Shpirti i poetit në vargje

[Agim Doçi]

Te dashur lexues e bashkeforumas. Me 7 Mars 2010 organizova nje MBREMJE Galà ne nderim te PANAJOT PANOS. Thura dhe nje ballade per JOTIN. Muzika e Luan Zhegut dhe vete ky Artist i Madh e interpretoj ne Pallatin e Kongreseve. Vargjet e Ballades po i shkruaj ketu.
Ju falenderoj te gjitheve.

PANAJOT PANO - BALLADE

Teksti: Agim DOÇI
Muzika: Luan ZHEGU

Gjithmonë pranë jush, do gjëndem unë
Sot të gjithë njerzit fort mirë e dinë
Fushën e blertë e deshta shumë
Por mbi të gjitha – veç Shqipërinë.

Përher i lumtur siç është fëmija
Ju deshta shumë, siç më desht moma...
Më jepte krahë veç dashuria.
Dhe Bardh e Bluja – çdo çast „Tirona“

Sa shpejt shkojnë vite, si pa kuptuar
Shokët m´u thinjën – disa nuk janë!
Ekipin tonë – kemi nderuar
Ne kuq e zi – djemt “partizanë”…

Toka ka diellin – engjëjt kanë qiellin
Zemra e Juaj, veç dashurinë
Sa herë ndër fusha lulet do çelin
Kujtoni Jotin – dhe shpirtin tim!

Kjo ndjenjë e shenjtë, në jetë të jetëve
Nga çdo njeri, jep e merr dritë!
Se dashuria lind në mes njerëzve
Ndaj është bekuar, nga Perënditë!

Ndjehem shumë mirë – tek Zoti i madh
Ndonse jam larg, mbytur në mall
Një përqafim e bëra zarf
Vrapoj drejt jush, si kohë më parë
.
Radio Tiranën – paksa dëgjoni
Po patët mall – ju të mos qani
Unë do t´ju ndjej, mos më harroni!
Dhe një minutë heshtje të mbani

[gloreta]

Pershendes Agimin dhe pse kam shume qe nuk i kam pare shkrimet e tua, shpresoj qe tia kalosh sa me mire, dhe pergezime per ato qe shkruan.
Gjithe te mirat.

[Agim Doçi]

gloreta!
ne ravgje po hedh mendimet e nje vajze te dashurua..r...

BOBO Ç’I BËRA VEHTES!…

“Isha shumë mirë, kur s’isha e dashuruar…
Bobo vehtes çi bëra?!…
Nuk duroj dot më, nuk më flihet…jetë e mallkuar.
U dogja nga malli e tëra!…”

E si nuk të thahet goja yte e bukur
që tërë jetën ke kërkuar dashurinë?!
Në momentin që e gjete, me shpirt të këputur
s’ke forcë të durosh dhe mallkon… largësinë.

Gjithshka që është e jotja, atij ia dhurove
se kishe gjithë jetën që prisje at’ çast.
Në detin e mallit, më pas mbretërove
Dhe lotëve të tua, u erdha nga pas…

E pse të trishtohesh kaq shumë ti e brishta ?
Kur njerzit dhe shoqet vërtet kanë zili
Përse e zhyt kokën në orët e trishta
Mos vallë dashurija të fal kaq mërzi??…

Mendoje vetvehten ashtu sikur ishe
Kur bota të dukej që ish pa kuptim
Diku kam lexuar që djallin në shishe
E fut vetëm femra!.. ti pse fut mërzin..!!

[pranvera bica]

Shume poezi e bukur Agim!Cdo vajze e ka kaluar ate faze ...besoj!Respekte per poezite dhe tekstet tuaja!

[gloreta]

Shume poezi e bukur Agim!Cdo vajze e ka kaluar ate faze ...besoj!Respekte per poezite dhe tekstet tuaja!

Pranvera me bere te qesh hahahahahahahhahahahah

Nese nuk gabohem e ka bere per mua.


Sorry Agim haahahahahhaha

[Brari]

lol


e bukur poezia e Gimit..
Do i shkonte nje melodi ritmike e te behej keng rinore e preferuar..

Agim..

