Ne Gjilan serish zgjedhje

[gimche]

Fatmir Rexhepi e pranon humbjen

Kandidati i Lidhjes Demokratike të Kosovës për Kryetar të Gjilanit, Fatmir Rexhepi, ka pranuar humbjen në garën e Gjilanit.

Në një konferencë për media, ai i falënderoi qytetarët që i besuan vizionit të tij, mirëpo nuk e uroi fituesin.

“Kësaj radhe nuk ka fituar demokracia, por ka fituar PDK”, ka thënë Fatmir Rexhepi.

“Demokracia në Veprim” konfirmon fitoren e PDK’së

Koalicioni i organizatave joqeveritare “Demokracia në Veprim” e ka konfirmuar fitoren e Partisë Demokratike të Kosovës në Gjilan, me një diferencë prej 5100 votave epërsi ndaj Lidhjes Demokratike të Kosovës.

Sipas të dhënave të publikuara nga ky koalicion, PDK ka fituar 58.1 për qind të votave, kurse LDK 41.9 për qind.

Konfirmimin e fitores së PDK’së, zyrtarët e “Demokracisë në Veprim”, e kanë bërë gjatë një konference për media, me ç’rast kanë treguar se kandidati i PDK’së, Qemajl Mustafa, ka marrë gjithsej 19 mijë e 852 vota, ndërsa ai i LDK’së, Fatmir Rexhepi, 14 mijë e 306 vota.

Sipas “Demokracisë në Veprim” në zgjedhje e raundit të tretë kanë dalë 40.6 për qind e qytetarëve me të drejtë vote.

PDK shpall fitoren në Gjilan

Partia Demokratike e Kosovës, para pak minutash, e ka shpallur fitoren kandidatit të saj për Kryetar të Gjilanit, Qemajl Mustafës.

Nënkryetari i PDK’së, Hajredin Kuçi, në një konferencë për media, tha se Mustafa prin ndaj rivalit Rexhepi me 5.000 vota.

“Me fitoren e Mustafës, në Gjilan ka fituar demokracia”, ka thënë Kuçi.

Ndërsa Qemajl Mustafa ka deklaruar se "me këtë fitore është përmbytur një jugo-mentalitet". Ai ka thënë se "është përmbytur edhe Fatmiri lokal edhe Fatmiri President”.

Menjëherë pas dhënies së lajmit, simpatizantët e PDK’së kanë dalë për të festuar në qendër të Gjilanit.

Në këto çaste, para simpatizantëve po flet Kryetari Qemajl Mustafa.

Mbyllen qendrat e votimit

Në ora 19.00 janë mbyllur dyert e qendrave të votimeve në komunën e Gjilanit, ku gjatë ditës qytetarët e kësaj komune kanë votuar për të tretën herë për zgjedhjen e kryetarit, ndërsa votat mund t’i hedhin vetëm edhe ata qytetarë që kanë qenë duke pritur para vendvotimeve.

Qytetarët e Gjilanit të dielën për të tretën herë kanë dal në votime, pasi që një vendim të tillë e mori Komisioni Qendror Zgjedhor bazuar në vendimin paraprak të Gjykatës Supreme të Kosovës.

Komisioni Qendror Zgjedhor (KQZ), në ora 20.00 do të mbajë konferencë për media, për të njoftuar lidhur me ecurinë procesit zgjedhor.

Sipas këtij institucioni, deri në ora 16.15 në gjithë komunën e Gjilanit kanë votuar 30.16 për qind e qytetarëve me të drejtë vote.

Pas mbylljes së votimeve, pritet që me një konferencë të dal edhe koalicioni i OJQ-ve “Demokracia në Veprim”, e cila do të jap të dhënët e reja dhe të përgjithshme mbi procesin zgjedhor që kanë marrë vëzhguesit e saj në terren.

Deri në 16:15 kanë votuar 30.16%

Komisioni Qendror Zgjedhor (KQZ), në konferencën e tretë për media brenda ditës ka bërë të ditur se të drejtën e tyre për të votuar në komunën e Gjilanit deri në ora 16.15 e kanë shfrytëzuar 30.16 për qind e qytetarëve, ndërkohë që kanë thënë se deri më tash nuk është shënuar asnjë incident, i cili do të ndikonte në procesin zgjedhor.

