Projekti i sheshit "Skënderbej"

[juanito02]

ATO KJOSKA PER MOMENTIN ISHTE I VETMI SHPETIM O KAFSH NUK E MBAN MENT SI TE LA RAMIZI ME BUFIN KUR KISHIT EDHE 6 DITE BUKE ,PO TE ISHTE PER JU KISHIT SHKUAR PER LESH ,,,,,

Ja edhe ti i seres qenke te druve me pre.
Mos i hap ato hesape bufesh se prap antikombetar dilni.
Na shpetoi bota asokohe jo Saliu prej Vucidoli.
Po kshu beni ju ndihmon bota ve dekorate Saliu, na fut ne NATO ven dekorate Saliu.
Qene per buke ato kioskat qene po aty ngelet ju se te ishit qytetare do ti kishit heq po ja jeni llumi sic them une dhe vetem ne batak social e politik dini te jetoni.
Ca na boni Saliu ato tunelet qe shemben pa pike projekti apo ato rruget qe as nje vit nuk shkojne.
Veni sa te doni kollare nuk ju iken era dhise per ca breza.
Me 20 postime qenke paska cu partia gjak te ri te ky sit. Se keta te tjeret si ti u ka dale e sterrdale boja tu tentu gjith kohen tu mbulu diellin me shoshen e injorantit.

[Kavir]

Sa te poshter qe jane keta ziliqaret. Sa here Usta Hajvani del shfaq gjenialitetin e tij origjinal, menjehere i sulen shushunjat.
Nuk lene me sharje e balte pa hedhur mbi Doktarin e nderuar. Nuk kane turp dhe thone "A ka qytet apo kryeqytet europian me treg rrobash ne mes te sheshit?".
Po ketu pra qendron gjenialiteti origjinal. Qe nuk ka asnje qytet europian te tille.
Ka lezet, te vjen nje mik prej Ingilterre psh, e nxjerr shetitije t`i tregosh qytetin. E con ne qender dhe i shpjegon "Ky ketu eshte Skenderbeu, Heroi yne Kombetar. Ky ketu eshte Kamberi, ku mund te gjesh gjithmone spinaq te fresket dhe lakra turshi. Kjo eshte Marika, qe ka benevreke pothuajse te reja fare, te sapoardhura nga Gjermania. I mban cike shtrenjte po ja vlen. Aty matane eshte edhe Zenepja, po mos bli asnjehere aty se ta hedh ne peshe".

Pastaj ulesh kembekryq ne nje rrogoz b.ythe Skenderbeut dhe porosit nje salep te mire ose nje gote sherbet te trashe. Ne fund i fut edhe nje duhan me nargjile, dhe nen melodine e zerit te embel te mezanit, ja merr nje gjume per shtate pale qejfe. Per t`u zgjuar s`ka problem, se mendon prape hoxha.


Megjithate edhe projekti Beton-Cimento i kryetarit te Bashkise nuk eshte i keq. Na ka pare Zoti qe nuk e la mendja ndonjerin dhe te fillonte te bente ndonje park te shemtuar publik, me peme dhe gjera te ketij lloji. Do na prishej pamja e kryekatundit, do na shurdhonte veshet, do na ndohte ambjentin dhe ajrin...dhe nje mije te keqija te tjera.
Po na ka pare Perendia thuaj qe i qofshim fale.

[Duaje Siveten]

G A Z E T A S H Q I P, 12/04/2010

QEVERI QE DHUNON EDHE “SKENDERBEUN”, EDHE KUSHTETUTEN

Andrea Stefani

Në orvatjen tipike autoritariste për t’i vënë shkopinj nën rrota zbatimit nga pushteti vendor i Bashkisë së Tiranës i projektit të sheshit “Skënderbej”, Kryeministri Berisha, ministra dhe institucione të varura prej tij, po dhunojnë hapur Kushtetutën e Republikës, duke sulmuar në emër të Kushtetutës. Pak ditë më parë, ministri Sokol Olldashi u kap gafil në emisionin “Opinion”, kur pretendoi se plani për punimet në sheshin “Skënderbej” duhet të paraqitet në Këshillin e Rregullimit të Territorit të Republikës (KRRTRSH).

