Rama: Letër e hapur kryeministrit Berisha

[i/regjistruar]

Zotit Sali Berisha, Kryeministër i Shqipërisë

Për dijeni: Përfaqësuesve të komunitetit ndërkombëtar në Shqipëri

Tiranë 16 mars 2010

Zoti Kryeministër!

Do të kisha dashur sot t’Ju shtrëngoja dorën për kurajën, por fatkeqësisht nuk mund t’Ju shpreh veçse keqardhje për frikën Tuaj nga e vërteta që gjendet në kutitë e zgjedhjeve të 28 qershorit.

Do të ishte dashur shumë që sot Komisioni i Ligjeve të kishte hapur rrugën e zgjidhjes së problemit të rëndë që ekziston jo mes meje e jush, as edhe mes partive a kampeve tona politike, po mu në mes të rrugës që ndan të shkuarën me të ardhmen europiane të Shqipërisë, ku prej njëzet vjetësh nuk bëhen dot zgjedhje të lira, të ndershme, të pakontestueshme, si në çdo vend tjetër europian.
Do të donin të gjithë shqiptarët padyshim, por edhe të gjithë miqtë e partnerët tanë ndërkombëtarë, që Kuvendi i Shqipërisë të jepte në datën 18 mars një provë urtësie e vullneti politik për ta zgjidhur krizën e vet duke dalë me një krejt tjetër përfundim nga ky i sotmi i Komisionit të Ligjeve lidhur me nismën tonë.

Ndaj edhe Ju shkruaj me shqetësim të madh sot, në vigjiljen e 18 marsit, kur të gjithë, brenda e jashtë Shqipërisë, dëshirojnë ligjërimin e një marrëveshjeje dinjitoze që i jep vendit drejtimin e daljes nga kriza politike dhe vetë Parlamentit një frymëmarrje të re demokratike.

Vetëm duke u ngritur mbi ndjeshmëritë dhe interesat që mbajnë mbyllur rrugën e transparencës së plotë e të pakushtëzuar të zgjedhjeve dhe duke vënë interesin e vendit e të popullit sovran në themelin e një marrëveshjeje mes palëve, e cila do ta kthente në ligj, jo veç për sot po përgjithmonë, të drejtën e transparencës së zgjedhjeve përmes hetimit parlamentar, ky Kuvend do të hynte në historinë e demokracisë sonë jo si Parlamenti pa të ardhme i Ruzhdies, po si Parlamenti i ndarjes përfundimtare me standardet zgjedhore të Ruzhdies.

Këto standarde, absolutisht të papranueshme për një vend anëtar të NATO-s dhe aspirant për Bashkimin Europian, deformuan shumëkund si në Ruzhdie zgjedhjet e 28 qershorit dhe kërcënojnë ta kthejnë në një lojë të paravendosur procesin zgjedhor në Shqipëri.

Ky është një kërcënim i patolerueshëm për fatin e demokracisë e të shtetit ligjor në këtë vend ku një tjetër lojë e paravendosur kundër lirisë së zgjedhjeve na mbajti pesëdhjetë vjet larg Europës, ndërkohë që njëzet vjet liri nuk kanë mjaftuar ende për të bërë zgjedhje si në Europë a të paktën si në vendet e tjera të rajonit të trazuar ku jetojmë. Përfshirë edhe Kosovën që, megjithëse vetëm dy vjet shtet, zgjedh lirisht e garanton transparencë për zgjedhësit e saj.

Vrasja e besimit të qytetarëve te zgjedhjet dhe shkrirja përfundimtare e kufirit mes shtetit e pushtetit, adresuar si shqetësim serioz edhe në raportin e OSBE/ODIHR-it, do të ishin rrjedhojat më imediate të moshetimit të plotë e të pakushtëzuar të shtrirjes së fenomenit Ruzhdie në procesin zgjedhor.

Ja pse këtë letër zoti Kryeministër duhet ta konsideroni një ftesë për ta kthyer 18 marsin në ditën e një konsensusi historik për një hetim që, siç e kemi pohuar pareshtur, nuk synon ndryshimin e rezultatit të zgjedhjeve në tavolinë, as delegjitimimin e Parlamentit të dalë prej atyre zgjedhjeve të korruptuara, por vetëm çmontimin e mekanizmit të korrupsionit që ka kapur sistemin e administrimit zgjedhor në Shqipëri, siç e tregon rrënqethshëm prova e kutisë së Ruzhdies.

Hetimi që ne kërkojmë nuk ka të bëjë me të shkuarën, po vetëm me të ardhmen, sepse çlirimi i zgjedhjeve të ardhshme nga korrupsioni mund të bëhet vetëm përmes transparencës së zgjedhjeve të shkuara.

Kutitë duhet të hapen jo për të rinumëruar votat, por për të hetuar numërimin në një proces ku sipas vetë OSBE/ODIHR-it në një të tretën e tij numërimi ka qenë i keq dhe shumë i keq, si edhe dokumentacionin zgjedhor ku, ashtu si në Ruzhdie, janë bërë në një numër shumë kritik rastesh manipulime që nuk duhet të përsëriten kurrë më.

Kuvendi duhet të vihet në punë jo për të dubluar institucione të tjera apo për t’iu mbivendosur pushtetit gjyqësor, siç Ju argumentoni pa asnjë bazë ligjore, duke kundërshtuar kërkesën tonë, po për të hetuar si është implementuar Kodi Zgjedhor dhe sa është zbatuar në përgjithësi ligji gjatë zgjedhjeve të qershorit 2009. E këtu lejomëni të besoj se nuk është e vështirë të ndajmë bashkë bindjen që jo mungesa e ligjeve të shkruara, po moszbatimi i ligjeve që kemi përbën problemin më të madh të Shqipërisë në rrugën drejt Europës. E dimë të gjithë, në letër kemi një shtet me ligje që shkruhen sipas standardeve europiane, në realitet një shtet prej letre shumë larg standardeve europiane. Është koha të zbatojmë ligjet që shkruajmë dhe t’i shkruajmë ligjet për t’i zbatuar zoti Kryeministër.

Përveçse një funksion i natyrshëm i organit suprem ligjvënës, ky që na refuzohet prej më shumë se gjashtë muajsh është një obligim jo veç kushtetues e ligjor, po edhe moral, etik e qytetar për një Parlament ku opozita, si njëra prej dy shtyllave ku mbështetet legjitimiteti i tij, kërkon transparencë të plotë në sytë e të gjithëve sot për të garantuar siguri të plotë për të gjithë nesër.
Vetëm kështu mund të përmbushim plotësisht objektivin e përcaktuar ligjërisht të kontrollit parlamentar për hetimin mbi një çështje të veçantë me interes publik.
Vetëm kështu ky hetim, i mbështetur plotësisht mbi Kushtetutën e Republikës sonë, do të përmbushë jo vetëm të drejtën e ligjshme, po edhe detyrimin tonë të përbashkët karshi zgjedhësve:

•a) Për të verifikuar zbatimin e legjislacionit gjatë një procesi zgjedhor kaq të dyshimtë e të kontestuar.
•b) Për të identifikuar problemet që lypsen zgjidhur për të ardhmen duke propozuar ndryshimet përkatëse ligjore.
•c) Për të hedhur dritë mbi përgjegjësitë eventuale për moszbatimin e ligjeve në fuqi, të cilat, bash ashtu siç e përcakton ligji për hetimin parlamentar, Komisioni Hetimor ia çon për ndjekje të mëtejshme organeve të drejtësisë.
Vetëm kështu, falë kësaj abc-je të kulturës së transparencës dhe të kontrollit parlamentar, ne nuk do të kemi më në zgjedhjet e ardhshme jo shumë, po asnjë kuti votimi si në Ruzhdie; nuk do të kemi më në zgjedhjet e ardhshme jo me dhjetëra mijëra si në 28 qershor, po asnjë numër identiteti të rremë në listat e votuesve; nuk do të kemi më në zgjedhjet e ardhshme jo me mijëra njerëz si gjithnjë deri më sot, po asnjë zgjedhës që do të guxojë të votojë më shumë se një herë me disa dokumente identiteti të falsifikuara; nuk do të kemi më në zgjedhjet e ardhshme jo një masë të frikshme emigrantësh të vjedhur në identitetin e tyre si vitin e shkuar, të cilët u kthyen në votues pa qenë fare në Shqipëri për zgjedhje, po asnjë syresh!

