Vatikani : “Kosova eshte djepi dhe qendra e sllavizmit serb"

[Agim Doçi]

Në faqen 56 të përmbledhjes së veprës madhore të At Gjergj Fishtës me titull NIKOLEJDA, (ribotim i vitit 2005, nga ana e Bibliotekës Françeskane “At Gjergj Fishta OFM”) shkëputa disa vargje ku Gjigandi Letrave Shqype At Gjergj Fishta, qartazi cek faktin e pruemjes nga ana e Vatikanit të shëlbyesëve të huej me drejtue katoliçizmin shqyptar. Këto vargje flasin ma shumë se çdo lloj komenti, për mbroçkullat e kardinalit Kasper, duke shtuar se shteti gjerman që ka në dorë dhe Vatikanin, e mbron çashtjen sllave, vetëm për interesat e veta financiare. Mos harroni që fryma proruse dhe lidhja shekullore e Careshës së Rusisë Ekaterinës së II-të (që ishte gjermaneshë e Habsburgëve), ndikon në mbajtjen me hatër të sllavëve të Beogradit. Janë përpëlitjet e fundit që e kanë shty kardinalin me deklarue marrina asisojit. Kardinali gjerman në fund të fundit do respektoj global – politkën ruso –gjermane si karshillek ndaj USA....(!)
Unë personalisht ua bana me dije që 5 vjet na drejtoi katolikët shqyptarë magjupi Ivan DIAZ e tash asht ukrainasi si Nunc Apostolik...(!). ju tregova që nga 7 Ipeshkëvi vetëm 2 janë shqyptarë se 5 të tjerët janë të huej. Pra nuk janë nënshtetas shqyptarë. E kam për detyrë me u rikujtue poezinë e maposhtme të At Gjergj Fishtës OFM.

Poezia e At Gjergj Fishtës.

1. “kta t’gjith janë fretën t’huej
2. T’cilit sot me sot n’Shqypni
3. Tue mbajt’ jan’ shatin n’ujë
4. Ele kush leu n’Itale
5. Po u gjindet fort havale....
.................................................. ......
6. Un’ma shktu s’muej me bartë
7. Por ulu fill n’Shqipni
8. E qiti jasht m’dajak
9. Shqiptar kush s’asht me gjak
10. Sot t’dalin prej Shqipnijet
11. Nemose gjindja e Lterit
12. T’msohen mos me u randue
13. Pa gjygj mbi qafë të mjerit
14. Qi n’mue ka shpres e Fe
15. Pse ndryshe i shkmes me rrfe
16. Pale! Paskan kujtue
17. Se mue shqiptarët pa hiri
18. Më paskan ra prej strajcet
19. As se janë, ndoshta firi
20. Me i shkelë çdo sharlatan
21. Vorbaxhi italjan”...

(sqarim: Shna Françesku i qan hallin Atit të Gjithpushtetshëm nga vargu 1 deri tek vargu 5, dhe prej vargut 6 deri tek vargu 21 janë fjalët e Zotit në veprën e At Gjergj Fishtës)

[Agim Doçi]

Respekt per ty me NICK At Gjergj Fishta. Pershendetje Traboini dhe pse jo SistemA
do ju lutesha lexoni me kujdes dhe pa u sha nder besime fetare se ne fund te fundit jemi shqyptar te gjithe.

[Rugova]

Prishtinë, 15 prill-

Kisha e Kosovës pret qëndrimin zyrtar të Vatikanit, pas deklaratave të kardinalit gjerman, Walter Kasper, se Kosova është djep i ortodoksizmit. Burime të Expressit konfirmojnë se Qeveria e Kosovës ka marrë mesazhe se deklarata e kardinalit gjerman nuk reflekton vlerësimin e Vatikanit për Kosovën. “Shkëlqesia Dodë Gjergji është interesuar personalisht ta ketë atë dokument në duar. Unë mund të them se Vatikani është duke i dhënë një përkrahje të madhe Kosovës. Edhe rreth njohjes, mendoj se Vatikani me kohë do ta njohë Kosovën”, ka thënë Don Shan Zefi për gazetën Express.

