Ministri i jashtem Ilir Meta, vizite zyrtare në Beograd

[fadil lushi]

Fadil LUSHI


POLITIKA JONË ME NJËMIJË PALË VESE


Ka kohë që në hapësirat e Gadishullit Ilirik disa shtete po përballen me një tranzicion të pafund. Në kuadër të atyre shteteve po veprojnë parti politike nga më të ndryshmet, të cilave, në periudha të caktuara, u anashkalohen rezultatet.
Të nderuar lexues të vëmendshëm dhe të paanshëm, a e dini pse u anashkalohen? U anashkalohen se shkelin mbi standardet dhe rregullat themelore të politikëbërjes së mirëfilltë, konstruktive dhe me perspektivë. Dhe, kur nuk e bëjnë dot atë, ata fajësojnë të tjerët rreth tyre. Në bagazhin e tyre politik, ka plaçka e sende të ndryshme. Aty mund të gjeni një politikë të skllavëruar, një kulturë politike të ndryshkur, një hajdutëri politike, një politikë grushti të hekurt, një politikë kulaçi e kërbaçi, një politikë marksiste, enveriste, titiste, komuniste, demokratike, integriste, nacionaliste, shoviniste, biblike, antike. Në këtë bagazh të tyre “doganieri politik” do të gjejë edhe politikë inati, fyerjeje, politikë bajraktare, nihiliste, ditore, klasore, provinciale, qytetare, politikë që diskuton çështje (jo) ekonomike dhe (jo) arsimore e sociale, diletante, amatore dhe megalomane! Dhe, për fat të keq, një politikë që shtrihet në të gjitha hapësirat etnike.
Një politikë e tillë hetohet edhe në Shqipëri, e cila karakterizohet me “ustallarët politikë” që janë të paguar ta ndërtojnë “kështjellën” e perandorisë së inateve histerike ndërshqiptare, si dhe ta errësojnë ndërgjegjen kombëtare. Kjo politikë shquhet edhe me maratonën e grabitjes së pushtetit dhe të votës deliberative të votuesit, me maratonën e (mos) hapjes së kutive kontestuese, me maratonën e zhvatjes së pasurisë shtetërore, me kontestimin e institucionit të presidentit (jo) konsensual të shtetit shqiptar. Qytetarët shqiptarë do të ballafaqohen edhe me një Kuvend ku mbahen seanca të sakatosura, me një politikë që është futur në qorrsokak dhe që nuk arrin të dalë, do të ballafaqohen me mungesën e një komunikimi të natyrshëm ndërpartiak, ata do të ballafaqohen me një politikë avazesh, të njëtrajtshme, patetike, një politikë që përsëritet dhe ripërsëritet si rezultat i shterpësisë së ideve të reja politike. Politikanët që nuk kanë vend në pushtet, i kontestojnë të gjitha organet e asamblesë legjislative dhe institucionet shtetërore.
Kjo logjikë politike e taborit socialist të Edvin Ramës dhe e atij demokratik të Sali Berishës gjithsesi se ka nevojë për një ridimensionim dhe standardizim të ri sa i përket ndërtimit të një filozofie politike krejt tjetërfare. Tekefundit, higjiena e mendjes (shqiptare) aktuale, kështu siç frymon (qoftë e pozitës qoftë e opozitës) të lë përshtypjen se kjo politikë është tejet e skllavëruar, e çemancipuar, e dehumanizuar, e korruptuar dhe e abuzuar. Që të tejkalohet kjo krizë e thellë politike në Shqipëri, fillimisht skenën politike institucionale duhet ta braktisin prijësit politikë a lidershipët aktualë tok me tajfat e tyre, sepse sot në Shqipëri të jesh politikan socialist a demokrat ose të jesh Berishë a Ramë, nuk do të thotë se duhet mbajtur fjalën, nuk do të thotë se je i pazëvendësueshëm, nuk do të thotë se institucionet shtetërore janë pronë private dhe, së fundi, nuk do të thotë që politikën shtetërore duhet ta abuzosh dhe ta denigrosh, nga njëra anë dhe, nga ana tjetër, kësaj politikëbërje i duhen rrugë të tjera ndërgjegjësimi politik.
S’do mend se edhe politika e shqiptarëve të Maqedonisë karakterizohet me një sërë gjymtimesh. Ajo me impotencën e saj po ballafaqohet me prepotencën e politikës së Shqipërisë dhe djallëzinë e politikës maqedonase. Kjo politikë karakterizohet edhe me shovinizmin ndërshqiptar dhe ndërpartiak, me fyerje, etiketime, akuza si dhe me katandisje kolektive. Kjo politikë e shqiptarëve këtej kufirit karakterizohet edhe me vokacionin e patriotizmit verbal dhe folklorik të tejshprehur, të cilin vokacion partitë politike shqiptare po e përdorin si “mjet politik” gjatë gjithë ditës e në veçanti në çdo katër vjet. Vetëkuptohet se kjo politikë e shqiptarëve të Maqedonisë në vijimësi do të ndëshkohet e do të grushtohet nga të gjitha anët dhe, si e tillë, ajo do të shndërrohet në “pikë e pesë”. Është një politikë që u nënshtrohet nënshtresave të interesave nga më të ndryshmit, është një politikë që politikanëve të saj ua shtrydh mendjen dhe ua çan kokën, është një politikë që në “aksham të marton dhe në sabah, ashtu thjeshtë, të harron”,është një politikë (“në mungesë të intelektualëve dhe politikanëve profesionistë”!?) që është e kontrolluar dhe e robëruar nga shteti amë dhe nga ndërkombëtarët. Në instancë të fundit, është një politikë që menaxhohet nga çirakë të makiavelizmit dhe nga ana e kalorësve të paftuar dhe të vonuar të cilët, ndonëse s’kanë teser, mëtojnë ta diskutojnë çështjen kombëtare. Edhe kjo politikë kur do të kollitet, fillimisht do të grushtohet nga vetë shqiptarët dhe mandej edhe nga ndërkombëtarët, të cilët nuk do të lejojnë të bësh potere, të bësh zhurmë pa lejen e tyre.