Sepse, tekefundit, vetëm kështu nuk do të kemi më në sistemin e administrimit të zgjedhjeve shqiptare me qindra e më shumë se qindra komisionerë të cilët, pasi marrin nën dorë paratë për manipulimin e rezultatit, i kryejnë gjithë ato shkelje kriminale të ligjit, njësoj si në Ruzhdie, me vetëdijen e përbuzshme se çfarëdo paudhësie të bëjnë me fletët e votimit, me identitetet e zgjedhësve apo me kutitë ku zë fill jeta demokratike, asgjë nuk mund t’i gjejë përderisa krimi i tyre kyçet përgjithmonë në terrin e kutive të pahapshme.

Ju e dini fort mirë zoti Kryeministër se konsensusi i shumëduartrokitur edhe nga komuniteti ndërkombëtar për reformën elektorale, që i parapriu zgjedhjeve të shkuara, u bazua në garancinë e vendosur prej nesh, Partisë Socialiste, dhe të pranuar prej jush, Partisë Demokratike, në nenet 136/3 dhe 138/3 të Kodit Zgjedhor. Të cilat shprehin qartësisht të drejtën e pakicës absolute të Komisionit Qendror të Zgjedhjeve, dy nga shtatë anëtarë, për të hapur çdo kuti që e gjykojnë të arsyeshme për rinumërim.

Pikërisht këto nene ishin garancia mbi të cilën u bazua edhe premtimi ynë elektoral se çdo votë ishte e sigurt në të gjitha rastet, vërtet të shumta, kur qytetarët e shqetësuar nga presionet aspak demokratike të shtetit të vënë në dispozicion të pushtetit, por edhe nga eksperienca e hidhur e të shkuarës Suaj në administrim zgjedhjesh, na pyesnin gjatë gjithë fushatës nëse do të ishte apo jo opozita në gjendje të mbronte votën e tyre.

Ne që i shkruam me dorën tonë e pastaj morëm, jo pa mund e kohë, konsensusin Tuaj për këto dispozita e kishim shumë të qartë arsyen dhe përmbajtjen e tyre.

Ato ishin, le ta themi hapur, lëshimi Juaj për opozitën, kundrejt lëshimeve të opozitës në kuadrin e një marrëveshjeje transparente dhe të dobishme për vendin e për palët. Ishin këto lëshime reciproke që për herë të parë i dhanë vendit një reformë elektorale të kryer thuajse një vit përpara zgjedhjeve, krejt ndryshe nga tradita shumëvjeçare e arrnimeve të natës së fundit. Falë kësaj reforme e klimës së dialogut që mundësoi edhe më shumë se kaq, duke e nxjerrë politikën nga kuadri tradicional i konfliktualitetit konstant, Shqipëria kurorëzoi përpjekjen për integrimin në NATO dhe u vlerësua mjaft pozitivisht nga Bashkimi Europian pas shumë vitesh plot kritika në këtë drejtim.

Por sot më duhet t’Jua përsëris se kur Partisë Socialiste iu desh ta përdorte fill pas zgjedhjeve të 28 qershorit të drejtën e lartpërmendur për të hapur e rinumëruar kuti në Berat, Tiranë dhe Shkodër, Ju, nëpërmjet shumicës Suaj në KQZ, treguat se këtë të drejtë për transparencë na e kishit dhënë për të na e hequr pikërisht kur të na duhej. Kështu, padrejtësisht, përfaqësuesit Tuaj në KQZ e bënë këtë përmes një shkeljeje flagrante të ligjit dhe padenjësisht Ju e mbështetët këtë padrejtësi nga çasti i parë deri sot e gjithë ditën.

Kolegji Zgjedhor paskëtaj e vulosi nën presionin që dihet shkeljen e bërë nga KQZ-ja duke vulosur kësisoj edhe rezultatin e zgjedhjeve përmes leximit në ligj të diçkaje të paqenë, të cilën ne si autorë të neneve përkatëse të ligjit as e kishim menduar, as e kishim shkruar, as e kishim votuar.

Ju e dini, më mirë se askush, që e drejta e pakushtëzuar për hapjen e çdo kutie të kërkuar nga pakica absolute e KQZ-së dhe rinumërimin e votave në sytë e publikut, ishte çelësi i marrëveshjes sonë për reformën elektorale. Ashtu siç e dini padyshim edhe arsyen pse e hodhët në det këtë çelës, duke marrë peng edhe kutitë sapo morët pushtetin që nuk mishëron vullnetin e qytetarëve që kanë hedhur votën në ato kuti. Megjithatë, opozita sot nuk kërkon më atë që iu mor padrejtësisht Partisë Socialiste dhe të tjera partive jashtë koalicionit Tuaj që kërkuan rinumërim dje. Opozita kërkon vetëm atë që nuk duhet t’i merret më askujt nesër.

Ne sot nuk kemi më punë me vendimet e KQZ-së e të Kolegjit Zgjedhor, zoti Kryeministër. Ato vendime të formës së prerë kanë vulosur rezultatin dhe ndarjen e mandateve të këtij Parlamenti, ku ne nuk kërkojmë asnjë karrige më shumë se ç’na kanë dhënë vendimet në fjalë, megjithëse shumë të padrejta. Po, më anë tjetër, s’ka asnjë dyshim se ne as mund të qëndrojmë mbi kutitë e mbyllura ku është magazinuar mekanizmi i korrupsionit elektoral në pritje për t’u rivënë në lëvizje për deformimin e rezultatit të zgjedhjeve të ardhshme.

Bojkoti ynë nuk futi në krizë demokracinë, kriza e demokracisë çoi opozitën deri në bojkot. Kjo krizë i ka rrënjët tek ai mekanizëm korrupsioni elektoral që ne ju ftojmë ta çmontojmë së bashku, urtësisht, paqësisht, drejtësisht, përmes një transparence që do të pengojë degradimin e mëtejshëm të procesit ligjvënës e qeverisës. Pa këtë transparencë ky degradim çdo ditë e më shqetësues është i pandalshëm dhe sfida madhore e procesit të integrimit europian të Shqipërisë është seriozisht e kompromentuar.

Shqipëria nuk meriton të shkojë mbrapsht në një rrugë ku sot jemi më të vonuarit e rajonit. Shqiptarët nuk meritojnë të presin ende në radhën e gjatë pas derës së mbyllur të Europës për një vizë apo ta shohin të vazhdojë t’u largohet horizonti i bashkimit me familjen europiane. Në emër të opozitës Ju riftoj ta afrojmë bashkërisht Europën për Shqipërinë e shqiptarët, duke bërë secila palë detyrën e vet dhe duke mos u fortifikuar në pozicione aspak ogurmira. Vendi ka nevojë për reforma e për dialog serioz mes palëve në përballimin e një krize demokratike, po edhe ekonomike, aspak të lehtë për t’u kapërcyer. Opozita ka bërë gjithë sa ka mundur për të ardhur në pikën ku po Ju presim të afroheni e të bëni Tuajën.

Ne kemi lëvizur me urtësi e kurajë drejt pikës ku çmojmë se konvergojnë interesat e të gjitha palëve, pa cenuar parimin e patjetërsueshëm të transparencës së zgjedhjeve të shkuara, me të cilin lidhet në fakt jo thjesht shkalla e lirisë dhe ndershmërisë së zgjedhjeve të ardhshme, por edhe shkalla e respektimit të lirive e të drejtave kushtetuese në Shqipëri nga ana e parlamentit e qeverisë.
Bindja se degradimi i ndjeshëm i këtyre lirive e të drejtave gjatë dhe sidomos pas zgjedhjeve të shkuara, lidhet pikërisht me vetësigurinë që pushtetit i buron nga kontrolli i mekanizmit të sofistikuar dhe deri sot të paprekshëm të korrupsionit zgjedhor, na bën të palëkundur në mbrojtjen e parimit të transparencës së plotë e të pakushtëzuar të zgjedhjeve.

