Krusha e Madhe, fshati qe mbeti pa meshkuj

[fattlumi]

Detajet e sakta të vrasjeve në Krushën e Madhe nuk janë krejtësisht të qarta edhe sot e kësaj dite, ngaqë ato ndodhën në kohë të
ndryshme dhe pjesë të ndryshme të fshatit. Për shembull, një person i quajtur R. E. i tha Human Rights Watch se, ai kish ndihmuar në varrimin e tre burrave të vrarë në Krushën e Madhe: Selim Taha (rreth të shtatëdhjetave), Daim Taha (rreth të gjashtëdhjetë e pesave), dhe Qamil Taha (rreth të gjashtëdhjetave), të cilët ishin ekzekutuar më 27 mars, ose aty afër. Qamili ishte gjetur në rrugën që të nxjerr nga fshati, ndërsa Selimi dhe Daimi ishin vrarë në oborret e shtëpive të tyre. Gjithashtu, R. E. besonte se Bajram Hoti (rreth të tridhjetave) dhe mësuesi i fshatit Osman Sejfullahu (rreth të pesëdhjetë e shtatave) ishin vrarë. R. E. nuk i kishte parë vrasjet madje as kufomat, por kishte gjetur në rrugë letrat e tyre të njoftimit, dhe rreth e qark pllanga gjaku. Human Rights Watch e vizitoi për të parën herë Krushën e Madhe më 15 qershor 1999, tri ditë pasi NATO kishte hyrë në Kosovë. Trupat gjermane
të KFOR-it nuk lejonin askënd t’i afrohej një shtëpie pa çati në fshat, ku, sipas të dhënave, ishin gjetur kufoma. E megjithatë, një gazetar televiziv gjerman ia doli mbanë të hynte e të hidhte një sy, i cili i tha Human Rights Watch se aty brenda gjendeshin rreth njëzet skelete të djegur.Në total, ekipi i ekspertëve të GJNKLJ gjeti nëntëdhjetë e tetë trupa në tri vendvarrime të ndryshme rreth e qark fshatit; në të parin dyzet trupa, në të dytin tridhjetë e katër dhe në të tretin njëzet e katër. Edhe pse gjykata
nuk i ka bërë ende publike raportet e ekspertëve kriminalistë, disa nga hetuesit, në mënyrë individuale kanë folur me shtypin. John Bunn, shefi i ekipit të ekspertëve kriminalistë të Scotland Yard-it që hetoi në Krushën e Madhe, tha se viktimat në fshat ishin qëlluar nga pas kokës nga një distancë e afërt. Duke treguar dhomën e një shtëpie të djegur në Krushë të Madhe,Sue Black, një antropologe skoceze që punonte me të njëjtin ekip kriminalistësh, tha, “Ata i grumbulluan njerëzit atje, i qëlluan dhe më pas
i vunë zjarrin ndërtesës.”Siç është thënë edhe më sipër, ekzistojnë dëshmi të pakundërshtueshme që policët serbë u orvatën t’i fshihnin gjurmët e vrasjeve, duke i djegur ose zhvendosur trupat. Fshatarët i kishin parë policët të hidhnin kufomat e të vrarëve në një lumë aty pranë. Sipas OSBE-së, KFOR-i kishte nxjerrë një kamion nga lumi, në pjesën e pasme të të cilit ishin gjetur kocka.
Raporti i OSBE-së mbështetet edhe nga një person nga Nogavaci, R. E., i cili kishte ndihmuar në varrosjen e shumë prej të vrarëve në Krushën e Madhe. Ai i tha Human Rights Watch se kishte parë policët serbë duke zhvendosur disa nga trupat: Katër ditë pas vrasjeve, policët serbë arritën me buldozerë, një kamion dhe disa automjete ushtarake. Ata i mblodhën kufomat dhe i çuan s’di
se ku. Nuk qemë në gjendje t’i filmonim. Nuk kemi as idenë më të vogël se çfarë bënë me trupat.Sipas dëshmitarëve në Krushën e Madhe që folën me Human Rights Watch, më 26 mars forcat e sigurimit rrethuan të gjithë burrat, gratë e fëmijët që kishin mbetur në fshat, si dhe ata që i kishin kapur të fshehur në rrethina. Gratë i çuan në xhami, ndërsa meshkujt i ndanë në grupe. S. G. një nëntëmbëdhjetë vjeçar nga Krusha e Madhe, i kallzoi Human Rights Watch atë çka kish parë pasi forcat e sigurimit kishin hyrë në fshat: Ata i ndanë burrat nga gratë dhe i futën burrat në oborrin e një shtëpie. I rrahën burrat, edhe mua po ashtu. Në krye ata vranë dy djem, pastaj nisën të sjellin të tjerë në grupe të vegjël, për të na vrarë. Por, të moshuarit dhe tepër të rinjtë i lanë të lirë të shkonin. Unë mbijetova ngaqë kur më pyetën se sa vjeç isha, iu përgjigja gjashtëmbëdhjetë vjeç. Kësisoj, ata
më lanë të largohesha me grupin e të moshuarve dhe të rinjve.Një burrë, R. D. që ishte larguar në kodra kur nisi mësymja, tha se forcat e sigurimit i kishin ndarë meshkujt në tri grupe. Ndërkohë që ishte duke u fshehur, ai nuk i pa ndarjet, por në harkun kohor të katër ditëve ai gjeti njëzet e pesë trupa në pjesë të ndryshme të fshatit, pesë prej të cilëve ishin djegur.Sipas R. D.-së, grupi i parë u dërgua në Nogavac, grupi i dytë nëxhaminë e Krushës së Madhe dhe grupi i tretë në këmbët e kodrës jashtë fshatit. Ai tha se, nga tetëmbëdhjetë vetë që kishte grupi, pesëmbëdhjetë ishin vrarë. Ai nuk i kishte parë kur ishin ekzekutuar, por kishte gjetur trupat në rrethinat e fshatit dhe, më pas, pati ndihmuar në varrimin e tyre. Ndër të vrarët, tha ai, ishin edhe Fahri Hoti (rreth tridhjetë vjeç), Asaf Hoti (rreth njëzet e gjashtë vjeç), Plahe Hoti (rreth tridhjetë vjeç), Bajram Duraku (rreth njëzet e tetë vjeç), si dhe dy pjesëtarë të tjerë të familjes Duraku, të paidentifikuar. R. D. tha se, në xhami ishin gjetur gjithashtu të vdekur, dy viktima të
