Projekti i sheshit "Skënderbej"

[Besoja]

Mos nënvleftësoni socialistët për këto gjëra!

[Duaje Siveten]

...
Per bes kam pas besim te Edi, po kto koht e funit po demostron se asht NEO-KOM....

skiner,

edi mund te jete NEO-KOM, mund te behet edhe EDVER ...

shef rrushi-rrushin e piqet ... kur ARKEO-KOM salis po fshin lemen me haxhiqamilizmat mesjetare, edhe edi i paska thirr mendjes (mundet edhe ai te kete mare ndonji revelacion hyllor) per ta fshi lemen me metoda pak me moderne, ekstravagante ...

hajt ti vrojm qe te dy, a e kan per ni mend ... me 30 te prellit te thyem, e me ni maj te proletarve ...

[Qyfyre]

[B][COLOR="Red"]Sipas meje në hapsirën midis Bankës dhe Muzeut Kombëtar, dmth. atje ku ka qenë monumenti i diktatorit e prapa, ka nevojë të vihet dorë për të mbyllur stërmadhësinë e sheshit dhe shëmtinë që sheh syri në atë drejtim. Por nuk jam kurrsesi që kjo të bëhet me një ndërtesë supermarketi, siç parashikojnë belgët që përveçse do të shtonte mbyllje dhe çimento do tu merrte dritë e fushëpamje dy ndërtesave shumë më të rëndësihme siç janë Banka dhe Muzeu. Sipas meje atje fare mirë mund të ndërtohej një park me pemë të larta dhe gjelbërim ku të vendoseshin edhe stola edhe skulptura e ku herë pas here të vendoseshin baraka druri, si në parkun para Bashkisë së Vjenës, ku njerëzit të mblidheshin në ditë festash. Ky park/pyll i vogël në mes të qytetit nuk do të dhunonte ndërtesat gjithsesi të rëndësishme të Bankës dhe Muzeut, do të kishte një kosto minimale për një vend të zhytur në borxhe, do të ruante shumë më tepër identitetin e sheshit, do të ndihmonte sadopak për pastrimin e ajrit në këtë zonë super të ndotur dhe nuk do të mrrudhte edhe më hapësirën publike por do të vazhdonte ta ruante sheshin si një shesh të të gjithëve.

Është thjeshtë një propozim të cilit mund t’i bëhen shumë vërejtje, por jo ajo se propozohet për t’i shërbyer interesave të pushtetparasë së asaj pakice që ka shkaktuar masakrën urbane në Tiranë.

Korrieri, 12 prill 2010

Ide e mire. Do ishte shume me mire se cfaredo lloj ndertese aty.

[DYDRINAS]

Çfarë do të bëhet me Tiranën?

