Himne Pashke

[Matrix]

Meqenese jemi ne periudhen e Pashkeve, ftoj te gjithe besimtaret te sjellin ketu himne qe lidhen me kete

Krishti u ngjall se vdekuresh,
me vdekje vdekjen shkeli,
edhe te varrosurve u fali jeten!

[Matrix]

O shpirt madhështoje, Atë që duke dashur, pësoi dhe u varros dhe u ngjall pas tre ditësh prej varrit

Ndricohu, ndricohu, o Jerusalem i Ri, se lavdia e Zotit lindi përmbi ty.
Loj valle tani dhe ngazëllohu o Sion, dhe ti o Hyjlindëse e qashtër, dëfre me ngjalljen e Birit tënd!

O shpirt madhështoje Krishtin jetëdhënës, që u ngjall pas tre ditësh prej varrit!

Ndricohu, ndricohu, o Jerusalem i Ri, se lavdia e Zotit lindi përmbi ty.
Loj valle tani dhe ngazëllohu o Sion, dhe ti o Hyjlindëse e qashtër, dëfre me ngjalljen e Birit tënd!

Krishti është Pashka e re, Therorja e gjallë, Qengji i Perëndisë që ngre mëkatin e botës!

O zëri i hyjshëm, i dashur edhe fort i ëmbël, se me të vërtetë u zotove të jesh deri në mbarim të jetës o Krisht;
dhe këtë spirancë shpëtimi duke pasur, ne besnikët ngazëllohemi

Sot krijes' e tërë gëzohet, ngazëllohet, se Krishti u ngjall dhe Ferri u plackit

O zëri i hyjshëm, i dashur edhe fort i ëmbël, se me të vërtetë u zotove të jesh deri në mbarim të jetës o Krisht;
dhe këtë spirancë shpëtimi duke pasur, ne besnikët ngazëllohemi

Lavdi Atit e Birit edhe Shpirtit të shenjtë

O shpirt madhështoje fuqinë e Hyjnisë në tre Persona dhe të pandarë

O Pashka e madhe dhe hierore, o Krisht, o Urtësi dhe Fjalë dhe Fuqi e Perëndisë!
Vlerësona të marrim pjesë sheshit tek dita e pambrëmëshme e mbretërisë Sate.

Tani e përherë dhe në jetë të jetëve. Amin

Gëzohu , Virgjëreshë, gëzohu, gëzohu e bekuar, e lavdëruar, se Biri yt u ngjall pas tre ditësh prej varrit

O Pashka e madhe dhe hierore, o Krisht, o Urtësi dhe Fjalë dhe Fuqi e Perëndisë!
Vlerësona të marrim pjesë sheshit tek dita e pambrëmëshme e mbretërisë Sate.

Lavdërimet.

Çdo frymë le të lavdërojë Zotin. Lavdërojeni Zotin prej qiejve, lavdërojeni në më të lartat. Ty të ka hije himni, o Perëndi.
Lavdërojeni gjithë ëngjëjt e tij, lavdërojeni gjithë fuqitë e tij. Ty të ka hije himni, o Perëndi.
Lavdërojeni për fuqitë e tij; lavdërojeni sipas madhërisë së Tij të shumtë.

Himnojmë, o Krisht, Pësimin tënd shpëtimtar dhe lavdërojmë Ngjalljen tënde.

Lavdërojeni me zë trumpete; lavdërojeni me harpë dhe me kitarë.

O Zot, që durove kryq dhe abolite vdekjen, dhe u ngjalle së vdekurësh, paqësonaje jetën, si i vetëm i tërëfuqishëm.

Lavdërojeni me timpan dhe valle; lavdërojeni me kordha dhe instrumente.

O Krisht, që plaçkite Ferrin, dhe ngjalle njeriun me Ngjalljen tënde, vlerësona të të himnojmë e të të këndojmë me zemër të paqme.

Lavdërojeni me kimbale tingëlluese, lavdërojeni me kimbale brohoritjeje. Çdo frymë le të lavdërojë Zotin.

Duke lavdëruar dënjimin tënd të perëndishëm, të himnojmë, o Krisht. Linde prej Virgjëreshës dhe ishe i pandarë nga Ati; pësove si njeri dhe, duke dashur, durove kryq; u ngrite prej varrit si prej nusëroreje që të shpëtosh botën. O Zot, lavdi më Ty.

Le të ngjallet Perëndia, dhe armiqtë e tij le të shpërndahen dhe ata që e urrejnë le të ikin faqe Tij.

Pashka hierore na u shfaq neve sot; Pashk’e re e shenjtë, Pashka mistike, Pashk’e gjithënderuar, Pashka Krishti shpërblyes, Pashka e panjollëshme, Pashka e madhe, Pashka e besnikëve, Pashka që na çeli dyert e Parajsës, Pashka që shenjtëron gjithë besimtarët.

U zhdukshin ata siç zhduket tymi; siç tretet qiriu faqe zjarrit.

Ejani prej pamjes, Gra mirëlajmëruese, dhe Sionit thojini: Prit prej nesh ungjillizime gazi të Ngjalljes së Krishtit; dëfre dhe gëzohu dhe ngazëllohu, o Jeruzalem, duke parë Krishtin mbret të kërcejë si dhëndërr prej varrit.

Kështu humbshin të pabesët faqe Perëndisë, dhe të drejtët u dëfrefshin.

Gratë mirrëprurëse që me natë qendruan tek varri i Jetëdhënësit, gjetën një Engjëll që rrinte mbi gurin, dhe ai u foli kështu, duke thënë: Si kërkoni të Gjallin me të vdekurit? Si vajtoni si me prishje të Paprishurin? Shkoni dhe lëçituni Nxënësve të Tij.

Kjo është dita që bëri Zoti; le të ngazëllohemi dhe le të dëfrehemi në të.

Pashka e gëzuar, Pashka e Zotit Pashka, Pashk’e gjithënderuar na lindi, Pashka, me gaz le të përqafojmë njeri-tjetrin, o Pashkë, shpërblim i helmit, se Krishti sot shkëlqeu prej varrit si prej nusëroreje, dhe i mbushi Gratë me gëzim, duke thënë: Lëçituni Apostujve.

Lavdi Atit e Birit edhe Shpirtit të Shenjtë, tani e përherë e në jetë të jetëve. Amin.

Ditë e Ngjalljes, le të ndriçohemi prej panairit dhe le të përqafojmë njeri-tjetrin, le t’u themi vëllezër dhe atyre që na urrejnë, le t’i ndjejmë të gjitha në ditën e Ngjalljes dhe kështu le të thërresim:

Krishti u ngjall së vdekurësh, me vdekje vdekjen shkeli, edhe të varrosurve, jetën u fali. (3 herë)

[Gordon Freeman]

ja nje himn pashkesh ne Shqip...

[Korcar-L1]

Thanks Kronike.... na kenaqe


Lutje per te shpetuar nga BARBARET