Një të tillë gënjeshtër e përsëriti dy ditë më vonë, në një Konferencë për shtyp, edhe Kryeministri Sali Berisha. Themi gënjeshtër sepse, që nga viti 2006, një vendim i Gjykatës Kushtetuese e ka shpallur antikushtetuese kërkesën e ligjit “Për Urbanistikën”, që detyronte marrjen në KRRTRSH të lejeve të ndërtimit për objekte të rëndësishme në qendrat e qyteteve. Dhe çdokush që respekton shtetin ligjor, vendimet e gjykatave dhe Kushtetutën, nuk mund të mos skandalizohet kur shikon që, 4 vjet më vonë, qeveria kërkon të pengojë realizimin e një projekti nga një pushtet lokal, bazuar pikërisht në atë frazë të ligjit që Gjykata Kushtetuese e ka shpallur si antikushtetuese dhe në kundërshtim me Kartën Europiane të Autonomisë Vendore. Por nuk habitet, sepse sabotimi i punës së rivalëve politikë duke mashtruar publikun, duke dhunuar vendimet e gjykatave në emër të “Ligjit” dhe Kushtetutën në emër të “Kushtetutës”, është tashmë thelbi i pushtetit autoritarist të Berishës dhe njëherazi, taktika e vetme e mbetur për t’i zgjatur jetën vetes.

* * *

Ndërsa ka bllokuar transparencën e zgjedhjeve me pretekstin e “respektimit të vendimit të një gjykate” qeveria dhe shumica po bllokojnë punimet e Bashkisë së Tiranës për rikonstruksionin e sheshit “Skënderbej”, duke dhunuar hapur një vendim të Gjykatës Kushtetuese. Kjo e fundit u detyrua, rreth 4 vjet më parë, të gjykojë konfliktin mes qeverisë “Berisha” dhe Bashkisë së Tiranës lidhur me ndërtimin e një mbikalimi në “Zogun e Zi”. Edhe në atë kohë ishte po qeveria që këmbëngulte të mos lejonte zbatimin e projektit me lloj-lloj pretendimesh e yçklash burokratike e “ligjore”. Madje ajo, me arrogancën tipike që i karakterizon autoritaristët, e shkatërroi atë çka qe ndërtuar në “Zogun e Zi”, duke i shkaktuar publikut një humbje prej 1.3 milionë dollarësh. Më pas u provua se vendimet e qeverisë nuk kishin lidhje as me të drejtën, as me ligjin dhe as me interesin publik dhe të qytetarëve të Tiranës, por vetëm me interesat destruktive të Kryeministrit Berisha, përpara fushatës për pushtetin lokal që afronte. Dhe ishte Gjykata Kushtetuese që në shqyrtimin e konfliktit për mbikalimin e “Zogut të Zi”, i shpalli si antikushtetuese, si dhunim të autonomisë së pushtetit vendor, kërkesën e ligjit “Për Urbanistikën” që KRRTRSH të miratojë edhe “lejet e ndërtimit për objekte të rëndësishme në qendrat e qyteteve, studimet urbanistike të të cilave miratohen prej tij”. Kjo kërkesë e ligjit, që në fakt kish qenë edhe gjeneruese e konfliktit për “Zogun e Zi”, u shpall antikushtetuese nga Gjykata Kushtetuese. Që do të thotë se që nga viti 2006, ajo është shfuqizuar dhe nuk është më pjesë e ligjit. Por a marrin vesh autoritaristët arrogantë nga drejtësia? Ministri Sokol Olldashi, në kundërshtim flagrant me Gjykatën Kushtetuese, kërkon t’i japë jetë një fraze të ligjit që është shpallur antikushtetuese prej gjykatës, duke i kërkuar publikisht Bashkisë së Tiranës të miratojë planin për sheshin në KRRTRSH.

Të njëjtën kokëfortësi antikushtetuese shfaq edhe Kryeministri Berisha, kur deklaron se “një plan i tillë që kap sipërfaqe të mëdha duhet t’i nënshtrohet me patjetër shqyrtimit në KRRTRSH”. Kemi të bëjmë me një mashtrim të hapur të publikut nga Kryeministri në deformim të një vendimi të Gjykatës Kushtetuese, shoqëruar me veprime në dhunim të këtij vendimi. Sipas ligjit ekzistues të urbanistikës, KRRTRSH ka mjaft kompetenca ndër të cilat edhe miratimin e studimeve për qendrat e qyteteve mbi 50 mijë banorë. Pra ka të drejtë të miratojë edhe studimin për Qendrën e Tiranës. Dhe ky është ai që quhet “plani francez”, që është miratuar tashmë nga KRRTRSH. Ndërkaq sheshi “Skënderbej” është vetëm një nga objektet e shumta të qendrës së Tiranës ashtu sikundër brenda tij, ka edhe shumë objekte të tjera. Lejet e ndërtimit apo planet për të gjitha këto (pra edhe për sheshin “Skënderbej”) pas vendimit të Gjykatës Kushtetuese të vitit 2006, nuk janë më objekt shqyrtimi i KRRTRSH, por e këshillave lokalë të rregullimit të territorit.