Por njëkohësisht bindja se më e mira nuk mund të bëhet duke bërë më të keqen për palën tjetër, si edhe, le ta themi pa ngurrim, respekti për opinionin e miqve dhe partnerëve të pazëvendësueshëm të Shqipërisë në rrugën e saj drejt Europës, na bëjnë të dëgjueshëm ndaj të gjithë zërave që vijnë nga jashtë nesh. Përfshirë edhe zërin e palës Suaj sigurisht.
Prandaj e njohëm rezultatin.
Prandaj pranuam parimin e mosndryshimit të tij pavarësisht rezultatit të hetimit.
Prandaj u treguam tejet të matur në organizimin e protestave.
Prandaj u kthyem në Parlament dhe morëm mandatet.
Prandaj propozuam një nismë konkrete, konform Kushtetutës, konform vendimit të Gjykatës Kushtetuese, po edhe konform opinionit të Komisionit të Venecias – po zoti Kryeministër, ky komision është shprehur qysh në vitin 2001 për mosngushtimin e objektit të hetimit parlamentar nga mazhoranca! – si edhe, dëgjojeni me vëmendje, konform faktit të thjeshtë që, pas zgjedhjeve të vitit 2005, komisionit të atëhershëm hetimor parlamentar për zgjedhjet i është lejuar hapja e kutive të votimit. Fakti që ai komision nuk e zhvilloi as sa dhe as si duhet procesin e transparencës, ishte një gabim të cilin zgjedhjet e vitit 2009 na mësuan se në asnjë mënyrë nuk duhet të përsëritet.

Ndërkohë Ju s’keni lëvizur asnjë gjysmë hapi nga pozicioni Juaj fillestar, edhe pse funksioni i Kryeministrit të vendit, aq më tepër në kushtet aspak të lehta ku ndodhet demokracia dhe ekonomia e vendit, kërkon prej Jush kurajën e gatishmërinë për ta kuptuar siç është krizën shqiptare, të njohur tashmë ndërkombëtarisht, duke dëgjuar zërin e arsyes, jo duke besuar tek arsyeja e forcës.

Ju përpiqeni ta fortifikoni pozicionin Tuaj të vjetër duke iu referuar sistematikisht Kushtetutës si një pengesë, që thoni se nuk u lejon ta pranoni nismën ligjore të Partisë Socialiste. Kujt nuk do t’i vinte mirë, përfshirë edhe mua pa as më të voglin dyshim, që Kryeministri i Shqipërisë të ishte mishërimi me fjalë e vepra i përulësisë ndaj ligjit themelor të shtetit!

Por, e vërteta jofatlume është se këto ditë u rrumbullakos në njëzet numri i ligjeve të miratuara prej mazhorancës Suaj, që janë rrëzuar si antikushtetuese nga Gjykata Kushtetuese e Republikës së Shqipërisë. Ndërkohë, po këto ditë, një nismë e freskët e qeverisë Suaj për të amenduar ligjin për Shërbimin Informativ të Shtetit tonë i shtohet listës së afro dhjetë akteve të tjera, të pagjykuara ende prej Kushtetueses, ku lexohen qartë gjurmët e antikushtetushmërisë. Këto janë rekorde që fatmirësisht e ardhmja nuk do t’i thyejë dot kurrë, por që fatkeqësisht tregojnë problemin e madh të së tashmes shqiptare për shkak të të kuptuarit që qeveria Juaj ka me Kushtetutën qoftë në germë e qoftë në frymë. Një numër interesash e synimesh të lexueshme për të gjithë ia kanë bërë të rëndomtë kësaj maxhorance avazin e shkeljes së Kushtetutës, prandaj të gjithë e dinë sot se jeni Ju jo Kushtetuta pengesa për transparencën e kutive të 28 qershorit.

Jo zoti Berisha, nuk Ju pengon Kushtetuta të pranoni projektin tone, po mungesa e vullnetit politik për ta respektuar Kushtetutën! Ju i atribuoni Kushtetutës një kufizim që ajo nuk e ka. Ju e lexoni sërish gabim apo siç ju pëlqen atë, ashtu siç lexoni gabim apo siç ju pëlqen vendimin e Gjykatës Kushtetuese, që në fakt thotë pa asnjë ekuivok, njësoj si edhe Komisioni i Venecias, se objekti i hetimit përcaktohet nga pakica që propozon ngritjen e komisionit hetimor dhe nuk mund të kufizohet nga shumica e Parlamentit.

Zoti Kryeministër!
Nuk është ende vonë!

Çlirimi i zgjedhjeve nga korrupsioni është çlirimi i zgjidhjeve për shqiptarët.
18 marsi është dita e caktuar dhe e duhur për ta bërë së bashku në Kuvendin e Shqipërisë, në vëmendjen e jashtëzakonshme të opinionit publik shqiptar dhe miqve e partnerëve tanë ndërkombëtarë, hapin e madh drejt këtij çlirimi që do të ndikojë fuqishëm edhe kundër fenomenit të korrupsionit në tërësi.

Le ta bëjmë këtë hap me kurajë e në mirëbesim reciprok, të ftojmë edhe miqtë e partnerët tanë ndërkombëtarë të na ndihmojnë me praninë dhe sugjerimet e tyre në procesin e transparencës, t’u japim shqiptarëve mundësinë e një eksperience të pashlyeshme demokracie, duke e bërë transparencën instrumentin e shkuljes së korrupsionit nga procesi zgjedhor dhe duke u dhënë të gjithëve mesazhin shpresëplotë të shpëtimit të lirisë e garantimit të ndershmërisë së zgjedhjeve në Shqipëri.

Ka ende kohë për të reflektuar, folur e zgjidhur këtë nyje gordiane me shpatën e kurajës politike e qytetare që kërkon një moment kaq delikat kur duhen hapa kurajozë përpara, duke filluar nga transparenca e zgjedhjeve e vazhduar vendosmërisht me reformat e tjera të integrimit dhe me implementimin e tyre për një Shqipëri Europiane ku ligjet e shkruara të jenë ligje të zbatuara.
Fortifikimi i mëtejshëm i pozicionit Tuaj të vjetër, me argumente që janë vetëm një alibi e ngritur mbi frikën nga transparenca dhe si rrjedhojë refuzimi i transparencës nga ana Juaj në 18 mars, do të ishte një gabim që sot nuk jemi në gjendje t’ia parashikojmë dot pasojat.

Uroj që ky të mos jetë rasti, por jam i detyruar t’Ju siguroj publikisht se nëse kështu do të ndodhë, opozita është e përgatitur për ta vazhduar përpjekjen e saj demokratike deri në largimin e kësaj qeverie.

Sinqerisht
Edi Rama

[BEHARI]

Zotit Sali Berisha, Kryeministër i Shqipërisë

Për dijeni: Përfaqësuesve të komunitetit ndërkombëtar në Shqipëri

Tiranë 16 mars 2010

Zoti Kryeministër!

Do të kisha dashur sot t’Ju shtrëngoja dorën për kurajën, por fatkeqësisht nuk mund t’Ju shpreh veçse keqardhje për frikën Tuaj nga e vërteta që gjendet në kutitë e zgjedhjeve të 28 qershorit.

Do të ishte dashur shumë që sot Komisioni i Ligjeve të kishte hapur rrugën e zgjidhjes së problemit të rëndë që ekziston jo mes meje e jush, as edhe mes partive a kampeve tona politike, po mu në mes të rrugës që ndan të shkuarën me të ardhmen europiane të Shqipërisë, ku prej njëzet vjetësh nuk bëhen dot zgjedhje të lira, të ndershme, të pakontestueshme, si në çdo vend tjetër europian.
Do të donin të gjithë shqiptarët padyshim, por edhe të gjithë miqtë e partnerët tanë ndërkombëtarë, që Kuvendi i Shqipërisë të jepte në datën 18 mars një provë urtësie e vullneti politik për ta zgjidhur krizën e vet duke dalë me një krejt tjetër përfundim nga ky i sotmi i Komisionit të Ligjeve lidhur me nismën tonë.

Ndaj edhe Ju shkruaj me shqetësim të madh sot, në vigjiljen e 18 marsit, kur të gjithë, brenda e jashtë Shqipërisë, dëshirojnë ligjërimin e një marrëveshjeje dinjitoze që i jep vendit drejtimin e daljes nga kriza politike dhe vetë Parlamentit një frymëmarrje të re demokratike.