tjera. Këtë thënie do ta konfirmonte një tjetër banor i Krushës së Madhe,i cili ishte mbyllur në xhami tok me të tjerët
dhe kish qenë i pranishëm në kohën e të shtënave. Ai i tha Human Rights Watch, se ai bashkë me dyzet burra nga fshati ishin
vendosur në katin e dytë të xhamisë. Siç tha ai, atyre iu ishin grabitur të gjitha paratë, por pasi i kishin mbajtur një natë të burgosur, të nesërmen i kishin liruar. Teksa po largohej, kishte parë dy persona të vrarë. Ai i tha
Human Rights Watch: Po bëhesha gati të dilja nga xhamia. Kishim mbërritur te dera, kur pashë se si ata shtinë mbi dy burra, jo më larg se dhjetë metra nga unë, dhe të gjithë ne dëgjuam britmat e tyre. Unë dëgjova krismat, për çdonjërin nga një krismë dhe pashë kur u shembën përtokë. Nuk e mora vesh pse i qëlluan. Por ma merr mendja, kanë kujtuar se kanë qenë të UÇK-së. Njëri nga të vrarët ishte Besalet Krasniqi (njëzet e tetë vjeç) dhe Bedri Sejfullahu (njëzet e gjashtë vjeç).Një tjetër banor i Krushës së Madhe, i tha Human Rights Watch se mbrëmjen e 25 marsit, kur filloi mësymja, ai ishte në një fushë aty pranë duke u përkujdesur për bagëtinë. Dikush i kishte thënë se fshatarët ishin duke u mbledhur për t’u mbrojtur, kësisoj ai kish ngarendur në drejtim të
fshatit. Në rrugë e sipër, ai ishte qëlluar me një armë që, sipas mendimit të tij, duhej të ishte një nga ato granatëhedhëset që mbahen në sup. Ç’është e vërteta, ai ishte plagosur nga një sharapnel në këmbë dhe në mollaqen e djathtë – të gjitha këto të vërejtura nga Human Rights Watch në Shqipëri, tetë ditë pas kryerjes së sulmit. Personi në fjalë ishte fshehur në një shtëpi sa për të kaluar natën, bashkë me katër bashkëfshatarë. Të nesërmen, më 26 mars, të pesë burrat ishin kapur nga policia dhe ishin çuar në qendër të fshatit, ku ndodhej edhe pjesa më e madhe e fshatarëve të tjerë. Sipas dëshmitarit, forcat e sigurimit hoqën mënjanë
dyzet burra dhe hapën zjarr mbi ta me armë automatike. “Ata shtinë mbi ta me automatikë, ja kështu,” i tha ai, Human Rights Watch, duke shkërbyer të shtënurit me automatik.
Një tjetër person nga Krusha e Madhe, të cilit i ishin vrarë dy vëllezër,i tha Human Rights Watch se, shtatëmbëdhjetë burra ishin vrarë dhe djegur, ndonëse ai nuk kishte qenë i pranishëm kur ishin kryer vrasjet.Nuk është e qartë nëse këta shtatëmbëdhjetë burra bënin pjesë në grupin e dyzetë të vrarëve të përmendur më sipër. I njëjti person i tha Human
Rights Watch se, kishte një të mbijetuar, S. H. S. H. ishte portretizuar në një film dokumentar për Kosovën të prodhuar
nga programi televiziv britanik Panorama, i titulluar “Vrasjet në Kosovë”. Në film, i mbijetuari shfaqet i shtrirë në shtratin e një spitali, teksa ka të fashuar pjesën më të madhe të trupit, duke përfshirë edhe kryet. Ai është djegur keqazi, por në gjendje të kallzojë atë çka i kish ngjarë në Krushën e Madhe: Ata hapën zjarr mbi ne kallashnikov. Me të dëgjuar të shtënat, unë rashë përdhe. Të tjerët u vranë të gjithë. Trupat e tyre ranë sipër meje. Gjakun e tyre e kisha në fytyrë … Një polic tjetër solli benzinen. Ata e rrëkëllyen mbi trupat e të vdekurve dhe i vunë zjarrin. Paskëtaj, i thashë vetes se duhej të veproja sa më parë, përndryshe do të digjesha i gjallë.Selami Elshani. i shpëtoi flakëve dhe ia doli të largohej nga Kosova e të mbërrinte në
Shqipëri. Dëshmi të vrasjeve në Krushën e Madhe do të ofronte gjithashtu edhe
një inxhnier ujrash nga ato anë, i quajtur Milaim Bellanica, i cili kishte pasë filmuar disa prej të vrarëve në fshat, në datën 1 prill, dhe më pas arriti ta nxirrte videokasetën nga Kosova, duke e fshehur atë nën një traktor. Filmi që do të shfaqej nga BBC, më 4 prill, u shkurtua gjatë montazhit, për shkak të pamjeve të rënda që përmbante. Në të shfaqeshin të vrarë me petka civile, të cilët, dukej qartë që ishin qëlluar në kokë ose nën nofull. Në dokumentarin e Panorama-s, Bellanica shprehej se kishte parë gjashtëdhjetë e katër kufoma në Krushën e Madhe, nga të cilët ai ishte në gjendje të identifikonte me emër njëzet e gjashtë prej tyre.
-------------------------------------------------------------------------------------------------------
Te vraret ate dite te kobshme ne Krushe te Madhe :

