Dashuria Ndaj Allahut!

[ramazan_it]

KUPTIMI I DASHURISË NDA ALLAHUT S.V.T..

Me të vërtetë falënderimi i takon Allahut s.v.t., Atë e falënderojmë, te Ai mbështetemi dhe prej Tij falje kërkojmë, te Allahu kërkojmë mbrojtje prej të keqes së shpirtrave tanë dhe prej veprave tona të këqija. Kë e udhëzon Allahu në rrugën e drejtë, askush nuk mund ta dërgojë në humbje, ndërsa kë e lenë Allahu në humbje, për të nuk ka udhëzues.

Selam alejkum we rahmetullahi we berekatuhu!

Do tu lutesha të gjithë anëtarëve të këtij komuniteti që të mos ndërhynë në temë përderisa do ta kompletoj krejt temën, Allahu ju shpërbleftë për durimin e juaj!

Pik së pari lus Allahun s.v.t., që të na bëjë prej tyre që ta duam atë ashtu siç e meriton Ai dhe të na përforcon në Dinin e Tij ashtu siç din Ai që të jemi të dashurit e Tij, Amin.

KUPTIMET E DASHURISË



El- Halejmi ka thënë: " Dashuria ndaj Allahut përmban shumë kuptime:

E para: Bindjen se Ai s.v.t., është meritor në çdo situatë dhe nuk ka cilësi prej cilësive të Tij që nuk e lavdërojnë.

E dyta: Bindja se Ai është Bamirës ndaj robërve të Tij dhe se ua jep të mirat e Tij.

E treta: Bindja se nuk mund ta falënderojmë Allahun sado të mëdha që të jenë në numër veprat tona, sepse Bamirësia e Tij që na e ka ofruar është më e madhe dhe më e lartësuar se sa falënderimi i ynë.

E katërta: Që robi të mos t'i konsiderojë të vogla urdhërat e Tij dhe të mos të mos i konsiderojë të mëdha detyrat e Tij.

E pesta: Që të ketë drojë dhe të frikësohet në çdo moment që Allahu mos të largohet prej Tij dhe që mos t'ia marrë njohjen e Tij me të cilën e ka nderuar dhe teuhidin me të cilin e ka zbukuruar dhe e ka bërë më të këndshëm.

E gjashta: Që shpresat e tij t'i besohen Atij dhe në asnjë gjendje mos ta ndjejë veten se është i pavarur prej Tij.

E shtata: Që fortësia e këtyre kuptimeve në zemrën e tij duhet ta çojë në përmendjen e përhershme të Allahut, ashtu siç mund ta bëjë më së miri.

E teta: Që të vrapojë në kryerjen e farzeve të Allahut dhe për t'iu afruar Atij me nafilet që ka mundësi t'i kryer.

E nënta: Të dëgjojë prej tjetrit se si e lavdëron Allahun dhe kështu ta dijë se ai i frohet Allahut Dhe se është serioz në rrugën e Tij, haptazi apo fshehtazi dhe që ta marrë per shok të tij.

E dhjeta: Nëse e dëgjon dikë duke e përmendur Allahun, që ta ndihmojë si shok apo nëse e di se ka devijuar prej rrugës së Tij fshehurazi apo haptazi, që të ndahet dhe të largohet prej tij.

Nëse të gjitha këto kuptime tubohen në një zemër, kjo është shenjë se ai e do Allahun e Lartësuar."

Xhunejdi ka thënë: "E kam dëgjuar El-Haris Harith El-Muhasibiun - atë e kishin pyetur për dashurinë - dhe ai kishte thënë: "Dashuria është që të drejtohesh drejt diçkaje me tërë dashurinë tënde ndaj saj, pastaj t'i japësh pëerparësi asaj për dallim nga vetja dhe pasuria jote, pastaj pajtimi yt me të fshehurazi dhe haptazi dhe pastaj ta dish se nuk je duke e dashur aq sa duhet".

Vazhdon...