Me një të tillë politikëbërje të denigruar institucionale po ndeshen edhe politikanët e katandisur kosovarë. Edhe këtyre politikanëve po u mungon kollitja dhe frymëmarrja autonome politike, politikanë që kur do të pandehin t’i “tregojnë” veset e tyre, ashtu thjeshtë e pa mëshirë do të grushtohen nga ndërkombëtarët. Janë politikëbërës që nuk gëzojnë dhe nuk zotërojnë të drejtën e lirisë së të bërit politikë të pavarur. Janë politikanë që nuk u jepet e drejta që ta kontestojnë Kushtetutën e tyre të kontrabanduar, të sajuar dhe të gatuar në kuzhinën politike të Martti Kalevi Ahtisaarit dhe të tjerëve të tillë si ai, një kushtetutë me të cilën në vend se t’i jepet Kosovës liria e frymëmarrjes, asaj i merret ajo, asaj i pengohen çapitjet e para adoleshente, thjesht i vihet kleçka. Është një kushtetutë që devijon nga mendja, dëshira dhe përcaktimi ynë politik, një dokument përkohësisht i “rrëmbyer” që arsyes së politikanëve kosovarë nuk u jep hapësirë për ta “kritikuar dhe për ta kontestuar”, një kushtetutë që përdhunon perspektivën e ribashkimit kombëtar. Janë politikanë, që u mbyllet goja sa herë që bëjnë përpjekje për të thënë ndonjë fjalë mbrojtjeje për kampionin e opozitës kosovare, Albin Kurtin, për rebeluesin, koeficienti i kundërshtisë dhe inatosjes politike të të cilit është goxha i lartë. Ka kohë që politikanëve kosovarë u është kufizuar liria e të menduarit dhe e të vepruarit politik. Atyre u lejohet vetëm “kurimi” i mbipeshës!?
P.S.
Të nderuar lexues, unë, sot e gjithë ditën e Perëndisë, ende shpresoj tek partitë politike shqiptare që veprojnë në Maqedoni, sepse kam hise në oborrin e tzre, andaj vota ime është vota e tyre.
Po ju sjell për fund një shprehje proverbiale mirditase: “Sa herë vjehrrës nuk i pëlqen nusja, ajo ia shan mamanë e mamasë shkuesit”.

[Besoja]