15/04/2010

• Arben Tafaj*

Me shqetësim të thellë dhe me ndjesinë që të prodhon e panjohura kemi ndjekur këto javë zhvillimet e fundit që kanë përfshirë maxhorancën dhe opozitën, Qeverinë dhe Bashkinë e Tiranës, të cilat janë përplasur me zhurmë mbi sheshin “Skënderbej” dhe zemrën e kryeqytetit. Shoqata Tirana, përfaqësuesja kryesore e banorëve të këtij qyteti dhe epiqendra e shoqërisë civile, kur flitet për fatin e kryeqytetit, ka qenë e përjashtuar nga ky debat.
Më duhet të sqaroj se qysh në fillim, me dëshirën e mirë për të mos bërë thjesht shou mediatik - pa kuptuar realisht çfarë po ndodhte, ne zgjodhëm të mos përfshihemi në këtë debat. Sot që gjërat janë relativisht më të lexueshme, unë jam këtu përpara jush për të shtruar një pyetje të re dhe për të gjetur një përgjigje të përbashkët dhe definitive ndaj dilemës: Çfarë do të bëhet me Tiranën?
Të flasësh për Tiranën, sikur 600 mijë banorë jetojnë vetëm përreth sheshit “Skëndërbej” është ose produkt i një optike shumë të ngushtë, ose një alibi qëllimkeqe. Pa dashur të udhëheq diskutimet, unë mendoj se kjo qasje i shërben dikujt për të fshehur fatin tërësor të një qyteti, tashmë të vrarë. Të paktën në letër...
Është e domosdoshme të pranojmë parimet kushtetuese të barazisë mes shtetasve, të cilët janë njëlloj të rëndësishëm për cilindo nivel pushteti, pavarësisht faktit nëse jetojnë në qendër apo në periferi. Jam këtu për të kërkuar rikualifikimin e këtij parimi thelbësor përmes përfshirjes se qytetarëve në këtë debat, i cili i tejkalon metrat katrorë të një sheshi, sado mbarëkombëtarë të jetë emri i tij. Jam këtu për të thënë se qytetarët e Tiranës kërkojnë një përgjigje.
Shoqata Tirana është përfaqësuese e të gjithë atyre që e konsiderojnë këtë qytet si stacionin e të ardhmes së fëmijëve të tyre. Shoqata Tirana nuk është muzeu njerëzor i këtij qyteti; ajo është vetëdija e tij e re publike, zëri i saj, fytyra e saj. Për këtë arsye, ne po flasim sot – ashtu siç folëm dje, mbi rrënojat e një historie që mund të ishte varrosur njëherë e përgjithmonë, në kërkim të një përgjigjeje, e cila e sheh qytetarin e Tiranës si subjekt, jo thjesht si objekt. Është për të ardhur keq dhe dua ta theksoj se gjithnjë e më shpesh ne si qytetarë jemi viktima të surprizave qeverisëse të autoriteteve lokale. Jemi preja e tekave dhe e interesave afat-shkurtra, që edhe pse me tagër të kufizuar termash elektorale, prodhojnë pasoja jetë-gjata dhe të pakthyeshme.
Kemi lagje të tëra banesash ku nuk hyn me as zjarrfikësja, as ambulanca. Kemi ndërtuar pallate prej ku të vdekurit duhet të dalin në këmbë, se nuk i zënë shkallet. Kemi toleruar një hordhi’ deformimesh në distanca dhe në rregulla urbanistike ndërtimi, nuk kemi rrugë të mjaftueshme për trafikun dhe as trotuare për njerëzit, jetojmë në kushtet e konstipacionit urban, kemi lejuar të ndodhë e paimagjinueshmja dhe tani dikush thotë se problemi ynë është sheshi “Skënderbej”.
Jo zotërinj! Jo dhe Jo. Problemi ynë është gjithë Tirana. Sheshi është zemra e tij, por jo e gjithë Tirana.
Jam i detyruar ta them se unë besoj se sheshi “Skënderbej” është vetëm maja e ajsbergut. Plani rregullues i Tiranës dhe e ardhmja e saj urbane, janë trupi i madh dhe ende i palexueshëm i një kërcënimi po aq madhor e i padukshëm, që nëse lejohet të pluskojë në heshtje rrezikon të na mbysë të gjithëve si Titanikun.
Është koha të kërkojmë transparencë. Është koha të kërkojmë sqarime. Është koha të flasim në emër të së drejtës kushtetuese për barazi përpara ligjit, që nënkupton Kodin, i cili përkufizon të ardhmen tonë.
Unë mund të përmend këtu njëmijë probleme urbane që vlejnë për jetën e qytetarit tiranas me shumë sesa e ardhmja e sheshit “Skënderbej”. Ato meritojnë të marrin përgjigje përpara fillimit të diskutimit mbi fatin e kullave të reja apo piramidës nostalgjike të projektuar mbi këtë shesh.
Qytetarët e Tiranës, kur të mendojnë për sheshin “Skënderbej” duhet ta shohin atë si pjesë integrale të qytetit të tyre, jo si një arnë mbi fletoren elektorale të kryetarit të radhës apo si një çështje që nuk ju përket më.
Të flasësh sot për sheshin ose vetëm për Sheshin është t’i mbash sytë mbyllur dhe të mos pranosh të përballesh me të ardhmen e qytetit në tërësi. Dhe kjo është e palejueshme. Kjo nuk do të mund të ndodhë. Ne jemi këtu për të kërkuar një përgjigje dhe për ta gjetur atë.
Qytetarët e Tiranës nuk mund të jenë peng i një procesi politik mosmarrëveshjesh ndër-institucionale. Qytetarët e këtij qyteti nuk mund të marrin përsipër të shërbejnë as si subjekt negociatash për të zbutur konfliktet e sajuara nga një palë, për të fituar atë që mund të fitohet në kurriz të një kryeqyteti – edhe kështu të masakruar mjaftueshëm.
Ftoj të gjitha palët të ulen në tryezë me ne dhe të flasin hapur, qartë, të flasin dhe të dëgjojnë zërin e qytetarëve që duan të qeverisin. Ai që nuk dëgjon, nuk qeveris. Sundon. Dhe ky qytet nuk i pranon sundimtarët. Në kohën ku jetojmë është e domosdoshme që vendimet që përfshijnë këtë qytet të jenë legjitime. Pa mbështetjen publike, asnjë vendim nuk mund të jetë i tillë.
Tirana është qyteti ynë i përbashkët, është mjedisi i fatit tonë të përbashkët, është fitorja e vetme që mund të kemi nëse vendosim të punojmë bashkë ose humbja e madhe e përbashkët. Për sa kohë duhet të bashkëjetojmë, duhet të bashkëqeverisim. Në mirëkuptim dhe në paqe, në harmoni dhe me drejtësi. Jashtë këtyre parimeve nuk ka tolerancë. Dhe aty ku s’ka tolerancë, nuk ka as paqe sociale, dhe as progres.