[ramazan_it]

SHKALLËT E DASHURISË

Dashuria ndaj Allahut s.v.t., qoftë i lavdëruar dhe i lartësuar Ai, shihet në dy shkallë:

Shkalla e parë: Farz ajn, kjo do të thotë që Allahu s.v.t., qoftë i lavdëruar Ai, të duhet me dashurinë e cila e obligon njeriun që t'i dojë farzet e Tij dhe që ta urrejë atë që ia ka ndaluar, që ta dojë të Dërguarin e Tij të cilit ia ka dorëzuar urdhërat dhe ndalesat e Tij, që ta dojë më shumë se sa vetveten dhe familjen e tij, poashtu, të jetë i kënaqur me atë që e ka transmetuar prej fesë së Allahut s.v.t., ta pranojë atë prej tij me kënaqësi dhe me dëgjueshmëri, t'i dojë të Dërguarit dhe Pejgamberët dhe të gjithë ata që i pasojnë për shkak të Allahut s.v.t..

Kjo është masa e cila duhet të ekzistojë me qëllim që imani të jetë i nevojshëm e i plotë, ndërsa ai i cili nuk e plotëson ndonjërën prej këtyre gjërave, ai ka bërë imanin e tij jo të plotë në po të njëjtën masë.

Allahu s.v.t., ka thënë:

"Jo, për Zotin tënd, ata nuk do të jenë besimtarë të vërtetë, derisa të të marrin ty për të gjyqtar për kundërshtitë mes tyre; e pastaj, të mos ndiejnë kurrfarë dyshimi ndaj gjykimit tënd dhe të të binden ty plotësisht." (En - Nisa, 65)

Poashtu, dashuria e tij e nevojshme nuk është e plotë në të njëjtën masë nëse nuk ka plotësuar diçka prej saj, sepse dashuria e nevojshme kërkon kryerjen e vaxhibit dhe lënien e harramit.

Kjo është shkalla e parë e dashurisë ndaj Allahut, është farzi ajn për çdo muslimani dhe kjo është është shkalla e njerëzve të lumtur.


Shkalla e dytë: Është shkalla e atyre të cilët janë të parët, gjithmonë të parët dhe të cilët do të jenë afër Allahut s.v.t., dhe kjo shkallë është që dashuria të ngrihet deri në dashurinë e gjithë asaj që e do Allahu prej nafileve që janë nënshtrim dhe që të urrrehet ajo të cilën e urren Ai, deri në mekruhet më të voglë, pastaj të jemi të kënaqur me kadanë dhe kaderin me të gjithë ato fatkeqësi që na shkaktojnë dhëmbje dhe që është dashuria e lavdëruar.

Vazhdon....

[ramazan_it]

NJOHJA E ALLAHUT S.V.T.

Me njohjen e emrave të Allahut, cilësive dhe veprimeve.

Utbe el- Gulami ka thënë: " Kush e njeh Allahun s.v.t., ai e ka dasshur Atë. "

Budejl bin Mejsere ka thënë: " Kush e njeh Yotin e vet, ai e ka dashur Atë, ndërsa kush e njeh dunjanë, do të jetë zehid në të. "

Pra, kush e njeh Allahun s.v.t., nëpërmjet emrave, cilësive dhe veprimeve të Tij, me siguri do ta dojë Atë.

Ibrahim ibën Ali el - Muridi ka thënë: " Nuk ka mundësi që ta njëhësh Atë, e pastaj mos ta duash Atë, nuk ka mundësi që ta duësh Atë, e pastaj të mos ta përmendësh Atë, nuk ka mundësi që ta përmendësh Atë, e pastaj mos ta gjesh ëmbëlsinë e përmendjes së Tij dhe nuk ka mundësi që pasi ta gjesh ëmbëlsinë e përmendjes së Tij, e të mos jesh i yënë me përmendjen e Tij. "

Në Kur'an ka shumë ajete që përkujtojnë argumentet e Allahut, që tregojnë për madhësinë dhe fuqinë e Tij, për lartësimin dhe tërësinë e Tij, për madhështinë dhe për lartmadhërinë e Tij, për mëshirën dhe dënimin e Tij, për patundshmërinë dhe dhe për hakmarrjen e Tij dhe për gjithçka prej cilësive të Tij të lartësuara dhe emrave të Tij dhe është e pëlqyer që të mendojmë për krijesat e Tij që tregojnë për përsosurinë e Tij. Me të vërtetë zemrat anojnë për ta dashur përsosurinë, ndërsa në realitet nuk do të ketë përsosuri përveç se te Ai s.v.t..

