit Serb ! E me kte, nuk do pajtohet as nje Shqiptar ! Ne djall mardheniet katoliko-ortodokse, nuk e lejojm as Vatikanin e as Kremlinin qe te behemi pijuna te tyre ! Ne kemi nder, dhe nuk lejojm qe ky nder te shkilet per motive primitive !

Shqiptaret dhe Evropa jan shtete Laike, qe formojn nje bashki Laike, e jo Krishtere. Po te kishte pasur per baz : bashkimin e shteteve te krishtera, me beso qe Shqiperia kurrë nuk do kishte ber kerkes per tu futur ne nje mes ku nuk do e ndiente veten mir.

Nese ne djall duhet te shkoj Vatikani dhe Patrakana, atehere beju zemergjere e fute e fene islame me te. Ti marre lumi te gjitha se bashku. Sa per kuriozitet, Europa s'eshte laike por eshte e krishtere (lexoj statistikat fetare te komunitetit Europjan). Po e shoh se ty nuk po te pelqen kjo por eshte fakt. Se Europjanet e ndane fene nga shteti dhe se nuk shkojne rregullisht ne kishe (kete e bej edhe une) kjo sdo te thote se nuk kane fe. Me fjale tjere, perendimi fene e kupton ndryshe nga bota islame. Nese kjo qe thua ti eshte e vertete, atehere edhe ne Kosove populli eshte laik, sepse shumica nuk shkon rregullisht ne xhami.

Une nuk po e mbroj dekeleraten e Kardinalit, as nuk besoj qe shte qendrim zyrtar por shoh se nga po fryn era se kush po fryn. Sa per Kardinalin, te as qe kam degjuar ndonje here, por sme merr mendja se Kosova ka kercik hala ti thon kujt "spo ma nin per ty" posacerisht deri sa mbrohet nga forcat Amrikano-Francezo-Italiano-Gjermane. Zoti, Gjergj Fishta, kemi nevoj per miq e dashamir e jo te krijojme armiq, se sish kemi pasur dhe kemi plot e perplot.

[Reschen]

Jemi me fat qe klerin katolik shqiptar e kemi pasur gjithmone aq kombetar dhe ne ditet me te veshtira gjithmone e kane ndihmuar popullin shqiptar, pa dallim. Edhe ne momente lajthitjeje te ndonjerit prej tyre, krejt kjo ne emer te kombit, kur disa mezi presin te hidhen mbi ta si hiena, ata kurre nuk e zhgenjyen kombin shqiptar, edhe pse kane qene/jane figura fetare dhe kishin mundur te punonin vetem ne dobi te fese te tyre. Respekt per keta njerez te medhenj te kombit.

.

Po po me fat jeni dhe talluni me shpirterat e atyre martireve shqiptare.
Vecse duhet te mbani mend nje gje se At Shtjefen Gjecovin eshte vra nga duar shqiptare apo te atyre qe i thone vetes shqiptare. Eshtrat e Gjergj Fishtes i hodhen ne lume.

Sa krime te tjera kane ndodhur kunder prifterinjve shqiptare, kunder ketyre prifterinjve qe Selia e Shenjte ne Vatikan u distancua sepse keta prifterinj moren persiper ne disa momente te ndihmojne shqiptaret alfabete qe te krijojne shtet, ligje e te zhdukin analfabetizmin dhe kur u kerkua ndihma e shqiptareve nacionaliste qe keta martire te ruheshin si te shenjte e te mos u ndodhte gje sepse keta prifterinj u moren me histori dhe jo me fe, perfundimin ja pane shqiptaret analfabete nacionaliste atyre martireve?

Sot po doni perseri nderhyrjen e kishes katolike shqiptare. Si per paradoks meqe historise se martirizimeve u eshte vene kapaku, tashme nuk ju mungon asgje qe te kuptoni se nga duhet te shkoni, cfare duhet te beni dhe cfare ndihme duhet te kerkoni.
Pse ju duhet ndihma e klerit katolik shqiptar? Ky kler ne vend qe te merret me qetesimin dhe sherimin e shpirterave te trazuar qe nuk po gjejne paqe ne atdheun e vetem ne bote qe mohoi Ungjillin dhe Zotin, mos duhet valle qe keta prifterinj te sotshem te ingranohen edhe njehere politikes dhe historise?

[Rina_87]

Gjethplepi, e fshiva nje pergjigje meritore paraprake, se nuk po du me u marr me ju fetareve, Tu kisha lut mos me fol ne emer te klerit katolik, se nuk besoj se ti je perfaqesues i denje i tyre.

[SKRAPARI]

kishes nuk i takon te meret me politike por vetem me pajtimin e popujve.
un mendoj se ai prifti i vatikanit do vetem te largoj vemendjen nga akuzat e shumta te pedofilise ne radhet e kishes. sot vendos NATO, nuk vendos kisha dhe xhamia, nuk jemi ne mesjete.