Pse Libia (nuk) e njeh Kosovën

[gimche]

Pse Libia (nuk) e njeh Kosovën

Burime zyrtare libiane kanë bërë me dije që Gadafi nuk ka asgjë kundër pavarësisë së Kosovës.

Shkruan: Daut Dauti
Marrë nga gazeta ditore kosovare "Zëri", 08.04.2010

Në mesin e shumicës së shqiptarëve mbretëron bindja se udhëheqësi i Libisë, Gadafi, është ende në dashuri me ish-Jugosllavinë dhe me Lëvizjen e të Paikuadruarve. Prandaj, Gadafi (Gadafi është Libia dhe Libia është Gadafi), dashurinë e tij për ish-Jugosllavinë e ka transferuar mbi Serbinë, duke e konsideruar këtë shtet si trashëgimtar të shtetit të mëparshëm jugosllav. Kjo është e vërtetë.

Duke u bazuar në këto fakte, shumica e shqiptarëve mendojnë që Gadafi nuk e njeh pavarësinë e Kosovës për shkak të dashurisë që ka për Serbinë. Kjo nuk është e vërtetë.

Ekziston një numër i konsiderueshëm i shqiptarëve, të cilët në hierarkinë e pushtetit të Libisë kanë qasje deri në zyrën e Gadafit. Të gjithë këta, së bashku me zyrtarët libianë, fajin e mosnjohjes së Kosovës ua lënë zyrtarëve të shtetit të Kosovës.

Interesimi i Gadafit për Kosovën, siç mund të na kujtohet, daton nga fillimi i shkatërrimit të ish-Jugosllavisë. Është e ditur që në atë kohë delegacione të ndryshme nga Kosova kanë vizituar Libinë dhe kanë takuar zyrtarët më të lartë të këtij shteti. Në fillim të viteve ‘90, Gadafi ka dërguar këshilltarë për t’u takuar me udhëheqësit e Kosovës. Qëllimi i Gadafit ka qenë që Kosovës t’i ofrohet ndihmë (armë dhe para) në rast se luftohej për çlirim kundër Serbisë. Siç dihet, nuk pati kush nga Kosova që guxoi të pranonte ofertën e Gadafit. Dhe, ishte shumë mirë që në atë kohë Kosova nuk kishte burra “trima” që guxonin të bënin marrëveshje me Gadafin, i cili, ngase përkrahte terrorizmin, shihej me sy të keq nga shumica e botës, sidomos nga amerikanët dhe britanikët. Që nga atëherë e deri më sot, zyrtarët libianë kot janë munduar të takohen me zyrtarët e Kosovës.

Kjo pozitë refuzuese e Kosovës ndaj Libisë vazhdon të funksionojë edhe sot. Është shumë vështirë të dihet se çka qëndron prapa, apo cila është arsyeja e këtij qëndrimi. Mirëpo, kjo pozitë është e vështirë për t’u arsyetuar kur dihet që viteve të fundit gjendja e Libisë në marrëdhëniet ndërkombëtare ka ndryshuar shumë nga ajo në të cilën gjendej deri në vitin 2006, kur këtij shteti iu hoqën sanksionet tërësisht. Tashti gjërat kanë ndryshuar dhe Libia është në marrëdhënie të mira me SHBA-të dhe Britaninë e Madhe dhe pothuaj me të gjitha shtetet e tjera evropiane, të cilat nxitojnë të marrin pjesë në kulaçin e investimeve në këtë shtet. Në mënyrë ironike, disa kritikë kanë theksuar se zyrtarët e Kosovës nuk janë në dijeni të këtij fakti pasi që angazhimi ndërkombëtar i Kosovës vuan nga një plogështi e rëndë.

Burime zyrtare libiane me kontaktet e tyre të Kosovës kanë bërë me dije që Gadafi nuk ka asgjë kundër pavarësisë së Kosovës. Ai vetëm ka kërkuar një letër shtesë apo edhe ndonjë takim me zyrtarët e lartë të Kosovës. Ai nuk e ka pranuar letrën e Qeverisë së Kosovës e përpiluar në “shabllon”, e cila letër (e njëjtë) me rastin e shpalljes së pavarësisë u është dërguar të gjitha shteteve. Madje, sipas zyrtarëve libianë, kjo letër nuk i është dërguari Gadafit, por një zyrtari të parëndësishëm, i cili ulet diku pas dere në Ministrinë e Jashtme të këtij shteti. Gadafi, nga udhëheqësit e institucioneve të Kosovës (këta duhet të jenë Fatmir Sejdiu dhe Hashim Thaçi) ka kërkuar letër “mustekil”, e cila nuk i është dërguar deri më sot.