Umer bin Abdu-l-Azizi ka thënë: " Të menduarit për begatitë e Allahut është ibadeti më i mirë."

Ubejdullah bin Muhamed et - Tejmi ka thënë: " Nafile më e mirë është të menduarit gjatë. "

Pjesa më e madhe e ebu Derdasë r.a., ishte vëzhgimi dhe të menduarit.

Fjalët e imam Ahmedit r.a., tregojnë diçka të ngjajshme.

Dhun - n - Nun ka thënë: " Njohja fitohet nëpërmjet tri mënyrave: Nëpërmjet vëzhgimit të gjërave se si i ka rregulluar Allahu s.v.t., nëpërmjet vëzhgimit të masës se si i ka caktuar, dhe nëpërmjet vëzhgimit të krijesave se si i ka krijuar. "

Vazhdon....

[ramazan_it]

NJOHJA E MIRËSIVE TË TIJ MBI ROBËRIT E TIJ

Vëzhgimi i drejtësisë së Tij, i bamirësisë dhe i nimeteve të fshehta e të dukshme të Tij, të gjitha këto thërasin në dashurin ndaj Tij.

Me të vërtetë se zemrat për nga natyra janë të krijuara që të anojnë që ta duan atë që u bën mirë, ndërsa askush nuk mund të bëjë më shumë të mira sesa Allahu s.v.t..

Ibën Ata' ka thënë: " Si mos ta duash Krijuesin tënd kur begatitë e Tij të përhershme vijnë tek ti dhe kurrë nuk do të ndalen, por me këtë rast është e paqartë njohja, ndërsa imani jo i plotë të ka larguar prej dashurisë ndaj Tij dhe që të shkosh drejt Tij. "

Ebu Seid el - Hazazi ka thënë: " Është e çuditshme se si ai që nuk e sheh bamirësinë tjetër përveç Allahut, nuk shkon drejt Tij me gjithë qenien e tij. "

Ebu - l Husejn el - Verraku ka thënë: " Pjesët e dashurisë degëzohen nga të përmendurit e shpeshtë të bamirësisë së Allahut, saqë ai që e përmend përherë bamirësinë e Allahut për veten e tij, do ta ndjejë erën e dashurisë afër tij. "

Dashuria ndaj mirësive të Allahut s.v.t., është prej falënderimeve të plota ndaj Allahut dhe kjo dashuri është vaxhib për secilin njeri të cilit i janë dhënë mirësitë dhe për këtë shkak thuhet: Falënderimi duhet të jetë me zemër, me gjuhë dhe me organet e trupit.

Vazhdon...

[ramazan_it]

SHPESHTIMI I PËRMENDJES SË ALLAHUT S.V.T.

Prej gjërave që më së shumti e sjellin dashurinë, është shpeshtimi i përmendjes së Allahut me zemër.

Dhu - n - Nuni ka thënë: " Ai që e preokupon zemrën dhe gjuhën e tij duke bërë dhikër, Allahu s.v.t., në zemrën e tij do të fusë dritën e Tij. "

Ibrahimb. el - Xhunejdi ka thënë: " Është thënë se shenjë e dashurisë ndaj Allahut, është përmendja e përhershme e Allahut me zemër dhe gjuhë dhe ka pak njerëz në botë të cilët e përmendin shumë Allahun s.v.t..Përmendja e Allahut është përta e dashurisë. "

Njeriu e përmed më së shumti atë që e do, pra le të bëhemi prej tyre që e përmendin Allahun s.v.t..

Vazhdon....

[ramazan_it]

MARRËDHËNIA E SINQERTË NDAJ ALLAHUT

Sinqeriteti dhe kundërshtimi i epsheve!

Njëra prej shkaqeve që e sjell dashurinë e Allahut s.v.t., është marrëdhënia e sinqertë ndaj Allahut, sinqeriteti dhe kundërshtimi i epsheve dhe kjo është arsyeja për bamirësinë e Allahut ndaj robit të Tij dhe për dhënien e dashurisë së Tij.

