“Masakra e Qafë-Gjashtës”, akuza kërkon 216 vjet burg
E ENJTE, 03 MARS 2011 09:54
http://www.panorama.com.al/panorama/...%20gjashta.jpg
Përfaqësuesi i Prokurorisë paraqiti dje në gjykatë kërkesën për shpalljen fajtor dhe dënimin e dhjetë të pandehurve, pesë nga të cilët gjykohen në mungesë, pasi ndodhen jashtë Shqipërisë. Sipas Prokurorisë, të akuzuarit kanë kryer veprën penale: “vrasje për shkak të cilësive të veçanta të viktimës”, ndaj oficerit të policisë Gjergj Mehmeti, si dhe vrasje mbetur në tentativë ndaj oficerit Eduart Aliaj. Ngjarja ka ndodhur në 4 mars 1997 në dalje të Sarandës, në vendin e quajtur Qafë-Gjashtë. Oficeri i policisë Gjergj Mehmeti u ekzekutua në makinën e shërbimit pas disa minutave shkëmbim zjarri mes forcave të rendit dhe grupeve të armatosura. Në lidhje me këtë ngjarje, Prokuroria kërkoi dje dënimin nga 20 në 24 vjet për Vladimir Sinanin, Nestor Sinanin, Edmond Sejkon, Alqi Pagunin, Eduart Çipën, Mikel Këndezin, Arben Këndezin, Agron Qurkun, Aleko Balajn dhe Ristan Laken. Ata akuzohen se kanë qenë pjesëmarrës në grupin e personave të armatosur që i zunë pritë makinës së efektivave të policisë, në afërsi të karburantit në Qafë-Gjashtë. Tre oficerët e Policisë së Shtetit, Gjergj Mehmeti, Eduart Aliaj dhe Sokol Bizhga kishin qenë me shërbim në Sarandë gjatë asaj dite. Ata kishin bërë përpjekje për ringritjen e komisariatit të policisë së Sarandës që ishte marrë nën kontroll nga bandat e armatosura dy ditë më parë. Gjatë kthimit nga Saranda në drejtim të Gjirokastrës, tre oficerët kanë ndaluar një banor të zonës të cilin e kanë marrë në makinën e tyre, tip Benz 240. Të vënë në dijeni për këtë fakt, disa persona të armatosur i kanë zënë pritë makinës së policisë në Qafë-Gjashtë dhe aty ka ndodhur shkëmbimi i zjarrit. Nga skena e krimit arriti të largohej oficeri i policisë Sokol Bizhga. Kolegu i tij Gjergji Mehmeti rezistoi në makinë derisa i mbaroi municioni dhe më pas ai u vra, kurse trupi i tij u dogj në automjet. Më pas grupi i personave të armatosur mori peng oficerin tjetër Eduart Aliaj i cili u keqtrajtua fillimisht në vendin e ngjarjes dhe më pas për disa ditë me radhë në qytetin e Sarandës. Bandat e armatosura e lanë atë të lirë vetëm pas një jave keqtrajtimi në qytetin e Sarandës, kryer ndaj tij edhe publikisht.
PRETENCA
Vladimir Sinani,
24 vjet burg
Nestor Sinani,
21 vjet burg
Edmond Sejko,
22 vjet burg
Alqi Paguni, 21 vjet burg
Eduart Çipa, 20 vjet burg
Mikel Këndezi,
23 vjet burg
Arben Këndezi,
21 vjet burg
Agron Qarku,
23 vjet burg
Aleko Balaj, 21 vjet burg
Ristan Lake, 20 vjet burg
Postuar më parë nga Brari
tani duhet te keni kujdes ju andej sepse ju se keni mare vesh akoma me duket
Përgjigju Duke Cituar
Krijoni Kontakt