Vetëm duke u ngritur mbi ndjeshmëritë dhe interesat që mbajnë mbyllur rrugën e transparencës së plotë e të pakushtëzuar të zgjedhjeve dhe duke vënë interesin e vendit e të popullit sovran në themelin e një marrëveshjeje mes palëve, e cila do ta kthente në ligj, jo veç për sot po përgjithmonë, të drejtën e transparencës së zgjedhjeve përmes hetimit parlamentar, ky Kuvend do të hynte në historinë e demokracisë sonë jo si Parlamenti pa të ardhme i Ruzhdies, po si Parlamenti i ndarjes përfundimtare me standardet zgjedhore të Ruzhdies.

Këto standarde, absolutisht të papranueshme për një vend anëtar të NATO-s dhe aspirant për Bashkimin Europian, deformuan shumëkund si në Ruzhdie zgjedhjet e 28 qershorit dhe kërcënojnë ta kthejnë në një lojë të paravendosur procesin zgjedhor në Shqipëri.

Ky është një kërcënim i patolerueshëm për fatin e demokracisë e të shtetit ligjor në këtë vend ku një tjetër lojë e paravendosur kundër lirisë së zgjedhjeve na mbajti pesëdhjetë vjet larg Europës, ndërkohë që njëzet vjet liri nuk kanë mjaftuar ende për të bërë zgjedhje si në Europë a të paktën si në vendet e tjera të rajonit të trazuar ku jetojmë. Përfshirë edhe Kosovën që, megjithëse vetëm dy vjet shtet, zgjedh lirisht e garanton transparencë për zgjedhësit e saj.

Vrasja e besimit të qytetarëve te zgjedhjet dhe shkrirja përfundimtare e kufirit mes shtetit e pushtetit, adresuar si shqetësim serioz edhe në raportin e OSBE/ODIHR-it, do të ishin rrjedhojat më imediate të moshetimit të plotë e të pakushtëzuar të shtrirjes së fenomenit Ruzhdie në procesin zgjedhor.

Ja pse këtë letër zoti Kryeministër duhet ta konsideroni një ftesë për ta kthyer 18 marsin në ditën e një konsensusi historik për një hetim që, siç e kemi pohuar pareshtur, nuk synon ndryshimin e rezultatit të zgjedhjeve në tavolinë, as delegjitimimin e Parlamentit të dalë prej atyre zgjedhjeve të korruptuara, por vetëm çmontimin e mekanizmit të korrupsionit që ka kapur sistemin e administrimit zgjedhor në Shqipëri, siç e tregon rrënqethshëm prova e kutisë së Ruzhdies.

Hetimi që ne kërkojmë nuk ka të bëjë me të shkuarën, po vetëm me të ardhmen, sepse çlirimi i zgjedhjeve të ardhshme nga korrupsioni mund të bëhet vetëm përmes transparencës së zgjedhjeve të shkuara.

Kutitë duhet të hapen jo për të rinumëruar votat, por për të hetuar numërimin në një proces ku sipas vetë OSBE/ODIHR-it në një të tretën e tij numërimi ka qenë i keq dhe shumë i keq, si edhe dokumentacionin zgjedhor ku, ashtu si në Ruzhdie, janë bërë në një numër shumë kritik rastesh manipulime që nuk duhet të përsëriten kurrë më.

Kuvendi duhet të vihet në punë jo për të dubluar institucione të tjera apo për t’iu mbivendosur pushtetit gjyqësor, siç Ju argumentoni pa asnjë bazë ligjore, duke kundërshtuar kërkesën tonë, po për të hetuar si është implementuar Kodi Zgjedhor dhe sa është zbatuar në përgjithësi ligji gjatë zgjedhjeve të qershorit 2009. E këtu lejomëni të besoj se nuk është e vështirë të ndajmë bashkë bindjen që jo mungesa e ligjeve të shkruara, po moszbatimi i ligjeve që kemi përbën problemin më të madh të Shqipërisë në rrugën drejt Europës. E dimë të gjithë, në letër kemi një shtet me ligje që shkruhen sipas standardeve europiane, në realitet një shtet prej letre shumë larg standardeve europiane. Është koha të zbatojmë ligjet që shkruajmë dhe t’i shkruajmë ligjet për t’i zbatuar zoti Kryeministër.

Përveçse një funksion i natyrshëm i organit suprem ligjvënës, ky që na refuzohet prej më shumë se gjashtë muajsh është një obligim jo veç kushtetues e ligjor, po edhe moral, etik e qytetar për një Parlament ku opozita, si njëra prej dy shtyllave ku mbështetet legjitimiteti i tij, kërkon transparencë të plotë në sytë e të gjithëve sot për të garantuar siguri të plotë për të gjithë nesër.
Vetëm kështu mund të përmbushim plotësisht objektivin e përcaktuar ligjërisht të kontrollit parlamentar për hetimin mbi një çështje të veçantë me interes publik.
Vetëm kështu ky hetim, i mbështetur plotësisht mbi Kushtetutën e Republikës sonë, do të përmbushë jo vetëm të drejtën e ligjshme, po edhe detyrimin tonë të përbashkët karshi zgjedhësve:

•a) Për të verifikuar zbatimin e legjislacionit gjatë një procesi zgjedhor kaq të dyshimtë e të kontestuar.
•b) Për të identifikuar problemet që lypsen zgjidhur për të ardhmen duke propozuar ndryshimet përkatëse ligjore.
•c) Për të hedhur dritë mbi përgjegjësitë eventuale për moszbatimin e ligjeve në fuqi, të cilat, bash ashtu siç e përcakton ligji për hetimin parlamentar, Komisioni Hetimor ia çon për ndjekje të mëtejshme organeve të drejtësisë.
Vetëm kështu, falë kësaj abc-je të kulturës së transparencës dhe të kontrollit parlamentar, ne nuk do të kemi më në zgjedhjet e ardhshme jo shumë, po asnjë kuti votimi si në Ruzhdie; nuk do të kemi më në zgjedhjet e ardhshme jo me dhjetëra mijëra si në 28 qershor, po asnjë numër identiteti të rremë në listat e votuesve; nuk do të kemi më në zgjedhjet e ardhshme jo me mijëra njerëz si gjithnjë deri më sot, po asnjë zgjedhës që do të guxojë të votojë më shumë se një herë me disa dokumente identiteti të falsifikuara; nuk do të kemi më në zgjedhjet e ardhshme jo një masë të frikshme emigrantësh të vjedhur në identitetin e tyre si vitin e shkuar, të cilët u kthyen në votues pa qenë fare në Shqipëri për zgjedhje, po asnjë syresh!

Sepse, tekefundit, vetëm kështu nuk do të kemi më në sistemin e administrimit të zgjedhjeve shqiptare me qindra e më shumë se qindra komisionerë të cilët, pasi marrin nën dorë paratë për manipulimin e rezultatit, i kryejnë gjithë ato shkelje kriminale të ligjit, njësoj si në Ruzhdie, me vetëdijen e përbuzshme se çfarëdo paudhësie të bëjnë me fletët e votimit, me identitetet e zgjedhësve apo me kutitë ku zë fill jeta demokratike, asgjë nuk mund t’i gjejë përderisa krimi i tyre kyçet përgjithmonë në terrin e kutive të pahapshme.

Ju e dini fort mirë zoti Kryeministër se konsensusi i shumëduartrokitur edhe nga komuniteti ndërkombëtar për reformën elektorale, që i parapriu zgjedhjeve të shkuara, u bazua në garancinë e vendosur prej nesh, Partisë Socialiste, dhe të pranuar prej jush, Partisë Demokratike, në nenet 136/3 dhe 138/3 të Kodit Zgjedhor. Të cilat shprehin qartësisht të drejtën e pakicës absolute të Komisionit Qendror të Zgjedhjeve, dy nga shtatë anëtarë, për të hapur çdo kuti që e gjykojnë të arsyeshme për rinumërim.