Në rastin konkret, leja e ndërtimit për sheshin “Skënderbej”, është miratuar në KRT të Bashkisë së Tiranës, ku ka pasur përfaqësuesit e vet edhe qeveria qendrore. Ata kanë qenë prezentë edhe në jurinë ndërkombëtare për vlerësimin e disa projekteve konkurruese për sheshin. Dhe kanë dhënë miratimin. Sot kanë ndryshuar qëndrim dhe kundërshtojnë, duke futur në lojë si të gjithë sharlatanët e kësaj bote edhe nacionalizmin, atë që kanë aprovuar dje. Përse?

* * *

Të gjitha piruetat e qeverisë lidhen skandalisht me planet e Berishës. Politika e kësaj qeverie s’ka të bëjë me ligjin, por me Kryemaliqin. Në kohën kur urbanisti i qeverisë, Marin Biçoku, aprovonte në jurinë ndërkombëtare dhe në KRT të Tiranës projektin belg, që sot kundërshtohet si “antishqiptar” nga “patriotët” e qeverisë, ishin kohë të tjera politike. Bëhet fjalë për vitin 2008. Marrëdhëniet mes PS dhe PD ishin në “konsensus”, deri edhe “historik”, për amendimin autoritarist të Kushtetutës së Republikës. Prandaj edhe Kryeministri Berisha i bënte me shenjë të vetëve që të tregoheshin më “konsensualë”, edhe lidhur me projektin për sheshin “Skënderbej”. Berisha po e bënte Kushtetutën ashtu si ia donin planet e sundimit e përse të mos e kënaqte opozitën me një thërrime, duke i thënë OK një plani të saj për sheshin “Skënderbej”?

Por sot janë të tjera kohë. Mjalti i konsensusit ka mbaruar. Berisha e arriti atë që deshi me anë të butësisë hipokrite dhe “konsensusit” mashtrues me opozitën. Duke u shtirur si i zbutur, ai i mbijetoi pasojave politike që duhet të kish pasur për shkak të tragjedisë kriminale të Gërdecit madje, arriti të manipulojë edhe zgjedhjet duke mbetur në pushtet. Dhe tani që opozita proteston për votën, tani nuk ka më vend për konsensus. Putra e qeverisë është hapur dhe kthetrat despotike shihen qartë. Tani opozita, çdo pushtet i saj, duhet të pengohet në çdo hap dhe projekt të sajin. Prandaj edhe projekti belg, të cilit deri dje ju dha një OK, shpallet sot deri edhe piramidal nga kryemjeshtri i piramidave më shkatërruese në historinë e Shqipërisë. Dhe i gjithë ky sabotim i projektit të sheshit “Skënderbej” është bazuar mbi dhunimin e Kushtetutës dhe një vendimi të Gjykatës Kushtetuese. Por a mund të ndodhë ndryshe me një qeveri që kryesohet nga një autoritarist i betuar?

Prandaj më shumë se një konflikt urbanistik, konflikti për “Skënderbeun” është politik. Është përplasja e autoritarizmit me konstitucionalizmin. Prandaj dhe mbrojtja e “Skënderbeut” nga opozita është njëherazi mbrojtje e pavarësisë së gjyqësorit dhe vendimeve të tij, është mbrojtje e Kushtetutës nga dhuna autoritariste e pushtetit.

[-BATO-]

Rama është ziliqar ngaqë projekti i Berishës është më i mirë. Megjithatë, çfarëdo projekti të bëjnë, unë mendoj se Tirana e vitit 1998 nuk ka për t'u kthyer më. Nuk ka për ta patur më Tirana atë hijeshi që kishte atëherë. Unë atë vit kam qenë ca muaj në Tiranë dhe kënaqesha duke soditur qytetin. Sali Berishës iu deshën pesë vjet (92-97) për ta ndërtuar atë Tiranë, por erdhi lubia e kuqe dhe në pak muaj e shkatërroi; e prishi Lanën dhe mbolli aty bar jeshil, si për të kullotur lopët.