Nesrin Lushta, kryetare e KQZ-së, ka thënë se sipas informatave të marra nga terreni deri në ora 16.15 kanë votuar mbi 26 mijë votues, ose më shumë se sa në raundin e dytë të votimeve, deri në të njëjtën kohë

“Deri në ora 16.15 sipas shënimeve që kemi marrë prej numrit gjithsej të votuesve prej 87.430 votues kanë votuar 26.369 që do të thotë 30.16 për qind. Prapë kjo shifër është pak më e madhe sesa përqindja e daljes në raundin paraprak që 29.41 për qind deri në këtë orë”, ka thënë Lushta.

Duke folur për qendrat e votimit të cilat nuk janë hapur në dy fshatra të banuara me serbë, Budrikë e Poshtme dhe Cernicë, Lushta ka thënë se
gjendja vazhdon të mbetet e njëjtë.

Kryeshefi ekzekutiv i KQZ-së, Xhemajl Peqani, ka vlerësuar se procesi po rrjedhë pa probleme të cilat do të ndikonin në procesin zgjedhor.

“Nga konsultat që kemi pasur me menaxherët e qendrave të votimit dhe nga zyrtari ekzekutiv për komunën e Gjilanit, si dhe nga pesë ekipet që e monitorojnë procesin që janë ekipe shtesë nga KQZ-ja, nuk kemi informata se është reflektuar ndonjë ekses i cili e dëmton seriozisht procesin zgjedhor në komunën e Gjilanit”, ka thënë ai.

Rivotimi në Gjilan mbahet pas konstatimit të parregullsive nga ana e KZAP-it në raundin e dytë të zgjedhjeve më 13 dhjetor të vitit të kaluar. Në garën për kreun e komunës janë Qemajl Mustafa, kandidat i PDK-së, njëherësh kryetar i Gjilanit dhe Fatmir Rexhepi, kandidat i LDK-së.

Rezultatet preliminare do të publikohen në mesnatë nga ana e Komisionit Qendror Zgjedhor (KQZ).

Deri në ora 11.30 kanë votuar 9.89%

Drejtues të Komisionit Qendror Zgjedhor kanë bërë të ditur se deri në ora 11.30 numri i votuesve në komunën e Gjilanit ka qenë 9.89 për qind, ndërkohë që procesi zgjedhor po ecën kryesisht pa probleme.

Në konferencën e dytë për media, kryetarja e KQZ-së, Nesrin Lushta ka bërë të ditur përqindjen e daljes së votuesve në zgjedhjet për kryetar komune të Gjilanit.

“Sipas informatave të cilat i kemi marr nga tereni deri në orën 12.15 përqindja e daljes në vend votime në këtë komunë është 9.89 për qind prej numrit të përgjithshëm të votuesve. Nëse ky numër krahasohet me numrin nga datat 13 dhjetorit të raundit të dytë është pakëz më i madh se në të njehen kohë në raundin e kaluar kjo përqindje ka qenë 9.28 për qind”, ka thënë Lushta.

Ajo ndërkaq ka mohuar të ketë parregullsi në garën e rivotimit për të parin e Gjilanit sikurse ka raportuar Demokracia në Veprim.

“Unë më herët pyeta nëse ka ndonjë parregullsi dhe ndonjë incident, dhe informata të cilën e mora ishte se nuk ka. Unë nuk kam, nëse na vijnë informata unë do t’ua jap edhe juve”, ka thënë ajo.

Për më tepër, ajo ka thënë se KQZ ka kuorum për të mbajtur konferencat e saja, ndonëse nuk ishin të pranishëm përfaqësuesi i PDK-së dhe ai i AKR-së.

Kryeshefi ekzekutiv i KQZ-së, Xhemajl Peqani, ka bërët ditur se materiali sensitiv është dërguar me kohë nëpër qendrat e votimeve në vendbanimet me serbë, por për shkak të problemeve teknike pas pasur vonesa.

“Ne nga informatat që kemi marrë nga menaxherët e qendrave të votimit, ku kryesisht ka të bëjë me qendrat e votimit të komunitetit serb kemi marrë informatën që materiali ka shkuar me kohë, por për shkak të përgatitjeve teknike që është bërë në këto qendra ka pasur vonesa”, ka thënë ai.

Konferenca e radhës mbahet në ora 17.00

KQZ: Të gjitha qendrat e votimeve janë hapur me kohë

Drejtues të Komisionit Qendror Zgjedhor në konferencën e parë për media kanë bërë të ditur se në komunën e Gjilanit janë hapur të gjitha qendrat e votimeve dhe deri më tash procesi zgjedhor po ecën pa probleme, ndërkaq rezultatet preliminare pritet të publikohen në orët e pasmesnatës.