Pikërisht këto nene ishin garancia mbi të cilën u bazua edhe premtimi ynë elektoral se çdo votë ishte e sigurt në të gjitha rastet, vërtet të shumta, kur qytetarët e shqetësuar nga presionet aspak demokratike të shtetit të vënë në dispozicion të pushtetit, por edhe nga eksperienca e hidhur e të shkuarës Suaj në administrim zgjedhjesh, na pyesnin gjatë gjithë fushatës nëse do të ishte apo jo opozita në gjendje të mbronte votën e tyre.

Ne që i shkruam me dorën tonë e pastaj morëm, jo pa mund e kohë, konsensusin Tuaj për këto dispozita e kishim shumë të qartë arsyen dhe përmbajtjen e tyre.

Ato ishin, le ta themi hapur, lëshimi Juaj për opozitën, kundrejt lëshimeve të opozitës në kuadrin e një marrëveshjeje transparente dhe të dobishme për vendin e për palët. Ishin këto lëshime reciproke që për herë të parë i dhanë vendit një reformë elektorale të kryer thuajse një vit përpara zgjedhjeve, krejt ndryshe nga tradita shumëvjeçare e arrnimeve të natës së fundit. Falë kësaj reforme e klimës së dialogut që mundësoi edhe më shumë se kaq, duke e nxjerrë politikën nga kuadri tradicional i konfliktualitetit konstant, Shqipëria kurorëzoi përpjekjen për integrimin në NATO dhe u vlerësua mjaft pozitivisht nga Bashkimi Europian pas shumë vitesh plot kritika në këtë drejtim.

Por sot më duhet t’Jua përsëris se kur Partisë Socialiste iu desh ta përdorte fill pas zgjedhjeve të 28 qershorit të drejtën e lartpërmendur për të hapur e rinumëruar kuti në Berat, Tiranë dhe Shkodër, Ju, nëpërmjet shumicës Suaj në KQZ, treguat se këtë të drejtë për transparencë na e kishit dhënë për të na e hequr pikërisht kur të na duhej. Kështu, padrejtësisht, përfaqësuesit Tuaj në KQZ e bënë këtë përmes një shkeljeje flagrante të ligjit dhe padenjësisht Ju e mbështetët këtë padrejtësi nga çasti i parë deri sot e gjithë ditën.

Kolegji Zgjedhor paskëtaj e vulosi nën presionin që dihet shkeljen e bërë nga KQZ-ja duke vulosur kësisoj edhe rezultatin e zgjedhjeve përmes leximit në ligj të diçkaje të paqenë, të cilën ne si autorë të neneve përkatëse të ligjit as e kishim menduar, as e kishim shkruar, as e kishim votuar.

Ju e dini, më mirë se askush, që e drejta e pakushtëzuar për hapjen e çdo kutie të kërkuar nga pakica absolute e KQZ-së dhe rinumërimin e votave në sytë e publikut, ishte çelësi i marrëveshjes sonë për reformën elektorale. Ashtu siç e dini padyshim edhe arsyen pse e hodhët në det këtë çelës, duke marrë peng edhe kutitë sapo morët pushtetin që nuk mishëron vullnetin e qytetarëve që kanë hedhur votën në ato kuti. Megjithatë, opozita sot nuk kërkon më atë që iu mor padrejtësisht Partisë Socialiste dhe të tjera partive jashtë koalicionit Tuaj që kërkuan rinumërim dje. Opozita kërkon vetëm atë që nuk duhet t’i merret më askujt nesër.

Ne sot nuk kemi më punë me vendimet e KQZ-së e të Kolegjit Zgjedhor, zoti Kryeministër. Ato vendime të formës së prerë kanë vulosur rezultatin dhe ndarjen e mandateve të këtij Parlamenti, ku ne nuk kërkojmë asnjë karrige më shumë se ç’na kanë dhënë vendimet në fjalë, megjithëse shumë të padrejta. Po, më anë tjetër, s’ka asnjë dyshim se ne as mund të qëndrojmë mbi kutitë e mbyllura ku është magazinuar mekanizmi i korrupsionit elektoral në pritje për t’u rivënë në lëvizje për deformimin e rezultatit të zgjedhjeve të ardhshme.

Bojkoti ynë nuk futi në krizë demokracinë, kriza e demokracisë çoi opozitën deri në bojkot. Kjo krizë i ka rrënjët tek ai mekanizëm korrupsioni elektoral që ne ju ftojmë ta çmontojmë së bashku, urtësisht, paqësisht, drejtësisht, përmes një transparence që do të pengojë degradimin e mëtejshëm të procesit ligjvënës e qeverisës. Pa këtë transparencë ky degradim çdo ditë e më shqetësues është i pandalshëm dhe sfida madhore e procesit të integrimit europian të Shqipërisë është seriozisht e kompromentuar.

Shqipëria nuk meriton të shkojë mbrapsht në një rrugë ku sot jemi më të vonuarit e rajonit. Shqiptarët nuk meritojnë të presin ende në radhën e gjatë pas derës së mbyllur të Europës për një vizë apo ta shohin të vazhdojë t’u largohet horizonti i bashkimit me familjen europiane. Në emër të opozitës Ju riftoj ta afrojmë bashkërisht Europën për Shqipërinë e shqiptarët, duke bërë secila palë detyrën e vet dhe duke mos u fortifikuar në pozicione aspak ogurmira. Vendi ka nevojë për reforma e për dialog serioz mes palëve në përballimin e një krize demokratike, po edhe ekonomike, aspak të lehtë për t’u kapërcyer. Opozita ka bërë gjithë sa ka mundur për të ardhur në pikën ku po Ju presim të afroheni e të bëni Tuajën.

Ne kemi lëvizur me urtësi e kurajë drejt pikës ku çmojmë se konvergojnë interesat e të gjitha palëve, pa cenuar parimin e patjetërsueshëm të transparencës së zgjedhjeve të shkuara, me të cilin lidhet në fakt jo thjesht shkalla e lirisë dhe ndershmërisë së zgjedhjeve të ardhshme, por edhe shkalla e respektimit të lirive e të drejtave kushtetuese në Shqipëri nga ana e parlamentit e qeverisë.
Bindja se degradimi i ndjeshëm i këtyre lirive e të drejtave gjatë dhe sidomos pas zgjedhjeve të shkuara, lidhet pikërisht me vetësigurinë që pushtetit i buron nga kontrolli i mekanizmit të sofistikuar dhe deri sot të paprekshëm të korrupsionit zgjedhor, na bën të palëkundur në mbrojtjen e parimit të transparencës së plotë e të pakushtëzuar të zgjedhjeve.

Por njëkohësisht bindja se më e mira nuk mund të bëhet duke bërë më të keqen për palën tjetër, si edhe, le ta themi pa ngurrim, respekti për opinionin e miqve dhe partnerëve të pazëvendësueshëm të Shqipërisë në rrugën e saj drejt Europës, na bëjnë të dëgjueshëm ndaj të gjithë zërave që vijnë nga jashtë nesh. Përfshirë edhe zërin e palës Suaj sigurisht.
Prandaj e njohëm rezultatin.
Prandaj pranuam parimin e mosndryshimit të tij pavarësisht rezultatit të hetimit.
Prandaj u treguam tejet të matur në organizimin e protestave.
Prandaj u kthyem në Parlament dhe morëm mandatet.
Prandaj propozuam një nismë konkrete, konform Kushtetutës, konform vendimit të Gjykatës Kushtetuese, po edhe konform opinionit të Komisionit të Venecias – po zoti Kryeministër, ky komision është shprehur qysh në vitin 2001 për mosngushtimin e objektit të hetimit parlamentar nga mazhoranca! – si edhe, dëgjojeni me vëmendje, konform faktit të thjeshtë që, pas zgjedhjeve të vitit 2005, komisionit të atëhershëm hetimor parlamentar për zgjedhjet i është lejuar hapja e kutive të votimit. Fakti që ai komision nuk e zhvilloi as sa dhe as si duhet procesin e transparencës, ishte një gabim të cilin zgjedhjet e vitit 2009 na mësuan se në asnjë mënyrë nuk duhet të përsëritet.