Gjëja që më pëlqente më shumë atëherë, aty në qendër të Tiranës, ishin byrektoret. Ishin sidomos ca që bënin byreqe të mrekullueshëm dhe nuk kishte ditë që të mos haja. Jo vetëm byrektore, por aty gjeje çdo gjë. Po t'i hyje në këmbë Lanës nga fillimi në fund, të ngopej syri me lloj-lloj dyqanesh dhe ndërtesash. Kishte byrektore, mobileri, kafene, librari, hotele me pesë yje, etj. Ajo ishte një mrekulli që vetëm ekonomia e tregut dhe sipërmarrja e lirë është në gjendje ta bëjë. Mua asokohe më bënte shumë përshtypje, se një zhvillim të tillë nuk e kisha parë as në televizor.

Një gjë tjetër që më pëlqente shumë ishin edhe kioskat (shqip-> barakat). Këto nuk ishin baraka në kuptimin e rëndomtë që ka kjo fjalë, por ishin baraka të reja prej llamarine, me forma të bukura dhe të lyera me ngjyra të ndezura, që krahas shërbimit që u ofronin qytetarëve, zbukuronin edhe rrugët e kryeqytetit. Nuk kishte nevojë të bridhje shumë në këmbë për të blerë karta telefoni ose çamçakiza; ngado që të rrotulloheshe, gjeje baraka.

Mirëpo nuk qe e thënë që këto baraka të shtoheshin edhe më, sepse lubia e kuqe i prishi dhe ato. Nuk u mjaftua me aq, por shkatërroi edhe tregjet e shumtë me plastmasë dhe llamarina që kishte Tirana. Pse i prishi tregjet? Ata tregje mbanin në punë një pjesë të mirë të qytetarëve tiranas, por lubia e kuqe i prishi që të kishte vende të lira për t'u dhënë leje ndërtimi të kuqve.

Ja, kështu janë punët sot! Sot kemi një përplasje projektesh. Nga njëra anë kemi lubinë e kuqe, që shkatërron Tiranën, ndërsa nga ana tjetër kemi gjigandin antikomunist, që e ndërton, por që lubia ia prish. Të shohim cili projekt do të fitojë!


.

[ulne]

Edvinit vetem lana i ka ngel te bej fotografi gjoja per hapesira qe ka krijuar nga heqja e kioskave, 90 % te tr e ka mbush me pallate beton arme. Perveç perroit qe pastroj asgje tjeter nuk ka bere, rruget gjithe gropa pa semafore qe te sigurojne kalimin e rruges nga kembesori, un per vete kisha frike te kaloja rrugen sepse nuk kishte semafore u habita. Taksia me la 1 km larg vendit qe do shkoja nuk kishte faj taksixhiu sepse rruga ja prishte makinen. Un mendoj qe tr eshte katandis ne qytetin me te shemtuar dhe me te ndotur te evropes me ato ndertesa gjigande pa pik shije.

[-BATO-]

Prandaj thashë që Tirana e Berishës e vitit 1998 ishte më e mirë. Tirana e Berishës kishte hapësirë.

Nëse Berisha do ta bëjë Tiranën prapë si në vitin 1998, do të më bëhet qejfi shumë.

[juanito02]

Ske ci ben gjith keto opinione te ndara me dysh sjane gje tjeter vecse lufta e ideve qytetare dhe ato katunare.
Askush nga opinionet tona as do e bejne as do e prishin qendren e Tiranes.
Prandaj kot beni llogje.

[ulne]

Bato, ka shum viktima qe parate e kursyera me aq mund ne kurbet i kane investuar ne keto lloj skutash qe Edvini ka ngritur kudo ne tr. Eshte mentaliteti fshatar per te ber pashaportizimin ne Tiran i trasheguar nga komunizmi, kjo gje te kushton nje jete te tere hamalleku ne kurbet. Keta fakira kane pasuruar grupazhin e Edvinit. Kush garanton qe çmimet e ketyre lloj banesave nuk ulen trefish pas disa vitesh, a nuk eshte nje lloj skeme piramidale kjo gje?

[Ver]

Megjithatë, çfarëdo projekti të bëjnë, unë mendoj se Tirana e vitit 1998 nuk ka për t'u kthyer më. Nuk ka për ta patur më Tirana atë hijeshi që kishte atëherë. .

Po po BATO tamam! mire e ke. Ne 1998 Tirana ishte me te pas lezet shpirti. Ja dhe ca foto ketu ke ky linku me na heq mallin e asaj Tirane:

http://www.tirana.gov.al/?cid=1,10,259

Eh, nuk vijne me ato kohera te arta...

[PINK]

shif si hahen njeri me tjetrin shqiptaret ? ham ham bejne, ne vend qe te gjejne nje gjuhe te perbashket per te miren e tiranes. lat nam !!!!

jo po sala, jo po rama. epo me mire rrini ashtu me gropa gropa. lol