Natyrisht që të gjithë(me përjashtime të vogla),kanë rezerva për qeverisjet si në Shqipëri apo edhe në Kosovë.Mirpo, për fat të mirë apo për fat të keq,në demokraci vendos vota dhe jemi ne ata që votojmë dhe pasi votojmë kthehemi e shkruajmë si të duam e çfarë të duam.
Kush i ka ndaluar intelektualët të shfaqen e të japin edhe ata kontributin e tyre në jetën politike?!
Edhe nëse ata nuk përfshihen në listat zgjedhore,kush e ka fajin?
A janë ata intelektualë që kanë votuar liderët e tyre ose i kanë mbështetur me shkrimet e tyre nëpër gazeta?
Nëse i thonë vetes intelektualë,pse bëhen pjesë e politikave jo konstruktive?
Nëse ka intelektualë përse nuk grupohen dhe tu thonë ndal të gjitha atyre fenomeneve negative që pengojnë ose dëmtojnë demokracinë?
Nga kush presin ata që gjërat të marrin për mbarë e për mirë?
Përse kërkohet vetëm tani hapja e kutive kur të gjithë me plot gojën e pranojnë se gjithmonë votimet kanë qënë të kontestuara?!
Përse të "pavarurit" apo të "paanshmit" nuk e prekin aspak taktikën destruktive të Edi Ramës në prag të liberalizimit të vizave?!
Si nuk pati kohë Edi Rama të bëjë protesta për papunësinë,energjinë,varfërinë por me tu rrezikuar karrikja ja dhe truri për protesta?!
Ka shumë pyetje sepse ka shumë probleme për të qënë i pavarur!
Nuk besoj se ka njerëz të paanshëm apo më shumë edhe analistë apo opinionistë të pavarur.Po i shohim e dëgjojmë çdo ditë.

[dritek7]

o Beso jo disrespekt per ty se nuk te njof por kur lexoj shkrimet tua plakem 1 vit ....nuk i lexoj me se me dolen thinjat ..

[Besoja]

Nuk prishin punë thinjat o direkt7!Janë fisnikëri.Nuk je i lutur të lexosh por edhe mund të mos thuash që nuk i lexoj sa për etiketë apo nuk e njeh fare më duket.Ky forum është për të dhënë mendime por ti me sa duket edhe e do demokracinë edhe nuk e pëlqeke debatin.Unë nuk shaj e ofendoj dhe nuk bëj thirrje për luftë e trazira ndaj një mendim i imi besoj se nuk i prish punë askujt.Ndaj nuk di edhe për ty se ku ta prisha qefin.Në ke argumenta të më rrëzosh ato që unë shkruaj,thuaji.
Ky "shesh" këto punë ka.

[dritek7]

ha hahaaaaaaaa o beso je njesh.. po jam dhe beqar o beso..prit te martohem dhe le te me dalin thinjat se ate pun kan ato..po te martohem 1 her pash zotin.....menyra se si flet edhe dreqi nuk merr vesh ku don me dal....nuk asht pun etike asht puna me fol te verteten..nejse vari lesht se nuk shkruj dot se po gajasem tu qesh me veten ..lol

[Besoja]

Të uroj të gjesh një nuse të mirë dhe është gjë e bukur kur qesh.Njeriu kur qesh do të thotë që mëson diçka se nuk qesh kot po nejse.Unë në asnjë vënd nuk dua të dal dhe po mundohem të them të vërtetën.Se sa do ja dalim unë apo ti,nuk e dimë.
Klm

[Besoja]

Nëse një postues quhet "gjithë populli shqiptar",do bie dakort por...!!!
N.q.s. ti Adem si hapës teme të pëlqen kur njerzit këtu fyejnë dhe ofendojnë,keq më vjen por është problemi tënd.Edhe ti si hapës teme duhet të japësh mendime por jo të ekzaltohesh me vrap sa herë që shajnë dhe fyejnë "kundërshtarët" e tu!!!
Të paktën si mësues që je,duhet tu tërheqësh vëmëndjen të tjerëve,së paku në temën tuaj,që të mos fyejnë dhe ofendojnë askënd.
Duhet të na pëlqejë ndonjëherë edhe kritika dhe jo vetëm lavdërimet.

[projekti21_dk]

davidd;2674411

TIRANE-Kur sapo ka kaluar një muaj nga premtimi që Ministri i Jashtëm Ilir Meta bëri nga Beogradi se do të heqë vizat për serbët që shkelin në Shqipëri, qeveria shqiptare e konkretizon këtë vendim.

Sic njofton në një njoftim për shtypzry për shtyp e Këshillit të Ministrave, Qeveria miratoi sot një shtesë në vendim “Për përcaktimin e kritereve dhe procedurave dhe të dokumentacionit për hyrjen qëndrimin dhe trajtimin e të huajve në Republikën e Shqipërisë”.

Të njëjtat burime saktësuan se me anë të këtij vendimi, Ministria e Punëve të Jashtme propozon liberalizimin e regjimit të vizave të qëndrimit afatshkurtër për shtetasit e Serbisë. “Kjo masë do të lehtësojë lëvizjen edhe të shqiptarëve në Luginën e Preshevës dhe të gjithë shtetasve serbë me kombësi shqiptare, të cilët për shkak të regjimit të vizave, që të hyjnë në Shqipëri u duhet të marrin vizë në ambasadën shqiptare në Beograd”, thuhet në vendim.