Fet'hu - l - Mevsili ka thënë: " Ai i cili përherë vëzhgon me zemrën e tij, me këtë ai do të shkaktojë gëzimin me të Dashurin , ndërsa kush i jep përparësi Allahut mbi epshet e tij, me këtë ai do të shkaktojë dashurinë e Allahut ndaj tij. Ndërsa, kush vrapon drejt Tij, ai do të jetë zahid në gjërat të tjera dhe të kujdeset në të drejtën e Tij, ndërsa frika e tij në vetmi do të shkaktojë shikimin në Fytyrën e Tij të Bukur. "

LEXIMI I KUR'ANIT DUKE MENDUAR DHE DUKE VËZHGUAR

Leximi i Kur'anit duke menduar për të dhe duke vëzhguar, është prej atyre gjërave që e sjellin dashurinë, posaçërisht leximi i ajeteve që në vete përmbajnë emrat e bukur të Allahut s.v.t., cilësitë e Tij, veprimet e mrekullueshme të Tij, ndërsa dashuria ndaj kësaj e bën të obligueshme që robi ta dojë Allahun dhe që Allahu ta dojë atë.

Në dy thënie të vërteta prej Ajshes r.a., transmetohet se Pejgamberi s.a.v.s., e kishte dërguar një njeri në krye të ekspeditës dhe kështu ai i printe shokët e tij në namaz dhe ato i përfundonte gjithmonë me suren El - Ihlas dhe kur u kthyen, ia përmendën Pejgamberit s.a.v.s., ndërsa ai kishte thënë: " Pyeteni se për çka e bën atë? " Ai i ishte përgjigjur: " Sepse ajo është cilësi e Mëshiruesit dhe unë kam më shumë qejf që ta lexoj atë! " dhe pastaj Pejgamberi s.a.v.s., kishte thënë: " Lajmërojeni se Allahu e do atë. " Hadithin e përmend Buhari ( 7375 ), dhe Muslimi ( 813 ), En - Nisai dhe Ibn Hibbani.

Vazhdon....

[ramazan_it]

PËRKUJTIMI I SAJ QË ËSHTË PËRMENDUR NË KUR'AN DHE NË SUNET,
SE BANORËT E XHENETIT DO TA SHOHIMN ZOTIN E TYRE

Prej shkaqeve të dashurisë është edhe përkujtim i asaj që është përmendur në Kur'an dhe në Sunet, se banorët e Xhenetit do ta shohi Allahun s.v.t., dhe se do ta vizitojnë Atë. Si dhe përkujtimi për ditën e tyre të tubimit në ditën kur Allahu do t'ju japë më shumë, ndërsa kjo sjell dashuri të veçantë.

Për këtë Delhemi ka thënë prej El - Hasanit. " Po ua porosis devotsshmërinë dhe të menduarit e përhershëm, sepse këto janë çelës i çdo të mire dhe këto Allahu ua jep vetëm atyre që janë në rrugën e drejtë.

Dijeni se gjëja më e mirë të cilën e ka arritur njeriu i mençur ,është të menduarit e sinqertë për Allahun dhe pirja e gotës së dashurisë ndaj Tij dhe me të vërtetë ata qe e duan Allahun, janë ata të cilët e kanë realizuar jetën e mirë dhe e kanë shijuar ëmbëlsirën e të mirave të Tij, sepse kanë arritur deri te pëshpëritja me të Dashurin e tyre, sepse e kanë gjetur ëmbëlsinë e dashurisë ndaj Tij në zemrat e tyre.

Pra le të jenë të sigurtë dhe të lumtur ata që e duan Allahun sinqerisht, për shkak të shikimit të Atij dhe pasha Allahun, se nuk ka më dashuri të madhe se, dashuria me Krijuesin e Gjithësisë, Fornizuesin dhe Shpërblyesin më të mirë, dhe nuk i takon përparësi dashurie përveçse e para do të ishte dashuria me Allahun s.v.t..

