BE kritikon Bullgarinë dhe Rumaninë për korrupsionin

Bashkimi Evropian ka akuzuar sërish Rumaninë dhe Bullgarinë se nuk ka bërë asnjë përparim në luftën kundër korrupsionit dhe krimit të organizuar. Zhvillimi i aparatit jurudik dhe policor mbetet detyra kryesore e dy shteteve të Ballkanit, thuhet në një raport të Komisionit të BE-së. Bullgaria duhet të angazhohet më shumë për të treguar rezultate konkrete, kurse në Rumani ka humbur hovi reformator i fillimit, shkruan Komisioni. Për shkak të korrupsionit në të dy vendet në vitin 2008 u bllokuan përkohësisht pagesat nga fondet e ndryshme evropiane.


DW