Një letër të ngjashme për nga niveli funksional, të dërguar nga kryetari i Parlamentit të Kosovë, i është dorëzuar Gadafit në muajin shkurt nga një i dërguar i posaçëm nga Kosova i ngarkuar për lobim në vendet arabe. Këtë letër, sipas të gjitha gjasave, e ka lexuar Gadafi, por ka refuzuar të përgjigjet meqë kryetarin e Kuvendit të Kosovës, Jakup Krasniqin, nuk e ka konsideruar për homolog. Kjo letër ka mbetur pa përgjigje pasi që Libia nuk ka parlament apo diçka tjetër që i përngjan këtij organi.

Njohja që do t’ia bënte Libia ekzistimit dhe funksionimit të subjektivitetit ndërkombëtar të shtetit të Kosovës, nuk do ta kishte domethënien e njohjes vetëm të këtij shteti. Libia dhe udhëheqësi i saj Gadafi, me gjithë personalitetin e tij kontrovers, ka ndikim në shumë vende afrikane dhe arabe. Një gjë e këtillë është vërejtur edhe në Konferencën e Islamike që u mbajt para disa ditësh në Libi, dhe ku për shkak të Gadafit, por edhe disa të tjerëve, çështja e Kosovës nuk hyri në rend të ditës as për diskutim. Ky rast duhet të merret seriozisht pasi që vërteton se Kosova ka probleme serioze në paraqitjen e saj në një pjesë të madhe të botës, e cila përfshin pothuaj tërë kontinentin e Afrikës dhe atë të Azisë.

Megjithatë, në këtë konferencë, Gadafi nuk e la pa e përmendur Kosovën. Ai, duke folur për shpërbërjen, kësaj radhe të Nigerisë, propozoi që edhe ky shtet të zhbëhet si Jugosllavia, nga e cila dolën shtete, “përfshirë Kosovën, pavarësia e së cilës ende nuk është njohur unanimisht”. Nëse e përcjellim retorikën e tij, shohim që ai kurrë nuk është deklaruar kundër pavarësisë së Kosovës. Madje, në Libi, kundër pavarësisë kurrë nuk janë shprehur as intelektualët e as shtypi i këtij vendi, siç ka ndodhur në Egjipt, ku edhe shtypi edhe politika zyrtare, jo që kanë qenë kundër pavarësisë së Kosovës, por dolën edhe në përkrahje të Serbisë.

Ndoshta Behgjet Pacolli është ai i cili më së miri e di arsyen që Gadafi refuzon ta njohë Kosovën pasi që deri më sot ky mbetet politikani i vetëm që ka takuar udhëheqësin e Libisë. Nga deklaratat e tij dhe nga ajo që mund të marrim vesh nga shtypi e burime të tjera, jemi të shtyrë të mendojmë që Gadafi është i hidhëruar në udhëheqësit e Kosovës (madje më shumë se vetë qytetarët e Kosovës). Edhe nëse ndodh që Gadafi të pajtohet, ai me siguri ka për t’i lënë udhëheqësit e shtetit të Kosovës të presin në gjunjë nën diellin përcëllues duke pritur para hyrjes së “shatorit” të Gadafit për të dorëzuar kërkesën për njohje të pavarësisë.

[fattlumi]

Po ky Gadafi ne nje leter qe e kam cek edhe ne nje teme tjeter pat shkruar "vellezerve musliman te Kosoves" diku ka viti 97 ose 98 qe citoj: "Ju vellezer musliman nuk duhet ti kunderviheni Serbise pasi i keni te gjitha te drejtat." Aty kishte permendur edhe "imperializmin e rrezikshem amerikan".More le te pirdhet Libia me te gjithe aleatet e saj se sa per ta na sot do ishim vetem histori dhe per neve do shkruhej vetem ndonje dokumentar ne HISTORY CHANNEL.

[Rina_87]

Weh, cfare ftyre.

[gimche]

Po ky Gadafi ne nje leter qe e kam cek edhe ne nje teme tjeter pat shkruar "vellezerve musliman te Kosoves" diku ka viti 97 ose 98 qe citoj: "Ju vellezer musliman nuk duhet ti kunderviheni Serbise pasi i keni te gjitha te drejtat." Aty kishte permendur edhe "imperializmin e rrezikshem amerikan".More le te pirdhet Libia me te gjithe aleatet e saj se sa per ta na sot do ishim vetem histori dhe per neve do shkruhej vetem ndonje dokumentar ne HISTORY CHANNEL.