[injejti]

Kërkohet arrestimi i Papës

E enjte 15 Prill 2010 9:07



Dy militantë britanikë të ateizmit kërkojnë arrestimin e Papa Benediktit XVI, të cilin e akuzojnë për “krime kundër njerëzimit”, gjatë vizitës së tij në Mbretërinë e Bashkuar. Avokati i dy militantëve ka njoftuar se kreu i Selisë së Shenjtë akuzohet për fshehjen e veprimeve të priftërinjve pedofilë.

Shkencëtari britanik, Richard Dawkins dhe autori amerikano-britanik Christopher Hitchens e kanë ndër mend që papën ta padisin në drejtësinë britanike dhe në Gjykatën Penale Ndërkombëtare të Hagës, ka njoftuar avokati i z. Dawkins, Mark Stephens, në gazetën “The Guardian”.

I pyetur nga AFP-ja, Dapo Akande, ekspert i të drejtës ndërkombëtare në Universitetin e Oksfordt, ka vlerësuar se kjo tentativë “nuk ka asnjë mundësi të ketë sukses”, meqë papa ka imunitet si “udhëheqës shtetëror”.

“Papa nuk është mbi ligjin”, ka vlerësuar ndërkaq Christopher Hitchens në shtypin britanik. “Fshehja e institucionalizuar e dhunimeve të fëmijëve është krim në të gjitha legjislacionet”.

Ati i Shenjtë akuzohet se ka fshehur veprimet e priftërinjve pedofilë para se të bëhej papë më 2005.

“Ai është një njeri, instikti i të cilit, kur priftërinjtë janë kapur me pelë për dore, ishte të fshihte skandalin”, ka deklaruar Richard Dawkins për “Sunday Times”.

Dy intelektualët konsiderohen si figura kyçe të “ateizmit të ri”, i cili ka një qëndrim më kritik karshi religjionit.

Një gjykatës britanik mund të lëshojë mandate arresti kundër një të huaji që është për vizitë në Mbretërinë e

Bashkuar. Në dhjetor të vitit të kaluar, ish-ministrja izraelite e Punëve të Jashtme, Tzipi Livni, kishte anuluar në çastet e fundit një udhëtim në Londër pas lëshimit të një mandat arresti pas një padie të shoqatave pro-palestineze. Pas këtij incidenti, Britania e Madhe ka premtuar se do të shikojë që “urgjentisht” të ndryshojë legjislacionin e saj.

Më 1998, ish-diktatori kilian Augusto Pinochet ishte arrestuar në Mbretërinë e Bashkuar, por kjo ishte bërë pas një mandate arresti spanjoll e jo pas ndonjë procedure të nisur në tokën britanike.

Stephens vlerëson se papa nuk gëzon imunitetin që u rezervohet udhëheqësve shtetërorë pasi që “Vatikani nuk është një shtet”.

Ekspertët konsiderojnë se Vatikani nuk i plotëson disa kritere të domosdoshme për të formuar shtet, meqë nuk ka, për shembull, popullatë të vërtetë, por vetëm një qeveri.

“Vatikani është njohur si shtet nga Mbretëria e Bashkuar dhe shtete të tjera”, ka theksuar megjithatë Dapo Akande nga Universiteti i Oksfordit. “Një përpjekje e ngjashme ka dështuar para dy vitesh në Shtetet e Bashkuara”, ka përkujtuar ai.

Sa i përket procedurës para Gjykatës Penale Ndërkombëtare për krime kundër njerëzimit, ajo është “e vështirë të imagjinohet”, ka vlerësuar Adam Roberts, profesor i marrëdhënieve ndërkombëtare në Oksford.

“Duhen prova solide në mënyrë që aktet e inkriminuara të jenë pjesë e një sulmi sistematik dhe të përhapur kundër një popullate civile. Është e vështirë të imagjinohet që Gjykata Penale Ndërkombëtare të konsiderojë abuzimet seksuale të priftërinjve katolikë si këso lloji të krimeve”, ka thënë ai. (AFP)

[Rugova]

Në vend të përgjigjes disa forumistëve; lexoni si më poshtë:

Djepi i Serbisë në Vatikan

Behxhet Sh.SHALA

Vatikani, Graçanica dhe Gazimestani!