Mundësia e heqjes së vizave me Serbinë është premtuar fillimisht nga Ministri i Punëve të Jashtme Ilir Meta gjatë vizitës që nisi më 11 Mars në Serbi. Në takimet e tij Meta premtoi heqjen e vizave me shtetin serb. Ne takimet me Meten, zyrtare serbe nuk shprehen asnje deklarate per heqje vizash me Shqiperine.

Ndërkohë shteti i Serbisë aplikon për Shqipërinë sistemin e vizave, ku për një udhëtim në këtë vend duhet të aplikosh për vizë në ambasadën serbe qe ndodhet ish-Bllokun e Vilave, në Tiranë.

(d.b/BalkanWeb)

ja linku: http://www.forumishqiptar.com/showthread.php?t=123877

.................................................. .................................................. ........................


ec e mos plas more vëlla dhe pastaj ec e gjëmoj kësaj dhe pastaj ec e hesht!
Kjo ta kujton kohën kur krejt bota i kishte vënë embargon Serbisë dhe nga ana tjetër Shqipëria ( kupto individë ) për të mirën e shqiptarëve e theu këtë embargo!!
S'i hamë këto fore jo!!
Hajde të ishte bërë e dyanshme me njëqindmijë dreqën hahej disi. Po s'na ka hije përulja, mor aman. Po shqiptari në histori kurrë nuk ka qenë më i përulur, më i poshtëruar e më i turpëruar!

[projekti21_dk]

1. Nëse një postues quhet "gjithë populli shqiptar",do bie dakort por...!!!

2.N.q.s. ti Adem si hapës teme të pëlqen kur njerzit këtu fyejnë dhe ofendojnë,keq më vjen por është problemi tënd.Edhe ti si hapës teme duhet të japësh mendime por jo të ekzaltohesh me vrap sa herë që shajnë dhe fyejnë "kundërshtarët" e tu!!!

3.Të paktën si mësues që je,duhet tu tërheqësh vëmëndjen të tjerëve,së paku në temën tuaj,që të mos fyejnë dhe ofendojnë askënd.

4.Duhet të na pëlqejë ndonjëherë edhe kritika dhe jo vetëm lavdërimet.

Përshëndetje o Beso vëllai

1. Natyrisht një lajm do ta japë një nejri o Beso vëllai. Dhe ky nuk ishte mendim i thjeshtë i një lexuesi - postuesi por vendim i një ministrie qyqare e mjerane që e përul shtetin shqiptar deri në turpërim.

2. Përkundrazi unë cmendem kur dëgjoj lajme të këqija për vendlindje. As po i fyej unë a s po i fyen askush - po e fyejnë e poshtërojnë veteveten. Dhe për ke¨so përuljesh e poshtërimesh nuk di si do ta quaja ate¨që rri indiferent.

3. Prandaj ky është misioni i mësuesit:"Të mos krihet kur Shqipëria digjet". Unë këtë as e kam bërë ndonjëherë as do ta bëj tash. Fundja më mirë të shahem nga ata që krihen se të poshtërohem.

4. Le të dalë një që thotë se ndonjëherë nuk e kam përfillur mendimin e dikujt! E keqja është se borës së bardhë kurrë nuk i them e zezë as të zezë e bardhë për hatër të askujt!

[Besoja]

Shqipëria nuk po digjet Adem vëllai por nuk di nëse do provojnë ta djegin prapë!
Do kisha dëshirë të ishe më shumë i proekupuar për Kosovën se ajo është vendlindja tënde.
Megjithatë,ti ke zgjedhur Shqipërinë për vendlindje dhe kjo nuk ka asgjë të keqe.
N.q.s. ti fjalët fyese nuk i quan të tilla,nuk mundem ta kuptoj!!!Dhe nuk është e mundur të mos i dallosh dot!
Po unë nuk e kam problemin se sa të digjet ty shpirti për Shqipërinë.Nëse e do,duaje dhe mirë bën por kjo nuk do të thotë që të gëzohesh sa herë që fyen e shahen qeveritarët.Që të kritikosh qeverinë,jo vetëm është normale dhe e domosdoshme por jo të fyesh persona të veçantë.Se unë o Adem vëllai nuk e kam merakun se po fyet një qeveritar.Meraku im është që forumistët të mos fyejnë askënd edhe pse dikush don të fyet vetë.Le të fyet,punë e tij.Ndaj thashë që profesioni i mësuesit duhet të ndikojë në këtë drejtim.Asnjëherë nuk duhet të gëzohemi kur dikush ofendohet,qoftë kush të dojë e sa vjeç të dojë.Një mësues,nëse jeni vërtet i tillë dhe jo arsimtar,nuk duhet t'i hedhë benzinë zjarrit.