Projekti i sheshit "Skënderbej"

[Jack Watson]

Disa foto nga sheshi "Skënderbej", viti 1987.

(Fotografin dhe ngarkusin e fotove në internet nuk i di cilët janë, gjithsesi kredite u prëkasin atyre.)

[Jack Watson]

Foto nga koha e Mbretërisë, vitin e saktë nuk e di.

Vini re Xhaminë e Et'hem Beut si pikë referimi.


Në ndërtim

[Jack Watson]

[Jack Watson]

Diku nga vitet 60' (1967 më saktë). Po të shikoni në të majtë përballë monumentit të Skënderbeut mund të shikoni ish-ndërtesën e Bashkisë së Tiranës në kohën e Zogut (e bërë nga italianët). Ndërtesa u shemb për t'u ndërtuar më pas Muzeu Historik Kombëtar (1981).

[bindi]

Një pamje e tillë madhështore të bën të kuptosh se ''projektet'' e sheshit Skënderbej janë totalisht të panevojshme, kur duhej veç një rikonstruksion i këtij modeli që mishëron madhështinë e Romës së Lashtë. Harmonia mes qendrës dhe bulevardit me stil romak, duhej të ruhej me çdo kusht, dhe jo të masakrohej ky rimim në këtë mënyrë kaq bastarde.

Pajtohem me ty...Kam frige qe me sheshin e ri ,do prishet komoditeti i hapsires nga objektet qe parashihen te ndertohen me projektin e ri ,siç mund vrehet ne projektin vizual...

[SERAFIM DILO]

Diku nga vitet 60' (1967 më saktë). Po të shikoni në të majtë përballë monumentit të Skënderbeut mund të shikoni ish-ndërtesën e Bashkisë së Tiranës në kohën e Zogut (e bërë nga italianët). Ndërtesa u shemb për t'u ndërtuar më pas Muzeu Historik Kombëtar (1981).

Jack,ke vendosur fotografi te bukura,artistike e historike.
(Sheshi do jete i bukur..po mos qarkullojn makinat)

[SKRAPARI]

sa vjet ka qe jane dhene leket per te rregulluar sheshin? pse nuk eshte bere me perpara?
me kete kryetar bashkie qe keni ju tiransit keni ngele mbrapa. ato pak sheshe qe ka tirana nuk kane pike shije artistike. nuk gjen nje sklupture moderne por vetem stola per te lozur pleqte domino. ato duken si sheshe burgaxhinjesh.
tirana ka nevoje per ndryshim, hapje, liri. le ta bejne tiranen artistet e rinj jo klanet mafioze si ato te edvin rames

[flor1]

te kjo foto a mund te me thoni pak ku do ndertohet kjo ndertesa e rrethuar ?
ne mes muzeyt dhe hotel tiranes apo jo,fiks mu mbi rruge...

[Edvin83]

Gazeta Shqip

Sheshi “Skënderbej”
Projekti belg është duke u zbatuar nga një kompani arabe e zgjedhur prej financuesit

Sheshi “Skënderbej” në qendër të kryeqytetit shqiptar tashmë është “në duart” e kuvajtianëve. Financuesit e një prej projekteve më të rëndësishëm të iniciuar nga Bashkia e Tiranës kanë nënshkruar kontratën me vendorët kryeqytetas me një kusht paraprak. Përfaqësues të bashkisë bëjnë të ditur se në kontratën e nënshkruar mes palëve, në një pikë të saj specifikohet fakti se punimet duhet të kryhen nga një kompani arabe. Sipas tyre, një gjë e tillë është krejtësisht në përputhje me ligjet që aplikohen në Republikën e Shqipërisë. Financuesit e projektit prej 10 milionë eurosh kanë paracaktuar në këtë mënyrë edhe realizuesit e rikonstruksionit të qendrës së kryeqytetit shqiptar. Një kompani kuvajtiane mjaft e njohur për shumë investime të kryera në Shqipëri, tashmë po kryen punimet e sheshit. Pronari i saj bëhet e ditur se është një nga familjarët e afërt të numrit dy të Kuvajtit. Për rrjedhim, drejtuesit e Bashkisë së Tiranës duken krejt të qetë në lidhje me kërcënimin e qeverisë “Berisha” se do të bllokojë punimet e sheshit, sapo të përfundojë afati i pezullimit të vendosur nga Inspektorati Ndërtimor Urbanistik Kombëtar (INUK).