Sipas disa mediavepërkatësisht sipas gazetës “Blic” të Beogradit e cila thirret në Agjencinë Katolike “ Kathpress”, kardinali i Kishës Katolike dhe anëtar i Këshillit Papnor, Walter Casper i ka dhënë arsyet pse Vatikani nuk e njeh pavarësinë e Kosovës. Nuk ka thënë asgjë të re që para tij nuk e pati thënë eprori i tij, Ati i Shenjtë, Papa Benedicti i XVI –të i cili shprehimisht e ka kundërshtuar pavarësinë e Kosovës. Dhe këtë e ka bërë në enciklikat e shumta, urbi et orbi nga sheshi i Shën Pjetrit në Vatikan. Askush nuk e pati kundërshtuar këtë diversion politik të këtij “ njeriu” të Zotit i cili e ka një mision krejt tjetër e jo të rreshtohet politikisht pas një politike që ka qenë përgjegjëse për qindramijëra civilë të ekzekutuar, përndjekje biblike të civilëve nga shtëpitë e tyre dhe gjenocid në hapësirat e ish Jugosllavisë. Dhe kjo nuk ka ndodhë larg Selisë së Shenjtë por shumë afër, disa qindra kilometra larg! Në Kosovë dhe në Bosnje. Në vendet ku ka më së shumti myslimanë në hapësirat e kësaj pjese të Ballkanit andaj edhe viktimat civile kanë qenë kryesisht të besimit islam! Kardinal Casper! Në Kosovë në periudhën 1 janar 1998 deri më 12 qershor 1999 janë vrarë 8214 civilë të paarmatosur prej të cilëve 6804 janë të gjinisë mashkullore dhe 1407 të gjinisë femërore. 3 nuk janë identifikuar. Si të pagjetur/zhdukur në këtë periudhë llogariten 1421 prej të cilëve 1254 janë meshkuj dhe 167 femra. Gjithsej janë identifikuar 142 varreza masive me 2031 të ekzekutuar dhe 274 raste të vrasjeve në masë me 3721 të ekzekutuar. Prej moshës 0 deri në 7 vjet janë ekzekutuar 209 fëmijë ndërkaq prej 8-14 vjeç 264 fëmijë. Në moshën midis 15-18 vjeç janë ekzekutuar 479 fëmijë ndërsa në moshën 19-60 vjeç janë ekzekutuar 4839 veta. Nuk janë kursyer as ata të moshës mbi 60 vjeçare dhe numri i të ekzekutuarve është 2139 persona. Nuk ka të dhëna për moshën e 284 të ekzekutuarve ndërsa 3 të ekzekutuar nuk janë identifikuar. Po në të njëjtën periudhë gjithsej 178 familje shqiptare me 989 anëtarë janë ekzekutuar pjesërisht apo tërësisht. Janë të njohura masakrat ndaj familjeve Jashari ( Prekaz), Muçolli ( Poklek), Deliu ( Abri e Epërme), Bogujevci ( Besianë), Ahmeti ( Likoshan), Duriqi ( Besianë), Berisha ( Therandë), Gërxhaliu (Studime), Vejsa ( Gjakovë), Balaj ( Pejë), Gashi ( Qyshk), Rama ( Kastriot), Reka ( Bërrnicë), Vishesella ( Ribar i Vogël), Gërbeshi ( Sllovi) dhe shumë familje të tjera. U vranë aktivistë për të drejtat e njeriut siç ishte rasti i avokatit të njohur Bajram Kelmendi i cili u ekzekutua me të dy djemt e tij. Dhe shumë të tjerë. Lëre më që nuk po shfaqni mëshirë ndaj qytetarëve të vrarë të Kosovës të besimit islamë të cilët duket se i urreni derisa e përkrahni Kishën Ortodokse Serbe historia e së cilës