Si ta kuptojme "liberalizimin e vizave"?

[smokkie]

Ore po ka dale ne gazeten zyrtaret ligji apo po presin biletat kot dynjaja?

Presin njerezit biletat se jane optimista

[pranvera bica]

Presin njerezit biletat se jane optimista

Te lumte goja,smokkie!

[goldian]

o forumista ku do mblidhemi tham

[pranvera bica]

o forumista ku do mblidhemi tham

Flori,po per mua vlen oferta?

[the admiral]

Ore po ka dale ne gazeten zyrtaret ligji apo po presin biletat kot dynjaja?

akoma nuk ka dale gje.

ne fakt prinderit e mi pasi kane prere biletat kane marre edhe viza.
keshtu jane te sigurte.

[Robbery]

Oh ooooh u bene dy qe menduakan ashtu.
Ika une qe ketej, ju shkruaj kur te kam arritur ne largesi..

Mos u merzit se une e mendoj si ty ...Jemi 2 me 2 tani...

[lisa12]

Shyqyr qe nuk kane me nevoje shqiptaret per viza,jemi qehtesuar dhe ne se ngandonjeher dhe i vinte keq ndonjerit kur i thonim skemi mundesi me bere garanci,se normal na duheshin vetem per rrethin familiar...................

[kleadoni]

Diku lexova rregullat per te levizur jashte Shqiperise, normalisht jane plot kushte per te plotesuar por gjithsesi gjera qe behen. Mendoj qe s'do kete probleme nese i zbatojne ato...

[goldian]

nje artikull ne austri thoshte se 1/3 e kan bere gati valixhen te ikin nga shqiperia biles belgjika shpreh e para shqetesimin nga frika qe do kete per kerkesa per azil
strange e ke lexiu kete se nuk e di ku e lexova

[Edvin83]

Romët: Do të "arratisemi" në BE. Dule: Nuk dinë penalitetet e liberalizimit
DENIS DEDEJ | 11/12/2010
Shekulli
TIRANË - Përfaqësuesit e komunitetit rom në Shqipëri paralajmëruan dje një "eksod masiv" drejt BE-së në momentin e liberalizimit të vizave. Këtë veprim ata e shpjeguan me penalizimin që i është bërë këtij komuniteti duke mos i informuar siç duhet për çështjen e liberalizimit të vizave. Anëtari i këtij komuniteti, Pëllumb Furtuna, në mbledhjen me temë "Minoritet dhe regjistrimi i përgjithshëm i popullsisë 2010", shprehu shqetësimin për mungesën e informimit për një sërë procesesh të shtresës shoqërore që ai përfaqëson. Duke ngritur shqetësimin për problemet që ka komuniteti rom, Furtuna kërkoi ndihmën e komuniteteve të tjera që të harrojnë atë vuajtjen për 20 vjet që nuk arritëm të integrohen.
"Pastaj, është një e keqe edhe kjo e liberalizimit të vizave që do t'i penalizojë të gjithë romët, se romët nuk janë të informuar, se nuk kanë arsim dhe ata ku jetojnë nuk kanë televizor për të parë dhe të gjithë mund të turren, siç janë turrur ata të Rumanisë dhe të Bullgarisë, dhe do të kthehen nga andej dhe do të penalizohet për pesë vjet. Atëherë, çfarë ishte ky liberalizim?", - paralajmëroi Furtuna.


Në vijim të kësaj logjike, përfaqësuesi i komunitetit rom theksoi se është një e keqe e tjetër më e madhe tjetër, që janë të penalizuar që s'kanë ku të vizitohen, pasi, siç tha ai, nuk kanë kontribute dhe me para nuk mundet që ta marrin këtë shërbim. "Nëse flasim për arsimim, është 84% analfabetizmi midis komunitetit rom. Le të dalim tek punësimi, punësimi është pothuajse 0%, pavarësisht se disa jetojnë me shitje materialesh që mbledhin. Shumë fëmijë romë, nga 5 mijë fëmijë që janë trafikuar, pjesa më e madhe janë komunitetit rom. Nëse dalim tek strehimi, jo vetëm që nuk kanë marrë statusin e të pastrehut, por edhe ato baraka që kishin janë prishur pa paralajmërime dhe janë hedhur në rrugë", - solli shifrat përpara përfaqësuesve të komuniteteve, Pëllumb Furtuna. Sipas tij, romët kanë diçka të hidhur nga këto të qeverisë, pasi siç bëhen strategjitë dhe përfundojnë nëpër sirtarë.


Ndonëse vëmendja ishte e përqendruar tek regjistrimi i popullsisë, kryetari i PBDNJ-së, Vangjel Dule, njëherësh deputeti i Kuvendit të Shqipërisë, shprehur shqetësimin për atë që mund ndodhë me komunitetin rom pas liberalizimit të vizave. "Qytetarët e komunitetit rom janë të painformuar për penalitetet që ka çështja e liberalizimit të vizave, kanë marrë një pasaportë biometrike dhe tani do të marrin rrugët e Europës pa e ditur se po kaluan 90-ditëshin nuk do të kenë më të drejtën e hyrjes në hapësirën Shengen për 5 vjet dhe ne po bëjmë reklama televizive duke ndryshuar kollaret dhe nuk jemi afruar atje ku është problemi. Nuk është intelektuali i Tiranës ai që negocion në kafet luksoze se sa ditë do të rri apo nuk do të rri në hapësirën Shengen", - theksoi Dule. Sipas tij, nuk është vajtur tek problemet e vërteta që do t'u kërkojë ky proces. Prandaj, nënvizoi ai, dhe me regjistrimin e popullsisë duhet që të punohet me shmangien e situatave dhe pasojave negative me këto grupime.