Ndërkohë Ju s’keni lëvizur asnjë gjysmë hapi nga pozicioni Juaj fillestar, edhe pse funksioni i Kryeministrit të vendit, aq më tepër në kushtet aspak të lehta ku ndodhet demokracia dhe ekonomia e vendit, kërkon prej Jush kurajën e gatishmërinë për ta kuptuar siç është krizën shqiptare, të njohur tashmë ndërkombëtarisht, duke dëgjuar zërin e arsyes, jo duke besuar tek arsyeja e forcës.

Ju përpiqeni ta fortifikoni pozicionin Tuaj të vjetër duke iu referuar sistematikisht Kushtetutës si një pengesë, që thoni se nuk u lejon ta pranoni nismën ligjore të Partisë Socialiste. Kujt nuk do t’i vinte mirë, përfshirë edhe mua pa as më të voglin dyshim, që Kryeministri i Shqipërisë të ishte mishërimi me fjalë e vepra i përulësisë ndaj ligjit themelor të shtetit!

Por, e vërteta jofatlume është se këto ditë u rrumbullakos në njëzet numri i ligjeve të miratuara prej mazhorancës Suaj, që janë rrëzuar si antikushtetuese nga Gjykata Kushtetuese e Republikës së Shqipërisë. Ndërkohë, po këto ditë, një nismë e freskët e qeverisë Suaj për të amenduar ligjin për Shërbimin Informativ të Shtetit tonë i shtohet listës së afro dhjetë akteve të tjera, të pagjykuara ende prej Kushtetueses, ku lexohen qartë gjurmët e antikushtetushmërisë. Këto janë rekorde që fatmirësisht e ardhmja nuk do t’i thyejë dot kurrë, por që fatkeqësisht tregojnë problemin e madh të së tashmes shqiptare për shkak të të kuptuarit që qeveria Juaj ka me Kushtetutën qoftë në germë e qoftë në frymë. Një numër interesash e synimesh të lexueshme për të gjithë ia kanë bërë të rëndomtë kësaj maxhorance avazin e shkeljes së Kushtetutës, prandaj të gjithë e dinë sot se jeni Ju jo Kushtetuta pengesa për transparencën e kutive të 28 qershorit.

Jo zoti Berisha, nuk Ju pengon Kushtetuta të pranoni projektin tone, po mungesa e vullnetit politik për ta respektuar Kushtetutën! Ju i atribuoni Kushtetutës një kufizim që ajo nuk e ka. Ju e lexoni sërish gabim apo siç ju pëlqen atë, ashtu siç lexoni gabim apo siç ju pëlqen vendimin e Gjykatës Kushtetuese, që në fakt thotë pa asnjë ekuivok, njësoj si edhe Komisioni i Venecias, se objekti i hetimit përcaktohet nga pakica që propozon ngritjen e komisionit hetimor dhe nuk mund të kufizohet nga shumica e Parlamentit.

Zoti Kryeministër!
Nuk është ende vonë!

Çlirimi i zgjedhjeve nga korrupsioni është çlirimi i zgjidhjeve për shqiptarët.
18 marsi është dita e caktuar dhe e duhur për ta bërë së bashku në Kuvendin e Shqipërisë, në vëmendjen e jashtëzakonshme të opinionit publik shqiptar dhe miqve e partnerëve tanë ndërkombëtarë, hapin e madh drejt këtij çlirimi që do të ndikojë fuqishëm edhe kundër fenomenit të korrupsionit në tërësi.

Le ta bëjmë këtë hap me kurajë e në mirëbesim reciprok, të ftojmë edhe miqtë e partnerët tanë ndërkombëtarë të na ndihmojnë me praninë dhe sugjerimet e tyre në procesin e transparencës, t’u japim shqiptarëve mundësinë e një eksperience të pashlyeshme demokracie, duke e bërë transparencën instrumentin e shkuljes së korrupsionit nga procesi zgjedhor dhe duke u dhënë të gjithëve mesazhin shpresëplotë të shpëtimit të lirisë e garantimit të ndershmërisë së zgjedhjeve në Shqipëri.

Ka ende kohë për të reflektuar, folur e zgjidhur këtë nyje gordiane me shpatën e kurajës politike e qytetare që kërkon një moment kaq delikat kur duhen hapa kurajozë përpara, duke filluar nga transparenca e zgjedhjeve e vazhduar vendosmërisht me reformat e tjera të integrimit dhe me implementimin e tyre për një Shqipëri Europiane ku ligjet e shkruara të jenë ligje të zbatuara.
Fortifikimi i mëtejshëm i pozicionit Tuaj të vjetër, me argumente që janë vetëm një alibi e ngritur mbi frikën nga transparenca dhe si rrjedhojë refuzimi i transparencës nga ana Juaj në 18 mars, do të ishte një gabim që sot nuk jemi në gjendje t’ia parashikojmë dot pasojat.

Uroj që ky të mos jetë rasti, por jam i detyruar t’Ju siguroj publikisht se nëse kështu do të ndodhë, opozita është e përgatitur për ta vazhduar përpjekjen e saj demokratike deri në largimin e kësaj qeverie.

Sinqerisht
Edi Rama

si korrier i Edvin Rames,me shum vonese e ke sjellur kete leter ne forum!!
Berisha e ka lexuar letren e rames koh me pare ,madje e ka hellur ne koshin e plehrave prej ditesh!

sot për sot... kemi t'bojm me (kryeministrin) më negativ të politikës Shqiptare i t'gjith kohrave

[i/regjistruar]

Behari, qe te mos hapemi shume, te flasim ja dy shkrime per Shkodren

une them qe kurre Shkodra (Ajka e Kombit) nuk ka qene ne nivelet e ketyre 20 viteve, dhe e keqa eshte qe nuk behet me

[BEHARI]

Behari, qe te mos hapemi shume, te flasim ja dy shkrime per Shkodren

une them qe kurre Shkodra (Ajka e Kombit) nuk ka qene ne nivelet e ketyre 20 viteve, dhe e keqa eshte qe nuk behet me

te ju pergjigjem te dyve njeheresh!
Shkodra nuk ka kene me mire se sot ndonjehere,
keto 5 vitet fundit Qeveria Berisha e ka bere shkodren super ne infrastrukture!
kujtoni ju se harrojn shkodranet kur:socialistet per 8 vite ne pushtet nuk bene asnje investim ne Shkoder..??

[BEHARI]

shko e genje ndonji tjeter ... nje te fundit: ujrat e permbytjes nuk jane larguar ende ...

mos ju qaj hallin te permbyturve ne shkoder ti!
vazhdimisht ju socialistet keni dashur te abuzoni apo te shfrytezoni politikisht
fatkeqsite e ndryshme qe u jane kanosur shqiptarve !
qeveria ju ka qendruar afer qutetarve ne rastin e permbytjeve,plus qe do kombesojne cdo qindarke demet e shkaktuara!
kete e din shkodranet dhe mbare shqiptaret!

ndryshe socialistet qe ne kohe zije kombetare liderit tuaj politik festonin neper buzuqet e greqise!

[Brari]

55

--

OPINION

Edhe sa njerëzve të tjerë u ka ndërprerë jetën, Kristaq Rama, daltaxhiu i vdekjes?
18-03-2010 /

Redaksionale




Firmat e daltaxhiut të diktaturës mund t’i japin beniaminit të Nexhmijes çmimin “Oskar” për varjet e vrasjet pa brerje ndërgjegjeje, por sot faktet e reja zbulojnë trashëgiminë e dhunës dhe të mohimit të realitetit që i është lënë Edvin Kristaq Krizës (2K)



Pompon paska qenë një skulptor i njohur francez që gdhendte kafshë nëpër parqe e tutje-tëhu. Edhe i lëmonte mirë, në përgjithësi i bënte të bardhë.

Shkurt, pastër, mirë kemi një variacion shqiptar në temën mbi skulptorët e mishit dhe vdekjes: ai quhet padyshim Kristaq Rama. Sepse nuk ka skulptor, ç’është e vërteta, që të mos të të bëjë të mendosh vdekjen. E tani po dalin fakte të reja mbi xhelatin-“artist të popullit” që përndiqte “armiqtë e popullit”. Mësohet të ketë punuar 2 statuja mishi njerëzor që kanë shërbyer për simbole të çmimit “Oskar për varje”. Kësisoj firma për varjen e poetit disident kuksian H. Nela nuk është rast i izoluar, pasi në jetëshkrimin e këtij xhelati tashmë është inventarizuar edhe Enver Osmanit, 29-vjeçar nga Gjorica e Poshtme e Dibrës, i cili paskërkësh qenë akuzuar për “tradhti ndaj atdheut” që në moshën 17-vjeçare(!!!).