është përshkruar me gjak dhe krime por nuk po tregoheni të mëshirshëm as ndaj besimtarëve të devotshëm të krishterë, shqiptarë të Kosovës që u masakruan nga forcat serbe! Po ju përkujtojë krimin e tmerrshëm ndaj Mark Palokës nga Korenica e Gjakovës dhe anëtarëve të familjes së tij që pasi u ekzekutuan nga forcat serbe , shtëpisë së tij iu vë flaka dhe ata u dogjën bashkë me shtëpinë! Si në kohën e inkuizicionit! Apo masakrën ndaj familjes Dedaj nga fshati Guskë e Gjakovës dhe shqiptarëve të tjerë të besimit të krishterë! Më shumë se 1000 shqiptarë të ekzekutuar janë bartur nga Kosova dhe janë varrosur në varrezat masive në Serbi si në Batajnicë ( bazë ushtarake afër Beogradit), Petrovo Sello dhe Peruçac në përpjekje për ta mëshehur krimin monstruoz. Kosova e vogël prej 10.000 km u bë një varrezë e madhe për shqiptarët dhe qytetarët e tjerë të përkatësive të ndryshme etnike si pasojë e krimeve monstruoze të forcave të armatosura serbe të bekuar nga Kisha Ortodokse Serbe për të cilën Ju keni konsideratë dhe e përkrahni! Kjo do të duhej të ishte e kundërta e asaj që keni mësuar dhe që e predikoni si “ njeri” i Zotit! Por nuk po e bëni! Në Kosovë forcat serbe nuk kanë bërë dallime fetare! Ato si kriter të vetmin e kanë pasur të vrasin shqiptarë! Ndërkaq në Bosnje ka qenë e theksuar urrejtja fetare dhe atje serbët kanë dashur t’i vrasin të gjithë myslimanët apo balije si i kanë quajtur. Kujtojeni gjenocidin në Srebrenicë ku për një javë nga forcat e armatosura serbe janë ekzekutuar mbi 8000 civilë boshnjak të besimit islam. Këto janë fakte të cilat nuk mund të mohohen nga askush. Të gjitha këto krime janë bërë me bekimin e Kishës Ortodokse Serbe për të cilën Vatikani dhe zyrtarët e tij po tregojnë aq kujdes madje e marrin edhe si arsye për mosnjohjen e pavarësisë së Kosovës. Çmendi hesapi! Të deklarosh se Kosova është djep dhe qendër e sllavizmit do të thotë se është në pyetje ose mosnjohje elementare e historisë ose paragjykim i qëllimshëm që nuk përkon me mendjen e shëndoshë! Nëse, me një lehtësi të pabesueshme deklaroni se Kosova është djep i sllavizmit atëherë është çështje teknike të thuhet se: “në Kosovë po rrënohen përmendoret e rëndësishme historike, kulturore dhe fetare dhe se në këtë mënyrë po zhduket historia prandaj nuk duhet të lejohet dhe Vatikani angazhohet për ruajtjen e përmendoreve ortodokse, kishave dhe manastireve në Kosovë dhe është shumë i shqetësuar për shkak të brutalitetit të caktuar kulturor”. As më shumë e as më pak se këtë e ka thënë i përndrituri Walter Casper, kardinal i Kishës Katolike në Vatikan! Të parët që është dashur të reagojnë kundër këtij mashtrimi ordiner mediatik janë zyrtarët e Kishës Katolike në Kosovë në me krye me ipeshkvin e saj, por nuk e kanë bërë këtë!