ASLLANI, Adem 68 Mashkull
ASLLANI, Asim 34 Mashkull
ASLLANI, Feim 30 Mashkull
ASLLANI, Muharrem 66 Mashkull
ASLLANI, Nexhat 27 Mashkull
ASLLANI, Nisret 33 Mashkull
ASLLANI, Përparim 26 Mashkull
AVDYLI, Bali 72 Mashkull
AVDYLI, Enver 28 Mashkull
BATUSHA, Ahmet 38 Mashkull
BATUSHA, Amrush 32 Mashkull
BATUSHA, Asllan 46 Mashkull
BATUSHA, Avdi 45 Mashkull
BATUSHA, Bekim 22 Mashkull
BATUSHA, Beqir 68 Mashkull
BATUSHA, Burim 18 Mashkull
BATUSHA, Enver 22 Mashkull
BATUSHA, Feim 23 Mashkull
BATUSHA (emri nuk dihet, i biri i Ismailit) 19 Mashkull
BATUSHA (emri nuk dihet, i biri i Zaimit) 20 Mashkull
BATUSHA, Haxhi 28 Mashkull
BATUSHA, Lirim 16 Mashkull
BATUSHA, Milaim 32 Mashkull
BATUSHA, Muharrem 69 Mashkull
BATUSHA, Njazi 39 Mashkull
BATUSHA, Osman 65 Mashkull
BATUSHA, Sefer 19 Mashkull
BATUSHA, Sejdi 68 Mashkull
BATUSHA, Skifter 22 Mashkull
BATUSHA, Sulejman 46 Mashkull
BATUSHA, Zaim 50 Mashkull
HAJDARI, Abaz 40 Mashkull
HAJDARI, Abedin 17 Mashkull
HAJDARI, Halil 42 Mashkull
HAJDARI, Halim 70 Mashkull
HAJDARI, Hysni 20 Mashkull
HAJDARI, Marsel 17 Mashkull
HAJDARI, Nazim 33 Mashkull
HAJDARI. Qamil 46 Mashkull
HAJDARI, Rasim 25 Mashkull
HAJDARI, Sahit 36 Mashkull
HAJDARI, Selajdin 38 Mashkull
HAJDARI, Shani 40 Mashkull
HAJDARI, Vesel 19 Mashkull
HAJDARI, Zenun 28 Mashkull
LIMONI, Avdyl 45 Mashkull
LIMONI, Limon 69 Mashkull
LIMONI, Luan 22 Mashkull
LIMONI, Nehbi 60 Mashkull
RAMADANI, Afrim 28 Mashkull
RAMADANI, Asllan 34 Mashkull
RAMADANI, Bajram 15 Mashkull
RAMADANI (emri nuk dihet, i biri i Hysenit) 23 Mashkull
RAMADANI, Hysen 62 Mashkull
RAMADANI, Murat 60 Mashkull
RAMADANI, Ramadan 59 Mashkull
RAMADANI, Selajdin 27 Mashkull
RASHKAJ (emri nuk dihet) 16 Mashkull
RASHKAJ (emri nuk dihet) 18 Mashkull
RASHKAJ, Refki 17 Mashkull
SHEHU, Adnan 20 Mashkull
SHEHU, Arben 20 Mashkull
SHEHU, Arif 36 Mashkull
SHEHU, Bekim 22 Mashkull
SHEHU, Burim 19 Mashkull
SHEHU, Destan 68 Mashkull
SHEHU, Din 68 Mashkull
SHEHU, Dritan 18 Mashkull
SHEHU, Fadil 42 Mashkull
SHEHU, Flamur 15 Mashkull
SHEHU (emri nuk dihet, i biri i Hazizit) 20 Mashkull

