Ora 11:00-Disa ore pas ngjarjes, policia zbardh detaje rreth shpërthimit të eksplozivit në banesën e një avokati, ngjarje që tronditi qytetin e Shkodrës në mesnatë. Pas hetimeve paraprake, policia vërteton se eksplozivi që u përdor për shpërthim ishte i llojit tritol dhe i sasisë rreth 400-500 gramë. Ngjarja ndodhi rreth orës 23:00 në lagjen “Qemal Stafa”, ndërsa tritoli ishte vendosur në shkallët e banesës. Burimet pohojnë se pas shpërthimit banesa u dëmtua plotësisht. Fatmirësisht sic pohojnë efektivët blu nuk pati dëme në njerëz, por ngjarja mbetet ende pa autor. Policia e Shkodrës ka ngritur grup hetimi për identifikimin e autorëve të kësaj ngjarje që mudn të ishte kthyer në një tragjedi për familjen Lepuri.
Shkodër, shpërthen tritoli në banesën e një avokati
Ora 07:00-Një sasi lëndë plasëse ka shpërthyer në orët e mesnatës pranë banesës së shtetasit Gjon Lepuri, me profesion avokat në qytetin e Shkodrës.
Burime pranë policisë së Shkodrës bëjnë të ditur se ngjarja ka ndodhur në lagjen “Qemal Stafa” në banesën e 48 vjeçarit Lepuri ndërsa anëtarët e familjes ndodheshin ë gjumë. Sipas njoftimeve të para, shpërthimi i lëndës plasëse që dyshohet se ishte e llojit tritol, që ishte vendosur pranë derës së banesës, nuk ka shkaktuar dëme në njerëz, ndërsa konstatohen dëme të shumta materiale. Anëtarët e familjes Lepuri jane zgjuar te tmerruar, ndersa momentalisht jane në gjendje të shokuar pas ngjarjes.
Është e paqartë sasia e tritolit të vendosur, por ekspertët dyshojnë se bëhet fjalë për një sasi të konsiderueshme pasi është shkatërruar komplet banesa e avokatit. Grupet hetimore të policisë dhe Prokurorisë së Shkodrës janë në vendngjarje duke bërë ekspertizën për këtë ngjarje, për të cilën akoma nuk dihen autorët dhe motivet.
(d.b/BalkanWeb)
Përgjigju Duke Cituar
Postuar më parë nga goldian
Krijoni Kontakt