*Kryetar i shoqatës “Tirana”

panorama


Shume vone mor Tafaj! Pleqte tuaj kane qene me te afte se ju!

Pronari nuk e masakron vetveten, nuk toleron krijimin e kaosit para deres se shtepise, nuk toleron shperfytyrimin e prones dhe te qytetit te tij!

Mirepo ju u rrejtet nga ata qe i pranuat t'ju qeverisin, duke nisur nga ata te "barrikadave" te vitit 1944 e deri tek "pezaku" me brekushe t'gjona, Edi i Taqit t'somes!

Mirepo tashme eshte vone, shume vone! Tirana ka marr fund si qytet!

Duhen fonde te paimagjinueshme per ti rregulluar ato qe ke thene me lart!

Mendoni per nje Tirane tjeter! Kete Tirane e late ne meshire te fatit, vetem nga makuteria per te fituar me cdo cmim!

Sot Tirana jane fytyrat e dhjamosura te atyre qe nisen "bizneset" ne vitet '90, me droge, me prostitucion, me klandestine, me vrasje, me grabitje anekend botes, me grabitje te fondeve publike!

Na ishte se c'na ishte!

[Qyfyre]

Prandaj zgjidhja e vetme do te ishte shkaterrimi i te gjitha ndertimeve pa leje qe u bene ne cdo cep lagje, shtesave pa leje qe bllokuan hapesirat midis pallateve duke i bere njesh. Madje ka dhe lagje ku jane bere apostafat bllokime rrugesh qe mos hyjne makina se jane te rrezikshme per femijet qe lozin ne oborr. Ka pastaj dhe pallate shumekateshe "te ligjshme" qe jane ndertuar vend e pa vend dhe ato.

Pa u shkaterruar ato ndertime eshte e pamundur qe te zgjidhet problemi i "konstipacionit" urban qe thote autori shkrimit.

[DYDRINAS]

Prandaj zgjidhja e vetme do te ishte shkaterrimi i te gjitha ndertimeve pa leje qe u bene ne cdo cep lagje, shtesave pa leje qe bllokuan hapesirat midis pallateve duke i bere njesh. Madje ka dhe lagje ku jane bere apostafat bllokime rrugesh qe mos hyjne makina se jane te rrezikshme per femijet qe lozin ne oborr. Ka pastaj dhe pallate shumekateshe "te ligjshme" qe jane ndertuar vend e pa vend dhe ato.

Pa u shkaterruar ato ndertime eshte e pamundur qe te zgjidhet problemi i "konstipacionit" urban qe thote autori shkrimit.

Drejte!

Po nuk ngrihet problemi vetem ne ate drejtimin qe ke permendur.

Flitet me shume per reagimin qytetar e per me teper te nje qyteti qe ne shqiptaret e mbajme si kryeqytet!

Papergjegjshmerise se politikes, duhej ti vinte fre reagimi i qytetareve, qe duhej te ishin te paret qe te ndalonin doren e Sali Kelmendit, Albert Brojkes, Edi Rames & Co.

Bashkia e Tiranes nuk eshte nje mbipushtet, por nje pushtet i zgjedhur nga qytetaret per t'u sherbyer atyre!

Kryetari i saj i bashkise nuk duhet te jete nje sundimtar, por nje kryeqytetar qe mbron qytetin!

Deri sot Tirana nuk ka qytetare qe ta mbrojne e po ashtu nuk ka pushtet dhe kryetar qe t'ju sherbeje!

[Duaje Siveten]

Drejte!

Po nuk ngrihet problemi vetem ne ate drejtimin qe ke permendur.
...

Deri sot Tirana nuk ka qytetare qe ta mbrojne e po ashtu nuk ka pushtet dhe kryetar qe t'ju sherbeje!

u zgjove o dydrins prej "kushtrimit" te salis???

mos fol kodra mbas bregu, se a do qejfi salis ...

(perveç salis), ke mendon ti se mund ta beje per kryetar bashkie ne Tirane?

[Qyfyre]

Drejte!

Po nuk ngrihet problemi vetem ne ate drejtimin qe ke permendur.

Flitet me shume per reagimin qytetar e per me teper te nje qyteti qe ne shqiptaret e mbajme si kryeqytet!