Nëse e ke lexu vetëm titullin edhe replikon është diçka tjetër nëse e ke lexu krejt shkrimin ke mujt me pa se deri në vitin 2006 nuk ka pas raporte të mira me Amerikën dhe Britaninë mirpo ja që tani ka, mos harro në një pozitë të tillë ishte edhe Shqipëria komuniste apo Afganistani në Bashkimin Sovjetik.
Shkrimi që kam sjell unë, nuk përkon fare me atë që thua ti ngase ketu shumë mirë qartësohet se ky u ka ofruar ndihmë (me armë) mirpo tanët kanë refuzuar.

P.S nuk po tentoi me mbrojt Libinë, sepse edhe unë jam shpreh i mllefosun me mos njohjen e saj, mirpo nëse mendojmë më thellë, çka po bëjmë ne që të tjerët të na njohin, është turp me thanë edhe e di që ti nuk e pranon mirpo vetëm Behgjet Pacolli dhe PD-ja kanë lobuar nëpër ato vende, Skënder Hyseni as që është pa.

[fattlumi]

Nëse e ke lexu vetëm titullin edhe replikon është diçka tjetër nëse e ke lexu krejt shkrimin ke mujt me pa se deri në vitin 2006 nuk ka pas raporte të mira me Amerikën dhe Britaninë mirpo ja që tani ka, mos harro në një pozitë të tillë ishte edhe Shqipëria komuniste apo Afganistani në Bashkimin Sovjetik.
Shkrimi që kam sjell unë, nuk përkon fare me atë që thua ti ngase ketu shumë mirë qartësohet se ky u ka ofruar ndihmë (me armë) mirpo tanët kanë refuzuar.

P.S nuk po tentoi me mbrojt Libinë, sepse edhe unë jam shpreh i mllefosun me mos njohjen e saj, mirpo nëse mendojmë më thellë, çka po bëjmë ne që të tjerët të na njohin, është turp me thanë edhe e di që ti nuk e pranon mirpo vetëm Behgjet Pacolli dhe PD-ja kanë lobuar nëpër ato vende, Skënder Hyseni as që është pa.

Une e kam thene edhe ne nje postim tjeter.
Vendet islamike ne pergjithesi mendojne keshtu: per inat te rese me vdekte djali.
D.m.th.per inat te Amerikes edhe ne sdo ta njohim Kosoven.

[bindi]

Pse Libia (nuk) e njeh Kosovën

Sepse jane pro serbe dhe pro ruse...! duke qene kunder pamvarsise se Kosoves...,jane kunder vijes se polikes Amerikane dhe anasjelltas...!Kjo eshte logjika politike e ketyre tru-mykurve te shkretetires...!

[USA NR1]

Libia eshte aleat i serbise (te dyjat poshte)
KOSOVA eshte aleat e AMERIKES (te dyjat rrnofshin)

[gimche]

Une e kam thene edhe ne nje postim tjeter.
Vendet islamike ne pergjithesi mendojne keshtu: per inat te rese me vdekte djali.
D.m.th.per inat te Amerikes edhe ne sdo ta njohim Kosoven.

Prapë po del jashtë asaj që po debatohet dhe jashtë kontekstit të shkrimit nga ky autor, Libia tani për tani ka raporte të mira me SHBA-në dhe Britaninë por pse Skënder Hyseni nuk lobon?! Ketu është pika kryesore, a mos është duke dashtë të na thotë Skënder Hyseni se nuk kemi nevojë për njohje?!

[bindi]

mos është duke dashtë të na thotë Skënder Hyseni se nuk kemi nevojë për njohje?!

Mbase ketu ke te drejte...,mungesa e nje strategjie dhe sensit jo te duhur ,per te senzibilizuare njohjen e pamvarsise se Kosoves ,nga ato shtete qe akoma nuk e kane njohur...!

[beni33]

tjeter esht injonarca tjeter esht interesi libia dote ishte mir ta njeh kosoven se pse libia esht faktor ne boten muslimane edhe vet amerikanet kan i nteres te ken mardhijnee me libin ne kemi interesin ton si shtet dhe mendoj se ne nuk esht aq e nevojshme te shitemi me amerikan se vet amerikanet me faleni