SHEHU (emri nuk dihet, i biri i Sinanit) 18 Mashkull
SHEHU, Haxhi 25 Mashkull
SHEHU, Haziz 42 Mashkull
SHEHU, Ismail 68 Mashkull
SHEHU, Ismet 40 Mashkull
SHEHU, Mehmet 13 Mashkull
SHEHU, Mentor 18 Mashkull
SHEHU, Myftar 44 Mashkull
SHEHU, Nahit 15 Mashkull
SHEHU, Nehat 22 Mashkull
SHEHU, Nexhat 38 Mashkull
SHEHU, Sahit 23 Mashkull
SHEHU, Sali 44 Mashkull
SHEHU, Sami 24 Mashkull
SHEHU, Sefer 44 Mashkull
SHEHU, Shani 34 Mashkull
SHEHU, Shefqet 38 Mashkull
SHEHU, Sinan 50 Mashkull
SHEHU, Veli 28 Mashkull
SHEHU, Vesel 19 Mashkull
SHEHU, Xhafer 38 Mashkull
SHEHU, Xhavit 20 Mashkull
SHEHU, Xhelal 13 Mashkull
ZYLFIU, Afrim 18 Mashkull
ZYLFIU (emri nuk dihet, i biri i Halimit) 18 Mashkull
ZYLFIU, Halim 60 Mashkull
ZYLFIU, Hamdi 62 Mashkull
ZYLFIU, Hamit 22 Mashkull
ZYLFIU, Hysen 50 Mashkull
ZYLFIU, Njazim 24 Mashkull
---------------------------------------------------------------------------------------------------------
Sipas deshmitareve,qe i kane shpetuar krimit,ne vrasjen dhe djegjen
e ketyre kufomave pervec forcave militare serbe kane marre pjese edhe civile serbe nga fshati Kurushe e Vogel.
Per kete tregojne edhe disa dokumente qe jane gjatur me terheqjen e trupave serbe nga Kosova.

