Obama takon kreret e vendeve ish- komuniste, Shqiperia e paftuar

[davidd]

PRAGE- Presidenti amerikan, Barak Obama do të takojë sonte në një darkë në Pragë liderët e 11 vendeve ish-komuniste që janë pjesë e Aleancës së Atlantikut të Veriut. Presidenti Obama ndodhet në Çeki për të firmosur një marrëveshje çarmatimi me homologun rus Medvedev.

Në takim do të jenë të pranishëm liderët e Bullgarisë, Kroacisë, Republikës Çeke, Sllovenisë, Sllovakisë, Rumanisë, Polonisë, Estonisë, Hungarisë, Lituanisë dhe Letonisë. Në këtë takim nuk është ftuar Shqipëria.

Zëdhënësja e kryeministrit Berisha, Juela Meçani u shpreh për GSH se "nuk ishte në dijeni të çështjes, ndaj nuk mund ta komentonte atë".

Sipas "New York Times"-it, kjo darkë është një përpjekje e administratës Obama për të balancuar ambicjet e Rusisë për të shtuar kontrollin e saj mbi rajon. "Kjo është një përpjekje për t'u takuar, konsultuar dhe konfirmuar angazhimin tonë për siguri në Europë", deklaroi zëdhënësi i Shtëpisë së Bardhë, Robert Gibs. Një vit më parë, në fjalimin e mbajtur në njërin prej shesheve të Pragës, presidenti Obama tha se ëndërronte për një botë pa armë nukleare. Ai do të nënshkruajë sot një marrëveshje historike për reduktimin e armëve bërthamore me presidentin rus Medvedev. Kjo marrëveshje do të zëvendësojë traktatin e mëparshëm START-1 që hyri në fuqi në vitin 1991. Presidenti Obama e ka vendosur çarmatimin nuklear në zemër të politikave të tij. Për këtë arsye ai fitoi edhe çmimin “Nobel” për paqen. Javën e ardhshme, Obama do të marrë pjesë një një samit të 40 vendeve ku do të diskutohet problemi i çarmatimit.
(s.g/BalkanWeb)

[davidd]

Presidenti Obama ftoi sot ne Prage, ne nje darke zyrtare, kryeministrat e vendeve anetare te NATO-s!! E paftuar eshte vetem Shqiperia!!Berisha ka heshtur.

[Qyfyre]

Mbase ngaqe te ne nuk ka ndikim Rusia dhe keshtu qe nuk perbejme problem per rritjen e kontrollit rus ne Europe?

[leci]

Po ky gabeli nuk mund ta ftonte edhe Berishen..papapa rracist i keq paska qene.
Kujdes me Berishen se mos i bin infrakt nga ky lajm.

[davidd]

mbase kemi te bejme me nje kryekomunist e kriminel qe eshte ne krye te qeveris shqiptare

[Qyfyre]

Po mund te ftonte edhe Topin, nese per Berishen e di qe eshte kryekomunist e kriminel.

[illyrian rex]

Mungon edhe Mali i Zi, IRJM, Bosna dhe Herzegovina, Kosova, Serbia, Gjeorgjia, Ukraina etj. Te gjitha keto dhe shume te tjera kane qene shtete komuniste.

Pra, nuk ka mbetur vetem Shqiperia pa u ftuar.

[derjansi]

Mungon edhe Mali i Zi, IRJM, Bosna dhe Herzegovina, Kosova, Serbia, Gjeorgjia, Ukraina etj. Te gjitha keto dhe shume te tjera kane qene shtete komuniste.

Pra, nuk ka mbetur vetem Shqiperia pa u ftuar.

asni prej ktyne nuk asht ne NATO

[illyrian rex]

asni prej ktyne nuk asht ne NATO

Ups... kerkoj falje.

Nuk e kam lexu me kujdes shkrimin. Nuk e lexova se jane ftuar vetem shtetet antare te NATO-s.

[Edvin83]

Ai ka ftuar kreret e vendeve ish-komuniste, ne jemi ende vend komunist dhe nuk besoj qe Obama do te donte te takonte komunistet e fundit te mbetur ne pushtet ne Evrope.