Kisha Ortodokse Serbe në Kosovë ka qenë vendi ku forcat serbe kanë marrë bekimin për krimet e tmerrshme që i kanë bërë në Kosovë. Kjo kishë gjithashtu ka shërbyer si depo e armatimit , para dhe gjatë luftës duke u shpërndarë armatim të shumtë civilëve serbë të cilët pastaj kanë ekzekutuar bashkëqytetarë të tyre shqiptarë! Në këtë kishë janë strehuar paramilitarët dhe forcat e armatosura serbe si dhe shqiptarët që kanë qenë bashkëpunëtorë të Serbisë! Këto kisha gjatë luftës kanë qenë vendet ku në mënyrë drastike janë shkelur të drejtat e njeriut.

[celyy]

Gjithmon vatikani ka qen armik i Shqiptareve, pse habiteni ?

[injejti]

Kosova e shqetësuar me Vatikanin
Analistë kosovarë mendojnë se Ipeshkvia e Kosovës duhet të ndërhyjë për këtë çështje.

E enjte 15 Prill 2010 12:11



Katolikët e Kosovës janë ndjerë keq nga deklarata e kardinalit të Kishës Katolike Romake dhe anëtarit të Këshillit Papnor, Walter Kasper, se Vatikani nuk do ta njohë Kosovën “hatri” i Kishës Ortodokse Serbe. Përfaqësuesit katolikë kosovarë thonë se janë duke e kërkuar deklaratën origjinale të kardinalit romak, për të reaguar më pas, nëse kjo është e vërtetë. Madje, duke mos dashur që t’iu besojnë citateve që janë dhënë nga mediet, është Dom Lush Gjergji ai i cili, sipas sekretarit të Kishës Katolike në Kosovë, Dom Shan Zefi, personalisht ka ndërhyrë që të verifikojë origjinalin e kësaj deklarate.

“Ne këtë lajm e kemi marrë përmes medieve dhe jemi në pritje të tekstit ose deklaratës origjinale. Shpeshherë mediet qëndrojnë njëanshmërisht, bëjnë shkëputje, prandaj edhe nuk do të komentojmë asgjë deri sa të marrin origjinalin e deklaratës, për të cilën ende nuk kemi marrë përgjigje”, tha Shan Zefi.

Ndryshe, një ditë më parë kardinali i Kishës Katolike Romake dhe anëtar i Këshillit Papnor, Walter Kasper, ka thënë për agjencinë e lajmeve “Kathpress” se Vatikani nuk do ta njohë Kosovën shkaku i respektit që ka ndaj Kishës Ortodokse në Kosovë.

“Ne e dimë se Kosova për Serbinë është plagë dhe dhimbje e rëndë. E dimë gjithashtu se ky vend është edhe djepi dhe qendra e ortodoksizmit serb. Ne këtë e kuptojmë dhe dëshirojmë ta respektojmë këtë”, ka thënë anëtarit të Këshillit Papnor, Kasper. Më pas ai ka shtuar edhe se Vatikani është shumë i shqetësuar për shkak të, siç shprehet ai, “brutalitetit të caktuar kulturor”.

Analistë kosovarë, ndërkaq, mendojnë se Ipeshkvia e Kosovës duhet të ndërhyjë për këtë çështje. “Edhe pse Vatikani nuk merret direkt me politikë, ai ka ndikim të madh në politikën ndërkombëtare, prandaj besojmë se duhet të ndërhyjë Ipeshkvia e Kosovës, në mënyrë që këtë çështje ta kthejë në binarë si ka qenë më parë kur Vatikani është ai që gjithmonë ka përkrahur Kosovën”, tha analisti Qemajl Morina.

Kurse për analistin Halil Matoshi një deklaratë e tillë nga ana e Vatikanit është shumë e padrejtë, e cila, sipas tij, ka ardhur edhe shkaku i Papës së tashëm, i cili është diametralisht i kundërt me Papa Gjon Palin II.

Papa i kaluar jo vetëm se e ka përkrahur moralisht lëvizjen çlirimtare për pavarësinë e Kosovës, ai ka dhënë edhe kurajë, duke e quajtur si lëvizje për liri e pavarësi, tha Matoshi.

“Unë jam shumë i bindur se po të ishte konjuktura e Papa Gjon Palit II , tashmë Vatikani edhe do ta njihte Kosovën dhe kjo jo pse në Kosovë është një influencë e komunitetit katolik roman, ku një pjesë e mirë e kombit është e këtij besimi, jo vetëm për shkak se kulturalisht kosovarët dhe pjesa më e madhe e shqiptarëve i përkasin qytetërimit katolik dhe jo vetëm për shkak se në zemër të Kosovës po ngrihet katedralja ndër më të mëdhatë në rajon, por pse Vatikani do të duhej ta njihte Kosovën prej vetë principeve të së drejtës dhe të së mirës biblike”, u shpreh Matoshi për Zëri.

Prandaj, sipas tij, kjo deklaratë është e njëanshme edhe e padrejtë, duke pasur parasysh se ka ardhur edhe nga propagandat e kishës ortodokse, e cila kishë këtu merret me propaganda e jo me humanizëm dhe besim në një Zot. Derisa analistët shprehin shqetësimet dhe në anën tjetër Kisha Katolike në Prishtinë angazhohet për të kuptuar realitetin e përmbajtjes së deklaratës që ka ardhur nga Vatikani, Qeverinë e Kosovës nuk e brengos aspak një qëndrim i tillë. Kjo pasi që, sipas tyre, nuk është qëndrim i Vatikanit, por i një kardinali.