Nesrin Lushta, kryetare e KQZ-së, ka thënë se për momentin nuk posedojnë shifra për numrin e daljes së votuesve, por një gjë të tillë do ta bëjnë në konferencën e radhës e cila është e paraparë të mbahet në ora 13.00.

“I gjithë materiali zgjedhor në të gjitha qendrat sikur ai sensitiv, sikur ai josensitiv është ndarë me kohë dhe të gjitha qendrat e votimeve janë hapur me kohë”, ka thënë Lushta.

Kryeshefi ekzekutiv i KQZ-së, Xhemajl Peqani, ka thënë rezultatet preliminare janë paraparë të publikohen pas mesnatës.

“Sipas planit dhe dinamikës që kemi paraparë për ditën e sotme pas orës 12.00 pas mesnatës. Po kjo është e vërtetë që është një komunë, por për shkak që plani që duhet të vijnë nga qendrat e votimeve në depotë e komisioneve komunale ku duhet bërë kontrollimi para se të vijë në qendër. Kjo është një procedurë që ne faktikisht duhet t’i nënshtrohemi”, ka thënë Peqani.

Në komunën e Gjilanit janë 87.430 qytetarë me të drejtë vote, të cilët do të zgjedhin kryetarin e ardhshëm në mandat katërvjeçar

Nis procesi zgjedhor në Gjilan

Zyrtarët e Komisionit Komunal Zgjedhor (KQZ) pohojnë se sipas planifikimeve që në orën 7.00 janë hapur të gjitha qendrat e votimit në komunën e Gjilanit dhe se tashmë kanë filluar edhe qytetarët të hedhin votat e para për të zgjedhur të parin e kësaj komune.

Qendrat votimit janë hapur edhe në lokalitete serbe, përfshi edhe fshatin Burdigë, i cili në dy raundet e para kishte paraqitur problem.

Ndërkaq, qendrat tjera të votimit janë hapur me kohë dhe se komisionarët nuk kanë njoftuar për ndonjë problem të paraqitur gjatë hapjes së 31 qendrave të votimeve dhe 127 vendvotimeve.

Në komunën e Gjilanit kanë të drejtë vote mbi 87 mijë votues, të cilët me votat e tyre do të zgjedhin njërin nga kandidatët që garojnë për kryetar të komunës për katër vitet e ardhshme.

Nga Partia Demokratike e Kosovës në garë është Qemajl Mustafa, ndërsa nga Lidhja Demokratike e Kosovës, Fatmir Rexhepi. /kosovapress/

[ARIANI_TB]

Uroj Qemajl Mustafen per Fitore dhe natyrisht edhe Llapin urroj ne kete rast.

[gimche]

Kuçi: PDK-ja prinë me 5 000 vota dallim

Gjilan, 14 mars - Partia Demokratike e Kosovës ka shpallur fitues kandidatin e saj, Qemajl Mustafa, edhe në rundin e tretë . PDK bën të ditur se kandidati i kësaj partie në Gjilan prin me 5 000 vota. Nënkryetari i PDK-së, Hajredin Kuçi ka deklaruar se ata ndihen fitimtarë politikisht dhe moralisht. Kuçi ka theksuar se me fitoren e Mustafës, në Gjilan ka fituar demokracia. Ndërsa Qemajl Mustafa ka deklaruar se me këtë fitore është përmbytur një jugo-mentalitet, është përmbytur edhe Fatmiri lokal edhe Fatmiri President. /koha/

[gimche]