Sidoqoftë ceni i senjor Ramës ishte firma, llumi i zi mbi të bardhë. Edhe lumi Lana është më i bardhë sesa firmat e Fehmi Abdiut apo Kristaq Ramës. Pakkush e njeh si duhet “Mikelanxhelon e vdekjes komuniste”, me emrin dhe fytyrën e vërtetë, por dokumentet e reja po japin dritë mbi një personalitet të deformuar në bashkëpunim të plotë me diktaturën. Ndonëse formalisht ishte me profesion skulptor në oborrin komunist; informalisht Ai bënte me zell detyrën firmë-për-varje në Presidiumin popullor, aty ku kishte si qëllim prej kasapi jo të “hiqte” pjesë nga masa amorfe, por të “flakte” tutje kërkesat për falje nga dënimi me vdekje. Gjithë ekzistencën e tij mbi tokë, s’pati një moment ku ndërgjegjja e pastër të kishte konflikt me moralin. Sinqeriteti i faljes është një nga format primitive më shprehëse. Etaloni i flakjes përtej të hijes së tij kaplonte çdo mendim humanizmi. Për të jeta nuk ishte e shenjta. Sepse gjallimi në një jetë të dyfishtë, midis artit dhe varjes jakobine të njerëzve padyshim që ka helmuar harmoninë familjare, e cila në dukje ishte e lumtur, por në brendësi mbijetonte duke konsumuar lëkurën e “armiqve të popullit. Parulla që ka shoqëruar skulptorin e populli soc-komunist është “më mirë ata, se ne”.

Është e pakundërshtueshme që e bukura ka një rol vendimtar në jetën tonë e në vendimet që marrim. Por Ai e mohonte artin, nuk anonte nga fetishizimi i gjigantëve si Rodin, Marcié, Modigliani, Satie, Duchamp apo Costantin Brancusi, por pat gjithë jetën si shembuj e si idhuj të profesionit të torturës, modele prokurorësh si Aranit Çela, Bilbil Klosi, kanibalin rumun Eugen Turcanu me metodën e tij “Nikolski”, të krijuara nga shefi i Securitate-s, apo metodën djallëzore të drejtorit të burgut kamboxhian të khmerëve të kuq, Him Huy: i mbiquajtur Duc. Këta ishin katër kavalierët e apokalipsit komunist në të gjithë galaksinë marksiste-maoiste, që shërbyen si idhuj për Kristaq Ramën. Padyshim që, frymëzimi me këto elementë negativë pati ndikim në performancën dhe mesazhin që ai përcolli si në familje ashtu edhe në jetën publike e politike.

Gjithsesi në të njëjtën kohë që komunizmi u jepte zdrukth “armiqve të popullit”, artisti i popullit komunist K.Rama spikaste me goditjen përfundimtare nëpërmjet mohimit të faljes.

Merret me mend se dy firmat e publikuara nga gazeta “55” nuk janw tw vetmet dhe tw tjerw tw informuar apo tw mirwinformuar janw tw lutur tw hedhin dritw mbi aktivitetin e daltaxhiut tw vdekjes e pasardhwsve tw tij.

Afërmendsh mohimi është gjenetikisht aksiomë e Familjes Rama, si i Ati ashtu edhe i biri Edvini po kërkojnë të mohojnë realitetin, fiks siç i ndodhi me mohimin e fëmijës në gjyqin e divorcit. Dekada më vonë Edvini po mohon dëshirat dhe vullnetin e shqiptarëve, duke u rrekur mohojë aksidentin politik që pati në 28 qershor 2009, për hir të egocentrizmit të sendërtuar përgjatë pasjes së pushtetit familjar.



...

Komente

ZOTI TAFIL!Nuk mbroj krimet e djeshme.Kristaqi ka vdekur,Edi nuk mban pergjegjesi.Enveri ka vdekur , por Ramizi eshte gjalle.Te gjykohet ai ,dhe ndonje tjeter ligjvenes dhe urdherdhenes i asaj kohe,por jo te luftojme komunizmin me te vdekurit ,pa ndeshkuar te gjallet e komunizmit.Ky eshte ndryshimi im me Mark-un dhe market e tjere.Por keto mendime ,nuk mi pelqejne ne "55", dhe nuk mi botojne. IDRIZI
Postuar nga idrizi ne daten 18-03-2010
--------------------------------------------------------------------------------

OR IDRIZ MORE QELBESIRE ::PO NUK TE VJEN TURP MORE PERVERS QE PERMEND PIPERIN NE RASTIN E NJE DJALOSHI TE RI TE EGZEKUTUAR!!!! ESHTE NJE EGZEKUTIM JETE DHE JO KUZHINE KJO MORE KERME E QELBUR. TY DHE RRACEN TENDE TE QELBUR KOMUNISTE DUHET ME JUA CA BARKUN DHE ME JUA NZJERR ZORRET MOR PERVERS
Postuar nga mark ne daten 18-03-2010
--------------------------------------------------------------------------------

Idrizi te vdekurit ja paska lene Perendise. Po ku shkuan ato te gjalle,qe u masakruan per 45 vjet rresht,qe u vrane, u pushkatuan u internuan,u diskretituan, u persekutian. Ca si armiq te brendshem,ca si armiq te jashtem,ca si agjente, ca si poliagjente,ca si tradhetar,ca si armiq klase,ca si grupe puciste,ca si sabotator,ca si antikulturor. Provoje ne kurriz te familjes tende,e te shohim sa do ta harroje,masakrimin 45 vjecar,brenda telave me gjemba,qe tmerruan dhe djajte.
Postuar nga Tafili ne daten 18-03-2010
--------------------------------------------------------------------------------

O-go-mark,e kam bere komentin,por ishte me piper ,dhe nuk ma botuan.Beju rixha te lutem, dhe thuaju te ma botojne.Besoj se te shkon fjala dhe do te ta di per nder.Une te vdekurit ja kam lene perendise dhe dua te merrem me te gjallet.Ti vazhdo se me ata qe rri me ata do te bshkohesh.Tung. IDRIZI
Postuar nga idrizi ne daten 18-03-2010
--------------------------------------------------------------------------------

ORE IDRIZ OR QELBESIRE KOMUNISTE... ku jeti qe nuk komenton keto lajme tronditese te familjers se qelbur dhe kerme te aduard rames? beju burre e jepe komentin tend or IDRIZ moj pjelle e ndyre komuniste
Postuar nga mark ne daten 18-03-2010
--------------------------------------------------------------------------------

[Llapi]

"Më vjen turp që vendi im ka një kryeministër të tillë..."

Email nga adresa rajubi@hotmail.com | 22/03/2010

Me vjen turp nga vetja ime që të kam ty kryeministër të vendit tim Sali Berisha. Kur të dëgjoj ty zoti Berisha kur flet në Kuvendin Popullor, kur flet në mbledhjet e qeverisë,kur flet nëpër mitingje,kur flet kur vijnë delegacionet e huaja në Shqipëri, apo kur ju ikni jashtë shtetit,e përfaqëson vendin,me vjen shumë turp për ty.


Përse e them këtë? E them se jam i detyruar nga veprimet e tua të papërgjegjshme. Po i rendis me fakte përse më vjen turp nga ty; Kur thua se jam i sinqertë, për mua je njeriu me i pasinqertë në ato që thua, bile sa herë e thua dhe e përmend sinqeritetin tënd duhet me të pasur frikën se mbas kësaj fjale do të presësh trillimet e tua.


Kur thua se jam i ndershëm,për mua je njeriu me i pandershëm që ka njohur ky vend. Mënyra se si e more detyrën tende si kryetar i PD-së është ana me e errët dhe më e pandershme e karrierës tënde.


Të gjitha zgjedhjet që janë nën drejtimin tënd janë zgjedhjet më të pandershme e më të kontestuara që janë bërë, sepse ti asnjëherë nuk i fiton zgjedhjet po nuk i vodhe po nuk i manipulove e sidomos zgjedhjet e fundit i vunë kapak ndershmërisë tënde.