Ne kte eurovizion qe vjen.. do ndihet mungesa e kengeve te bukura te Zhulal-Docit..

Presim nga ju te dy kenge te reja qe si gjithmone.. behen Hite.. per cdo moshe..


Suksese !

[Agim Doçi]

miredita BASHKEFORUMAS e dashamire te poezise. PO JU HEDH KETU NJE POEZI TIMEN



JETOJ KOT!?...

Kur jemi gjallë, ankojmë gjithmonë
Sa pak i japim njeri tjetrit…
Kalon një jetë asgjë s’kuptojmë
çfar na mungon…kujtojmë të vdekurit.

Dhe ikin vitet, krejt pakuptuar
Askush s’kujton çfar ishte dje…
Në rrugë kalon krejt i hutuar
Nuk di ku shkon…nuk di kush je.

Të njejtat lajme në tezgë gazetash,
Ngado që shkon vetëm reklama…
Një jevgë që shet një grumbull teshash
Beton, pisllëk…kjo është Tirana.

Lart në një mur, një poster blu
Dhe nën një streh një poster rozë
Sa korrupsion që është këtu?!...
Policë pa larë…benza nervozë…!

Në një ekran, dy vetë që çirren
Dhe titrat poshtë: - Po bëjmë debat!
Politikanë që vetëm ngjirren
Ky tranzicion sa shumë i gjat…!?

Njerëz të trishtuar, pa dritë në sy
Dhjetra lypsarë me duart shtrirë
Më thuaj Zot, ç’të bëra ty?!...
Një lutje kam…veç një dëshirë.

Të jap gjithshka, merrmë dhe mua!
Vetëm buzëqeshjen na kthe o Zot,
Asgjë më shumë nga Ti nuk dua!
Ose më thuaj që jetoj kot

[brunilda_it]

Njerëz të trishtuar, pa dritë në sy
Dhjetra lypsarë me duart shtrirë
Më thuaj Zot, ç’të bëra ty?!...
Një lutje kam…veç një dëshirë.

Të jap gjithshka, merrmë dhe mua!
Vetëm buzëqeshjen na kthe o Zot,
Asgjë më shumë nga Ti nuk dua!
Ose më thuaj që jetoj kot

Sa shume thuhet ne keto 2-strofat e fundit per kete "jete koti"!
Suksese dhe Urimet e mia z.Agim !

[Agim Doçi]

E ndjej mungesën tënde.
Po ti mungesën time a ndjen?!
Apo s'të lejon Porta e Parajsës
Dhe më le këtu poshtë të vuaj si qen...

[Agim Doçi]

Me kerkoi Arif Vladi ky artist i madh te cilit i kam ba Marrshin e UÇK, e plot te tjera per deshmoret e Kosoves, qe te shkruaj nje tekst kange per SHQETSIMIN E TIJ dhe te shume artistave te tjere atdhetar, me titull KANGA IME S'ASHT PROSTITUTE!
Po jua baj me dije duke e botuar kete tekst ne kete teme te forumit. Nuk mund te duroj pseudokange me tekste mjerane qe kendojne pseudokangetaret në gjuhen shqipe. Lexojeni dhe mandjej po patet kohe me jepni mendimet tuaj. Do ta kendoj i Madhi RIF VLADI!


KANGA IME S’ASHT PROSTITUË

I këndova një jetë Nënës.
Trimërisë së Skënderbeut.
Shpirti im, çdo fjal e këngës.
Në balladat e Atdheut.

Kanga ime, morri fushat
Dritë e saj vetëm prej diellit
Për Kosovë – ku mbushen hutat.
Për dëshmorët – Yjet e qiellit.

Kënga ime s’asht prostitutë!
Nepër mote, s’ndali kurr!
Kënga ime – Kushtetutë!
Si shqiponja – në Flamur!

I këndova rinisë time.
I këndova dashurisë.
Nepër festa dhe gëzime.
Dibrës trime – Shqiptarisë!

Kënga ime – iu ngjit malit.
Shkoj n’kurbet, mbi dallgët e detit…
Kënga ime, digjet mallit.
Si rrufeja n’maje të shkrepit.