God save The Queen and Thaçism regime!

[busavata]

nga RockSonte

Autori
Clavicula


God save the queen, The fascist regime... Sex Pistoles!
E tash kjo po del edhe ne Kosove, edhe pse naj nuk kem mbretnesh, po regjim po, e shofim temen tash.

Pos saj, regjimi Thaqit e ka ne dore edhe RTK edhe ka dore ne tona mediat ne Kosove, thjesht o ka e instalon ni pushtet qe me ja rujt poziten, se fort u kan marakli ne qet pozite. Ky skandal per mu osht skandali ma i madh pi mas luftes!

Në një pllakë të artë, emri i kryeministrit Hashim Thaçi është gravuar në hyrje të ndërtesës së re të Akademisë së Shkencave dhe të Arteve të Kosovës. Brenda një fushe, sipër emrit, ndodhet edhe një vlerësim i tij për rolin që kanë institucionet, sikur që është Akademia, shkruan sot “Koha Ditore”.
“Tempujt e dijes dhe të shkencës janë rreze drite për kombin dhe njerëzimin”, është fjalia e gravuar, pranë portës kryesore në ndërtesën e re të Akademisë.
Kësisoj, rasti bëhet unik në vende ku është i vendosur regjimi demokratik. Thëniet e politikanëve nuk shihen në mure institucionesh, praktikë kjo që ishte në modë gjatë regjimit diktatorial. Madje, vlerësimi për shkencën i prijësit të vendit, pos në ndërtesa të institucioneve, shihej edhe në faqe të para të secilit libër shkencor.
Pllaka që mban firmën e kryeministrit Thaçi ndodhet aty dhe kurrkush nuk di urdhërdhënësin për vendosjen e saj. Fillimisht ishte thënë se këtë e kanë kërkuar akademikët, mirëpo kjo është hedhur poshtë nga kryetari i tyre.
“Aty (në pllakën ngjyrë ari v.j.) kryeministri ka dhënë një mendim. Kryeministri e ka parë të arsyeshme ta bëjë dhe nuk mund të japë tash ndonjë vlerësim”, i ka thënë “Kohës Ditore” kreu i Akademisë, Besim Bokshi. “S’na ka pyetur njeri për të. Atë ditë kur është prerë shiriti e kemi parë për herë të parë”.
E ka quajtur “interesante” pllakën dhe përmbajtjen e saj, edhe për faktin se nuk ka parë diçka të ngjashme në ndonjërën prej akademive, të cilat deri tash Bokshi i ka vizituar.
Të tilla nuk mund të shihen as në vendet fqinje që vetëm prej dy dekadash kanë dalë nga komunizmi.
Por, a ka qenë kryeministri Thaçi ai që ka urdhëruar vënien e pllakës?
Zëdhënësi i Qeverisë, Memli Krasniqi, ka thënë të mos ketë rrjedhur nga Zyra e kryeministrit iniciativa apo vendimi për vendosjen e saj.
“Nuk ka qenë iniciativë e Zyrës së kryeministrit dhe ne nuk dimë kush dhe si e ka vënë”, ka thënë zëdhënësi Krasniqi. “Ne vetëm e kemi parë të vendosur aty”.
Në kompaninë që ka bërë ndërtimin e godinës së Akademisë kanë treguar se janë urdhëruar nga Ministria e Administratës Publike ta vënë pllakën.
“Ministra e Administratës Publike na e ka sjellë pllakën dhe ne vetëm e kemi vendosur. Ata kanë qenë autoriteti kontraktues për ne dhe ne është dashur të veprojmë ashtu siç ata kanë thënë”, ka treguar Bajram Gashani, drejtor i përgjithshëm në “Al-Trade Construcion”. “Këqyra në Ministri se cili person, por nuk na treguan. Jo ai, jo ai tjetri dhe nuk mundëm të kuptojmë se kush”.
Edhe gazeta ka provuar të mësojë se kush ka qenë vendimmarrësi, por kjo nuk është bërë e ditur në Ministrinë e Administratës Publike, e cila ka financuar e mbikëqyrur punimet e ndërtesës së Akademisë.
Pllaka edhe mund të hiqet, pasi akademikët të hyjnë në ndërtesën e re, tashmë të përuruar. Kryetari i Akademisë, Besim Bokshi, nuk ka përjashtuar këtë mundësi.