Edhe “Demokracia në Veprim” shpall fitues Mustafën

Gjilan, 14 mars - Koalicioni i OJQ-ve “Demokracia në Veprim” ka dalë me rezultatet paraprake, duke e shpallur fitues kandidatin e PDK-së. KDI ka thënë se Qemajl Mustafa i PDK-së ka fituar 58.1 për qind të votave, ndërsa Fatmir Rexhepi i LDK-së 41.9
për qind. Sipas këtij koalicioni të OJQ-ve, kandidati i PDK-së prin me 5 500 vota ndaj atij të LDK-së.
Prishtinë, 14 mars - Komisioni Qendror i Zgjedhjeve ka njoftuar sonte se nga gjithsej 87 mijë e 430 votues potencialë të Gjilanit, deri në orën 19:00, kur janë mbyllur kutitë e votimit në 127 vendvotime, të drejtën për të votuar e kanë shfrytëzuar 41.3 për qind e qytetarëve me të drejtë vote, përkatësisht 35 mijë e 876 votues.
Kryetarja e KQZ-së, Nesrin Lushta e ka vlerësuar pozitiv procesin zgjedhor.
“Procesi ka shkuar me rregull e pa incidente, së paku ne nuk kemi pasur asnjë informatë për ndonjë incident, ose ndonjë parregullsi, e cila kishte mundur të ndikojë në rregullsinë e zgjedhjeve”, tha ajo.
Në ndërkohë, PDK-ja, përkatësisht kandidati i saj për kryetar të Gjilanit, Qemajl Mustafa shpalli fitoren e tij edhe në këtë rivotim për Gjilanin. Sipas tij, ai ka fituar 3 500 vota më shumë se kundërkandidati nga LDK-ja Fatmir Rexhepi.
Komisioni Qendror i Zgjedhjeve në Kosovë ka bërë të ditur se deri në orën 16:15 nga 87 mijë e 430 qytetarët me të drejtë vote në komunën e Gjilanit, 26 mijë e 361, përkatësisht 30.16 për qind të qytetarëve kanë dalë për të hedhur votën për kryetar komune. Këtë e bëri të ditur në konferencën e radhës për media, kryetarja e KQZ-së, Nesrin Lushta, e cila ka mohuar të ketë marrë informata për ndonjë incident gjatë procesit zgjedhor në komunën e Gjilanit.
“Kjo shifër është më e madhe se sa përqindja e daljes në raundin paraprak, që ka qenë 29.41 për qind deri në këtë orë. Jo, nuk kemi informata për asnjë incident që ka ndikuar në procesin zgjedhor”, ka thënë Lushta.
Përfaqësuesit e KQZ-së kanë bërë të ditur se në 2 nga 9 vendvotimet alternative, pra në fshatin Budrikë dhe në Cërnicë, qytetarët nuk kanë votuar fare.
Sot në orën 7:00 të mëngjesit ka nisur rivotimi për kryetar të Gjilanit. Për kryetar komune garojnë Qemajl Mustafa nga PDK dhe Fatmir Rexhepi nga LDK. Raundi i dytë i zgjedhjeve në Gjilan po organizohet për shkak të parregullsive në balotazhin e 13 dhjetorit. Në këtë komunë janë të caktuar gjithsej 31 qendra të vendvotimeve me 127 vendvotime. Të drejtë vote kanë 87 mijë votues.
Sekretari otganizativ i KKZ-së në Gjilan, Ferid Shabani, ka thënë se të gjitha qendrat dhe vendvotimet janë hapur me kohë, me përjashtim të tri vendvotimeve në lokalitetet serbe që janë hapur me 20 minuta vonesë. Shabani ka thënë se në vendbanimet serbe janë hapur 9 qendra votimi dhe 12 vendvotime. Vendvotimet te serbët janë hapur në shtëpi dhe lokale private. Ai ka thënë se është krijuar një huti në vendvotime pasi ka tri lloje kutish të votimit – disa janë me dy vrima, disa me katër e disa me 6 vrima, por problemi po zgjidhet dy mbyllur me shirit vrimat e tepërta në kuti votimi. Deri në orën 11:00 është vërejtur një dalje e vogël e qytetarëve në votime.
Ndëkaq, në raportet vijuese, zyrtarë të Komisionit Komunal Zgjedhor (KKZ) në Gjilan kanë bërë të ditur se deri në mesditë kanë votuar 10 për qind e votuesve me të drejtë votë, nga 78 mijë votues sa ka të regjistruar me të drejtë vote. Sekretari ekzekutiv i KKZ-së, Ferid Shabani, ka thënë se deri në orën 11:30 kanë votuar 9.59 për qind, ndërsa në orët e pasditës pjesëmarrja e votuesve është shtuar, duke ngritur përqindjen e votuesve.
Zyrtarë të Policisë së Kosovës (PK) për rajonin e Gjilanit, kanë bërë të ditur se janë të përgatitur për të ofruar siguri të plotë në tërë territorin e komunës. Policia do të sigorojë të gjitha pikat e vendvotimeve. Për sigurinë rreth e procesit zgjedhor të rivotimit janë angazhuar rreth 450 zyrtarë policorë, të cilët do të punojnë me orar të zgjatur, 12 orë në ditë.
Drejtoria Rajonale e Policisë në Gjilan ka përgatitur edhe një plan policor që konsiston në sigurimin e vendvotimeve, përcjelljen e sigurt të materialit zgjedhor, ruajtjen e rendit e të qetësisë publike dhe situatës së sigurisë në vend, si dhe parandalimin dhe luftimin e krimit. /koha/

[gimche]

PDK shpall fitoren në Gjilan

Ende pa dalë KQZ-ja me rezultate zyrtare për zgjedhjet e mbajtura të dielën për raundin e tretë në komunën e Gjilanit, Partia Demokratike e Kosovës tashmë e ka shpallur fitoren.
Zyrtarë pranë kësaj partia kanë thënë se kandidati i tyre (që njëkohësisht është edhe kryetar aktual i Gjilanit), Qemajl Mustafa ka dalë fitues me 55% të votave karshi kundërkandidatit të partisë tjetër në këto zgjedhje, Fatmir Rexhepi nga LDK.