[fattlumi]

[IMG][/IMG]

[IMG][/IMG]

Vendi brenda xhamise ku kane qene te grumbulluar grate dhe femijet

[IMG][/IMG]

[fattlumi]

Dokumentet qe tregojne pjesmarrjen e krimineleve serb ne kete masaker


[IMG][/IMG]

[IMG][/IMG]

[IMG][/IMG]

[fattlumi]

Njeri qe kishte mundur te shpetoj ishte edhe Milaim Bellanica i cili edhe i kishte xhiruar te vraret dhe te pushkatuarit ne Krushe te Madhe.Ai kishte qendruar aty prane fshatit dhe kishte pare krej qka ka ndodhur.Pasi ishin larguar serbet ai kishte marre kameren e tij dhe kishte incizuar te vraret dhe te djegurit shqiptare.Sipas tij kjo masaker kishte zgjatur tri dite radhazi,kohe pas kohe ktheheshin serbet.Ky kishte arritur ti varros 6 burra mirepo mepastaj serbet i kishin marre ata trupa dhe i kishin transportuar neper varrezat masive ne Serbi.

[IMG][/IMG]


[IMG][/IMG]


I mbijetuari i gjalle pas ketyre vrasjeve eshte Selami Elshani pasi qe serbet kishin pushkatuar te gjithe ky kishte shpetuar,me pas serbet kishin marre benzinen per ti djegur te gjitha kufomat.Selamiu pas djegjeve te marra arrin te ike disi dhe me vone del ne Shqiperi.Selamiu ka pasur disa operacione plastike ne trup pas djegjeve te marra aty tek vendi i krimit.


[IMG][/IMG]

[fattlumi]

[IMG][/IMG]

[IMG][/IMG]


[IMG][/IMG]

[fattlumi]

[IMG][/IMG]

[IMG][/IMG]



[IMG][/IMG]

[fattlumi]

Patologet dhe gazetaret ne dhomen ku u dogjen shqiptaret ne Krushe te Madhe


[IMG][/IMG]

[IMG][/IMG]


[IMG][/IMG]

[fattlumi]

[IMG][/IMG]

Femijet hedhin lule mbi eshtrat e prinderve te tyre



[IMG][/IMG]

[IMG][/IMG]

[fattlumi]

Ne ate rajon qe ndryshe gazetari anglez e quajti "Lugina e Vdekjes"disa kufoma qe u gjeten kishin duart e lidhura me zinxhir

[IMG][/IMG]

[IMG][/IMG]

Trupi i dekompozuar i nje gruaje plake invalide qe ishte gjetur ne nje shtepi ne Krushe


[IMG][/IMG]

[fattlumi]

Disa nga te vraret qe menjehere pas terheqjes se serbeve i kishte incizuar Milaim Bellanica mirepo serbet pastaj ishin kthyer dhe i kishin mbledhur kufomat,disa i kane djegur neper shtepite ku jane pushkatuar,e disa te tjere i ka bartur neper varrezat masive ne Serbi ,ne menyre qe ti mbuloje krimet e bera.Jane edhe foto tjera mirepo pasi qe jane grafike dhe rregullorja e forumit nuk lejon te postohen po i postoj vetem tri nga keto.


[IMG][/IMG]

[IMG][/IMG]

[IMG][/IMG]