[toni karlosi]

Ky edhe pak ka me ja ndrru edhe emrin Kosoves,ka me quajt HASHIMISTAN

[fattlumi]

Pershendetje Busavata.Me poshte i ke edhe dy artikuj qe mendoj se lidhen me temen.

Në Kosovë ska liri te mediave!!!


Organizata “Reporterët pa Kufij” i ka dënuar tri raste të kërcënimeve kundër gazetarëve që janë raportuar në Kosovë, gjatë muajit të kaluar.

Në raportin e publikuar në internet, organizata thotë se në Kosovë ka një valë kërcënimesh kundër shtypit.

“Është e papranueshme dhe shumë shqetësuese që policia dhe autoritetet e gjyqësisë refuzojnë të veprojnë mbi bazën e ankesave të gazetarëve rreth kërcënimeve. U bëjmë thirrje autoriteteve evropiane që përmes misionit të EULEX-it menjëherë ta adresojnë këtë kulturë të pandëshkueshmërisë”, thekson Reporters Sans Frontieres (RSF).

Në raport, mes tjerash, përmendet rasti i kërcënimit të gazetarit i “Kohës Ditore”, Vehbi Kajtazi, i cili shkroi një shkrim rreth grindjeve të brendshme dhe ndarjeve që rezultuan nga vendimet e kohës së fundit nga Presidenti Fatmir Sejdiu dhe sistemi gjyqësor, e në veçanti, amnistia presidenciale në dyvjetorin e pavarësisë së Kosovës.

Përfitues ishte Alban Geci, i biri i Sabit Gecit, ish-komandant i Ushtrisë Çlirimtare të Kosovës, si dhe vëllai i tij Kushtrimi, të cilët ishin akuzuar më 22 qershor nga prokurori publik i Prishtinës për pjesëmarrje indirekte në një sulm në shtëpinë e kryeministrit Hashim Thaçi.

Ditën kur u publikua lajmi, Sabit Geci i telefonoi Kajtazit dhe e kërcënoi atë me masa ndëshkimore nëse nuk do t’i japë fund “fushatës së tij njollosëse”. Me pajtimin e redaktorëve të gazetës, Kajtazi i tha Gecit disa herë se gazeta ishte e gatshme ta publikojë reagimin e tij, por ai nuk pranoi.

“Ai më tha se do t’i zgjidhë problemet e tij pa shkuar në gjykata dhe më kërkoi të bëja një apologji publike për dëmin që ia kam bërë familjes së tij”, tha Kajtazi. Geci e kishte kërcënuar edhe në prillin e vitit 2009 Kajtazin.

Kur gazeta në fjalë kontaktoi Gecin për t’i shprehur habinë e tyre rreth kërcënimeve të tija, ai u përgjigj: “Unë nuk kërcënoj. Unë veproj”.

Pre e kërcënimeve, sipas RSF-së, ka qenë edhe gazetari Musa Sabedini nga e përditshmja “Lajm”, korrespodent i Gjilanit, kur ai pranoi disa telefonata anonime që e kërcënonin atë përreth një shkrimi që e kishte shkruar për vrasjen e një 16-vjeçari në Gjilan. Ai paraqiti një ankesë, por policia nuk ka mundur ta identifikojë burimin e kërcënimeve.

“Është e papranueshme dhe shumë shqetësuese që policia dhe sistemi i drejtësisë refuzojnë të veprojnë mbi ankesat e gazetarëve rreth kërcënimeve”.

Reporterët pa Kufij, në mesin e kërcënimeve që janë bërë gjatë muajit të kaluar ndaj gazetarëve të medieve të shkruara në Kosovës, kanë përmendur edhe rastin e drejtorit të përgjithshëm të PTK-së, Shyqri Haxha, ndaj dy gazetarëve të gazetës Zëri.