Papergjegjshmerise se politikes, duhej ti vinte fre reagimi i qytetareve, qe duhej te ishin te paret qe te ndalonin doren e Sali Kelmendit, Albert Brojkes, Edi Rames & Co.

Bashkia e Tiranes nuk eshte nje mbipushtet, por nje pushtet i zgjedhur nga qytetaret per t'u sherbyer atyre!

Kryetari i saj i bashkise nuk duhet te jete nje sundimtar, por nje kryeqytetar qe mbron qytetin!

Deri sot Tirana nuk ka qytetare qe ta mbrojne e po ashtu nuk ka pushtet dhe kryetar qe t'ju sherbeje!

Qyteti u trefishua shume shpejt. Secili gjente tok e bente shtepi. Nuk eshte se e krijoi bashkia problemin. Ata ishin thjeshte pjese e problemit. Te ardhurit benin shtepi ne cdo pellemb tok, bashkia ngrinte pallate ne mes te shesheve, por edhe tiransit benin shtesat apo ngrinin shtepite e tyre. Ishte nje periudhe qe ishim shtet pa shtet, keshtu qe secili bente ca i donte qefi. Ishte kohe qe po te rrethoje dicka me gardh, atehere ajo gje behej jotja.

Puna esht si do sillet bashkia e shteti me gjithe keto shkelje tani qe kemi rregull. Ata s'kane mendje te prishin te paligjshmet (pervec ndonje rast inatesh me njeri tjetrin mbase, apo nese u bllokon ndonje plan personal), po kane halle te ngrene pallatet e veta.

Qe qytetaret votojne vetem per parti e jo per interesin e tyre, ajo dihet. Por ky nuk eshte nje problem i Tiranes, eshte per gjithe Shqiperine.

[DYDRINAS]

u zgjove o dydrins prej "kushtrimit" te salis???

mos fol kodra mbas bregu, se a do qejfi salis ...

(perveç salis), ke mendon ti se mund ta beje per kryetar bashkie ne Tirane?

Edi Ram Kokedhima, alias Salvo Lima i Tiranes!

http://en.wikipedia.org/wiki/Sack_of_Palermo

Nje thenje e kryemafiozit sicilian Toto Rina:

“We obviously give votes to politicians of our choice and after making an agreement with them, but they have to do what we say, otherwise we break their horns,”

[Jack Watson]

Sheshi "Skënderbej", trafiku ne kaos

E gjithë Tirana është paralizuar në mëngjes kur drejtuesit e automjeteve në kryeqytet janë bllokuar në trafik për shkak të punimeve që kryhen në sheshin “Skënderbej”.

Trafiku pervec kaosit ka vonuar me mijëra qytetarë për të mbërritur në kohë në vendet e tyre të punës apo destinacionet e tjera, duke i revoltuar për këtë bllokim. Por kryetari i bashkisë së Tiranës, Edi Rama e ka shpjeguar këtë me faktin se Bashkia ka bërë një provë të ndryshimeve të lëvizjes në drejtimet e rrugëve dhe u kërkon qytetarëve të bashkëpunojnë për të realizuar këtë projekt.

“Nuk ka mundësi që kjo të realizohet në kohën e duhur, në rast se të gjithë nuk japim pjesën tonë të kontributit duke nisur nga bashkia, qeveria, mediat dhe qytetarët e thjeshtë. Sot eshte bërë një provë e parë. Kjo situatë nuk mund të ndryshojë duke bërë një ndërprerje të menjëhershme të trafikut, por secili duhet të ndryshojë në mënyrën e levizjeve të tij”, u shpreh Rama.

Ne fakt prova nuk është se ka rezultuar efikase pasi trafiku eshte bllokuar në të gjitha rrugët e kryeqytetit, duke vënë në dyshim suksesin e studimit të bashkisë për trafikun në rast të bllokimit të sheshit.

Rama nga ana e tij u shpreh se ka një studim të detajuar të trafikut por sipas tij bllokimi do të ndjehet vetëm në ditët e para, për sa kohë drejtuesit të orientohen më mirë me ndryshimet.

“Duhet të kuptojmë se kemi një sakrificë të përbashkët për të bërë duke u mësuar të bëjmë lëvizje të ndryshme nga ato të zakontat dhe menaxhim të mirë të kohës”, u shpreh Rama.

Kryetari i bashkisë ka inspektuar punimet në shesh bashkë me përfaqësuesin e qeverisë kuvajtjane që ka dhënë fondet,i cili ka shprehur edhe gadishmërinë për një shtesë tjetër të fondeve. Por kryeqytetasve, më shumë se punimet në shesh, sot u ka interesuar lëvizja dhe trafiku.

TCH