Kryeministri Thaçi ka udhëtuar për një vizitë në Estoni

[gimche]

Vazhdim...

[gimche]

Vazhdim...

[Llapi]

E-Miqësia
Kryeministrit Hashim Thaçi iu rezervua një pritje shtetërore, në Talin të Estonisë. Ai takoi Presidentin, Kryeministrin dhe Kryeparlamentaren e këtij shteti baltik. Gjatë vizitës dyditore, delegacioni kosovar do të nënshkruajë disa marrëveshje me autoritetet estoneze në fushën e e-qeverisjes, arsimit, bujqësisë, tregtisë...

Nga Express më 17.03.2010 në ora 8:00
Në kuadër të vizitës zyrtare në Republikën e Estonisë, Kryeministri Hashim Thaçi është pritur të martën nga homologu i tij, Kryeministri Andrus Ansip, me të cilin është pajtuar që të thellohet bashkëpunimi mes dy vendeve.

Kryeministri Thaçi është pritur edhe nga Presidenti Toomas Hendrik Ilves, Kryetarja e Parlamentit, Ene Ergma dhe nga Kryesuesi i Grupit të Miqësisë Estoni-Kosovë, Hannes Astok.

Estonia dhe Kosova do të thellojnë bashkëpunimin në fushën e e-qeverisjes, të arsimit, të bujqësisë, të tregtisë dhe industrisë dhe në fusha të tjera me interes.

“Kryeministri Ansip i siguroi Kryeministrit Thaçi përkrahjen e Qeverisë së Estonisë për Qeverinë e Kosovës në fushën e Integrimit Europian, si dhe përkrahjen për anëtarësimin e Republikës së Kosovës në organizata të ndryshme ndërkombëtare”, thuhet në një kumtesë nga Kryeministria e Kosovës.

Kryeministri Hashim Thaçi ka prezantuar të arriturat dhe sfidat e Kosovës, pas shpalljes së pavarësisë.

“Qeveria e Republikës së Kosovë është thellësisht e përkushtuar për fuqizimin e qeverisjes së mirë, efektive dhe transparente, sundimin e rendit dhe ligjit, respektimin afirmativ të komuniteteve, zhvillimin e qëndrueshëm ekonomik dhe luftën e pakompromis ndaj korrupsionit dhe krimit të organizuar”, citohet të ketë thënë Thaçi, në takim me Kryeministrin Ansip.

Kreu i Qeverisë estoneze ka theksuar se vendi i tij mbështet fuqishëm integrimin e Kosovës në Bashkimin Europian dhe në NATO, duke potencuar se Republika e Kosovës është pjesë e familjes europiane.

Edhe në takimet me Presidentin estonez, Toomas Hendrik Ilves dhe Kryeparlamentaren Ene Ergma, Kryeministrit Thaçi i është premtuar vazhdimi i mbështetjes së institucioneve të shtetit të Estonisë për të gjitha proceset zhvillimore në Kosovë.

Gjatë qëndrimit në kryeqytetin estonez, Talin, Kryeministri Thaçi ka zhvilluar një drekë pune edhe me Kryesuesin e Grupit Parlamentar të Miqësisë Estoni-Kosovë në Parlamentin e Estonisë, Hannes Astok. Në takim, Kryeministri Thaçi ka shprehur mirënjohjen e Qeverisë dhe të gjitha institucionet e Kosovës për Astok dhe ka vlerësuar se puna dhe përkushtimi i Grupit të Miqësisë Estoni-Kosovë, dëshmon më së miri për nivelin e lartë të bashkëpunimit mes të dyja vendeve, bashkëpunim ky që do të avancohet edhe më shumë.

Kryeministri Thaçi ka udhëtuar në Estoni me katër anëtarë të kabinetit qeveritar: Enver Hoxhaj, Arsim Bajrami, Idriz Vehapi dhe Lutfi Zharku.

[gimche]

Merr mbështetje nga Estonia

Kryeministri Thaçi thotë se ka marrë një mbështetje të fuqishme nga Estonia në drejtim të integrimit në NATO dhe në BE, gjatë vizitës zyrtare në këtë vend.

Në një konferencë shtypi në Aeroportin Ndërkombëtar të Prishtinës, kryeministri Hashim Thaçi tha se çështjet kryesore për të cilat ka diskutuar me homologun estonez kanë qenë marrëdhëniet bilaterale midis dy vendeve dhe përvojat e Estonisë në qeverisjen elektronike, standardizimi në shërbimin kadastral, në sektorin e bujqësisë dhe reformimit në edukim.

“Kjo vizitë shënon një hap të rëndësishëm të thellimit të bashkëpunimit midis Kosovës dhe Estonisë si një shtet që ka njohur Kosovën që në ditët e para të shpalljes së pavarësisë. Tani po ndërtojmë raporte ndërshtetërore por edhe të miqësisë”, ka thënë Thaçi.

Kryeministri Thaçi pohoi se homologu i tij nga Estonia së shpejti do ta vizitojë Kosovën. /Express/