Kur thua se je tolerant, për mua je njeriu me agresiv që ka njohur ky vend,asnjëherë ti nuk e ke pranuar rezultatin kur ke dështuar, sepse ti realisht asnjë palë zgjedhje nuk ke fituar,por edhe kur ke bërë opozitën e ke bërë opozitën më të egër ,me destruktive duke bllokuar çdo gjë e duke mos bërë asnjëherë kompromise, bile tentove të marrësh pushtetin me dhune siç bëre me grushtin e shtetit në vitin 1998.


Kur thua se jam i hapur,për mua je njeriu më shumë i këtij vendi që përdor kulisat, prapaskenat, hilet, dredhitë, për të mbytur çdo konkurrencë, debat konstruktiv,apo çdo zë që të kundërshton e nuk është dakord me veprimet e tua.


Ku i ke shokët e tu që nga viti 1990? Shikoj se nuk ke me asnjë,sepse ose i ke larguar,ose i ke denigruar,i ke poshtëruar ose janë larguar se nuk kanë duruar ligësitë e tua,e kultin tënd të individit.


Për të mos përmendur të vdekurit. Kur thua se jam për shtet ligjor, për mua je njeriu me antiligjor që ka njohur ky vend, ti nuk njeh përveç sundimit tënd asnjë organ shtetëror, je i vetmi kryeministër në botë i rrëzuar 20 herë nga Gjykata Kushtetuese e vendit tënd.


Kur thua se jeni trim me vjen për të qeshur, se je njeriu me frikacak që ka ky vend. A të kujtohet 1997 kur u fërkoja shpatullat opozitës u bëre urë e atyre e ju premtoje se do të bëje çfarë të donin ato , e këtë ti e bëje vetëm nga frika e paniku që të kishte kapur .


Që thua që je trim të shohim kur del nga strofkulla e del nëpër vizita e mitingje të shoqëron e gjithë garda e republikës e vihet në gatishmëri numër 1 për të të ruajtur ty nga frika që ke prej njerëzve që mashtron përditë.


Në çdo km rruge ke nga një patrullë policie, në çdo urë kalim e mbi kalimi ke njerëz që të ruajnë. Të ruajnë nga populli yt që sipas teje të do shumë .


Ti thashë këto për të të thënë e kujtuar se përsëri më vjen turp shumë turp që ti je kryeministër i vendit tim.

[Asdreni82]

Raport i byrose politike ne takimin e fundit te PS-se.
Me vjen turp qe ke shkruar kaq pak.Po per kaq pak je lodhur...

[Station]

Brari Ti nuk e kupton se ç'far shkruan, ne fakt nuk eshte faji yt faji eshte i gazetes 55 qe ç'do njeri normal nuk mund ti lexoj dy reshta pa ju perzier ne stomak dhe pa pasur ndjesine e te vjellurit.
Ore po nuk e kuptoj se ç'kenaqesi ndjeni duke share, si mendoni Ju se te tjeret nuk dijne te shajne?
Mjafton te shikosh fytyren e botuesit te gazetes 55 qe te kuptosh se ai far njeriu qe edhe Perendia e ka gatuar te anoje me shume nga kafsha nuk mund te mos shkruaj perveçse vrer ne fletushken e tije.

[Brari]

55

-

OPINION

Pas Ruzhdies, kush e ka radhën në hartën e mashtrimeve?
23-03-2010 /

Nga Gëzim Llojdia


Ku gjendet ky populli opozitar? Vërmiku mund të jetë epiqendra e ardhshme e protestave të popullit opozitar. Vërmiku është fshat në thellësi të maleve. Mirëpo aty, sipas ca zërave u vodhën të gjitha votat. Vërmiku ka sot nja dy banorë. Mirëpo është mirë që të promovohet nga opozita. Të promovohet sepse Vërmiku iku i gjithi në qytet, që në kohë të kohës. Vërmiku eshtë mirë të promovohet se atje ku nuk kishte kuti, kishte edhe manipulim. A dëgjon fshatari sot nga kambana që i bie opozitës? Ky popull opozitar nga është?, më pyeti një fshatar i rrëzës së përtejme. Duhet të jetë nga Ruzhdia ose diku ku ta caktojë bashkëpronari legjitim i PS, Ruçi. Nëse edhe këtë e pranon pronari i PS, precedenti duhet shqyrtuar me vëmendje.

Bastionet fituan ngushtësisht/Kur flitet për manipulim duhet kuptuar një gjë qartësisht: Ku i ka strehët e saj PS-ja? Historikisht është njohur në jug. Që nga viti ‘94 e në vijimësi në jug PS ka pasur bastionet e veta. Dhe deri-diku rezultati aty ishte 6-4. A e keni dëgjuar ndonjëherë Ruzhdien si bastion të PS? Në 20 vjet asnjëherë. Atëherë si u bë Ruzhdia? Ruzhdia u gatua nga socialistët për të qenë premisë për bombën e bashkëpronarit të PS. Ruzhdia lindi e këtillë për t’u dëgjuar më vonë. Tek ato ferra, socialistet paten nevojen te pillnin “lepurin e manipulimit”. Ruzhdia është një fshat që në këtë stinë ka hallet e veta, me punët e ngarkuara të periudhës. A ka kohë Ruzhdia të merret me marifetet e Ramës e Ruçit, që të sjellin belanë dhe ta lënë në derë? A do t’i pranojë Ruzhdia gënjeshtrat e nastradinëve të PS? Kur PS-së iu rrëzuan bastionet, u shpik Ruzhdia. Mundet që nesër të pillet Vërmiku, nëse është në agjendën e bashkëpronarit të partisë.

Pse shpikën Ruzhdien dhe jo Salarinë/Salaria është fshati për të cilin një gazetë e kohës ka shkruar një reportazh, fshati që nxori Selam Musanë dhe Gramoz Ruçin. Nëse i pari u hodh mbi telat me gjemba, i dyti mundohet t’i prodhojë këto tela me gjemba. Përse socialistët nuk e quajtën Salarinë si fshatin e manipulimit, por Ruzhdien. Për ta bërë hazër një vjedhje kutish, ata ndërtuan gjithë infrastrukturën e vjedhjes. Përgatitën me imtësi gjithshka, deri edhe kohën apo momentin kur komisionerët do të braktisnin detyrën. Salaria dihej që do të kuptohej, kështu njeriu i Salarisë ndërtoi Ruzhdien për ta përdorur si alibi. Ku ishte Ruzhdia, fshati që u mbajt edhe ende mbahet në gojë nga socialistët dhe gjithë infrastruktura mediatike e saj deri në shkurtin e 2010? Si ishte e harruara e madhe e gjashtë muajve? Si ka mundësi që Ruzhdia nuk u përmend për asnjë çast në protestat e përgjumura të socialistëve në dimrin që shkoi? Sa kohë do të zgjasë historia Ruzhdie nëpër faqet mediatike të majta.

Pas Ruzhdies, kush e ka radhën ne hartën e mashtrimeve?/Meqë lojërat e PS njihen, ose lehtësisht të lexueshme janë, pyetja është: pas Ruzhdies kush e ka radhën? Mos vallë Vërmiku ynë? Po qe e thënë kjo, do t’i lutesha pronarit të Partisë Socialiste me këtë fjalë: Ne emër të plotfuqishmit, në emër të mëhallës tonë, në emër të gjithfarë njohjeve, mos e bëjë këtë! Jo për gjë, por kushedi se çfarë biçimi mund t’i shpikësh? Ti dhe infrastruktura jote mediatike do të thoshte: “Vërmiku ynë, kazani ku u gatua humbja më e madhe elektorale. Vërmiku ynë thellësisht i indinjuar nga humbja. Vërmiku ynë heroik e pësoi keqazi nga qeveria mafioze që i mbushi kutitë.

Në të vërtetë fshati ka pak banorë por kurrsesi s’ka vota. Mirëpo ku i dihet se çfarë intrige ka përgatitur selia rozë. Kujt në të vërtetë i është shënuar emri, cilit nga fshatrave tanë i është shpuar veshi?