Simpatizues të kësaj partie kanë dalë nëpër rrugët e Gjilanit për të festuar fitoren e vetëshpallur. /Zëri/

[gimche]

Fatmir Rexhepi e pranon humbjen

Kandidati i Lidhjes Demokratike të Kosovës për Kryetar të Gjilanit, Fatmir Rexhepi, ka pranuar humbjen në garën e Gjilanit.
Në një konferencë për media, ai i falënderoi qytetarët që i besuan vizionit të tij, mirëpo nuk e uroi fituesin.

“Kësaj radhe nuk ka fituar demokracia, por ka fituar PDK”, ka thënë Fatmir Rexhepi. /Express/

[gimche]

KQZ: Mustafa 58%, Rexhepi 42%

Komisioni Qendror Zgjedhor ka shpallur të hënën, në orët e hershme të mëngjesit, rezultatet preliminare të zgjedhjeve për kryetar të komunës së Gjilanit – që nxjerrin fitues me 58% të votave (20.071) kandidatin e PDK-së Qemajl Mustafa, kundruall 42% të votave (14.506), sa ka fituar kandidati i LDK-së, Fatmir Rexhepi.
Në rezultatet preliminare, siç ka bërë të ditur kryetarja e KQZ-së, Nesrin Lushta, nuk hyjnë votat me kusht – ndërsa pas numërimit të tyre, kah fundi i javës, pritet të jepen rezultatet përfundimtare.

Lushta ka vlerësuar se në raundin e tretë të zgjedhjeve për kryetar të Gjilanit nuk ka pasur parregullsi që do të mund të kishin ndikuar në rezultatin e përgjithshëm. Megjithatë, ajo tha se parregullsitë eventuale do të shqyrtohen nga KZAP-i.

Partia Demokratike e Kosovës e kishte shpallur fitoren në Gjilan, të dielën, ende pa dalë KQZ-ja me rezultate zyrtare. Simpatizues të kësaj partie kishin dalë nëpër rrugët e Gjilanit për të festuar fitoren e vetëshpallur.

Ndërkaq, kandidati i Lidhjes Demokratike të Kosovës për kryetar të Gjilanit, Fatmir Rexhepi, e ka pranuar humbjen. Në një konferencë për media, ai i falënderoi qytetarët që i besuan vizionit të tij, mirëpo nuk e uroi fituesin. “Kësaj radhe nuk ka fituar demokracia, por ka fituar PDK”, ka thënë Rexhepi.

Komisioni Qendror i Zgjedhjeve në Kosovë njoftoi se nga gjithsej 87 mijë e 430 votuesit potencialë të Gjilanit, deri në orën 19:00 kur edhe janë mbyllur kutitë e votimit në 127 vendvotimet, të drejtën për të votuar e kanë shfrytëzuar 41,3 për qind, përkatësisht 35 mijë e 876 votues.

Rivotimi në këtë komunë u vendos pas regjistrimit të parregullsive ne raundin e dytë të zgjedhjeve, që u mbajtën më 13 dhjetor të vitit të kaluar dhe trajtimeve të çështjes edhe nga Gjykata e Lartë e Kosovës. /Telegrafi/

[Llapi]

Uroj Qemajl Mustafen per Fitore dhe natyrisht edhe Llapin urroj ne kete rast.

te falenderoi burr shum
besoi shum qe me fitoren e Mustafes e PDK-se
kan fitue te gjith qe jetoin ne Gjilan

[Llapi]

dhe a ka ndonje lajm me te ri nga gjilani

po po ka kesaj radhe me te treten u ba diqka me duket haaaaaaa

[Kasumi]

po po ka kesaj radhe me te treten u ba diqka me duket haaaaaaa

Urime urime Gjilani do te kete mbi 100 milione investime dhe do te punsohen mbi10.000 te papune kshtu thane ne fushaten zgjedhore apoduhet te nderhyje serish Ardian Gjini edhe ketu me fjalen tashme te njohur" rren "