Nji person që ka arritur me e kuptuar këtë dashuri, atëherë mund që të themi se ka arritur suksesin dhe shpëtimin e tij në Ditën e Madhe, ku nuk do ketë asçfar mbrojte tjetër, përveçse mbrojtja e të Dashurit të tij që d.m.th., me Allahun s.v.t..

MIQËSIMI ME MIQTË E ALLAHUT DHE ARMIQËSIMI NDAJ ARMIQTË TË TIJ

Me të vërtetë, miqësimi me miqtë e Allahut dhe armiqësimi ndaj armiqve të Tij, është prej shkaqeve me rëndësi që e sjellin dashurinë e Allahut s.v.t. dhe baza e kësaj është pajtueshmëria.

El - Murtaishi, ishte pyetur: " Si mund të fitohet dashuria? " Ai ishte përgjigjur: " Me miqësimi me miqtë e Allahut dhe me armiqësimin ndaj armiqtë të Tij. "

DHËNIA E PËRPARËSISË NDAJ ASAJ QË E DO AI, MBI ATË QË E DO ROBI GJATË SULMIT TË EPSHEVE

Shenja e dhënies së përparësisë është:

Kryerja e asaj që e do Allahu, edhe pse shpirti e urren atë dhe largohet prej saj.

Lënia e asaj që Ai e urren, edhe pse shpirti e do dhe e dëshiron atë.

Shkaqet që sjellin po ashtu dashurinë e Allahut ndaj robit dhe kënaqësia me Të , janë:

Thyerja tërësisht e zemrës para Allahut të Lartësuar!

Nuk ekziston asgjë që është më e dashur te Allahu, sesa thyerja e zemrës, e përulësisë, e nënshtrimit dhe e përkuljes para Atij.

Shtimi i nafileve.

Pejgamberi s.a.v.s., ka transmetuar në një hadiith kudsi se Zoti i tij kishte thënë: " Robi Im më afrohet me nafile derisa ta dua. "

Pasimi i Pejgamberit s.a.v.s., në veprat, në moralin dhe në sjelljen e tij.

Allahu s.v.t., ka thënë:

" Thuaj ( o Muhammed ): " Nëse ju e doni Allahun, atëherë më ndiqni mua, që Allahu t'ju dojë dhe t'jua falë gjunahet. "( Ali Imran, 31 )


Vazhdon...

[ramazan_it]

SHENJAT QË VËRTETOJNË SE ROBI E DO ALLAHUN E LARTËSUAR

Ibrahim b. El-Xhunejdi ka thënë: " Shenjat që e vërtetojnë sinqeritetin e dashurisë së atij që e do, janë gjashtë:

Shenja e parë: Përmendja e shpeshtë me zemër dhe gëzimi me atë përmendje të Zotit të tij.

Shenja e dytë: Dhënia e përparësisë së dashurisë ndaj Zotit tënd mbi dashurinë ndaj vetvetes dhe mbi dashurinë ndaj krijesave, dhe ai fillon ta dojë Zotin e vet para se të fillojë ta dojë veten dhe krijesat.

Shenja e tretë: Afërsia me Të dhe të konsideruarit e rëndësishme e gjithë asaj të cilën e refuzon prej Tij, apo që e largon prej Tij.

Shenja e katërt: Vrapimi për t'u takuar me Të dhe për ta shikuar Fytyrën e Tij.

Shenja e pestë: Kënaqësia me çdo vështirësi dhe fatkeqësi, e cila ka zbritur mbi të.

Shenja e gjashtë: Pasimi i Pejgamberit s.a.v.s..

Shumë prej dijetarëve tanë të njohur i kanë përmendur shenjat e dashurisë së sinqertë ndaj Allahut të Lartësuar, duke përmendur:

1. Dashuria ndaj vdekjes, takimi me Allahun dhe malli për ta shikuar Atë.

2. Afërsia me Të në vetmi.

3. Preokupimi duke i bërë ibadet Atij, pastaj dashuria ndaj dëgjueshmërisë së Tij dhe afrimi drej Tij mbi të gjitha.

4. Përmendja e përhershme e Allahut.

5. Dashuria ndaj fjalëve të Tij.


Vazhdon....