“Kjo është deklaratë e një kardinali, i cili nuk përfaqëson qëndrimin zyrtar të Vatikanit. Vatikani gjithmonë ka pasur qasje pozitive, përkundër faktit që nuk ka vendosur akoma për njohje formale”, është shprehur Memli Krasniqi, zëdhënës i Qeverisë së Kosovës. /zeri/

[kleos]

Nuk arrij ta kuptoj kete pune : Serbet mallkojne Vatikanin se gjoja paska punuar kunder tyre , Shqiptaret mallkojne Vatikanin se punon kunder tyre , nje lesh harapi qe nje zot e merr vesh .

[Disa]

Pse nuk po na pranojne "vellezerit " krishter,duke pas parasyshe se ky Rugova goxha e ka pas njefar jarani dhe madje ju ka perkulur dhe ja ka puthe dore,por siq po shifet papa na ka leshu kemerr.....

[fisniku-student]

Shqiptaret dhe Boshnjaket Urrehen nga bota e krishtere sepse konsiderohen si tradhtarë te krishterizmit!!

http://www.forumishqiptar.com/showthread.php?t=94834

Kjo Urrejtje ndaj Popullit shqiptar nga bota krishtere, Lind si pasojë e faketeve historike te popullit shqiptar ne lidhje konvertimin e tyre ne Fenë Islame...

Ky Fakt kaq shumë i kishte dhe akoma i irriton boten krishtere sa qe nuk ngurrojnë ta shpallin popullin shqiptar si Tradhetar te krishterizmit,per faktin e konvertimit te tyre si popull ne Islam ...

Caku me urrejtes zakonisht drejtohet drejt Pernadoris Osmane qe ndikoi ne Konvertimin e shqiptareve ne Musliman...Mirpo kjo Urrejtje zbutet ndaj perandoris Osmane kur mirret parasysh se edhe disa vende te evropes ishin nen pushtetin Osman me shekuj mirpo nuk jan konvertuar apo nuk e kan nderruar fen e tyre ,Por vetem shqiptaret ishin ata qe u konvertuan...

Kjo kontraditë zgjedhjesh ndermjet popujve ne ballkan ndaj pranimit te Islamit,i shtyn te mendojn se zgjedhja ne konvertim ka doza te medha te shijes se popullit shqiptar ndaj kesaj feje qe perqafuan ,d.m.th jo vetem konvertim i Imponuar me dhunë,por dyshohet te jetë bere me vetedije te arsyeshme...

Dhe ky "Dyshim" se pse e pranuan Islamin shqiptaret ,ndersa kete nuk e bene popujt e tjere te rajonit te ballkanit te cilet poashtu e kishin te njejtin status d.m.th edhe ata ishin te pushtuar njejtë si shqiptaret por nuk e nderruan fen e tyre...

Ky Fakt i ka shtyer boten e krishtere qe Popullin Shqiptar ta shpallin si Tradhetar te Krishterzimit sepse ia kthyen shpinen Krishterizmit dhe pranuan Fenë Islame...

Dhe se Kjo Urrejtje nga Bota e Krishtere ,supozohet te ketë mundur me pas ndikim gjatë tere Historis se Pervuajtur te Popullit Shqiptar, nga Arbitrariteti nderkombetar, siq ishin coptimet e tokave te trojeve shqiptare nga Konferencat e ndryshme ...nderkombetare qe vendosen ne demë te shqiptareve gjithmon ne qdo aspekt...

Dhe deklarata e ketij zyrtari te lartë te vatikanit, nuk eshte ndonje qudi, por vazhdimesi e politikes se vatikanit, kundrejt shqiptareve per arsyet e permendura me lart(per shkak te tradhetis qe i bene shqiptaret krishterizmit).

Edhe boshnjaket kan te njejtin trajtim nga vatikani dhe politika e saj qe e shef bosnjen si tradhtarin me potencial te krishterizmit.

Nuk eshte qudi nese dyshohet qe gjith lufterat qe jan bere ne ballkan, kan qen luftera me karakter fetar dhe jan bere exluzivisht kunder komunitetit musliman.

Dhe eshte normale per kete zyrtarin e vatikanit, qe serbia te jet me e afert per vatikanin se sa ne shqiptaret, qe historikisht kemi qen viktim e pafajshme.