Menaxhmenti i kompanisë shtetërore të telekomunikacionit, Telekomi i Kosovës, ka kërcënuar me ndjekje penale gazetarët e të përditshmes “Zëri”, Arbana Xharra dhe Lavdim Hamidi, në fund të muajit janar pasi ata shkruan një shkrim investigativ për menaxhimin e drejtorit të përgjithshëm të PTK-së, Shyqyri Haxha.

Që nga atëherë, kompania ka refuzuar të jap intervista apo të japë përgjigje për pyetjet e gazetës Zëri. Kompania më e madhe shtetërore e Kosovës, Telekomi i Kosovës, asnjëherë nuk i ka vlerësuar hetimet e thella dhe përpjekjet mediale për hetim në aktivitetet e saja zakonisht kanë pasur pak sukses.

“Është për t'u habitur se si një kompani publike refuzon të jap përgjigje rreth shfrytëzimit të aseteve të saj”, thotë RSF.

“Gazetarët kanë një detyrë për të hetuar përvetësime të mundshme përbrenda një korporate të madhe kombëtare. Nëse Qeveria e Kosovës vërtet dëshiron të anëtarësohet në Bashkimin Evropian, duhet të siguroj respekt për të drejtën e medieve për të hetuar të gjitha fushat e ekonomisë, posaçërisht kompanitë publike që kontrollohen dhe menaxhohen nga shteti”, thekson organizata prestigjioze për mbrojtjen e lirisë së shtypit."

Nga Express më 11.03.2010







Kercenohet Jeta Xharra



I dërguari kryesor i komuniteti ndërkombëtar në Kosovë, Pieter Feith foli në mbrojtje të emisionit “Jeta në Kosovë” në lidhje me kërcënimet ndaj gazetares Jeta Xharra, e cila udhëheqë ekipin e BIRN-it në Kosovë që e prodhon këtë emision.

“Unë kam konsideratën më të lartë për punën e tyre dhe e përshëndes përcjelljen nga afër të aktiviteteve të mia që e bën “Jeta në Kosovë”,”tha Feith, Përfaqësuesi i Zyrës Civile dhe Përfaqësuesi Special i Bashkimit Evropian në Kosovë, në një letër shkruar bordit drejtues të BIRN-it.

Reagimi i Piter Feit
“Liria e shprehjes, duke përfshirë edhe atë të shtypit, është vlerë themelore për integrimin në Bashkimin Evropian. Ngecjet në këtë sferë kanë ndikim të drejtpërdrejtë në përparimin e një shteti anëtar aspirues drejt institucioneve evropiane,” shton ai.

Duke iu përgjigjur thirrjes së BIRN-it për të reaguar në këto kërcënime, Feith tha: “Do të vazhdojë t’i marrë parasysh çështjet të cilat ju i keni ngritur, përfshirë edhe me Qeverinë e Kosovës, me qëllim që të sforcohet kjo e drejtë me rëndësi e të gjithë qytetarëve.”

Xharra është drejtoresha e BIRN-it në Kosovë, i cili e prodhon emisionin “Jeta në Kosovë” që transmetohet në transmetuesin publik RTK. Xharra, po ashtu udhëheqë këtë emision në të cilin ajo ka guxim të adresojë tema kontroverse dhe tabu.

“Është një akuzë bombastike në një shoqëri akoma të traumatizuar nga represioni serb dhe krimet e luftës dhe është një nxitje e pastër për vepra të dhunshme kundër stafit tonë në Kosovë,” tha Xharra.

Të enjten, Infopress botoi një kërcënim me jetë kundër Xharrës, duke komentuar se: “Jeta ia bëri vetes që të mos ketë jetë të gjatë”.

Situata u intensifikua pas edicionit të datës 28 maj të emisionit, i cili iu dedikua lirisë së shprehjes në Kosovë.

Emisioni pati edhe një reportazh në të cilin ekipi i lajmeve i BIRN-it në Kosovë u nxor jashtë nga Zyra për Informim Publik të Komunës së Skenderajt në Drenicë, Kosovën qendrore dhe më vonë u detyruan të largohen nga qyteti nga një person i armatosur, i cili edhe e konfiskoi xhirimin.

(Birn/Express)

[SERAFIM DILO]

Mirmroma Busavate.
Kulture patriotike.Si shkrim.
Si titull,duhet te vihet siper "tempullit" te dijes