Nga ana tjetër, përfaqësues të bashkisë bëjnë me dije se kanë dështuar edhe tentativat e Kryeministrit Sali Berisha gjatë vizitës së tij të fundit në Kuvajt, i cili sipas tyre ka akuzuar për shpërdorim të fondit kuvajtian kryebashkiakun Edi Rama, në interes të tarafeve dhe miqësive të tij personale.

Në këtë linjë, vetëm pak ditë më parë, ministri i Punëve Publike, Transporteve dhe Telekomunikacionit, Sokol Olldashi, deklaroi se “ndryshimet nga plani francez janë të thella dhe tërësisht klienteliste dhe ne nuk kemi ndërmend të lejojmë që pa plan të miratuar të shpenzohen fonde të kontraktuara nga qeveria e Shqipërisë për të bërë ndërhyrje në sheshin ‘Skënderbej’, që nuk kanë asnjë lidhje me interesat e qytetarëve”. Sipas ministrit Olldashi, interesat e Ramës për sheshin “Skënderbej” lidhen me ato të dy biznesmenëve miq të tij, njëri prej tyre edhe deputet i PS-së, ndërsa tjetri botues.

Lidhur me çështjen e lejes mjedisore dhe miratimin e saj ose jo nga Ministria e Mjedisit, përfaqësuesit e bashkisë më të madhe në vend pohojnë se dosja me kërkesën për pajisjen me lejen mjedisore është depozituar pranë këtij institucioni që prej disa muajsh, por nuk është marrë asnjë përgjigje me shkrim, as pozitive dhe as negative. Për rrjedhim, sqarojnë ata, ligji shqiptar njeh aprovimin në heshtje të kësaj leje mjedisore, ndaj dhe puna në shesh nuk mund të pezullohet për këtë arsye. Po kështu ata shprehen se edhe çështja e dërgimit të dokumentacionit të projektit belg në KRRTRSH për miratim është krejtësisht absurde, pasi ai është projekt i kryer përmes një konkursi ndërkombëtar, në funksion të plotësimit të planit francez, që e ka marrë miratimin e KRRTRSH-së. Madje, përfaqësuesit bashkiakë shtojnë se konkurse ndërkombëtare do të realizohen edhe për disa sheshe të tjera në Tiranë, por për asnjërin prej tyre nuk do të kërkohet leja e KRRTRSH-së, pasi janë në funksion të plotësimit të planit francez.

Aktualisht, puna në shesh vazhdon dhe makineritë e rënda janë duke kryer shpime e gërmime shumë pranë bustit të heroit tonë kombëtar, Gjergj Kastriot Skënderbeut. Një dhomë gjigande do të ngrihet nën këmbët e Skënderbeut, në thellësinë 9 metra nga niveli i sheshit. Aty do të instalohen rezervuarët e ujit teknologjik dhe atij për vaditje, si dhe pompat e pajisjet e nevojshme për funksionimin e shatërvanëve të sheshit të ri.

Faza e parë e punimeve është llogaritur të arrijë vlerën prej 4 milionë e 300 mijë euro. Në fazën e parë të projektit është parashikuar që të realizohen punimet e infrastrukturës inxhinierike nëntokësore në të gjithë sipërfaqen ku është parashikuar të shtrihet sheshi i ri “Skënderbej”.

[Jack Watson]

te kjo foto a mund te me thoni pak ku do ndertohet kjo ndertesa e rrethuar ?
ne mes muzeyt dhe hotel tiranes apo jo,fiks mu mbi rruge...

Për atë ndërtesë e dredh bashkia dhe përfaqësuesit e saj sa herë që bëhet debat për sheshin. Në fillim ishte ndërtesë në planifikim, më pas kur hasën në kundërshtitë e publikut thanë që ndërtesa është një koncept-ide, dmth thjesht sa për ide e jo se është vendosur përfundimisht për t'u ndërtuar.

Nqs do të ndërtohet, sipas gjithë skicave, bie mu në mes të bulevardit Zogu I, mu në fundin e rrugës në pjesën mes Muzeut dhe 15-katshit. Kjo më duket gomarllëk me brirë, një nga gjërat e bukura që ka qyteti është ky bulevard i stërgjatur, që fillon nga korpusi e përfundon në vijë të drejtë te Stacioni i Trenit. Ta ndërpresësh me një ndërtesë në mes sikur s'ka asnjë lloj sensi.

Sa për funksionin, ndërtesa është emërtuar Civic Tower, që në shqip i bie "Kulla Qytetare" dhe në të janë menduar të vendosen disa prej shërbimeve të bashkisë si: zyra e celebrimit, zyra e rregjistrimit të lindjeve etj.. plus edhe shërbime të tjera private si bar, restorant, dyqane etj.